Ice Bean Cafe

☕️ -86°C Dirty：極致嘅霜面來自店家將杯子放入醫學級雪櫃，冷凍至少12小時嘅堅持。熱 espresso 即場淋下時冒起嘅輕煙，喺霜面上短暫暈開，店主友善提醒：「記得黃金30至40秒內飲完呀！」熱燙嘅咖啡液醇厚濃郁，帶明顯嘅堅果與焦糖香氣，質感幼滑如絹。隨著傾斜嘅角度，下層冰涼嘅特調牛奶緩緩湧入舌尖，嗰陣甜潤綿密嘅奶香瞬間化開，與咖啡嘅濃烈形成溫柔對比。最妙嘅係中段黃金時刻嘅轉變——隨著冷熱喺杯中交融，溫度從「熱」轉為「暖」，再漸漸過渡至「冷」。咖啡與牛奶喺溫差中自然混合，創造出如咖啡味軟雪糕般嘅第三重口感。佢哋特調嘅牛奶明顯比普通鮮奶更濃稠綿密，甜度克制，卻完美承托起咖啡嘅厚重。三十秒內，一杯之間，從熱燙到冰涼，從濃烈到清甜，層次分明。🍦 蓮花脆餅軟雪糕牛角包窩夫（北海道8.0牛乳雪糕）試完咖啡，當然要試甜品。牛角包窩夫焗得恰到好處，外層酥脆，內裡保持住牛角包特有嘅鬆化層次，牛油香氣樸實誘人。而最驚喜嘅係上面嘅軟雪糕——店家選用北海道8.0牛乳製作，入口瞬間便知不同：質感極致幼滑，綿密如細雪融化喺舌尖，奶香濃郁醇厚卻毫不甜膩，帶住天然乳脂嘅甘甜。與焦糖鹹香嘅蓮花脆餅、牛油酥香嘅窩夫同食，冷熱交織，濃淡相宜，簡單嘅組合因頂級食材而美味非常。小店人流不絕，不過店內各人有著流暢嘅默契，沒有催促，沒有慌亂，流暢地製作出一杯杯香濃嘅咖啡及款款美味嘅食品。…查看更多

鰂魚涌有個怪獸大廈，係香港其中一個獨有嘅打卡勝地。呢度開咗唔少小店，今日就嚟試一間高人氣Cafe。呢度最出名嘅，就係佢哋嘅-86°C Dirty，我哋當然要叫嚟試吓。上枱嘅時候，見到杯邊結咗一層冰霜，店員話立即品嚐係最好嘅。飲落去首先飲到Espresso嘅咖啡香味同小小苦味，然後再混埋好香奶味嘅秘制牛奶，加埋冷熱交融嘅感覺，成杯飲品令人覺得好舒服，真係可以一啖就飲晒佢-86°C Dirty Coffee (可樂版)咖啡加可樂，聽起嚟好大膽，但其實飲落去有驚喜！加上用雪凍咗嘅咖啡杯飲，令口感更清爽。味道上，咖啡嘅苦澀同可樂嘅甜味氣泡碰撞出獨特的層次感。咖啡帶黎濃郁香氣，可樂則增添甜度加碳酸嘅刺激，其實似係咖啡風味嘅汽水，啱哂想提神嘅人，亦適合而家悶熱嘅天氣大眼仔雪糕👁️‍🗨️同呢個打卡勝地最配合嘅甜品，外表超級可愛。佢哋嘅雪糕好重牛奶味，超正，配上淡淡嘅抹茶粉同抹茶醬，味道好夾。最底層有granola 增加口感，每一粒都好脆，仲有酸酸甜甜嘅感覺。呢度店面唔大，都有三四張枱可以俾人坐吓，chill下。見到佢哋Menu上有好多選擇，而且間唔中都會有啲特色口味推出，好有心思同創意嘅小店👍🏻…查看更多

近期人氣之選「-86°C Dirty Coffee」🧊 店家會先將專用玻璃杯放入超低溫雪櫃冷藏至少12小時，之後再即場注入熱濃縮咖啡。☕ 提醒最好在30至40秒內飲用，因為這段時間內，你可以先飲到熱咖啡的濃郁，然後感受到溫度逐漸變化，最後杯身的冰凍感會慢慢滲透，形成三種不同的口感階段。層次感比一般 Dirty 明顯！如果想影相或拍片，建議一上枱影啦，否則霧氣好快會消散。打完卡，記得把握時間飲啦，先能體驗到溫度變化。…查看更多

最近-86°C Dirty真係好hit，一知道 Ice Bean Cafe 有就即刻 mark 實！去到仲有驚喜，原來就係怪獸大廈入面，環境超特別，坐低嘆咖啡再欣賞周邊景色，打卡效果一流！一般 Dirty 都係常溫，而呢度用咗 -86°C 冰杯盛載，入口瞬間冰冷，刺激感十足。初入口係濃厚咖啡香，隨後同柔滑秘製牛奶融合，即刻變得順滑，層次感非常突出。杯邊仲有薄薄冰霜，視覺效果滿分，呢種體驗屋企絕對做唔到，真係要嚟親身試！我哋仲叫咗芝士豬柳牛角包窩夫🧇，外層酥脆帶蜜糖同牛油香，咬落去有豬柳的鹹香，再加上芝士的濃郁奶香，超惹味！食完好有滿足感，令人回味。😋Ice Bean Cafe 仲有好多食品同飲品睇落都好吸引，可惜胃空間有限。今次同朋友嚟，下次一定要帶埋愛影相又愛咖啡嘅老公一齊，相信佢都會好鍾意！店員都非常友善，就算忙碌都保持笑容，態度親切，令人感覺好舒服。今日真係過得好開心，發現咗一個寶藏地方！😆…查看更多

【隱世咖啡奇遇記】全港首創❄️-86°C Dirty冰火衝擊！鰂魚涌Ice Bean Cafe 玩轉極致口感今次到我飲呢杯正嘢啦！鰂魚涌呢間Ice Bean Cafe，係全港首間可以飲到「-86°C Dirty」嘅咖啡店！聽個名都打冷震啦係咪先？❄️ 震撼級冰火體驗：-86°C Dirty佢哋用醫學級雪櫃將隻咖啡杯雪到零下86度，然後即場沖入熱辣辣嘅濃縮咖啡～你睇住佲倒落去嗰陣，啲冷熱交纏嘅煙飄出嚟，未飲已經覺得過癮！店員會同你講：「30秒內要飲第一啖啊！」一入口，哇！真係好似食緊液態咖啡雪糕咁，又滑又濃，上面係熱咖啡嘅香醇，隻杯嘅極凍感覺又同時傳上嚟，個「冰火」層次誇張到呢～飲到落底，因為溫度極低，啲奶同咖啡會結實咗少少，口感又有啲唔同。講真，體驗真係一流，夠晒IG-able！不過問心，咁極端嘅口感，間中試一次威吓就夠，平日飲返普通Dirty已經好幸福。🥐 邪惡到爆：火腿芝士牛角包窩夫呢個真係驚喜！佢將牛角包壓成窩夫格紋去焗，外皮脆到「索索」聲，面頭灑咗啲糖粒，咬落有微微焦糖脆感。入面夾住半溶嘅芝士同鹹香火腿，鹹鹹甜甜，脆脆軟軟，層次多到數唔清！邪惡之選，但真心推薦，嚟到一定要叫！👍 服務貼心，加分！雖然鋪頭細細，假日仲多人到呢～但啲職員真係好細心，見你拎住嘢會主動幫手，又會勤力抹枱遞水，態度好親切。呢啲細節位，而家好多Cafe都做唔到啦。總括嚟講，如果你係咖啡獵奇者，想試啲全香港獨一無二嘅玩意，呢杯-86°C Dirty絕對值得你山長水遠走一轉。記住，相機食先，手腳要快啊！你試咗未？快啲call埋你身邊嗰個鍾意試新嘢嘅朋友，一齊去挑戰呢杯「極凍Dirty」啦！你頂唔頂得順個冰火感覺！#負86度dirty #冰火九重天 #香港首創 #咖啡獵奇#鰂魚涌美食 #怪獸大廈打卡 #冰火Dirty #香港咖啡店#hkfoodie #hkig #香港美食 #hkcoffee #特色咖啡#周末好去處 #香港打卡 #食完仲可以去打怪獸…查看更多

一直都知鰂魚涌怪獸大廈新開咗間coffe shop，主打嘅-86°C Dirty好出名❄️今次特登係15:30嘅時間嚟，諗住唔洗等咁耐，點知都係好多本地人+遊客慕名而来👥可見有幾咁出名，建議想試嘅大家要做好排隊嘅心理準備☕-86°C Dirty Coffee基本上人手一杯，因為確實幾有噱頭，店主會將杯雪凍至少12個鐘，杯身結滿雪霜🧊再即場倒入濃縮咖啡，建議40秒內飲完⏱️先感受到「溫差層次」：頭兩啖係超濃espresso，飲到中間會開始滲出奶味，變得厚滑，凍啡同暖奶嘅交融係幾過癮嘅🍦焦糖餅乾北海道8.0除咗咖啡，呢到仲有雪糕同窩夫等等嘅小食，見佢哋牛奶雪糕都出名，所以嗌咗其中一款試，質地好軟滑，奶味確實好濃厚🥛配埋焦糖餅乾真係幾滿足…查看更多

對港島東唔太熟悉嘅我, 搵到個雙重打卡位：鰂魚涌嘅怪獸大廈同埋呢間飲-86℃咖啡小店 𝕀ℂ𝔼 𝔹𝔼𝔸ℕ呢個地方都搵咗一陣先搵到, 原來係對住大街嘅入口, 入到去彷如去咗第二個世界, 又見到好多人出出入入, 原來大部份人都係懷著共同目的, 但不幸地怪獸大廈外牆進行翻新工程, 那只好集中去返 𝕀ℂ𝔼 𝔹𝔼𝔸ℕ打卡吧佢地𝔰𝔦𝔤𝔫𝔞𝔱𝔲𝔯𝔢 -𝟖𝟔℃ 𝓓𝓲𝓻𝓽𝔂見到差不多人人都會點, 我嚟呢度都係為咗佢, 同埋聽聞佢嘅牛奶雪榚都係非常香濃, 緊係要試埋啦 (雪榚可配搭咖啡、抹茶、焙茶、開心果等）我揀咗焙茶味雪榚勁奶同好軟滑睇返原來杯dirty建議最好起40秒飲哂, 就會𝒻𝑒𝑒𝓁到〖唔同溫度同口感〗, 但對平時飲開奶啡的我, 第一二啖都是很濃的ℰ𝓈𝓅𝓇𝑒𝓈𝓈𝑜, 我怕心臟受不了, 所以我係嘆啡族, 不過都感受到所講的〖唔同溫度同口感〗。而飲到中間開始奶味漸濃，係厚奶嘅質地，淳厚濃滑Dirty 層次分明，好靚…查看更多

第一次幫親，真係好有人情味～ 應該係一對夫婦開既～ 加埋佢個女係到玩， 一家3口… 有講有笑，對客人都好有禮貌，又會同啲熟客傾計，有別於平時d cafe 俾人「型,cool 既感覺」 ！-86° C Dirty Coffee $68最近-86° C咖啡好紅，第一次試就係黎呢間小店飲～ 見住佢由一個冰到起晒霜既「雪糕」拎個杯出黎，到上枱個杯都係好冰～ 好得意.講返正題～ 杯dirty 好香！ 有明顯既咖啡油脂. 首先飲咗濃濃嘅咖啡味， 再飲到奶～ 係口中mix 返埋， 飲晒2 種味同口感. 蓮花脆餅軟雪糕牛角包窩夫$42比我預期中好味！個牛角包窩夫好香新鮮麵包味，同埋好脆！ 題外話… 我飲緊啡之際有3 個婆婆拎住拐杖黎飲同我一樣既dirty, 佢地互相打卡，好可愛…就係呢份人情味～ 野食野飲又好咪… 會令我想再幫襯！ …查看更多

♥爆紅-86°C Dirty 咖啡！每日只限70杯♥Viral Hot Deal - 86°C Dirty Coffee! Only 70 cups available daily!店家用醫學級雪櫃將冰杯雪到至少12個鐘，再即場倒入熱辣辣嘅濃縮咖啡～☕️ 店家建議拎上手後喺黃金30-40秒內飲完，咁先可以感受到先熱、再暖、後冷嘅三重口感！所以大家想打卡就記得一定要快手啲！Affogato 北海道8.0牛乳雪糕好味，值得一試😍The shop uses a medical-grade refrigerator to chill the cups for at least 12 hours before pouring in piping hot espresso! ☕️ The shop recommends drinking it within the golden 30-40 seconds of picking it up to experience the triple sensation of hot, warm, and then cold! So if you want to try it, be quick! Affogato Hokkaido 8.0 milk ice cream is delicious and worth a try! 😍✎ 我點了 (❁ᴗ͈ˬᴗ͈)•-86°C Dirty $68•Affogato $45📍 Ice Bean Cafe (鰂魚涌) @ice_bean_hk鰂魚涌英皇道1048號益發大廈地下7號舖
.・。.・゜✭・✫・゜・。.#hkfoodie #hkig #香港美食 #hkeat #hkfood #香港美食指南香港美食指南 #香港好去處 #instafood #香港生活 #香港日常 #週未好去處 #香港打卡#鰂魚涌 #鰂魚涌美食 #香港島美食 #怪獸大廈…查看更多

ever wondered wt hk’s COLDEST coffee tastes like? located in the quirky monster building, ice bean is known to be the first who introduce the -86°c coffee in hk thts been quite a buzz lately! indoor seats r v limited so we simply stood outside for the funny tourist scenes - cuz everybd was trying so hard to pose in front of the monster building while the local aunties were casually playing mahjong at the bk. 𖦹 -86°c dirty coffee (pistachio oatly) $68the iconic drink combines pre-mixed milk w a steaming hot espresso, all stored in a medical-grade freezer to ensure tht perfect chill - taste wise i wont say its exceptional bt def a fun exp to try. rmb its best enjoyed within 30-40 secs of being served (we delayed a bit cuz nda tk picsss rahh)!! nt sure if its related to the oat milk tht we opted for, its nt as sorbet-y/ creamy as we imagined, espresso base was on the nutty side. 𖦹 monster affogato (hojicha) $45a decent blend of milky hokkaido soft serve & the rich hojicha sauce. 𖦹 lotus ice cream croffle $42THE honourable mention. the croffle was wonderfully crispy & buttery tht surprisingly SO YUMMY - perfect (guilty) snack for tea time.…查看更多

今日特登去咗怪獸大廈入面呢間Ice Bean Cafe，試咗佢哋獨創嘅負86°C Dirty Coffee，真係靚到唔捨得飲😍！杯邊結住薄薄冰霜，飲落去先係冰凍幼滑嘅厚奶，再滲出溫暖香濃咖啡，冰火二重奏超正☕️✨！仲有個芝士豬柳牛角包窩夫熱辣辣上枱🧇，牛角包壓成窩夫格紋脆卜卜，夾住流心芝士同juicy豬柳，邪惡到震🤤！食完仲可以順便喺怪獸大廈打卡📸，呢個combo真心完美～全港得呢度飲到負86°C咖啡，咖啡控必嚟朝聖👍🏻！…查看更多

一路都好想試-86度dirty 咁啱今日去咗太古嗰邊 就去飲吓原來佢嘅位置就係打卡熱點怪獸大廈旁邊 座位唔多 但流動都算快！有3大個冰櫃！要咗一杯原味dirty 同埋另一杯 老闆娘推介嘅secret menu!首先原味dirty 佢ge secret milk 好creamy!擺低打完卡就要好快飲！Secret menu果杯 個配搭令我覺得好驚艷我覺得會係 飲開Americano ge人會鍾意飲！仲有啲上頭嘅感覺 好正！仲有lotus 脆餅軟雪糕牛角包窩夫！即叫即整！所以加埋軟雪糕 上枱後要快啲食！牛角包窩夫鬆脆 配雪糕一鹹一甜 好好味！食完仲可以出去怪獸大廈打個卡！…查看更多

近排見到網上-86度Dirty突然大熱，有幾間coffee shop特地引入醫療級雪櫃，將dirty杯放入雪櫃冷凍至-86度🧊據說會令牛奶變得似雪糕狀🍨令咖啡更有層次。第一間我見到有推出嘅就係位於鰂魚涌怪獸大廈內嘅Ice Bean，於是搵日假日去朝聖一下，果然吸引到大量人流🔥舖頭細細得幾個位，好多人都企喺店外怪獸大廈嘅平台等啡。☕️-86度Dirty $68杯身結晒霜，賣相幾igable📸因為溫差關係，要喺30秒內飲晒先係最佳狀態。第一啖飲到仲熱嘅咖啡，醇厚帶輕微spice味，烘焙度高。可能影相用咗少少時間，底下嘅牛奶都係偏液體狀，幾滑不過就唔覺似雪糕或者好特別🤔以Dirty嚟講，個咖啡都幾好飲😙不過假日企喺度等咗大半個鐘，就覺得未值得到排咁耐了🤣推介指數（10分為滿分）：7分…查看更多

‼️ 怪獸大廈裏的 負86❄️☕️ ‼️ ️·①［ 負86度髒髒咖啡 // 蓮花脆餅軟雪糕 // 蓮花脆餅軟雪糕牛角包窩夫 ]| 呢排超𝐡𝐢𝐭的 「負86度髒髒咖啡 」 ，由上面飲暖暖苦苦地嘅☕️，之後慢慢滲出凍凍地（口感偏厚）的🥛，幾特別的～「 蓮花脆餅軟雪糕 」 🥛雪糕 唔似係平時食開嘅🍦。佢係偏𝐜𝐫𝐞𝐚𝐦𝐲同厚口感，温度亦冇咁凍的。同埋去到尾 𝐥𝐨𝐭𝐮𝐬 𝐛𝐢𝐬𝐜𝐨𝐟𝐟都幾多下！「 蓮花脆餅軟雪糕牛角包窩夫 」 個🍦係一樣的，🧇好脆有咬口，推介(✌^∀^) ｜𓋪7.5/10•Ice Bean Cafe (鰂魚涌)鰂魚涌英皇道1048號益發大廈地下7號舖…查看更多

最近「-86°C Dirty Coffee」好hit, 原來係冰火碰撞嘅魔術首先杯Dirty Coffee，個賣相已經贏咗！佢唔係普通冰杯，個杯邊真係掛住一層超薄嘅冰霜，聽講係用-86°C急凍技術處理過。店員叫我哋要快啲飲，一啖就要到底。第一啖：熱辣辣嘅Espresso衝落喉嚨，濃郁到不得了！跟住冰凍嘅奶香即刻湧上嚟，個口感層次真係犀利，一時凍一時熱咖啡嘅苦同奶嘅甜平衡得啱啱好，成個過程爽到呢，真係未飲過咁過癮嘅Dirty！阿芙佳朵 (Affogato)：甜品界嘅Espresso炸彈跟住到個阿芙佳朵，簡單講就係「雪糕畀Espresso浸死」嘅藝術。佢用咗雲呢拿雪糕，球雪糕夠挺身，唔會一淋咖啡就溶到冇影。一壺熱辣辣嘅Espresso淋落去，雪糕慢慢融化，同咖啡撈埋一齊，啖啖都係咖啡嘅香醇同雪糕嘅幼滑。甜中帶苦，又凍又暖，食完成個人都醒神晒！芝士火腿牛角包窩夫：佢將成個牛角包壓成窩夫咁樣，外層脆到「咔嚓」聲，但入面依然保持到牛角包嗰種酥鬆同牛油香！入面有芝士同鹹香火腿，切開仲有拉絲效果！芝士嘅濃、火腿嘅鹹、同牛角包窩夫嘅牛油香，三樣嘢夾埋一齊，邪惡到一個點！又脆又軟又煙韌…查看更多