GUM "JENG!" X 御前上茶 (已結業)

試過佢啲tea set唔算好大碟, 但食tea都ok嘅。但如果夜晚食埋飯我就覺得有啲貴啦，抹茶嘢飲我唔係幾鍾意個味同冇乜特別。雪糕就好快溶，所以去食都唔會加正餐啦，就咁食個tea，食下甜品，坐下都幾靜幾舒服嘅 …查看更多

記得以前食御前上茶既甜品真係好好食不過今日再嚟一試同以前嘅味道真係爭好遠焙茶雪糕🍦白玉丸子🍡紅豆焙茶雪糕欠缺茶味嘅情況下加上好甜既紅豆就被紅豆完全蓋過左雪糕嘅味而且雪糕嘅份量非常之少攞到出嚟都已經溶咗一半抹茶聖代一眼睇晒其實只不過係抹茶雪糕上面插咗塊餅中間有啲蛋糕同粟米片最底有啲抹茶啫喱同樣係雪糕份量少雪糕亦都欠缺抹茶味🍵買單計埋+1 180幾蚊兩個甜品都非常令人失望而且店員態度亦都比較差見你食完之後有一種不停趕你走嘅感覺真係櫈都未坐暖雪糕就溶咗跟住就俾人趕走所以應該唔會再有下次👋🏻…查看更多

個人都幾鍾意食抹茶 🍵所以嚟左間比較出名嘅抹茶店黎朝聖😀一直都好想試到雪糕 但點知去到雪糕機壞咗😭😭😭好傷心所以唯有同朋友試咗-御前菓子組合 叫咗兩杯野飲抹茶拿鐵豆腐飲 焙茶拿鐵豆腐飲☺️ 個組合有小丸子蕨餅泡芙綠茶芝士餅 每樣都少少 個人都幾鍾意食煙un 野 所以幾鍾意佢嘅蕨餅同小丸子另外果兩個一般啦 性價比唔高不過嗰兩杯嘢飲真係好好飲👍抺茶同焙茶都正！可以滿足到我嘅抹茶心 而且有啲豆腐 有啲嘢食吓 都幾配合😀杯嘢飲係最滿意嘅不過由於冇得食雪糕 真心有啲失望....…查看更多

大熱天時，行到攰，突然想食榴槤甜品，見到餐牌有 ，即刻入去try try ，order咗個貓山王榴槤飄香，一上枱，嘩。。。稀到好似水咁，盛惠68$加一，10羹食完，另外叫咗個綠茶雪糕白玉，完全冇綠茶味，完全無誇張，未食過咁難食嘅綠茶雪糕。。。。。。。。一定無下次。伏到我要上OpenRice出我第一篇嘅comments。。。奉勸大家小心。。。。。。。。。。。。。。。。。。。。。。。。。。。。。。…查看更多

食完雞煲同朋友諗住食埋個甜品先去shopping，佢推介呢間俾我，話有好食既抹茶甜品，點知中伏到爆登！叫左個火炙醬油白玉團子同抹茶雪糕戚風綜合，前者係ok，白玉軟糯，唔係硬掘掘好實既粉團咁，配個少少甜既鹹醬油幾好食。但佢個雪糕戚風綜合簡直係難食到嘔，menu圖文不符，先講佢個戚風蛋糕，完全唔係戚風蛋糕，無戚風蛋糕既鬆軟，一啲都唔輕盈柔軟，毫無彈性，最好笑佢只係撒堆劣質既抹茶粉響上面，咁就叫抹茶戚風蛋糕囉！一睇就知抹茶粉劣質，啲色暗淡又黃。佢幅圖係成件蛋糕都綠色架囉！完全被騙！最嬲都唔係呢樣，我第一下食啖雪糕想吐出黎都吐唔到🤮🤮🤮🤮已溶左係口，唔_係掛？！係榴槤味！！？綠色既雪糕你以為係抹茶？sorry ！係榴槤！即刻同個waiter講佢話換俾我，我事後睇返有食評家都係話食到有榴槤味⋯咁佢換返成碟新俾我地，諗住無田啦，what！？想點呀！又係咁，究竟佢賣榴槤定抹茶雪糕架！？再同佢反映，我朋友問佢地係咪兩隻味同一個出口出，佢話係，話一係換筆出黎一球球個啲雪糕俾我地，有朱古力、芒果、士多啤梨同培茶，我土揀左培茶，點知轉頭又話無，咁揀無可揀之下揀左士多啤梨，點知佢竟然俾一球我地，下唔係呀嘛！？我問佢咁你俾一球係咪收返呢個價，佢話係，我話但原先抹茶雪糕係份量多好多喎，你係咪要減返個價，佢話唔減得最多俾多球我地。嘩！咩態度！我唔出聲你就唔俾多球，但我地係唔想要多球，因為太難食，俾都唔要，最後食左一半碟野就走，我地食完成肚火，貼錢買難受！！重要收service charge，好唔憤氣！！何來有service ? 咁就$121⋯俾多少少食返有保證既中村藤吉或者via Tokyo 開心多！呢間野唔配稱自己賣抹茶，本身想話佢只係綠茶，但唔係囉，佢賣榴槤架咋！…查看更多

食飽飽， 自然想食個甜品🤭更prefect 被佢個店面吸引左， 打開餐牌價錢大幾45-60 左右一款我地5 個人想share 來食，點左3 個甜品， 之後個侍應先走埋來講： 每人有最低消費， 比佢足漲你都可以落單時， 講埋啦！ 唔係坤左人落搭，事後先講最好笑我地睇餐牌， 同枱， 周圍都冇寫明， 有最低收費喔！上甜品， 買相ok , 但偏甜不過咁的services , 同咁唔老實 冇下次失望😞甜品好多煉奶 重口味！…查看更多

晚後甜品係常識吧。一班朋友晚飯後一齊坐坐，食個甜品，可惜⋯餐廳環境裝境不錯，便決定了幫襯這間甜品店。餐廳的甜品選擇十分多，可惜叫乜冇乜。朋友點芝麻糊，冇芝麻糊。改點豆腐花，冇豆腐花。再改奶凍，都係冇的！最後點了楊枝甘露。可惜，芒果勁酸，用了芒果糖精，用料令人失望，味道令人難以接受。同行友人點了榴連甜品，榴連果肉極少，價錢偏貴，令人十分失望。綠茶雪糕係招牌菜色，心諗點都冇得輸，可惜，有榴連味！肯定冇食錯。雪糕一上枱已經溶了一半，衛生情況有待改善。整體來說，價錢偏貴，用料欠佳，味道令人失望，應該以後不會再來了。…查看更多

食完晚飯,搵飯後甜品食！被門口招牌吸引甜品選擇不是很多,而且價錢偏貴，份量少打正日本甜品其號，實物根本就圖例不一🤦🏻‍♀️6個人叫左6個甜品！承惠$294,仲要加一食完仲慘過食空氣梳乎厘 御搽茶,淡如水！…查看更多

話說約咗Honey去睇戲，所以就拿拿林去搵間餐廳食個晚飯。見到佢個門面幾OK就入左去。入到去座位就非常擠迫，手袋只可以放係大脾，簡單啲講肥妹勿進。睇到餐牌已經知道中左招，因為餐牌內一半都係甜品。唯有叫啲安全飯，我叫咗份 鰻魚飯餐。前菜：雞絲底有菜，配上芝麻醬同類似豆瓣醬或辣椒醬，配搭非常奇怪。鮑汁時蔬：生菜一般，鮑汁係蠔油，重要係唔好味嘅蠔油。鰻魚飯：鰻魚只得半塊，同相片有出入。飯多大碗非珍珠米，鰻魚汁怪怪地，似BBQ醬。配上味噌湯同綠茶，只會飽肚，總括而言，廚房嘅人未夠班。由於我食到一半好暈好想嘔，已經分唔到係唔好食定係冷氣唔夠。最後要俾加一服務費，不值。…查看更多

夜晚十點左右同幾位朋友一齊去食甜品，點菜同上餐速度OK快，但我哋坐低到食完前後都唔夠15分鐘，侍應已經係咁收走我哋啲碟同係咁抹枱，抹完一次仲唔夠仲要過嚟再大大力咁喺我哋面前抹，冇錯係大大力咁呀明明枱面都已經冇邋遢野。到最後我都唔想阻住其他客人入嚟咁我就建議走啦，點知個員工喺後要做一個yesss 嘅手勢（好似佢成功趕走我哋好開心咁）。我知道你想做多啲生意，但係我到最後真係計過時20分鐘都冇，咁你不如貼個牌出嚟話唔准啲客人傾計同限時離場啦。如此難受嘅經歷就算食物幾OK我哋都唔會再去（何況係好普通同overpriced 到爆）我建議呢間鋪頭可以改做淨係做外賣唔使做堂食，咁咪可以慳返啲人手抹枱囉，你話係咪？…查看更多

去到廣華街搵朋友，到上一次黎過呢間食，記得係食tea，麻麻地，睇下今次如何。記得佢係甜品為主，今次黎多咗選擇（唔知係咪晚市多啲定點）。餐牌上正價單點可以買一送一，如果叫米線套餐係唔可以計算在內，一般一款50至70元。新年食左好幾日飯，叫下啲米線類。朋友叫嘅係櫻花蝦茶漬飯，我本身麻麻地茶漬飯，朋友話ok（佢上次黎都係食呢個😂）我就係酸辣蝦卷豬肉丸米線，份量絕對唔多，單點係唔抵，如果晚餐想食得飽，起碼要叫兩份，當晏小小嘅菜餐還可以。有位女店員唔知係心情唔好定點，問咩都無心機答，連埋單都係好平淡。…查看更多

同朋友們食完飯，朋友建議食甜品，仲帶左我地嚟哩間食抹茶甜品☺️去到都排左一陣先有位，好多人食貓山王雪糕我地叫左2個御前綜合聖代，都幾大杯🥰🥰另一個朋友叫左個班戟，樣子唔討好，所以我都唔記得影相，朋友話同M記差唔多味😂杯聖代有軟雪糕，唔係抹茶味，有啲失望😢白玉幾煙韌，唔會甜👍🏻甜脆麥濕左，唔太脆御前豆腐，非常嫩滑，帶豆香，有豆腐花嘅感覺🥰紅豆好大粒，甜甜的😋抹茶凍都唔太有抹茶嘅味道如果當綠茶甜品係幾好，但想食抹茶甜品嘅朋友可能會有啲失望😳…查看更多

今天在旺角正在想下午茶吃甚麼好, 行到去廣華街, 竟然見到門口有各式廣告寫滿買一送一的字眼, 姑且進去一試。外賣軟雪糕買一送一, 之前試過它的軟雪糕, 很稀的很快會溶, 口感也不綿滑。見堂食各類食品在下午茶時段也是買一送一, 於是進店內坐下。門外裝修很日式, 內裡也舒適, 門外陽光充足。不過冷氣是十分不足夠, 有點焗。好在開左門, 我們選了近門口的位置。我選了鐵板芝士牛肉煎蛋飯, 跟黑椒汁上。飯不夠熱, 黑椒汁不夠香, 只能說一般。牛肉算是足夠的, 飯就太少了, 幸好是吃完午餐來的, 不然一定要另外再 order 食物。家人這個豚肉飯也是怪怪的, 炒到乾身沒有汁, 豚肉又鞋又韌。這店是有加一的, 不過感覺服務只屬一般。即使近期做買一送一優惠, 我們都不會再來了。…查看更多

網上見到下午茶買一送一於是就同朋友黎試下呢間野本身以為會好多人排隊等位但好彩都冇想像中多人一入去就有得坐有位男店員都招呼得幾好呢間野好似出名抹茶🍵同埋咁啱想食雪糕所以我叫左個有抹茶雪糕🍦加白玉加紅豆嘅甜品雖則唔係抹茶控朋友叫左個香蕉朱古力味嘅班戟抹茶雪糕溶得唔快可以慢慢食加埋白玉同紅豆賣相都唔錯但就真係好一般冇咩特別同驚喜純粹為打卡同貪平🤭朋友個班戟都係咁上下水準食得多會濟🤔但係就覺得佢地個計法好奇怪我地有問過職員點樣計淨係記得佢地係計左加一然後再減翻唔知邊條數我同朋友都問號哂不過講真如果原價嘅話真係都幾貴下有啲唔值…查看更多

勁耐冇食過御前上茶 記得之前御前上茶淨係得甜品賣🤔依家出左勁多主食，個餐牌多到睇5分鐘都睇唔曬😂趕時間就食翻個貓山王軟雪糕新地先🤤$58都唔平，配料有脆米同榴連蓉等左大概一兩分鐘就有，個樣正正常常、冇乜特別咁啦。雪糕食落細滑，好creamy，惟榴連味唔夠濃，有d失望:(但係榴槤蓉就幾好味，榴槤味超級濃郁，而且成熟嘅程度啱啱好，非常甘香個新地比我想像中細杯，雖然味道OK，但咁貴性價比唔高依家佢仲做緊下午茶買一送一，好抵，下次去試吓先😳…查看更多