Grove (始創中心)

香煎比目魚柳意粉，魚皮酥脆，魚肉鮮嫩滑。牛肉漢堡，肉質鮮嫩惹味多汁，好食。煙三文魚牛油果烤田園沙律，魚具有濃郁煙燻香味，肉質鮮嫩，牛油果味道濃郁，食落淡淡堅果香氣。…查看更多

入咗去問佢有冇位, 佢話冇, 所以我喺出面等.. 之後佢繼續放客入去買嘢食.. 我再三問多次係咪要喺出面等.. 佢話係.. 但係人哋唔使排隊就可以坐低食嘢.. 🤷🏻‍♀️🤷🏻‍♀️🤷🏻‍♀️🤷🏻‍♀️垃圾.. 離曬譜.. 鬧到佢癲咗.. 淨係識err err err err... 之後有一個女仔嚟咗, 話可能溝通上有問題.. 仲要話我冇講清楚幾多個人.. 🤷🏻‍♀️🤷🏻‍♀️🤷🏻‍♀️一肚火, 冇食走咗!!!!…查看更多

首先講佢個水波蛋芝士煙肉菠菜忌廉菠菜麵，啲煙肉已經好稀有，然後芝士同忌廉都失蹤咗🫥唔知係咪我理解錯咗，完全唔係想像嗰回事，亦唔知個汁係點樣整出嚟(定其實嗰啲係意粉水？係冇味嘅🫥) 嗰隻水波蛋都係我食過最難食嘅蛋，佢個蛋白嚡過鞋底，咬落入面係水嘅，同樣都係冇味。然後嗰杯抹茶牛奶就犀利啦，睇落好綠好吸引，以為嘢食難食都算啦，都叫做有杯嘢飲頂住，點知一飲，抹茶味同牛奶味都冇🤓其實真係好難做到。。。。結論係仲衰過自己屋企煮，承惠$93。…查看更多

早餐餐牌見到牛油果殼物多士配藜麥烚旦張相都好大份下幾吸引、 點知份早餐一上枱真係有少少呆左、 塊多士既size 只係大過隻切開烚旦少少、 盛為$68..... 完全無飽肚感， 食完好似無食過野咁…查看更多

Grove cafe 🍵🍔 下午茶時段想找一間coffee shop chill一下我選擇了呢間地點方便，見有芝士漢堡包🍔配薯條下午茶餐剛合適想要，點了餐配鮮奶抹茶🍵，首先咖啡抹茶味濃我喜歡，漢堡肉質juicy 味道真不錯，賣相亦好👍讚！過了一個休閑的下午🤠…查看更多

頭髮有啲攣戴眼鏡嘅男仔態度好差，講嘢好唔掂，又大聲又粗魯，仲要冇禮貌！！講嘢講到成間舖都聽到，但係戴眼鏡嗰位女仔服務幾好，但係個男嘅紋身嗰位真係好唔掂❌❌❌❌❌…查看更多

星期五的下午，公司要清假，偷得浮生行街shopping。行到支攰，諗起未試過呢間cafe嘅tea，於是去試吓。下午4點左右嘅時間，得兩枱坐左人。Tea Menu有吾少選擇，咸甜都有，連pasta都有。自己唔想食咁飽，叫左雜莓撻+cappuccino。咖啡正常，好似唔多夠熱，唔知係唔係因為等左一陣先飲，比冷氣吹凍左呢雜莓撻都唔錯，本嚟驚佢好甜，但啲莓酸酸甜甜甜，平衡左，唔會覺得甜到「留」。無乜人，所以唔趕人，飲完食完我都仲坐左陣。五十幾蚊chill一chill，都吾錯。…查看更多

我同家人先入店等位，但竟然先安排後來入店的人先坐。搭枱冇標準，另一抬四座可以兩人坐，但竟將隔籬另一張枱成兩坐位給我同家人，而我同隔離一樣有背囊，又沒有安排位置给我放物品，但隔離兩個人座四位枱兩個位放背囊沒問題一，這種安排心裡十分不舒服。通常第一次去餐廳都會為食物家人影相，這次完全冇心情食，永久black list。…查看更多

減肥期間其實三文治都係一個好好嘅選擇，喺太子附近搵嘢食見到呢間Grove有賣慢煮雞胸凱撒三文治，就決定買嚟試吓。雖然價錢要$39，以三文治嚟講價錢有啲進取。但如果佢真係慢煮嘅話知道都好多功夫。食完之後發現有驚喜。雞胸嘅份量算多，真係做到慢煮滑身口感，配搭凱撒沙律醬同穀物包入口味道好豐富。生菜都好新鮮爽脆。女士嚟講好足料已經好飽肚。當Lunch或者dinner其實都好合適。見到佢仲有幾款唔同餡料嘅三文治，有機會經過會再試吓。…查看更多

今日出開魚街，唔想又茶記咁heavy，成日行過Grove又想食意粉咪試下，叫左個豬扒意粉（唔記得係咪豬鞍）加凍伯爵茶，坐低一陣黎杯茶，至於碟意粉………………，等左差不多四個字都未黎就問下，個男士話豬扒唔知要點整，咁再等，期間個男人再主動話要等多陣，之後見出意粉同魚，遲過我既都有得食，望下廚房，煎緊兩件唔知豬定牛，於是話唔要退錢，對方仲話就快有得食，真係咪搞，放假姐，唔代表我要咁等，同埋標榜休閒都唔係代表出餐慢成咁呀…查看更多

服務態度極差，所有好評應該係買返嚟，唔信嘅可以去試吓，非常趕客，真心唔明呢間Cafe員工咁不可一世嘅態度係喺邊度嚟？試過一次堂食，感覺已經唔好，但因為喺附近返工，可以舒服坐低飲杯咖啡食嘢嘅地方唔多，咁再試嘅就係買外賣，買外賣都要受氣🤣🤣一定唔會再有第三次…查看更多

女店員態度好差，落單時候同葛種不屑同高傲既語氣同眼神，令你好想同距對罵，呢種帶住情緒返工既態度，好趕客。冷氣冷，食完快走，野食一般。一直食開，女店員服務態度每況愈下，難怪越黎越少人黎，都唔想做生意。…查看更多

我哋三個大人兩個小朋友，買嘢食嘅時候佢先同我哋講話要有最低消費，佢根本成間餐廳都冇寫住話有最低消費，原本諗住走，點知佢話可以豁免我哋，咁反正我哋都坐低咗，所以照樣叫嘢食，咁其實我哋都叫咗三個餐，但佢全程黑晒面，最慘就係啲食物質素勁差，牛油果是爛的，咁都可以比客人食😡啲餐具亦都有污跡，叫佢更換嘅時候個女侍應黑晒面態度惡劣。不會再次幫襯😤大家如冇必要都唔好去。同場有其他客人同樣喺度投訴，佢冇寫最低消費，買嘢嘅時候先至同佢哋講，又係無奈咁硬，睇佢黑面。…查看更多

Cafe $40低消 合理但要受氣真係唔合理見唔到佢寫低消，叫左個餐之後俾哂錢，無啦啦提有低消，佢話寫左係門口（態度差），食客們可以慢慢搵佢個低消提示放邊（保證好玩過city hunt)…我地3個人叫左$12x，佢話唔計每人低消，都算，咁都要俾客人諗下要咩掛然後坐低左諗下叫咩，佢地好似好驚人唔叫咁，係咁話你叫杯野飲，其實佢不停講，不如直接收$40入場費啦，同朋友傾緊計都要提一提人未過低消最後都怕左佢地，立即衝去買，仲要俾人黑住面咁對待，真心貼錢買難受，chur 過澳牛…查看更多

平日2-3pm光顧，不是假日座位4成沒有人,不是爆場已經不是第一次買外賣，但出餐20mins 以上我前面個男人order 一杯drinks.要15mins 我買走一個teaset 要 30mins，是否也很正常？?做野的有4人在，工作力要加強…查看更多