Grill n More (已結業)

這裡主打韓式燒烤，除了一大堆生的食材可選擇外，其實還有很多熟食可選，可能就是因為這裡還有在做兩餸飯的關係！燒烤放題（５：３０—１０：００ＰＭ）（１９８元／人）單是熟食熟就有十幾款可選，各式中式小菜，如生炒骨，燉牛腩，炒排骨，班腩等，還有炸物可選！最好的地方還可我喜歡的無骨鳳爪！而主角韓式燒烤，常見的種類都有，其中我比較喜歡吃這裡的牛肋骨，牛舌，豬仔骨和蜜汁叉燒，調味都挺吸引的，吃起來也不會沾其他調味料也夠味了，當然重口味人士還可以沾燒肉汁了！飲品方面，這裡有個台式飲品配料的地方，有珍珠，紅豆，爆珠等給你加進飲品內，算是挺特別的，小朋友最愛！雪糕比想像中多選擇，味道也很多款，我都有吃到，能吃過癮！Ａ４和牛（額外加錢）看到這裡有做優惠就額外點來試試，油花不錯，吃起來非常嫩滑，是真的日本和牛！…查看更多

朋友介紹我嚟油塘呢間燒肉放題試吓 又真係幾抵食 幾值得推介俾大家😚 燒肉係自助形式拎野食嘅 外面有分咗唔同嘅區域拎野食 排列得幾整齊同埋有食物嘅tag👍🏻肉類推介基本上嘅豬牛雞都滿足到😎 安格斯黑椒洋蔥牛柳粒 極尚牛肋骨 汁燒牛舌 韓式護心肉 牛肉質素都唔錯😉 燒烤又點少得雞中翼同雞扒🐥 沙薑雞扒 韓式雞中翼 炭燒燒汁雞翼都幾厚肉 另外都食咗好多件豬仔骨 蜜汁叉燒 同埋五花腩🐷燒烤海鮮龍脷魚柳 鯖魚 魚肉嫩滑 唔會有好大嘅雪藏味🐟 幾推介咖喱魷魚🦑 燒完真係香噴噴日系風味完全冇諗過呢度仲會有日式嘅食物 雪櫃入面有三文魚刺身 一碟三片 但係已經俾我急不及待咁食咗一塊🫢 仲有一啲前菜 同卷物🍣 例如係芝麻八爪魚同埋加州卷人氣小炒及脆卜卜炸物有甜醋豬腳薑 菠蘿生炒骨 同埋蘿蔔牛腩牛筋 牛筋炆得好入味😙 炸雞中翼 春卷 咖喱角 麥樂雞 薯條 樣樣都係微暖 但依然好脆口 特別中意佢嘅炸雞中翼 好大隻 又好juicy😉特色甜品一入門口已經見到甜品區 有啫喱杯 檸檬撻 朱古力炸彈 牛奶公司雪糕 仲有韓國特色水果雪條🫢 朱古力炸彈幾有驚喜 入面有少少流心咁🍫多款飲品有好多汽水 啤酒任飲 燒肉配啤酒係個唔錯嘅選擇🍻 仲有楊協成產品 可以清涼少少🤏我同朋友都食得好開心 因為真係好抵食😏 呢個價錢食到咁多嘢真係好正 真心推薦大家過嚟試吓🤩…查看更多

月頭工作開始忙喇🥺 收工都想搵餐好嘢食擦餐勁嘅 呢晚朋友揀咗呢間油塘商場嘅燒肉放題 又真係幾抵食喎🫢肉類自助形式喺出面夾嘅 不同款式同埋調味嘅豬牛雞都可以搵到🫢 豬肉方面特別想推介豬仔骨 雖然比較厚身要燒耐啲 但係呢啲近骨位置嘅肉係非常嫩滑🥰 蜜汁叉燒 五花腩 沙薑雞扒 都幾好 韓式雞中翼 炭燒燒汁雞翼 呢兩樣真係人氣之選🐥 牛肉都有好多款式 特別鍾意呢個安格斯黑椒洋蔥牛柳粒 細細粒容易燒又易熟 極尚牛肋骨 汁燒牛舌 韓式護心肉 樣樣都幾好👍🏻海鮮鍾意食海鮮嘅朋友都唔駛失望 呢度有龍脷魚柳 鯖魚同咖喱魷魚🦑 魷魚燒完真係好香炸物呢度仲有熟食可以即食 炸雞中翼 春卷 咖喱角 麥樂雞 薯條🍟 雖然我夾嘅時候唔係啱啱出爐 但都仲係好脆同埋有暖燈照住壽司除咗有炸物 呢度都有日式食物 有前菜嘅芝麻八爪魚 和風螺肉 中華沙律🥗 加州卷 青瓜卷 蟹柳卷 仲有一碟碟嘅三文魚刺身 鑊氣小炒真係幾有驚喜 連呢啲港式小炒都有🙈 甜醋豬腳薑 豬腳煲得好腍 好易食用🐷 菠蘿生炒骨 蘿蔔牛腩牛筋 呢兩個餸幾有風味甜品呢度嘅甜品都算多元化 有啫喱杯 檸檬撻 朱古力炸彈 雀巢雪糕 韓國出名嘅Melona雪條 仲要有好多款口味添啊🍨飲品飲品除咗汽水 啤酒從而可以自製台式飲品🧋 估唔到呢個200零蚊嘅燒烤放題有咁多唔同款式嘅食物😉每樣食物質素都唔錯啊 可以稱得上係物超所值👏🏼…查看更多

餐廳燒肉放題都係200幾有埋熟食 炸物 壽司 雪糕雪條🍦飲品任飲連清酒梅酒都有🍶而且樓底高 坐得舒服😌牆上有壁畫好fancy💗燒爐底下有得抽油煙食完都唔會好大陣味👏.🌟燒肉款式多有牛舌 牛肋骨 護心肉豬扒 豬仔骨 叉燒 五花腩🥓雞肉 龍俐柳 鯖魚 青口仲有唔同瓜/菇類最推薦牛肋骨👍調味剛好肉質夠腍.🌟熟食好surprise有埋豬腳薑🤩煲到好入味好軟腍👍薑冇渣！仲有苦瓜炆排骨苦瓜好淋夠晒苦🥰.🌟是日糖水係紅豆沙煲到起晒沙 甜度適中🫘.📍 Grill n More (油塘)油塘高超道38號大本型地下G30號舖…查看更多

今日同太太專誠由上水出來試食午餐燒烤放題,以無需300元二位價錢叫做值得,食物質素合格(譜遍調味較淡)急凍魚柳因為加咗D檸檬調味,去除咗D雪腥味幾好,黑椒雞扒勁好味,牛肉亦都非常有水準(如果用生菜包住食仲正),壽司得三款,食唔食都無所.除咗燒烤,熟食都幾有水準,推介：羅白牛腩(羅白入味,牛腩及牛根都非常林),咸菜豬肚(夠酸辣,再加D唐芹一齊煮..….....正),咖喱角、春卷非常脆口,甜品除咗有二款生果外仲有冬甩、啫喱杯(可惜無淡奶供應)、雪糕(香港古佬品牌)、幾款韓國雪條.遲D諗住帶同仔仔再試下晚餐,對比一下.…查看更多

行街行到攰攰地，經過開見韓燒店唔洗等位，晚飯時間價錢又唔算貴，就入左去食一餐啦。首先一入門口，就見到水果（西瓜火龍果）同甜品（綠茶撻同冬甩），行過少少有炸物（咖哩角春卷薯條炸雞翼）同埋韓國湯、豬腳薑、木瓜雪耳糖水，仲有一系列簡單中菜（西蘭花、咕嚕肉等）同特色韓國前菜（泡菜芽菜等），如果肚餓的話可以淺嚐呢d熟餸先再慢慢燒。再行入少少有飲品（梅酒清酒五花茶啤酒可樂等選擇），仲有可以自制奶茶，有珍珠等唔同配料，總有一款岩自己。隔離就係可燒食物，牛豬雞，連海鮮都有（青口魷魚八爪魚鯖魚等），任君選擇，仲有蔬菜例如茄子金菇生菜菠蘿等，總之就係數都數唔哂。食左少少炸物打底之後，就可以慢慢燒，肉類醃得好入味，最推薦鯖魚同八爪魚🐙，夠彈牙又入味。菠蘿酸酸甜甜夠哂開胃。不過真係幾考功夫，先可以熟得黎唔好燒燶。服務方面，侍應態度都好友善，主動清理碟，要求換爐都唔會黑口黑面，而且環境寬敞，坐得都夠舒服，整體唔錯👍評語店員有禮超多選擇價錢優惠🐵推介🍌🍌🍌🍌（5🍌為滿分）…查看更多

約左屋企人係油塘食野，先發現到原來大本型開左間超抵食既韓燒😍星期一至五晚市只係$198（星期六日/公眾假期其實都係加少少$218）如果係特價時段段仲抵😍餐廳鋪位面積大，坐位都好寬敞，而且樓底高，食完都唔會成身燒烤味，呢晚因為我都算早到，安排左卡位，卡位之間有分隔，私隱度都幾高，唔會好嘈👍🏻小食區🧡炸物 - 春卷、薯條、麥樂雞、咖哩角正常發揮，小朋友見到應該樂開心lol 炸雞翼有驚喜，雞翼入味，炸到脆卜卜，幾樂食🧡韓式冷盤 - 泡菜、芽菜、酸蘿蔔、雲耳、無骨鳳爪，款款我都食左2 round🤣🤣韓國菜我最愛就係食冷盤😂😂甜品/水果區水果有2款，係西瓜同紅肉火龍果，甜品方面簡單有幾款顏色啫喱、椰汁糕、抹茶撻同埋冬甩，重點可以放係雪糕雪條櫃😍雪糕有雀樂綿花杯，雪條有mega脆皮雪條同大熱既韓國鮮果雪條，士多啤梨🍓芒果🥭椰子味🥥都有，燒完野食，食返條超超超冰凍既雪條真係好爽🧊熱葷類咕嚕肉、豆腐班腩、勝瓜雲耳、蒜蓉菜芯、蘿蔔炆牛腩等等中式餸菜都有😂同行有長者或太肚餓唔想等啲野食燒熟都可考慮試下😆旁邊仲有白飯任添，大胃王既朋友岩晒👍🏻燒烤肉類/蔬菜類基本豬、牛、雞、海鮮都齊，我最鍾意食鯖青、八爪魚同魷魚，醃得好入味，八爪魚同魷魚燒出黎爽口彈牙，同行朋友更加夾左幾round八爪魚🐙蔬菜區都有十款，我專攻羅馬生菜同菠蘿，生菜爽脆用黎包肉一流，燒過既菠蘿超甜又開胃🍍沙律/壽司吧沙律吧有幾款蔬菜自行配搭，有車厘茄、粟米粒同紅腰豆🫘壽司主要係加州卷，三文魚刺身要另外問師傅拎出黎飲品區飲品除左肉類旁邊有自助飲品機外（五花茶、綠茶、清酒、梅酒），行到餐廳最尾有汽水凍櫃，汽水啤酒都一應俱全🥤🍺…查看更多

朋友仔生日去咗附近慶祝🎉 餐廳位於油塘，主打燒烤放題，呢度採取全自助形式，想攞咩就攞，唔使等職員幫手～ 整體環境好闊落，座位多，樓底又高，空間感十足，座得十分舒適！另外價錢真係好抵，睇嚟又有多個聚會好去處💖燒物款式眾多，安格斯牛肉、牛肋骨、護心肉、特級五花腩等，大部份食材都醃製過，但唔會多到蓋過原本嘅肉味～ 個人最推鯖魚同八爪魚， 前者大塊，嫩滑、後者爽口彈牙，不過要留意返個火候，幾考功夫🫣 值得一讚嘅係呢度嘅爐下面會抽走油煙，食完都唔會好大陣味！除多款肉類亦有超過十幾款熱食，卷物，糖水，中西湯等！原來呢度有做開兩餸飯，會話熱食嘅整體質素十分有驚喜，蘿蔔炆牛腩、鹹菜豬肚、咕嚕肉、苦瓜夠苦，菜類炒得好有鑊氣，雖然大家都不停食但餐廳不斷refill，唔怕出到去冇嘢食，好難得😎 小食方面有各式炸物，麥樂雞、雞中翼、春卷、炸薯條、咖喱角、朱古力炸彈，平時食放題呢類冇咩人食所以通常都會放到淋曬，但呢度竟然脆到誇張，而且仲係熱㗎添，完全係大開眼界☺️ 旁邊亦有供應三文魚刺身、壽司、風味韓式小菜、中式包點、甜品同雪糕，亦有梅酒、清酒、啤酒、汽水任飲！整體嚟講真係好滿意，店員服務態度十分有禮貌，仲會幫手轉爐，食物款式實在太多真係食唔晒，不過要揀嘅話會推介一定要留肚食豬腳薑同紅豆沙！前者煮到超級腍，裏面仲有原隻蛋，掛汁，入味，唔覺唔覺都encore咗四五碗、後者雖然偏水但煲得好靚，甜度適中，飲完好暖胃🤤…查看更多

2023年6月20號 入坐時間下午5點30分， 入咗前店員問是否7點30分離座， 7點30分前離座時特價時段， 價錢158一位(成人)， 但當我埋單嘅時候， 個店員收我178， 我問佢點解佢話呢個係成人價， 我同佢講特價時段唔係158咩， 佢話係178加埋一成一百九十幾蚊， 感覺上有被騙嘅感覺， 畀你呃咗幾十蚊我唔會再有下次， 唔怪得知咁少人去食， 希望呢段文字可以幫到人冇咗畀人呃， 睇咗之後堅持要去嘅貴客自理。…查看更多

📍 #油塘 #GrillnMore#羊羊在油塘#羊羊在九龍早排見做promotion，於是就叫埋啲fd一齊食👯‍♀️👯不過講開都幾啱聚會，因為有長枱可以坐到8個，多fd都不妨一試😆餐廳採取全自助，食物同飲品都要出面自己拎🙌🏻不過職員都好好態度，叫換爐網都好快到，又唔會黑口黑面咁，都好主動收碟清枱👍🏻💁🏻‍♀️三小時任燒任食日韓網燒晚市自助餐講真每人$200有找，仲可以坐咁耐都抵🤑🐑自助區有咩🥩燒物蔬菜有茄子、粟米個啲，都新鮮唔會霉咁🥬燒肉就主要食醃製凍肉，即係醃雞翼、豬扒、雞肉，都幾濃味下😹仲有啲凍海鮮，八爪魚仔最推介，醃得唔算重口味，燒口感仲幾特別，軟綿綿嘅頭同少少脆嘅爪🐙🍲熟食呢間餐廳仲會賣雙餸飯，所以出面都有餸🤣有啲蜜桃骨、魚柳、牛仔骨食，味道就係同出面差唔多😗另外仲有啲小食炸物，有春卷、雞翼、薯條等🍟唔熱，不過食落仲脆(唔計薯條🤪🥗冷盤提供沙律吧，可以自己整沙律，食完好似健康啲😂有沙律菜、紅腰豆、海量沙律醬，不過冇蓋遮住，有昆蟲飛過唔多好🫠竟然有三文魚刺身，限定每次拎3塊🍣一早切定放係雪櫃，要就拎出嚟，抽到乾哂水，又薄切，都唔知食梗咩🤷🏻🍨甜品有兩個大雪櫃，放咗啲韓國雪條，同埋雀巢雪糕杯🍦熟食區都有啲抹茶撻同甜甜圈，評價係不可一不可再🍩🥤飲品除咗大路罐裝汽水，同紙包飲品之外，仲有啲少見嘅教主代言梳打水(利申非教徒🧏🏻‍♀️另外出面有飲品吧，自己調台式飲品，同自家涼茶，幾特別✌🏻人均價錢 － $105+30 (快閃優惠，宜家冇了)評分－回頭草指數（🍀🍀🍀🍀🍀滿分）食物：🍀🍀🍀環境：🍀🍀🍀🍀🍀服務：🍀🍀🍀🍀#hkfoodie #吃喝玩樂 #原相直出 #油塘美食 #九龍美食 #美食推介 #燒肉 #韓燒 #食肉獸 #自助餐 #朋友聚餐 #家庭聚餐 #香港美食指南 #香港美食 #香港 #香港好去處 #美食日記 #情侶好去處…查看更多

我地本身正價入埸，後尾發現食唔到咁耐見到價錢牌寫住7:30前離場有得平到$20。我哋就諗住同佢講，我哋會喺7:30前，係咪都會按照價錢牌所寫嘅7:30離場嘅價錢啊？佢話因為電腦入咗單，所以一定要收我哋正價，我問佢可唔可以取消電腦張單再改，佢話因為要同老闆交代，所以冇得咁做。我見其他餐廳全部都係根據離埸時間收費，呢間餐廳要入場就決定咗離埸嘅時間🙏🏻我明白你哋有呢個規則，但係希望可以好似其他餐廳咁樣跟返離場嘅時間收費🥹另外刺身方面係隱藏餐單，要問佢攞先有得，大家食記得去問🥹食物方面，質素普通。勝在飲品方便有清酒梅酒👍🏻而且店舖選材十分細心，選用了香港人最喜歡的口味-三餸飯，最主要嘅原因可能擔心客人唔夠飽，所以熟食方面全部都係飽肚既食物，十分適合大胃王😍…查看更多

放工約埋三五知己食燒肉，Grill n More 位於油塘港鐵上蓋的大本型商場,主打日韓韓燒肉自助餐，價錢極親民，食物質素唔錯。平日晚市去食，120分鐘 每位都係$178👍👍餐廳地方好寬敞，食材新鮮，種類都相當豐富👍🏻包括安格斯牛肉、牛肋骨、護心肉及特級五花腩等、 以及刺身三文魚、風味小菜、梅酒、清酒、啤酒、汽水任飲、甜品吧任食，應有盡有😆個人特別推介：咖喱魷魚🦑魷魚好大條😍口感爽脆燒一燒，咖喱味出晒嚟，好惹味，真係食唔停口🤤成餐飯食得好開心，一路燒一路同朋友傾偈，下次一定會再嚟💕…查看更多

近排發現油塘大本型有間超抵食既燒肉放題Grill n More💗，加埋一都唔洗200蚊已經大把野食。😋餐廳幾大，樓底非常高，座位多，坐得好舒服。全部野食都係出面拎，有一系列既小菜、冷盤、甜品吧、雪條櫃、各款燒肉蔬菜、飲品，仲有三文魚刺身任食😍。❤️心水推介：🔸安格斯牛肉、安格斯黑椒牛柳粒🔸燒汁豚肉眼肉質軟腍，入味🔸護心肉每隻豬得約200-300克，肉質結實有咬口，肉味甚濃👍🔸特級五花腩油脂肥美，肉味濃郁🔸好甜既燒菠蘿🍍🔸三文魚🐟刺身食又得，炙一炙又得。🔸飲品除左汽水同茶嗰啲之外，仲有梅酒、清酒、啤酒任飲🍻，其中一個回本位🌟。🔸甜品選擇好多，韓國蜜瓜雪條同檸檬撻最正。✔️咁抵食，成日黎食都得啦。…查看更多

平時比較少去油塘見到有間韓燒☺️雖然網上啲人話好似漢xx但見好似幾抵食 所以我哋都去試下 睇下似唔似先😆當日都比較遲食嘢大約3點到 佢就比我哋食到4點半😆食物種類唔算好多不過會有啲熟食例如麥樂雞、雞翼、豬腳薑等等佢係用啲燈照住 等啲食物keep住熱熱地咁😆燒嘢食既種類唔算好多 但牛肉、豬扒、雞翼、腸仔 呢啲基本嘅都會有當然肉既品質唔可以話好好但以呢個價錢黎講 我覺得個性價比都唔錯👍🏻👍🏻👍🏻兩個人加埋都係$300到😆平價食餐韓燒都係幾好既選擇…查看更多

【Grill n More】自從疫情之後就好耐無食過放題啦😭平時放題都要二百幾三百蚊起今次竟然比我搵到呢間 @grillnmore.hk地方寬敞樓底高，全店約有2⃣️6⃣️0⃣️0⃣️呎最平都只係💲1⃣️1⃣️8⃣️/位 (另收加一) 咋❕可以話係全港其中一間最抵食嘅放題店😍.食物取餐區分咗唔同區域：🥗沙律｜🐤開胃小菜｜🔥熟食🍤炸物｜🍣壽司刺身及卷物🥣中西湯及韓式人蔘雞湯🥦蔬菜類｜🥩肉類｜🍦糖水、雪糕及甜品🥤多款飲品及清酒梅酒 (任飲)🌟沙律區有薯仔沙律🥔、中華沙律🌱、螺肉🐚等；開胃小菜區就有泰式鳳爪、秘制泡菜、大和芽菜等🇰🇷🌟熟食同炸物就有麥樂雞、炸雞中翼、春卷、炸薯條、咖哩角、薑醋豬腳薑等🐷薑醋豬腳好軟，酸酸甜甜，入味又開胃，仲要有好多薑醋蛋添🥚🌟蔬菜區有唐生菜、茄子、羅馬生菜、南瓜、翠玉瓜、冬菇、菠蘿等🍍肉類仲有更加多款選擇❗有韓式護心肉 (紅酒、大醬)、韓式八爪魚、黑椒豬肚、極上牛肋骨 (黑椒、燒汁)、五花腩、豬仔骨、炭燒燒汁/韓式雞翼、蜜汁叉燒、多春魚、黑椒豬大腸等，全部都已經醃好曬，BBQ嘅時候真係超級肥美入味，特別係極上牛肋骨、雞中翼同叉燒😋另外有限量優惠，可以加💲6️⃣0️⃣/每客4件 - 日本直送A4日本產和黑毛牛西冷 (鹿兒島/熊本)🇯🇵店員嘅小小Tips就係可以換網後先烤咗五花肉逼d油出黎先烤和牛，食嘅時候用生菜包著小菜一齊食，和牛薄身入口即融，簡直無得彈🤩❤️🌟飲品區得意嘅係有個任選配料區，有紅豆、晶球、爆珠、寒天、珍珠、小芋圓等配料款式，鐘意飲台式飲品嘅我真係覺得超級幸福☺️而甜品就有啫喱杯同donut🍩雪糕除咗Melona仲比我發現咗個超級好味嘅泰國香芋雪條，最後仲食咗兩條添💜當日2個人去食都有卡位坐，可以一人坐一邊好闊落，邊烤肉邊傾計好輕鬆，整體感覺真係超級正✨.店內裝修由本地嘅藝術插畫師Zoie Lam及Smile Maker係牆身設計進行現場Graffiti🎨燒烤利用咗日本Shigpa專用爐🇯🇵烤肉嘅時候會由個爐嘅下面抽走曬d油煙所以食完都唔會話好大陣味🤩仲有特別醬汁、澳洲海鹽麻油鹽自家制泡菜及茶潰物等💛鍾意食烤肉同放題，平平地又多一間選擇啦🔥.味道：❤️❤️❤️❤️價錢：❤️❤️❤️環境：❤️❤️❤️❤️📍地址：油塘高超道38號大本型地下G30號舖💸人均消費：$101-200.@grillnmore.hk#香港美食 #852美食 #油塘美食#香港美食指南 #美食分享 #自助餐#吃貨人生 #美食地圖 #美食日記#GrillnMore #烤肉 #韓國菜#hkfood #hkfoodshare #ufoodphoto#eatgoodwest #foodforlife #foodlover#hkfoodie #foodiehk #foodstgram#hkblogger #foodieblogger#hkfoodblogger #foodblogger#hkig #hkgirl #hkdaily…查看更多