GoNuts.

👍🏿紫薯麻糬窩夫配紫薯忌廉及雲尼拿雪糕 $88賣相好靚 有兩件厚厚嘅窩夫 一pat cream同一球雪糕~窩夫嘅邊邊位微微脆口 但真系好微同埋要即刻食先得😂中間就唔脆嘅食落好似麻糬咁 煙韌軟糯😳如果當佢系麻糬嘅話系唔錯幾好食嘅🤭但同expect嘅麻糬窩夫就有啲出入🥴佢冇窩夫嗰種脆 純粹系好有咬口嘅麻糬~甜度偏低 所以好似食緊冇乜味嘅甜品咁😅紫薯cream夠滑 帶少少甜味 配搭窩夫系ok ge不過感覺冇乜紫薯味😬雪糕都夠滑😙可惜太甜🫣但好好彩佢個窩夫淡淡地 所以連埋雪糕就啱啱好😂錯有錯着 不過不失咁啦~隔離仲有兩舊蘆薈啫喱 清甜有嚼口 ok嘅🤣味道: 7/10性價比: 6/10👌🏿梳乎厘班戟配比利時骯髒朱古力 $108嚟到嘅時候比佢賣相嚇一嚇😳同想像中嘅梳乎厘pancake有啲出入連味道都系🥴兩層扁扁地嘅梳乎厘pancake上面淋上大量朱古力醬擺入口同expect嘅一樣 完全唔fluffy😭冇空氣感嗰種軟熟嘅質感 比較實淨~至於蛋香…唔sure有冇 就算有都比朱古力味cover晒不過值得一讚嘅系佢嘅朱古力味好rich帶少少dark chocolate嘅香醇😳但加咗Oreo碎 焦糖同糖霜之後 甜度大大提高🥴如果就咁食朱古力pancake嘅部分甜度系啱嘅但撈埋其他嘢就甜咗啲🤏🏿香蕉本身都有甜味 加咗焦糖反而甜到有啲唔太自然😗雖然overall佢唔算伏 細佬👦🏻話ok好食但真系唔系史努比杯茶😌味道: 6/10性價比: 5.5/10*另設加一服務費*去得將軍澳海旁食嘢貴就預咗架啦不過味道普通不過不失 史努比覺得唔太值😬性價比唔高啦~試完唔會覺得話好伏 不過冇下次😂整體評分：味道: 6.5/10環境: 8/10服務: 7.3/10衛生: 8.4/10抵食: 5.8/10…查看更多

一直對go nuts印象不錯，間唔中都會去幫襯，不論西餐定甜品，每一樣食品嘅水平都對得住顧客。即使價錢偏貴，但食得出用心製作，而且有獨特的風格，其他食店難以代替。今日一心想去食返個黑蒜薯條，貓耳朵意粉，點知入到去發現menu全變為串燒及熱炒類食品，價錢亦相對便宜不少，抱著對go nuts嘅信心，覺得一試無妨。最後，叫左一個黑椒炒牛柳粒、牛舌串、雞肉棒及雞肉串。首先，所有肉類都沒有味道，甚至一陣陣冰鮮味一湧而出，十分難受。然後，美其名叫串燒，但每一樣串燒都沒有燒烤過的味道，只係煮熟後用燒汁蓋面，牛舌品質惡劣，既難咬開而且牛騷味濃烈，徹底失望。原本一間難得地在澳南附近對食物有要求，高質素、有誠意、有活力的餐廳落得如此下場，比起失望，更覺得可惜…查看更多

今日去咗食Go Nuts 叫咗個四川麻辣醬雞扒漢堡包配薯條，食材豐富。仲叫咗個辣返茄芝士意大利粉，同芝士好夾，口感豐富。最後，叫左個紫麻糬窩夫配雪糕，真係好食到下次要再食！…查看更多

成日經過將軍澳海旁都會俾佢橙色嘅裝修吸引住🧡 今次終於有機會試試佢！餐廳空間都算唔錯，大概有10張枱到，唔會太逼🥰 同埋橙色牆裝修，成件事都幾特別🧏🏽‍♀️最後埋單$724 (仲有兩杯啤酒) (啤酒勁好飲但係我唔記得咗mark名hahaha) 📍GoNuts. (將軍澳)將軍澳唐賢街29號藍塘傲格林威治村地下4A號舖…查看更多

呢間以鮮橙色為主調嘅餐廳，位於將軍澳海濱長廊，明亮搶眼！餐廳由人氣甜品店HeySoNuts X 精釀啤酒店Once You Go Craft聯乘開設 ，供應多款西式主菜、甜品、咖啡和精釀啤酒等～店內擺放夾公仔機，加上霓虹燈光，即使夜晚行過都好sharp🤣戶外位置仲可帶埋寵物，所以假日下午人潮比較多～🍺黑啤煙燻豬腩肉意大利飯 ($148)呢款risotto幾特別，煎pan上枱就聞到好香嘅煙燻味😍豬腩肉肥瘦均勻，煎得好靚仔，表面略帶焦脆唔會太油膩，入口有驚喜🥰飯粒充滿黑啤麥香，軟硬適中，唔會過多湯汁變得太水，唯獨美中不足嘅係份量少咗啲唔夠喉🤣🍔雞肉蝦餅漢堡配薯條 ($138)呢個burger用咗竹炭包賣相好型格，口感咬落去有點脆身，值得一讚嘅係雞肉同蝦餅混合埋一齊整成漢堡，呢個配搭幾Match👍🏻混合咗雞肉嘅蝦餅炸得都好乾身😍質感唔錯，唔會覺得膩☺️再搭配生菜、青瓜、蕃茄，層次豐富而整體平衡得唔錯🥰🧇薑味麻糬窩夫配花生醬煉奶忌廉及雲呢拿雪糕 ($82)窩夫整得好鬆脆，入面包住薑味麻糬，食落都幾重薑味，個人覺得幾特別🤣 (不過唔係太食薑嘅朋友要注意下) 窩夫因為加入咗麻糬，脆得嚟好煙韌，配埋雲呢拿雪糕同面頭嘅nuts，多重口感嘅享受❣️旁邊仲有幾粒柚子啫喱，香甜清新，可以refresh下味蕾🫶🏻🍑白桃冰茶 ($44)白桃冰茶幾有桃味，飲落唔會太甜，幾fresh嘅一杯飲品🥰☕️黑糖焙茶 ($45)靚靚拉花，味道唔會太甜，焙茶味道香濃，而黑糖亦唔會搶fo平衡得幾好～…查看更多

住將軍澳嘅朋友推介我到Gonuts，餐廳環境以橙色為主調，好搶眼。主打漢堡，pasta，仲有我哋最愛嘅疏乎厘班戟🥰 白松露油野菌貓耳朵意粉 $118意粉彈牙有嚼勁，搭配上香氣四溢的野菌和松露油，味道特別而豐富，朋友都話好食！雞肉蝦餅漢堡配薯條 $138有著豐富的層次感，雞肉同蝦製成餅，又幾夾，搭配上外脆內鬆軟的黑炭漢堡包，口感十分出色，個汁酸酸甜甜，唔錯。薯條亦炸得金黃酥脆，perfect。 酥炸雞軟骨配自家製蒜蓉蛋黃醬 $98炸得外脆內嫩，搭配上濃郁的蒜蓉蛋黃醬，口感更加豐富。 梳乎厘班戟配自家製雜莓果醬 $98班戟蓬鬆香滑有蛋香，配上自家製的雜莓果醬，酸甜交融，食到飽飽都唔覺得好膩。…查看更多

將軍澳真係開咗好多充滿特色嘅餐廳～今次同朋友黎到呢間橙系色調嘅餐廳♥ 白松露油野菌貓耳朵意粉🍝 $118貓耳朵意粉掛汁，醬汁好creamy 又濃郁，配料有野菌、核桃、洋蔥🧅，核桃碎粒增加豐富層次，食落唔會太油膩♥ 慢煮手撕豬腩肉窩夫配田園沙律 $118窩夫上面鋪咗生菜、蕃茄手撕豬腩肉，仲有滿滿嘅芝士同洋蔥，夾住窩夫一齊食好特別。窩夫好鬆軟唔會好重麵粉感！旁邊仲有沙律菜，好開胃♥ Souffle Pancake with Tiramisu Cream🥞 $90餐廳必點既疏乎厘班戟，我哋揀咗意大利芝士，pancake質感鬆軟充滿蛋香。面層加上幼滑嘅Tiramisu cream 同手指餅乾，咖啡同酒香都恰到好處♥ 黑糖焙茶 $45見到係招牌飲品，本身仲有黑糖會唔會好甜，飲落又好夾唔會太甜焙茶味又香♥ 鮮奶綠茶 🍵 $39熱飲都有拉花，圖案拉得好靚，綠茶味香濃…查看更多

放假唔想去咁遠，於是去屋企附近覓食！行咗一陣就俾「GoNuts」的鮮橙色門面吸引住🤣🤣餐廳主打意粉、手打漢堡、小食、梳乎厘班戟、咖啡等，好多選擇～～而且環境寬敞，裝潢以型格工業風同美式街頭風為主，感覺都幾chill🤟🏻🤟🏻🦞招牌龍蝦湯配蒜蓉法包 $104✨一上枱已聞到陣陣龍蝦香味，鮮味十足～～蒜蓉法包外脆內軟，面層搽滿蒜蓉牛油、好香口！配龍蝦湯一齊食都唔錯😋😋🍝龍蝦喇沙汁魷魚意粉 $148✨呢個係佢地的人氣產品，必試！！龍蝦喇沙汁味道濃郁，配搭Q彈掛汁的意粉好入味！魷魚口感爽彈，整體微辣開胃🌶🌶🍰法式千層酥配蘋果金寶及雲呢拿雪糕 $88✨千層酥即叫即製，入口好鬆化～加上吉士醬同蘋果金寶🍎等，味道層次豐富！！伴碟仲有雲呢拿雪糕，食落去一冷一熱，有種冰火交融的感覺🤤🤤☕️黑糖焙茶 $45✨焙茶味香濃，帶有淡淡黑糖香氣！面頭仲有個靚靚拉花，打卡一流📸📸…查看更多

在屋企附近的GoNuts，係海旁一帶跑步無意中發現，成間店舖都以橙色為主色調，非常搶眼，幾似美式的漢堡包店。睇一睇餐牌，除左主打漢堡，還有很多好吸引的主食和甜品選擇，所以預定左無煮飯嘅日子一定要過黎食下。😋🍔🥙🍝🍮BLUE LEMONADE SODA（$44），整杯飲品都是藍色，杯身仲有店舖閃電的標誌，感覺好似一款差差電、打打氣的能量飲品。梳打水是用新鮮的檸檬汁、檸檬葉和藍色糖漿色素調製而成，味道都帶點酸甜又幾清新。PAN FRIED SICHUAN CHICKEN BURGER WITH CHIPS（$138），用上黑色竹碳漢堡令外型更加型格，雞扒大塊又厚身，肉質鬆軟夾住蕃茄、生菜味道多汁 。最特別的是漢堡加了四川麻辣風味的原素，初時入口微微的辣，之後的麻辣味道又幾有後勁，味道非常過癮。粗薯條本身已落了調味粉，咸咸香香。🐥🍔🌶️LOBSTER SAUCE CRAB MEAT RISOTTO（$168），當店員將意大利飯送上枱上，已聞到陣陣蟹肉的香味，意大利飯混合了龍蝦汁、忌廉汁、洋蔥、蕃茄和秋葵，味道都很濃香、口感細滑，回味無窮。🦀😍WITH TIRAMISU CREAM（$110），梳乎厘震騰騰，蛋白味極濃香、內裡充滿空氣感。梳乎厘倒滿了了可可粉、朱古力和tiramisu 脆餅，喜歡食更濃味的朋友，可以落埋特製的冧酒，期待過來食的梳乎厘果然無令我失望。☺️💪🏼🍮🍫🍩…查看更多

將軍澳真係有好多充滿特色同情調嘅餐廳～今次黎到呢間裝修色調偏橙系、幾modern 嘅餐廳享用我哋晚餐，感受悠閒嘅一晚～✎ 白松露油野菌貓耳朵意粉 材料有油野菌、核桃、洋蔥同埋貓耳朵意粉。整體相對creamy 同濃味，貓耳朵意粉口感腍身，核桃切成碎粒，其酥脆嘅口感同軟嫩嘅油野菌同埋貓耳朵意粉配搭，形成豐富層次，食落油膩感唔多，比較健康，而且份量都算多，食哂都幾飽下！✎ 龍蝦汁蟹肉意大利飯 飯唔會太硬但同時保留咬口，黏黏口感，同樣好creamy。先食蟹肉再食意大利飯比較好，因為意大利飯伴龍蝦汁，嗰種龍蝦味非常濃郁，會蓋咗蟹肉味。另外材料亦有切粒嘅秋葵同埋蕃茄粒，味道層次多變，同時減輕油膩感，平衡得幾好！份量都多！✎ 梳乎厘班戟配蜂巢蜜牛油黑糖漿 班戟好鬆軟Q彈，入口即融！班戟上面有黑蜂蜜牛油，淡淡牛油味，味道微甜，食到唔會覺得膩好有幸福感～啲cream 綿滑細膩，班戟加埋糖漿，入口更幸福滿滿！✎ 藍檸檬梳打檸檬同梳打味都好重，清新感滿滿。✎ 雜莓熱果茶微酸，淡淡雜莓香。…查看更多

今日又去將軍澳南搵食啦。Gonuts 正吖Gonuts係一間好有質素嘅西餐，雖然附近嘅(裝修)會比較唔同，但係gonuts 嘅質素係好高嘅，絕對推薦大家食,好有心的服務首先有沙律欣賞沙律🥗好新鮮，脆包都好正蟹肉飯沙律蟹肉飯質素好高材料好多，好多蟹肉，個汁都煮得好好，龍蝦味濃最後我重點咗個蘋果金寶雲呢拿雪糕，蘋果金寶真係好脆，好有驚喜，質素好高，而且佢用嘅醬都係好好味嘅，簡直係甜品界嘅天花板，絕對推薦大家食。唔好錯失左咁好味既餐廳…查看更多

📍GoNuts🇭🇰 將軍澳唐賢街29號藍塘傲格林威治村地下4A號舖今次係二訪呢間將軍澳嘅Cafe 食Fusion菜實物質素依然係咁好！而且佢無限時！ 可以好舒服咁同friend吹水佢係土瓜灣人氣Cafe HeySoNuts同精釀啤酒店Once You Go Craft團隊開嘅下次再試下啲啤酒先！😋 酥炸雞軟骨配自家制蒜蓉蛋黃醬 $98好食！ 想比個讚個蛋黃醬蒜蓉好香口 好惹味😋 酥炸口水雞配四川醬 $108呢個配搭第一次試都真係幾辣 不過好正🤣酥炸得嚟 皮薄 雞肉仲係好嫩😋 香辣番茄忌廉芝士意粉 $118四川醬煎雞扒 +$40呢個雞扒我比100分大塊之餘 佢係超juicy好嫩滑 好 好 食..然後個意粉啲番茄醬係好多番茄 好新鮮好食好食😋 Dirty Tiramisu $82好好味！！個人好鍾意呢一種Tiramisu佢係Creamy啲 裡面夾層又好濕潤好香咖啡味 又帶點酒香…查看更多

廚師拼盤 ($134) ●●●●○炸口水雞、雞軟骨、水牛雞翼、炸生蠔、炸蝦、炸蝦片生蠔食落算新鮮🦪少見小食拼盤有炸口水雞，都幾辣🔥咁多選擇唔怕有人唔啱食～好邪惡就真嘅黑啤煙燻豬腩肉意大利飯 ($138) ●●●●○好有特色嘅飯！保留到黑啤嘅香氣，略嫌太水豬腩肉因為煙燻過逼咗啲油出嚟，感覺唔算肥膩 幾juicy𠻹🐽紫薯麻糬窩夫配紫薯忌廉及雲呢拿雪糕 ($88) ●●●●◐一定要試🫶🏻成碟甜品好豐富💜紫薯清甜 窩夫入面有煙韌麻糬，口感💯雪糕就冇咁驚艷 柚子啫喱味道上唔係好夾其他甜品😹但獨食都🆗😼CRAFT BEER ON TAP (Medium 300ML $72) ●●●●◐唔記得揀咗邊隻味😿但係幾好飲的！⚠️ 10% service charge自費食評📍GoNuts.💰: ●●●●○ 環境、服務：●●●●○…查看更多

將軍澳又起咗新嘅行人南橋，梗係要嚟將軍澳南食返個晚餐睇吓夜景跟住行吓新橋啦！見到一間紅色好搶眼嘅餐廳就入去試吓！入邊仲有夾公仔機玩，好得意！雙重芝士火腿牛角酥窩夫配田園沙律$86超有趣，係用牛角酥去整成窩夫！所以個窩夫係有層層牛角口感，非常創新好味！再配埋雙重嘅芝士同埋火腿咁樣食，有另類牛角包嘅口感好正！沙律菜上面仲細心加咗柚子汁，食落好FRESH！香辣番茄忌廉芝士意粉$118這個意粉質地煙靭，佢有濃濃嘅芝士，食麵嘅時候有拉絲～配埋香辣蕃茄完全冇膩感，配搭得好好，喜歡芝士嘅你就唔好放過！黒啤煙燻豬腩肉意大利飯 $148叫咗呢個黒啤豬腩肉意大利飯，上枱嘅時候店員話呢個係佢哋餐廳秘製嘅特色菜！要用成成四日去調劑！醃豬腩肉三日，用上丁香，八角，焙茶等等香料，三日後再煙燻兩個鐘！非常之有誠意，食落口感好腍，完全唔韌！仲有少少甜味，回味無窮值得一試！玫瑰水蜜桃熱果茶$42呢個熱情果茶，又有水蜜桃味還有淡淡花香，食飽飲番杯一流！白桃冰茶$44仲有啲似啤酒，其實係一杯少甜清清地嘅冰茶，非常之解渴，最鍾意佢唔太甜！🍱GoNuts. (將軍澳)📍📌將軍澳唐賢街29號藍塘傲格林威治村地下4A號舖…查看更多

全店以橙色做主調，前衛搶眼🧡吹住海風食野更有格調🥳除左主食好吸引外，甜品選擇亦有成頁menu咁多🍨最特別有薑味嘅麻薯窩夫，叫做moffles,好特別嘅名🤣.🍝黑蒜大蝦意粉 $158意粉加左黑蒜🧄、彩椒粒炒🫑，一入口有甜味，再咬酸味就慢慢滲出，好特別嘅口味，蒜味唔會太重。大蝦有6隻，好爽彈🍤.🧀黑啤煙熏豬腩肉意大利飯 $148豬腩肉有兩大塊，肥瘦層層分明，好軟腍又唔會油膩👍意大利飯用左肥豬肉炒，豬油好香，仲夾雜豬肉粒，增添口感！再加黑啤煮🍻，食落有微苦，飯軟硬度適中，每粒都充滿忌廉/芝士🧀醬汁，好creamy😍🧇薑味麻糬窩夫配紅豆蓉及楓糖核桃雪糕 $82窩夫有半份，再切開左一半方便食👍入面嘅mochi同薑非常多，真係食到薑絲！每啖都食到窩夫嘅脆同mochi嘅煙韌💕紅豆蓉甜度適中🫘，雪糕有核桃粒，有更多口感❣️.🍵Green Tea Latte $39🥤藍檸檬梳打 $44.📍 GoNuts. (將軍澳)將軍澳唐賢街29號藍塘傲格林威治村地下4A號舖…查看更多