平时一定唔会俾$59食1枝软雪糕。适逢最近Godiva推出黑朱古力软雪糕买1送1优惠，加上前一日（星期五）路过时见冇人排队，于是，喺周六同狗狗爸爸嚟到呢间分店享受优惠，食特价软雪糕~下昼2点左右，顾客较多，大约有十几人排队。店舖职员几殷勤，主动喺顾客轮候时提供资讯，话可堂食1枝，另一枝可以票券形式，喺有效期7日内换软雪糕。最后，我哋买咗2套，即系2枝堂食，另外2枝领券。黑朱古力软雪糕：上手几靓，但size较细；可能雪糕机不停操作，所以制冷效果未系最理想，软雪糕的定型一般，雪糕易融，享用时要同时间竞赛，见到有父母俾枝雪糕细路食，都搞到好「呢hea」，朱古力雪糕滴到成地都系，其他舖头多得Godiva唔少；印象中系首次食佢的软雪糕，觉得Godiva的杯装黑朱古力雪糕好食啲，软雪糕的朱古力味冇咁浓，而且质地较「削」，食完有空虚感；数Godiva店内食品同饮品，都系黑朱古力沙冰最出色如果唔系买1送1，就唔建议买嚟食，而若然佢恒常推出买1送1，我就冇乜动机冲去食。而家物以罕为贵，平时觉得贵唔帮衬，遇上突发优惠，就奢侈一下，食到当赚到。问心，食完冇乜记忆点，亦唔特别有饱足感同满足感，当凑热闹、赶热潮就好…查看更多
今次夏天就黎临，朱古力饮品又做买一送一，加上行街行到好口渴，就满心期待冲去试试，今次唔太多人排队，好快就买到，等左2分钟都冇就已经出黎喇
环境❤️❤️❤️❤️❤️保持一向风格，装潢光线充足，灯光打落去雪糕同朱古力度，非常吸引眼球，令人精神抖擞既感觉，适量既小装饰更添高贵感卫生❤️❤️❤️❤️❤️一如以往都系非常干净企理服务❤️❤️❤️❤️🤍因为今次买饮品，对话唔超过10句，所以不能评论太多食物❤️❤️❤️🤍🤍重点黎喇，今次呢个朱古力沙冰，大约40蚊2杯，好抵既，但味道淡，冰稍为偏多，合乎价钱质素，但个人感觉唔合乎呢个舖头既等级，所以真系。。。针对今次而言，唔太满意:(总括：咁搞搞新意思，令客人寻求下新鲜感者，所以依然会支持该店既
