Fusion%泰式私房菜

营业中

休息中

呢間係工廈樓上嘅泰國餐廳，性價比好高，今日叫咗個炸豬扒配冬陰功湯粉。佢嘅炸豬扒炸得好香脆，最鍾意飲佢個冬陰功湯，唔會太酸，又唔會太甜。同埋佢入面有好多配料，有菇同埋蕃茄仔，仲有我最鍾意食嘅芫荽，下次再試埋佢其他嘢食先。

隔咗一段時間冇嚟，今日又嚟到呢間泰國餐廳食lunch，今日試咗個黃咖喱牛腩飯 今次黃咖喱汁味道非常濃郁，偏甜，椰香味都重，牛腩味都重，稍為失色就係成個咖喱都唔熱，希望呢個日後可以改善，咁我可以成日幫襯！

繼續介紹九龍灣食晏嘅好去處🤣🤣依間又係喺工廠區上面嘅舖頭，佢名為泰國私房菜，當然都係同事介紹啦，我唔熟路🤣, 佢哋話好好食, 咁我當然下啦⋯⋯今日有六個同事一齊去，所以都要訂位….叫咗個黃咖喱牛腩，炒貴刁，海南雞飯，牛扒辣肉碎飯同埋一啲小食，雞翼呀冬陰功湯等等因為有啲同事之前食過佢哋話好好食，但係今次佢哋嚟食，佢哋話好似失色咗少少，但我第一次嚟食，感覺上都唔算太差，個肉碎飯雖然冇汁，但係啲肉碎撈落白飯度幾惹味，雞翼就普通嘢啦，個冬陰功湯都幾好飲，試咗同事個牛腩都唔錯⋯⋯如果喺呢邊工作嘅朋友都可以試吓👍

Fusion%位於九龍灣工業區入面既工廠大廈，主打泰國菜式，午市套餐價格相宜，係好多九龍灣打工仔既飯堂之一。午市套餐餐牌大概有二十幾種常見既泰國菜選擇，有常見既Pad Thai、船河、冬蔭功湯河等等。泰式辣肉碎煎蛋飯，豬肉碎加埋多種調味料一齊炒，雖然唔算好有穫氣，但一上枱仍然香氣四散。個泰式煎蛋外層微脆，戳破煎蛋將蛋液流撈埋落飯到，少少辣得黎好好餸飯。泰式黃咖喱牛坑腩飯，相比起泰式辣肉碎煎蛋飯，味道中規中矩。記得避開平日午市時段打工仔放飯時間，唔係有排等。

今日行到去九龍灣工業區嗰邊試吓有咩新嘢，發現有一間開咗唔算好耐嘅泰國私房菜😉我叫咗呢個青咖喱豬頸肉飯，香濃嘅青咖喱汁好好餸飯，同埋豬頸肉都好多，男仔都會夠飽，值得推介！

食泰國菜，當然要食咖哩啦！🎈咖哩牛坑腩配白飯$65賣相吸晴，濃郁的椰香黃咖哩撈白飯是絕配。牛坑腩煙煙韌韌 有咬口，薯仔紅蘿蔔煮得好腍。🎈跟餐泰式凍奶茶$8顏色比較橙黃色，香滑多奶，小甜啱啱好，唔太膩。🎈船河金邊粉$65湯底是濃郁的牛肉鮮甜味，肯定冇味精，不口渴，配上九層塔增加惹味。牛肉有質感和鮮甜，牛丸爽口彈牙。🎈跟餐可選養生雪梨玫瑰茯苓茶$0雪梨玫瑰微微甜又滋潤養顏，茯苓健脾益氣，寧心安神。整體食物質素是好味，我們食曬沒有廚餘。餐廳雖小五臟俱全，環境乾淨企理，冷氣十足，啱曬炎炎夏日嘆返個美味午餐。

係九龍灣返工，上次同同事食過一次金邊粉Padthai幾正又份量夠，今次再黎食lunch.今次食青咖哩走地雞飯呢碟青咖哩走地雞飯真係值得推介！一上桌嗰陣，嗰陣香噴噴嘅咖哩味已經吸引。雞肉新鮮得嚟又嫩滑，每一啖都感受到走地雞嘅天然雞香，咬落去仲有啲彈牙香滑嘅感覺。咖哩汁濃而不膩，香料嘅味道好均衡，雖然唔算太辣🥵，但嗰種溫和嘅辣度夠哂暖胃，加上少少椰奶嘅甜香，令整體味道更加豐富。呢個咖哩真係送飯一流，飯粒吸滿晒咖哩汁，每一口都係滿滿嘅幸福感🥰。睇落份量好似唔算多，但其實食完之後飽足感十足，因為每一啖都係足料，無論係雞肉定係咖哩汁都完全唔偷工減料，真心滿足🤤。餐廳嘅環境都相當舒服，裝修簡約有格調，坐得幾舒服，加上店員嘅服務好有禮貌，成個用餐過程都係一個享受😌。如果你鍾意食咖哩飯，又唔想食啲太辣嘅，可以試下，等我下次再試吓其他嘢😋！

好耐無去九龍灣工業區那邊，今日過去某公司寫字樓，離開時正值午飯時間，常悅道有很多餐廳，看見一間名為 Fusion%泰式私房菜 咁特別一於叫同事一齊試吓，呢間餐廳晚間做泰國菜，中午就做午餐，係泰式午餐，可能時間關係泰式大蝦炒金邊粉已售罄，唯有叫其他都好吸引的午餐。A2餐香茅鴛鴦扒飯，有燒雞扒及炸豬扒配泰式酸辣汁，炸香茅豬扒好香脆，裏面軟綿綿。D1辣肉碎拼雞扒飯，燒雞好夠火侯，雞皮燒到零脂肪有少少脆，雞肉偏乾身點泰式辣汁好夾，辣肉碎是主角，香辣惹味肥瘦適中，仲有豆角粒豐富了口感，午餐送養生茶真材實料，飲杯竹蔗茅根茶淡淡清香微甜解膩。

今日嚟到九龍灣工廠區附近嘅泰式私房菜食咗個午餐，呢度主打簡便午餐，六十幾蚊有餐晏，好適合附近打工仔有個舒適闊落嘅地方休息吓。坐低叫完餐，嘢飲好快就到咗，叫咗杯雪梨致瑰茯苓茶（熱），非常清新，帶少少花香味。再嚟咗杯竹蔗茅根茶（熱），呢杯有淡淡嘅甜味，夠晒清熱下火，配泰國嘢就加倍清新。跟住嚟咗個香茅鴛鴦扒飯 ＄65CITRONELLA CHICKEN CHOP WITH RICE 。雞扒同豬扒份量好夠，全部切好晒方便食用，個汁酸酸甜甜最適合呢個炎熱嘅夏天。飯量亦都好足夠。再嚟咗個泰式黃咖喱牛坑腩飯$65CURRY BEEF INTERIN BRISKET WITH RICE。啲牛扒腩煮到好腍，好入味，亦都好嫩滑。啲薯仔同蘿蔔都煮得好腍。買個黃咖喱汁撈飯就一流。由依個門入去行上半層，搭𨋢就可以到啦！

我今日去九龍灣辦事，同事約我一齊去位於九龍灣常悅道20號環球工商大廈1樓113號舖的Fusion %泰式私房菜，環境舒適，坐得舒服。午餐時段只提供午市套餐，套餐可以隨餐配熱養生茶。我點左個 Curry Beef Interim Brisket with Rice 泰式黃咖喱牛坑腩飯 $65，餐飲係熱羅漢果金銀花茶；好友點左個 Spicy Minced Pork with Chicken Chop and Rice 辣肉碎拼雞扒飯 $65，餐飲係熱菊花決明子茶。牛坑腩煮得軟腍入味，好有咬囗，黃咖喱椰香味濃又不辣；雞扒外脆肉嫩，辣肉碎好味，送飯一流。兩款養生茶好飲。

✨ 今日在九龍灣環球工業大廈做嘢順道搵地方食lunch, 喺一樓有一間泰國餐廳Fusion%，門口望入去環境不錯，不期然走進去；兩點鬆啲時間仲係lunch time Menu，嚇一跳價錢好化算。***** ***** ***** ***** ***** Order咗「黃咖喱配豬扒飯」🍚上菜有驚喜，估唔到一個普通午餐賣相咁靚，忍不住手影相打卡先試味，這裏的黃咖喱唔只得個樣，仲好惹味好香口，難怪openrice很多好評。最後叫咗1杯雪梨玫瑰茯苓茶，飲落去喉嚨好舒服，唔洗額外加$。整體來說，一定會再嚟。

午市套餐都算係多款式，主打泰國菜。12點多啲先黎就要等位啦，不過上菜都快既，唔算等好耐冬陰公湯底金邊粉$65 / 船河湯底金邊粉$65兩款湯粉都可以揀扎肉雞絲/牛肉/豬肉/雞扒/豬扒，雞扒上碟係就係幾靚既，不過食落好又凍又乾冬陰公湯底完全唔辣，酸味都唔係好夠，好似飲味精湯甘船河湯底不過不失啦，都算係濃味既，可以自己加d辣椒粉調味套餐跟熱既養生茶，加$8要檸檬柚子梳打都得，不過個杯竟然爛左都拎黎用..飲之前真係要小心d

其實九龍灣嘅工業區都好多平靚正特式美食，一於就由我帶大家現場直擊，今日嚟到呢間食Fusion泰菜餐廳，座位唔算多，但勝在採光度十足香茅鴛鴦扒飯豬扒同雞扒都同樣好Juicy雞肉嫩滑，雞皮上有少少黑椒調味夠晒惹味可以再加少少泰式酸辣醬食泰式炒大蝦金邊粉金邊粉炒得夠乾身, 一啲都唔油膩,，擠少少青檸汁,，味道酸酸甜甜, 再混合花生碎，味道層次更豐富，就連墊底嘅生菜都入味，係味蕾嘅享受食完啲刺激嘢，嘆杯養生花茶感覺好似清新啲同清熱啲咁雪莉玫瑰茯苓茶羅漢果金銀花茶

喺呢個物價高企嘅世代，竟然有幾十蚊嘅牛肉pho lunch set 跟埋飲品，其實真係好夢幻吓！ 起初以為呢個價錢會係迷理版，上菜嘅時候先發現係正常size. 湯底幾清甜，加上九層塔🌿好惹味。牛肉有質感，最有驚喜嘅係啲牛丸，好彈牙啊⋯⋯ 牛肉同牛丸嘅份量都好足，唔會唔夠飽！由於我朋友唔食得牛肉，所以佢叫咗青咖哩雞扒飯。唔知係咪喺工商區，碟飯好大碟，青咖哩撈飯，真係好開胃。雞扒肉質爽口，但最值得欣賞嘅係佢個咖哩汁落足香料，味道好refreshing。飲品方面都好有特色：雪梨玫瑰滋潤養顏。桑子就清熱護肝養髮。

呢間餐廳位於九龍灣工廠大廈內，入面有多款泰國菜午餐推廣，環境舒適，入面仲有泰國既壁畫好靚，我地坐低左叫左一碟大蝦炒金邊粉，入面有大蝦幾條剝左殼方便食用，蝦肉彈牙，配埋青檸汁令到碟粉更fresh,份量同價錢都合理唔算太貴，食物即叫即炒仲睇到廚房點煮另一份叫左泰妃雞拼豬扒，豬扒有香茅味同好香口，脆脆地入面肉質軟熟，加埋雞肉好嫩滑，飯量都幾多，再沾上醬汁好惹味，辣辣地。飲品叫左泰式奶茶少甜岩岩好唔會太膩。