FRITES Belgium on Tap (海濱匯)

5:45左右到餐廳，藍貝質素唔錯，但上菜比較慢（大約15-20分鐘）食完第3兜，店員開始唔斟水，我張枱隔離附近都斟，到第二轉佢再斟水，我特登放個杯喺枱邊都唔斟，叫個女店員扮睇唔到/聽唔到，到我食第4兜當時大約7:15左右，食完佢直接想將我成個碟收走，我同佢講我未食完要加多一份，佢個樣好唔願意咁。乜星期一藍貝唔係任食？如果食1個半鐘都厭多，不如set時間，例如1小時任食，雖然外面有人等緊枱，但都唔需要做小動作迫人埋單。…查看更多

自從啟德開張後，盛事一浪接一浪，就好似最近我去睇愛隊阿仙奴 (亞軍奴😭) 對熱刺前，就去咗就近九龍灣megabox , 志明橋和牛頭角站之間的 海濱匯 (觀塘海濱道77號） 的Frites品嚐Stella Artois x Frites聯乘推出的 “ Frites Artois 酒食組合”，用上最出色的比利時啤酒及薯條，分別為大家都很熟悉的Stella Artois，以及附上香港地道配料的薯條 (招牌沙嗲汁, 麻辣蕃茄味粉, 孜然味粉)。實行未出發前先興奮chill一下 🍺🍻🍟當中我和朋友最喜歡的是孜然味粉，中朋友說有點似譚仔的土匪雞翼味道，個人覺得呢款薯條就大有點炭爐串燒的感覺，有點BBQ的感覺。至於麻辣蕃茄味粉，是融合茶餐廳番茄湯與四川麻辣嘅味道，當你喝一口輕盈酒身的Stella Artois後，蕃茄微甜更突出，同時都紓解麻辣薯條配上沙嗲汁是第一次見，帶點沙嗲的香味之餘，不會過分濃，令薯條點上沙嗲醬時不會搶去薯條原有的味道。呢三隻薯條其實都偏香小辣，配合Stella Artois特別清爽的啤酒，口感非常夾，一口辣一口爽☺️…查看更多

香港最出色的比利時之味Stella Artois & Frites 聯乘🤩推出 Frites Artois 酒食組合😋啤酒配薯條🍟附上3款香港地道配料致敬香港多元飲食文化.🍟招牌沙嗲汁平時打邊爐或者食串燒都都會食沙嗲醬冇諗過食薯條都可以有呢個味 感覺非常新穎🙈本身個汁渾厚,,花生味超香濃🥜配上Stella Artois 清新麥香一剛一柔 互相映襯，真係非常有驚喜🤭.🍟麻辣蕃茄味粉平時好鍾意食辣嘅我 對呢個味道特別有興趣佢融合左香港地道茶餐廳嘅番茄湯加上四川麻辣嘅味道👅十足刺激配合Stella Artois的輕盈酒身與泡沫又有助緩解麻辣之餘 又令蕃茄微甜更見突出.🍟孜然味粉成日食好多唔同嘅香港小食都鍾意揀孜然粉味😂今次呢款薯條重現地道炭爐串燒嘅味道同時配上一口Stella Artois的淡淡甘香與麥香延長左孜然既惹火餘韻，同薯條好夾令我一口接一口食都停唔到😍…查看更多

Tuesday steak night 有牛扒50%off😻🫶🏻 真係好抵好吸引呀 星期二可以嚟試下😎👍🏻慶祝生日必嚟餐廳🥳🎂🥂呢間餐廳嘅菜式真係好正，由頭盤到主菜再到甜品，樣樣都令人流晒口水。🥩STRIPLOIN Medium Rare, Truffle Butter牛扒煮得啱啱好，加埋松露牛油嘅香味，真係令人食慾大增。🍝 SPAGHETTI AGLIO E OLIO意大利粉嘅蒜蓉橄欖油醬汁又夠入味，食落好fresh。🍤🦀PRAWN & CRAB BALLS蝦肉同蟹肉球嘅配搭都好出色，食落鮮嫩多汁。🧇WAFFLE BOMB ALASKA阿拉斯加窩夫外脆內軟，夾埋雪糕食真係一流。最貼心嘅係，餐廳仲特登喺甜品度寫咗生日祝福，仲會有員工唱生日歌幫你慶祝，令成個用餐體驗更加溫馨。🥳🎂🥂…查看更多

以前唔係好鍾意食青口嘅我，有一次無意中食咗呢間嘅忌廉青口，然後就深深愛上了💙💙依家去逢星期一做任食青口放題($255)，真係好出色呀，有六種口味選擇，招牌忌廉青口，蕃茄味青口，喇沙青口，白酒青口，hoegaarden 青口，同地中海風味青口 。個人比較鍾意忌廉，食落口好Creamy，又夠多汁，其次喇沙同白酒都唔錯，地中海風味有少少辣 ，蕃茄同啤酒味穩打穩扎🙌🏻第一次食嘅時候，每一次相都會配薯條同麵包，然後就覺得有啲浪費永遠都食唔晒啲薯條同麵包，後來發現咗可以同佢哋講唔要包同薯條淨係要青口(不過有朋友話喺第二間食就reject咗一定要有埋包同薯條)叫埋嘢飲，平均三百零蚊食到飽飽，真係好滿足呀😋😋😋😋😋整體我俾95分💙…查看更多

慶祝生日的話是個好有氣氛的地方，不過可能有out door 位置，餐廳打開門， 加上天氣熱，感覺上空調系統不理想， 有焗又熱的感覺， 食物及服務很好， 食物的份量都大，薯條特別出色，不過其實CP價一般。Happy hour 啤酒有優惠， 不過到九點應該提示一下last call , 等客人可以選擇re order 優惠， 我就是錯過了十分鈡，向侍應表示，他們也楽意幫忙，服務是由心而發的。餐廳內播放的歌曲也很合時， 整體來講，餐廳都是令人滿意的。…查看更多

三個女仔去食，叫左三樣嘢食，一人一杯嘢飲，超飽！1、牛肉他他：法包係超薄切，口感好脆，生牛肉好味，但會有筋。2、招牌忌廉青口：聽朋友講呢度青口好出名好好味，今日決定一試！平時麻麻地青口，因為通常都好乾身，但呢度嘅青口真唔差唔乾，仲好大隻，但我覺得忌廉汁唔夠濃。3、經典牛扒薯條：三樣嘢食中最好味就係牛扒，肉汁多又唔會好多筋；薯條炸得超脆，加埋蛋黃醬一齊食超正！環境好舒適，好適合得閑過嚟食下嘢飲番杯打下卡，值得一試！…查看更多

醬燒豬肋骨配薯條 $285 大大塊醬燒汁豬肋骨 外皮燒到乾身焦脆 但內裡勁juicy 肥瘦適中 滑溜溜 一咬油脂溢出 好似即融口感咁 仲有好多醬汁俾你配襯 法芥（ 較溫和） 英芥（較嗆喉） 燒汁 個人覺得最正係英芥 好有刺激感 同條骨嘅味道超級夾 減咗啲油膩感 又增加咗肉嘅味道薯條係粗薯 熱辣辣 表皮脆 充滿新鮮薯仔味 配咗蛋黃醬 喱個價錢係物有所值  個人喜好 如果係幼身會更好Black Forest Fondant 98喱個讚 真係好好味 似心太軟 個甜品一𠝹開啲朱古力醬就溢出 朱古力味好濃好純 又唔甜 面頭脆入面蛋糕質地軟綿  配埋面頭嘅新鮮紅莓 酸酸地 完全做到十分match效果 雖然好細價錢都貴 但我覺得值得一試總括嚟講 喱兩樣食物都做得好好 多啲人食會更好 因為兩個人食完成條骨真係覺得太漏啦 個甜品先可以中和返 抵讚*利申：使用逢星期四 $285 醬燒豬肋骨配薯條優惠…查看更多

🍴🍹🦪實現青口自由✨ 每位$255任食青口優惠（逢星期一），青口共有六款口味選擇✅招牌忌廉青口 （蕃茄、蒜蓉、洋蔥、小蔥及忌廉）不枉係招牌，呢個係六款之中最好食嘅，個汁比較creamy，青口都比較掛汁。配埋大量蒜蒜蓉及蔥粒，十分惹味，我地仲encore左一碟。✅白酒青口（白酒、西芹、蒜蓉及香草）呢個味排第二，都好味，酒味都香濃，但就不會creamy。✅蕃茄味青口（蕃茄、蒜蓉、洋蔥及香草）蕃茄味呢款幾特別，入面有好多蕃茄粒，蕃茄味都幾濃，酸酸地幾特別。🆗Hoegaarden青口（莞茜、茴香、檸檬皮及 Hoegaarden啤酒）呢個就重啤酒味，我唔鍾意飲啤酒，所以覺得一般，比較苦。🆗地中海風味青口（西班牙辣肉腸、辣椒、洋蔥、 莞茜及黃燈籠椒醬）呢款聽講比較重口味，但係食落味道都幾淡，個汁都好水，冇expect甘掛汁同辣，只食到少少香料味。🆗喇沙味青口（椰奶、白酒、香茅、青檸葉喇沙咖喱汁）因為本身都中意食喇沙，所以對呢隻味都幾期待，第1 round就叫咗，但味道比較失望，好淡，椰奶味都唔係好食到，只有淡淡嘅咖喱湯味。🆗One More Please -$75（Peach, cranberry, pineapple）另外叫咗杯飲品，都幾靚，味道正常冇咩驚喜，但幾細杯，入面仲要好多冰。第一次上青口嘅時候會有一份薯條同埋一塊麵包，但係呢兩樣嘢都唔會有得添，薯條都炸得幾香脆，配蛋黃醬幾好食。任食青口性價比都高嘅。我哋兩個人食咗七碟青口，店員大約沒收左3桶殼😂平時出去食一碟青口都要百幾蚊而家五百幾蚊我哋就食咗七碟啦。…查看更多

FRITES 已試過很多次，lunch去中環店已是慣性每月全team人一次的team lunch. 到訪灣仔店也不少，另外大角嘴嘅也有兩、三次. 但若要吃豬手，真係觀塘店做得最好. 皮脆肉香，下面蔬菜吸收了肉汁，非常美味😋 今趟還初試Apple Crumble Pie. 上菜儀式一絕，侍應姐姐做得非常好👍🏻 很多人都說去FRITES要食mussels, 不了….. 真的太貴. 況且本人的功力也可煮出美味的青口，到街外吃，就吃一些我煮不到的美食吧 😜…查看更多

我們這次除了點了Hoegaarden煮青口，燒豬肋骨配蕃薯條，也叫了兩個brunch。分別是紅莓waffle 和steak。雖不太覺得有Hoegaarden的味道，青口不會煮過火，還是很好食，薯條香脆也很好吃！燒豬肋骨配蕃薯條，豬肋骨煮得骨肉分離，比牛扒還軟嫩的，蕃薯條稍硬，整道菜也很可口。brunch的steak配有薯角，自問是薯仔fans但吃了一塊就不想吃了，超級鹹說。牛扒也鞋口。紅莓waffle，waffle其實不錯吃，但本人不愛吃cream, 所以感覺普普通通。p.s.風和日麗的星期天，散步到澳南海邊，然後再吃個午餐，聽起來是一件很寫意的事。但我們人到達了超過10分鐘，員工還在忙著做開店準備，連門都沒有打開給人進去。如果真正的開店時間是11點半的話，何必開放11點15分的時段給預訂還確認訂位呢？讓人在外乾等的行徑真的讓人傻眼。…查看更多

慶祝家姐生日，食西餐，諗起係灣仔食過Frities質素唔錯，今次選擇黎海濱滙分店試吓，星期日下午黎，人流唔多，坐位寛寬敞，好適合傾計，服務員仲貼心分兩round 上菜，免食物凍，影響口感味道，呢樣值得加分👍🏼4人點咗pizza Margherita，1/2kg house mussels，brunch steak with eggs，roast chicken salad，prawn and crab ball，Almighty chicken Parma，4 drinks，$1670。連炸薯條，焗薯都食晒，除左蟹球比較弱之外，所有食物都做得出色，家姐對食物讚口不絕，推介比朋友並且再黎機會好大。不過要留意。切餅費係$150。…查看更多

今日搬到新office 處，午餐時間四處找好吃的。最後到咗海港滙尋找，很多價錢中等或平價的輪人數實在太多了，最後到了場中價錢最高而沒那麼多人等位的Frites Belgium on Tap進餐。在Set Lunch之中選擇了Steak & Frites這個餐。頭盤選了沙律，口味相當不俗。因第一次嘗試所以只選中等熟而沒有選三成熟的安格斯牛扒。牛扒味道適中足夠牛味、牛扒肉質較美式連鎖餐廳的牛扒好了30到50%左右算是相對較值得了、唯一係牛扒上的類似薑蔥蓉的配料略為重味、廚師在薯條上似乎落多了鹽分所以味道過咸。餐後試了餐的甜品Lemon Crème Brûlée 味道十分清新而不太酸。 總體值得推薦。…查看更多

今日同屋企人慶祝生日，去左海濱匯嘅 FRITES Belgium on Tap食晚飯。我地叫左兩份Surf and Turf(星期二嘅優惠)、地中海同原味青口、意大利飯同其他野食。Surf and Turf非常高質素，牛扒外脆內嫩，味道很好。龍蝦鮮味十足，肉不會霉。兩種青口味道不錯，地中海青口有些少辣，好惹味。整間餐廳燈光不多，氣氛十分好，適合慶祝生日。…查看更多

喱間餐廳雖然唔就腳，不過勝在有個靚靚海濱景，如果有朋友生日或想慶祝紀念日都喺好唔錯嘅選擇。首先佢有室外同室內，想浪漫啲可以選擇坐室外，但室內裝修都好唔錯，睇吓你同咩人嚟揀岩氣氛就可以。而喱間餐廳必需要試嘅就喺佢地嘅招牌忌廉青口，大大隻，忌廉味好濃郁，絕對推薦比大家。蟹肉蝦球可以話喺唔錯嘅前菜，用料實在。牛扒嚟講就不過不失，勝在夠大碟抵食，佢啲薯菜亦炸得幾脆，所以傾計有野咬下喺幾好嘅配搭。最後個龍蝦risotto 就十分打卡able，酸酸甜甜嘅蕃茄口味，推薦！…查看更多