Fleur (南豐紗廠)

营业中

休息中

Good place to chill and have a quiet relaxing meal. Shutter bus available from Tsuen Wan mtr during peak hours.Tried the meat lover set lunch which comes with soup, main and drink. Very affordable price.Thick pork cutlet with vinegar infused purple cabbage, spicy mayonnaise with charcoal toast. It is not called meat lover for nothing. The portion is a bit too filling for me! Will be looking for vegan dinner after this😂.Overall taste, presentation above average. Wonderful clean environment. Dog o

🌿環境：餐廳位於文青聚集地南豐紗廠，一進入已感受到悠閒氣息，餐廳係建築物底層最末端，寬敞明亮，主要由白、灰、金色元素組成，感覺潔淨優雅餐廳是動物友好的🍽食物：下午茶時段🟢Fluer Lover$128藝術品一樣，賣相色彩繽紛，十分精美🌸🌸用上多種食物材料，面層係雜莓雜果、鋪滿堅果，底層是鬆餅，鬆餅裏是滿滿的藍莓醬，口感豐富👍🏻👍🏻🟢Croissant Lover$128鬆軟金黃的牛角包🥐裏面是炸軟殼蟹和太陽蛋，軟殼蟹很鬆脆，加埋沙律醬，味道更豐富🟢Fish Lover$128加拿大三文魚又厚又香，加埋旁邊的味噌醬，更滋味煎意大利飯同樣有口感，上面有水波蛋，篤破與飯一齊食，飯香蛋黃漿香🟢下午茶包飲品一杯咖啡系列上的拉花很讚👍🏻soft drink系列混合了梳打水和相應味道糖漿，調色層層相間，美觀艷麗

鹿兒島豬扒，竹炭麵包。寫呢篇食評要我用80個字形容。我除左諗到垃圾兩個字真係唔知講咩好！竹炭麵包硬，麵包味唔新鮮。件豬扒唔熱，吃落口感似湯渣，又難吃又大件，一大件垃圾！

店員超Nice, 雖然過左5:30，但都俾我地叫下午茶，價錢與正餐一樣，但free左杯drink~Fleur LoverAvo Lover唔單止靚同好食，食物配搭超有心思！😋😋😋大滿足！

朋友介紹呢間食澳洲菜，佢又想打卡，於是又揀食呢間， 去到等位都好快，坐位都舒服。我地3個女仔叫咗4道菜，款款都好好食。第一道係牛油果的starter，係澳洲食開牛油果，返嚟香港再食點都食唔到又軟又大的牛油果，呢道菜的牛油果同我以前係澳洲食的口感勁似，又軟又香，呢個下次可以再encore!第二道係慢煮鴨腿，好軟，食落一D都唔chi牙，配佢個汁食有好香鴨油味，隔離salad可以沖淡佢個油膩感。第三道菜係雞，呢個係我咁多道最鐘意食，佢個雞胸好好食，好多汁同一D都唔乾同硬，我2個朋友唔係咁鐘意食雞胸都話好食，不過我覺得佢個sauce個唔係好中和到個雞的咸味。甜品係同之前睇的相一模一樣，好靚，同埋唔甜，好好食，如果有雪糕就正，嚟呢到一定要食呢個甜品!!!

哈哈哈，這裡大大話話都來了很多次，我一次過跟大家分享。依度無論食物靚，有質素，而且環境優雅，又坐得舒服。 Fleur Lover $128 + Turmeric Latte $42 好香蛋味，好飽肚架！ Yogurt Lover $88 + Lychee & Rose Cold Chill Tea $44 Go Beach ～ 好有夏天 Feel ! Avo Lover $128 + Charcoal Latte $42 個大阪燒好香呀！ Egg Benedict Lover $138 + Dirty $42 好香牛味，水波蛋 Croissant Lover $128 + Matcha Latte $42 軟殼蟹好鮮味，牛角包好香牛油味又香脆！ Meat Lover $128 + Velvet Latte $42 厚切豬扒好有肉汁，醃紅椰菜酸酸地好醒胃！ French Toast $118 + Superfruit Cold Chill Tea $44 多士好香呀！紅酒煮梨！ Croissant Pu

滿有文青風味的荃灣南豐紗廠，比較多顧客的就是這一間Fleur餐廳，環境優美之餘，食物一樣精緻，味道也不錯。每一份都是Lover，這次點了3個戀人，每個戀人都有一朵小花陪伴着。品食物時，也品嚐一下小花的味道。第一個是蛋牛戀人 Benedict Lover。濃郁的蛋白黃、多汁的牛肉、竹炭漢堡，各切一小份，一同放入口中慢慢咀嚼，蛋黃汁和牛肉汁混得非常柔和。第二個戀人來也，軟殼蟹之戀 Croissant  Lover，本身炸得乾脆的軟殼蟹，給牛角包的牛油中和起來，這個配搭倒也不錯。第三位戀人最有份量，厚切炸豬扒之戀 Meat Lover，吃完之後絕對滿足。竹炭麵包和豬扒同樣是非常非常厚身。炸甜番薯薯條 Sweet  Potato  Fries 雖然有點熱氣，但非常香甜，越食越難停。環境佈置也令人感覺舒服，慢慢品嚐，慢慢坐。檸檬青瓜水這個配搭很清新，味覺也覺得清新。價錢方面，以這質素來說，不算太貴，服務也殷勤，這餐算很好，really love it 👍

終於有機會嚟到在荃灣南豐紗廠內的Fleur因為另一分店在將軍澳，一東一西。餐廳以白色為主調，雲石的餐桌加上金色北歐風的椅子給人一種高貴又舒服的感覺!! Yogurt Lover💙漂亮的賣相，粉藍色的「海」其實就是香蕉乳酪撈拌似「海灘」的雜錦燕麥、水果及椰絲同食是一個早餐健康嘅配搭，好味又飽肚!Lemonade💜真係估唔到咁平凡的lemonade都可以整得咁靚上層係碟豆花紫藍色，下層係檸檬汁差啲唔捨得攪勻嚟飲，而味道就同一般lemonade差唔多Meat Lover🖤睇相見到幾特別，黑色的竹炭麵包夾住豬扒同紅椰菜一上枱已經俾佢個份量嚇親，原來都幾大份!竹炭麵包只係顏色唔同，與普通麵包冇分別鹿兒島豬扒煎得幾好，有啲肉汁，又夠厚夾住啲微酸的紅椰菜同沙律醬幾好食一碟有兩份，一人一半都已經好夠飽😌食物同飲品的賣相漂亮得像藝術品咁，食完心情都好啲而且這間Fleur係pet friendly的，周圍都見到好多可愛的狗狗🐶😍

聽從朋友的介紹，到這家位於南豐紗廠的西餐廳晚餐。整體裝修感覺優雅，餐桌上的花卉擺設令我們放鬆心情。食物配以食用花的西餐為主，但選擇不太多。另外，這家餐廳是寵物友善的，不少客人帶同寵物前來，令氣氛輕鬆愉快。我們點了兩客主食（名字很長）互相分享：慢煮牛臉頰肉、水波蛋、竹炭漢堡、荷蘭汁、炸乾蔥、青蘋果豆苗沙律、食用花黑色的竹炭麵包很搶眼，牛臉頰肉煮得鬆化，一絲絲的，入口柔軟。而且，加了半熟的溫泉蛋，把它與牛肉拌勻，滑不溜口，是一種滋味。旁邊的沙律菜顏色翠綠，清新可口。法國黃油春雞、枝豆、豆苗、牛肝菌汁、蘿勒青醬、食用花燒春雞肉香氣撲鼻，雖然厚身，但肉質仍保持鮮嫩。肉汁豐富，鹹香十足。牛肝菌汁味道不夠濃。這裡的格調和食物與整座紗廠的環境很配合。服務員親切友善，令我們有很好的用餐體驗。

南豐紗廠時間寵物友善的商場，裏面有數間食肆都能有狗和主人一起進食，特別推介這間餐廳，除了食物款式精緻，飲品種類多元化及好味外，仲有專比狗狗食嘅食物（雞肉、紅蘿蔔、香蕉蛋糕），價錢亦合理！如果一至五來到這間餐廳會有午市套餐，包括餐湯及飲品。如果是星期六日來到，建議要早一點來，否則需要排隊，而且是沒有套餐的。這間餐廳令我深刻的是店員對狗狗的態度10分友善及照顧，狗狗是可以坐在椅上，店員會給狗狗坐墊，而且餐廳有給狗狗飲的水，所以主人亦不用太擔心。

心血來潮去南豐紗廠映吓相，映完見到呢間cafe入去歎番杯，叫咗杯mocha，人唔太多坐咗6成，不過個個都好寧靜咁享受環境氣氛，坐半小時都好似唔係好夠真係唔錯，歎完杯mocha又再去映相

南豐沙廠是一個讓寵物🐶😸乖乖陪主人行街街、嘆美食的好地方...Fleur地方又大又乾淨，沒有尿尿的味道👍...分開㩦帶寵物區，讓客人開開心心進餐。Meat Lover ❤️❤️厚厚的竹炭麵包夾著厚厚的鹿兒島豬扒，份量確實令人驚嘆❗️但老實說，食起來卻有點麻煩。原因不單是三文治太厚，還有麵包及豬扒質地都有點實，食起來要費一點「牙力😬」。整體味道很好，夾著的醃紅椰菜及青蘋果沙律，可以減低豬扒的肥膩感。Fish Lover 🐠 🐠 煎加拿大三文魚又厚又香口，油脂豐盈，伴隨旁邊的味噌醬一齊食，非常滋味😋。意大利飯上面更有隻有圓又嫩的水波蛋🥚。Turmeric Latte鮮黃的顏色加上美美的拉花，看得出是用心製作，有點兒不捨得飲。

🌸呢間係南豐紗廠地下嘅西餐 白色雲石風 全部main都有食用花作點綴 非常打卡able 少女心爆發😍🌸平日11:30-14:30 有lunch , lunch ,包左湯，main同野飲 ❤️包左飲品好抵食 🌸Fish Lover $138 Fish lover 主要係味噌加拿大三文魚 件魚好厚身 食落好新鮮 冇雪味 將流心蛋篤爛 三文魚點少少蛋醬食更滑更出色😚蛋下面有一層薄薄煎意大利飯 煎意大利飯好少見 雖然係煎過 但唔會好似飯焦咁好乾 🌸Velvet Latte 老實說野飲係為左打卡揀左少女心粉紅 velvet latte +$5轉左oat milk 😂味道就冇特別 似一杯牛奶 建議大家揀其他🌸🥺其實真係好想叫yogurt lover 好似沙灘咁好靚好靚 但奈何我唔食香蕉

第二次黎呢間靚靚cafe，呢度的確係幾靚幾舒服嘅一個地方，佢有室內同埋室外嘅座位，如果有帶寵物嘅就多數要坐室外。呢間餐廳嘅食物全部都有食用花裝飾，擺碟都好講究，所以好啱打卡😍。lunch time叫主菜會跟埋蕃茄湯同埋飲品（唔使加錢）👍🏻呢個係女士見到都會心心眼😍，我哋特登order左一個share食，但係可惜佢第一碟上菜就係呢一個pancake, 等到我哋食完晒主菜先食其實都凍咗。呢方面真係唔夠細心😕個鬆餅係用一個大碗焗出嚟，底層有藍莓喺入邊，食落有層次感。上面放咗勁多唔同類型嘅生果，加埋d脆脆粒同上面果個cream又真係幾好味😋呢個beef Lover係心腹肉，不過份量就唔係多，但好淋好有牛味。又無overcook,而且入面仲係粉紅色。除此之外仲有椰菜花蓉伴碟，係特別既。另外叫左個Lychee & Rose Tea, 2隻味都好出同幾balance, 果粒冰簡直好似藝術品咁靚，一路飲一路欣賞。可惜杯茶加入冰杯度飲就變得淡好多，反而就咁飲就岩岩好喇。呢個牛面肉煮得好入味同拆到一絲絲（入面勁多肉），配埋個source同隻蛋係幾match既。呢個慢煮鴨髀都好大隻，slow cook ke

餐廳裝修以雲石設計為主調，配以白色及金色既裝潢，給人一種高貴優雅既感覺。店內擺放了不少花既擺設，而且環境舒適又寬敞，更有少量梳化位置。除左靚既環境，食物擺盤都好精緻～❀ Yogurt Lover依碟乳酪既擺盤充滿夏日既感覺～用螺旋藻香蕉乳酪仿製成粉藍色既海，再鋪上雜錦燕麥、牛奶餅、椰絲及色彩繽紛既水果，營造出去沙灘渡假既感覺。乳酪有香濃既香蕉味，與其他配料幾夾，味道好清新❀ Avo Lover賣相吸引～成碟都係牛油果，左右兩邊分別係牛油果大阪燒配溏心蛋及乾蔥牛油果他他配三文魚，中間係牛油果片。三樣之中較中意牛油果他他配三文魚，依個配搭味道最夾，而牛油果片配旁邊既紅菜頭沙律醬，口感會無咁單調。整體份量較少，如果中間既牛油果都有加其他配料整會更好～❀ 絨球蛋糕造型好可愛又特別～蛋糕表面既絨球部分係由一層層朱古力製成，味道較甜膩，而中間係檸檬味慕絲，檸檬味好突出，整體味道偏酸⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆👅味道：⭐️⭐️⭐️💫📸環境：⭐️⭐️⭐️⭐️💫🤵服務：⭐️⭐️⭐️💫💎CP值：⭐️⭐️⭐️(5⭐️為最高分)⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆