Favilla Cafe (已結業)

呢間餐廳由大學嗰陣就有食，唔經唔覺到出黎做野佢都默默守住係到，經歷左疫情，最後黎到講byebye🥲好鐘意佢簡約樸素嘅設計，食物比起好多街食嘅調味冇咁濃，好有家庭餐廳嘅感覺🏡—— 全日早餐 $118全日早餐總共有3款，依款包括煙三文魚、黑松露炒蛋、紫薯蓉、沙律連牛油酸種包，配搭上好豐富，最正係炒蛋好嫩滑，麵包外脆咬落有彈性—— 滑蛋芝士漢堡定食 $108咖喱特別加入味噌，甜味之上又有啲鹹香，好啱撈飯食；漢堡扒幾大塊，切開入面有唔少芝士😋—— 富士蘋果生芝士蛋糕 $22 (配餐）我對依個蛋糕嘅喜愛可能超過主食😂一食就有好清甜嘅蘋果味，仲有粒粒蘋果；生芝士質感超輕身，乳香十足—— 京都宇治抹茶慕斯蛋糕 $22 (配餐）抹茶味濃郁，有獨特微微嘅澀味；慕絲蛋糕口感柔滑，甜度啱啱好‼️最後營業日：8月17日‼️🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️📍 Favilla Cafe (#鰂魚涌)鰂魚涌海光街7-9號龍景大廈地下5A號舖…查看更多

今次要介紹一間隱世日系cafe🇯🇵店舖採用用日本蛋仲強調不添加味精主要提供和洋式定食同All day breakfast🥐之前仲曾經為烏克蘭發起義賣籌款🇺🇦為食嘅兩位小編即刻試下先🤤🌟👼🏻蒲燒鰻魚全日早餐🐟 $128沙律同香草腸就真係無咩特別法包烘到好酥脆好香香草同牛油味🧈冇諗過可以食鰻魚做全日早餐咁奢侈😂鰻魚好足料而且調味好夠好重炭香味🐽仲要好易叉開煮得好軟腍🤩加埋芝麻係上面食落好香口🤤炒滑蛋好濃蛋香味🍳仲吸收咗鰻魚汁同埋油脂令到炒滑蛋更加香🤤👅味道:8.5/10🙋🏻‍♂️推薦:8.5/10👼🏻日式咖喱味噌滑蛋芝士漢堡定食🍛 $108咖哩因為加咗味噌所以好特別同大腦對食日式咖喱嘅認知有出入🧐所以會有啲衝擊（不過係好嘅衝擊😂)帶有日式咖哩嘅甜味同一時間有味噌嘅鹹香😋漢堡扒味道唔錯入邊仲有芝士🧀但未至於流心到可以拉絲漢堡肉稍微有啲結實👅味道:7.5/10🙋🏻‍♂️推薦:7.5/10🌟👼🏻 凍鮮奶抹茶🍵 $47（跟餐減$15）平時飲鮮奶抹茶最怕就係死甜但呢杯飲落順滑仲有茶香嘅澀味同綠茶嘅回甘🥹而且好欣賞店家用手工編織襯埋色嘅杯墊💛👅味道:8.5/10🙋🏻‍♂️推薦:8.5/10🤷🏻‍♀️伯爵茶柚子梳打🥤 $46 （跟餐減$15有啲飲唔出🧐柚子部分就唔會太甜整體嚟講係好淡茶香而帶有少少柚子味嘅梳打小編唔太推薦呢杯🫡👅味道:6/10🙋🏻‍♂️推薦:6/10📌店舖人流唔算好多，但坐位比較少，未必適合想係cafe坐成日嘅朋友仔🤔但食得出餐廳所提供嘅食物有用心製作👩🏻‍🍳想一試好味嘅洋式定食絕對要嚟試下🤩繼續支持良心小店💛‼️以上食評只反映當日食物質素及本人主觀感受…查看更多

尼間小店幫襯咗好多次，服務同食物都唔錯，今次lunch 時段見好多人排隊，唯有買外賣，估唔到繁忙時間啲外賣質素都咁高，色香味俱全，贊见到餐牌都想試下今次就試下洋式allday沙律配煙三文魚超正好開心…查看更多

走進店內才知道原來這店標榜不加味精/採用日本雞蛋🥚作招徠。日式小店風和coffee shop結合👍🏻可惜面積太小，又堆積雜物，門口的座位有點擋住了客人的步伐。炭燒雞 玉子燒 芥辣八爪魚沙律 飯素白飯$73 + $2外賣盒這便當整體上的味道是可以的，但略欠質感。首先雞扒雖然大塊，但它太硬且沒有肉汁。咬下去不像雞肉。而玉子燒蛋味香濃且厚實，彌補雞扒的不足。可惜我一夾起玉子燒，就看到燒焦的另一面，十分失望。最後還給我看見店員用徒手將玉子燒放入便當！！！😨😨😨那隻手套剛剛在收錢用😨😨😨成件事好污糟！成盒飯只有芥末八爪魚能安撫一下心靈😟總括來說，不值一試的便當店。食完一次唔會再幫襯第二次！…查看更多

原來鰂魚涌海光街有間日系Cafe，唔係朋友帶我嚟都唔知🍱餐廳提供日式同西式食品。我就試咗European Style All Day Breakfast ($118)，份量正常。煙三文魚好有心捲成玫瑰花🌹，仲有黑松露芝士味噌炒蛋、沙律同Sourdough，味道都不錯。我仲追加咗京都宇治抹茶慕絲蛋糕 ($28)，由日本直送，茶味幾香濃同creamy🍵🍰Iced Matcha Latte ($47) 就略嫌有啲太甜同太重奶味。當日冇飲到咖啡但一路食都聞到好香，希望下次有機會試下。 鋪頭就唔算好大得幾張枱，食物中規中矩，同朋友坐一陣食個lunch都不錯～…查看更多

今日由大西北遠道去太古見朋友，朋友介紹左間佢好鐘意既Cafe比我：Favilla Cafe。鋪頭唔算好大，只有十幾個座位，好彩我一入去就有位。一坐到已經聽到職員好友善同其他客人對話，亦有主動幫我清潔枱面。職員都有主動俾餐牌我，仲話而家做緊promotion，like佢地IG就有一包掛耳咖啡/三角茶包送佢地個Drink menu 好特別，係木製既：食物menu 都好多元化：最後我叫左個味噌炒蛋雞扒定食（$88），配左玫瑰普洱茶。朋友就叫左洋式全日早餐（$118），配Matcha Latte。跟餐配野食會-$15。餐廳探用要出去收銀先付款落單形式既估唔到個定食咁大份！先講個麵豉湯好足料！入面竟然有菇！好開心！定食配有沙律菜，Dressing係醒胃既柚子汁，仲好特別地有提子同橙。提子食落好甜唔酸。主菜雞扒同炒蛋，雞扒算厚身，厚身黎講最驚煮鞋/雞皮爛咬開，但佢煮得啱啱好！炒蛋就係我鐘意既creamy texture，又滑又香亦都好有份量。反而杯玫瑰普洱就無咩玫瑰味。可能叫返咖啡會好啲。朋友杯Mocha Latte 個拉花好靚：最後食得好飽好飽，$88咁大份定食真係好抵！走時職員仲好禮貌地同我地講bye bye。又有人情味又好食既小店真係值得多多支持！…查看更多

成五點鐘先喺鰂魚涌做完嘢，匆匆忙忙喺附近搵間 cafe 食晚餐，結果搵到呢間，店仔細細，幾個 staff 好似係一家人，阿媽負責整嘢食，阿仔就招呼客人，都幾溫馨🥰。叫個煙三文魚牛角包配雙倍芝士味噌炒蛋，以為係成個包夾住啲餡上，原來所有嘢分開上，有啲似配料少啲嘅 All Day Breakfast。當中我最鍾意炒蛋，味噌味幾濃，入面啲芝士多到可以拉絲😍；牛角包牛油味唔算濃，不過質地幾厚實，較為飽肚；紫薯蓉頗為香甜，質感綿密，唔錯；至於煙三文魚同沙律菜就正常水準。對面位叫咗件柚子芝士蛋糕，我食咗一啖，柚子味同芝士味都幾突出，好食👍。飲品方面，我杯 Cappuccino 比較 nutty，係我鍾意嘅味道；對面位杯 Matcha Latte，據佢形容，抹茶味非常濃郁，睇嚟都係高質嘅。…查看更多

Lavilla Cafe地址: 鰂魚涌海光街7-9號龍景大廈地下5A舖Favilla係我bookmark好耐但未試既餐廳，今日終於有機會去試下啦🤣。唔好睇佢鋪頭細細，入面嘅食物非常出色，今次叫咗蒲燒鰻魚滑蛋定食 🍱 $108 ，鰻魚好好食，燒汁燒到勁香😋，而且汁多但唔會太鹹，鰻魚肥美又冇骨，滑蛋生熟度炒得岩岩好夠滑溜🥚，美中不足係鰻魚個size大概係得半隻女仔手掌✋🏻，份量實在太少太少啦，唔係好夠食😆😆。#nicefoodie鰂魚涌…查看更多

鰂魚涌站真係一個好奇怪的地方，出閘一唔留神就會出錯出口，仲無得返轉頭，而AB 同C出口距離5分鐘路程咁遠。今日（又）唔小心出錯，將錯就錯，去AB出口附近買lunch外賣啦～想飲咖啡，對腳就自然行咗去Favilla。雖然唔係專心賣咖啡嘅鋪頭，但都好有誠意，買Latte, 落單時會問你要nutty 定fruity。揀左nutty ，配埋牛奶好順滑香濃。和式All Day Breakfast係不二之選，估唔到外賣自取都keep到成盒咁靚仔。塊多士用紙袋分開放，keep到微暖鬆軟。沙律、滑蛋、鰻魚、脆皮腸都係有質素的，配埋一小球紫薯好滿足。最後食埋3粒提子，無核，當飯後果剛剛好😛午餐黎講，有啲貴，好彩外賣有折🤑…查看更多

平日下午時間黎到都坐滿咁多枱，仲有見到好多白領人士嚟買咖啡外賣。生意咁好證明食物品質有保證𝟙. 洋式全日早餐黑松露味噌炒蛋嘅黑松露味好出，個炒蛋都炒得幾滑，不過味噌就食唔出喇～沙律菜配酸醋幾開胃，最特別係有個蕃薯蓉，味道唔重，有淡淡既番薯香。可惜嘅係我睇其他食評係配紫芯番薯蓉，而我當日就係黃色番薯，希望下次再嚟可以試到。另外，酸種包可轉牛角包/土司。𝟚. Hot cappuccino首先個賣相已經好吸引，成杯咖啡味好香濃，混合奶嘅香味恰到好處，啱我口味。…查看更多

第一次食，揀咗鰻魚便當，因為咩都有啲，可以試多幾樣，結果每樣都冇令我失望，幾好食😋～蒲燒鰻魚～好似冇骨咁，唔算入口即融，因為仲彈牙嘅，醬汁唔算太鹹，剛剛好～明太子雞翼～原來係中間拆骨再釀料入去，對我呢啲唔食辣嘅人嚟講辣咗少少，但一隻都幾惹味～飯糰～比想像中濃味，但份量唔算多，都幾適合晏晝食～紫薯蓉～清甜不膩，本身仲係熱嘅，但因為行返公司都要15分鐘，所以凍咗少少～沙律/時令生果～沙律🥗份量可以再多啲就好嘞，生果係幾粒提子，食完啲餸同飯糰再食，又幾fresh喎…查看更多

Favilla Cafe 是一間有和洋式定食、All Day Breakfast 的小店位於鰂魚涌海光街。餐廳名看起來低調不顯眼，另外只有12個座位會逼點我在星期六12點半過來時沒什麼客人，但到下午1點多就開始多人囉上餐速度都幾快，不算等很久。而且可能舖面較細？店內充滿著咖啡香氣。餐廳有特別寫明他們提供的食物不加味精和採用日本蛋和無添加麵包如果想吃飯，下午3點前都有定食。另外也有吐司、牛角包或是酸種麵包可以選擇咖啡方面，咖啡豆會有兩種。一種是果仁味重點、另一種則會偏酸一點，亦有特飲。煙三文魚牛角包·雙倍芝士味噌炒蛋 ($88) & 番茄牛油果碎蛋 ($98)Favilla Cafe 牛角包質感和大多數出面的不同，會是比較厚實雖然外層都帶脆，但就不是那種滿滿牛油的酥脆感雙倍芝士味噌炒蛋沒有夾在牛角包內，這樣看炒蛋份量都幾多的喔滑嫩炒蛋的味噌味道很濃郁，中間的拉絲芝士相對不算很濃番茄牛油果碎蛋則是夾在牛角包內，一紅一綠吃起來一點也不膩不過 Favilla Cafe 選用的煙三文魚就太鹹了！甜薑玉桂鮮奶咖啡 ($42) - 這杯是特飲。聞起來玉桂味很香，讓咖啡喝起來帶有甜味，但入口後嚐到的薑味更重。朋友點的是 Earl Grey Latte ($46) - 這款可選咖啡豆類。避開煙三文魚不說，整體食物都不錯，而且那個牛角包都幾飽肚！…查看更多

喺早餐貧乏嘅地方工作，特別懷念鰂魚涌依個早餐天堂🤤💭之前都介紹過我好鍾意喺依度買早餐😋今日介紹埋另一個我想叫嘅combo🤎順便介紹吓佢其他嘢食飲食記錄：Long Black x 藍莓鬆餅鬆軟香甜帶微微濕潤，有藍莓味😋明太子辛口定食雞翼煎香，釀入明太子，味道同溫度都夾👍🏻沙律菜新鮮💚我都鍾意買佢drip bag咖～一盒四款咖啡（共八包）咖啡脂豐富😍🤎 dry & wet state聞起嚟都好香，入口都幾順滑，無smoky aftertaste👍🏻當中我最喜愛的drip bag排名如下🥇Ethiopia (strong dark chocolate smell in dry state)🥈Brazil and Guatemala🥉 Columbia🏅 Brazil後記：買過依盒drip bags幾次，expiry date都會大約2022年9月，2021年12月又買咗2盒（係shelf last 2盒），expiry date分別係喺2022年3月同9月。所以我嗱臨開咗3月嗰盒4款drip bags試🕵🏻‍♀️完全fail😫dry & wet state無咁香，味道無咁清香，有一包仲連埋package啤實😅(上面ethiopia coffee drip bag張相，係3月expire嗰batch嘅咖啡，油脂層都薄啲，以前唔係咁，但以前掛住飲無影）所以大家喺佢分店買嗰陣記得留意佢嘅expiry date呀‼️…查看更多

味增炒蛋雞扒定食$88 炒蛋好好味，佢用咗日本蛋再加咗味增一齊炒。食落去蛋香好濃，加左味增令到炒蛋多左份咸味。佢係炒滑蛋，完全冇overcook ，好滑。雞扒都幾大份，有兩大塊。因為都係加咗味增一齊煎，除咗雞扒嘅鮮味之外仲食到味增嘅香味。而伴碟佢俾咗一啲沙律菜同埋生果，有火龍果、提子同蕃茄仔。燒縞花魚定食$98縞花魚鮮甜，有三大舊，只係用左鹽同黑胡椒來調味。但係都己經好食！不過佢都偏多骨。佢兩邊都有一排魚骨，然後每一舊魚上面都有一條脊骨。好彩佢啲魚皮冇魚鱗，咁食嘅時候都冇咁麻煩。花生醬香蕉朱古力配雪糕吐司$48用左排包做吐司都幾少見，不過因為烘左所以都好味。加左好多香蕉同朱古力，食落去好rich 。細細份，啱晒做飯後甜品…查看更多

聖誕後的第一日假期，終於有時間去搞搞個頭髮，之前去飲杯咖啡，食飽個肚先，因為今日係假期，鰂魚涌太古坊附近好多食肆都冇開，路過呢間Favilla Cafe 小店，門口睇完餐牌啲嘢都啱食，就入去試吓。主打 All day breakfast 有3種，分別係和式，洋式同埋素食，非常特別，另外各式各樣嘅咖啡，茶飲，麵包，三文治，定食等，任均選擇，地方方就比較細，人多會比較逼夾。另外餐廳標榜所有食物不添加味精，無添加麵包，雞蛋使用日本蛋，鰻魚是原生態養殖鰻魚，挪威優質三文魚👍🏻👍🏻是日午餐二人前🍳▪️和式全日早餐 $128▫️蒲燒鰻魚，味噌炒蛋，無添加手工腸 是日沙律，牛油吐司好特別，未食個有鰻魚既All day breakfast ，鰻魚大大件，厚肉，加上燒汁芝麻，好味，炒蛋滑滑加左味噌調味，唔錯，香腸同麵包就正正常常，最得意就係有紫薯蓉同埋幾粒提子，同埋沙律菜都好新鮮好味👍🏻👍🏻🥗▪️洋式全日早餐 $118▫️煙三文魚，黑松露芝士味噌炒蛋 是日沙律，酸種包酸種包煙韌好味，配上炒得嫩滑嘅蛋加左黑松露醬同芝士，正👍🏻，煙三文魚有三大片，卷成花既形狀，好睇又好食例牌☕️☕️☕️▪️Flat White $42☕️▪️Long Black $36…查看更多