Fame Deli

紅磡Fame Deli西餐廳為熱愛美食的食客帶來一款頂級紐西蘭草飼肉眼扒。這款肉眼扒嚴選來自紐西蘭純淨天然草地放牧的牛隻，肉質鮮嫩細膩，油花均勻分佈，帶來自然豐富的牛肉香氣與健康低脂的特質。餐廳將這份草飼牛肉以專業火候烹調，確保每一塊扒都多汁鮮美，完美鎖住肉味，無論三分熟還是五分熟，都能品味肉眼扒獨有的鮮甜與爽口嚼感。Fame Deli的用餐環境雅緻舒適，細膩的服務令用餐體驗倍感溫馨，是親友聚會及約會的理想選擇。無論配搭經典配菜還是精選紅酒，這份紐西蘭草飼肉眼扒都能為味蕾帶來不凡享受。選擇Fame Deli，感受來自大自然的純淨與每一口牛肉的精彩，為日常增添一份難忘的美味記憶。…查看更多

崇潔街係紅磡區內有名食街，中西日韓咩都有，而呢間就相當多支持者。餐湯正常水準，唔係差，亦冇驚喜。招牌梅肉扒，大小厚度還不錯。 豬扒表面煎得好香，生熟程度剛好。 梅頭扒肉質以豬扒而論算嫩滑，有多少咬口而肉味亦不錯。 配菜既薯蓉幾香, 南瓜都好淋。肉眼扒份量比梅肉扒再大一圈。 表面煎得幾香而中間生熟程度都適中。 肉味還可以，但感覺肉質比較鬆。 兩者中比較推梅頭扒。跟餐有份小甜品，仲有幾樣選擇。 以呢個價錢都算係咁啦。即磨咖啡以非精品咖啡店而論都算還可以。整體上，都算係食物水準中上而尚算抵食既西餐。…查看更多

態度惡劣，吃個飯俾人趕，咁受氣法如果大家想去俾人鬧，就去囉原本想吃的餐廳休息，只能附近看看有什麼吃。晚餐時間，叫份扒，成25分鐘才上菜。沙律餐包，牛扒，凍飲，食物正常。普通街坊食店質素。但是服務好有問題吃到半路，要你埋單趕你走。限時45分鐘，係有寫係旁邊，但入門冇留意到。你仲要成25分鐘先上菜，點食得切。仲要個場得一半人，仲有幾張空枱都要趕你走。ok，點到要我埋單離場，咁咪走囉。然後竟然鬧我食吾完，剩晒係度。餐包冇食，竟然鬧我，話要罰錢。你又吾俾時間我食，咁咪掉左佢囉。又吾係自助我攞多左，個餐價包埋咖。同埋冇任何地方寫明有條款咖。結果拎走左個包。…查看更多

土瓜灣地道良心小店，英倫裝修風格🇬🇧豬柳漢堡配熱香餅餐🥞+熱即磨咖啡☕️$42熱香餅口感鬆軟，目測鬆餅有足足2cm厚，蛋味濃郁🍳比起香港連鎖快餐店更厚實🍟總共有三塊熱香餅+兩塊漢堡扒，份量足料，非常夠飽😙最後食唔晒，仲可以帶走熱香餅同漢堡扒做下午茶性價比高，值得一試如果去唔到日本🇯🇵都可以自製McGriddle, 絕對大滿足😍星期六早餐時段由8:00-11:00a.m.，好好彩食到最後一份熱香餅，如果想食最好8:30前到達餐廳😋仲有其他套餐都非常吸引，可以參考餐牌資訊👍🏻#pancake #breakfast#mcgriddle…查看更多

番工附近呢間西餐長期多人，今日醒起想食西餐於是就嚟踫運氣排下隊！一行六人等左15分鐘左右就入左去了！記得呢到啲扒同意粉都唔錯，因為上次已經食過豬扒同白酒蜆肉意粉，所以今次試下個紫蘇烤雞扒！套餐包左一杯野飲，餐湯/沙律，主菜，甜品可以簡雪糕/雪米糍/木糠布甸，相當抵食！等左一陣主菜就嚟，雞扒勁大塊，幾乎鋪滿隻碟，雞扒肉質唔算嫩滑，但絕對唔柴，味道調得唔錯但我唔係好食到紫蘇味。雖然佢話烤雞扒但似半煎炸咁，如果真係用烤應該好食點。…查看更多

之前都幫襯開晚市，今次同同事黎試下佢既午餐。我地12:45到達，要等3枱，就到既時候，會落定單，令等食物時間較短。我地點左一個豬扒同意粉share，佢話今期推介長通粉，所以個白酒煮蜆就改左做長通粉。午餐同晚餐一樣，都包左湯/沙律，主菜，甜品，飲品。但晚餐就多個餐包！豬扒好嫩，唔會乾柴，薯蓉好滑好香👍🏽👍🏽肉既份量都幾多，男士都應該夠飽意粉上到黎見佢賣相會驚唔夠味，但食落又幾香好有蒜味👍🏽個人認為，配意粉會match過長通粉甜品我就簡左咖啡味雪糕，唔會苦但又唔算太甜，小朋友口味啦👍🏽甜品仲可以簡雪米糍，木糠蛋糕同埋伯爵茶雪糕…查看更多

第一次去呢間餐廳但係職員態度實在太差 我哋一行三人去食 食咗唔夠30分鐘已經有至少3個職員分吹我地幾次埋單 態度超差 同我地講午餐時段只得45分鐘叫我地快D埋單 但係我入坐時佢冇同我哋講明得45分鐘 我地唔係食完吹水唔走而係未食完唔應該强迫我地走😡😡😡食物幾好都冇用 都唔會有下次 咪覺得自己生意好唔休做就咁樣對客人 …查看更多

呢間餐廳係公司附近，聽同事講係抵食既西餐。不過次次經過都好多食客，每次都係望住咁多人等所以放棄，但今日決心黎呢間餐廳試一試，12點45左右到都要等超過15分鐘。 入到去見到好多食客都order左招牌香煎美國自然豬梅肉扒，所以叫左一客，另外再叫多個白酒煮蜆長通粉同同事share。套餐已經包左湯/沙律、主菜、甜品同飲品。香煎美國自然豬梅肉扒 ($98) 賣相非常吸引，可以簡飯/意粉/薯菜，我地簡左薯菜，原來係薯蓉黎！薯蓉都幾多，食落都幾creamy。豬扒好大塊，不柴都算juicy。2個人share 都好夠食。白酒煮蜆長通粉 ($68) 賣相一般，酒味都幾香，美中不足係D蜆有少少沙，扣左少少分，但整體黎講都ok!最後甜品可以選擇木糠布甸或雪糕，同事簡左咖啡及伯爵茶雪糕，我簡左木糠布甸。木糠布甸絲滑，鮮奶油奶味都算濃。美中不足係餅底濕得濟，不過整體都ok。…查看更多

星期六帶囡囡去上畫班一個鐘唔想行返屋企之後又再出嚟接佢落堂，咁樣來回無左15分鐘，好浪費時間。反正未食早餐，就去畫室隔離呢間小店，入嚟睇下食乜！聽講平日lunch 時段好多人，要打電話book位先得！星期六附近商廈無乜人返工，所以早餐時段都會有位坐！睇下餐牌有乜食先嘩咁多選擇 對於一個有選擇困難症嘅人嚟講簡直花多眼亂好啦！睇左三分鐘，終於有結論！！因為我唔太肚餓 所以揀個 比較「輕盈嘅早餐」呢個蛋沙律蒜蓉包配即磨咖啡就啱心水！蒜蓉包焗得好脆，蒜蓉味唔太濃 蛋沙律 正常發揮即磨咖啡 本人略嫌咖啡味唔夠香慢慢食 慢慢嘆 慢慢睇電話 食飽飽時間剛剛好可以接女落堂…查看更多

今日難得揸車返工，午餐唔出走何文田點對得住自己！得一個鐘LUNCH去得邊？兄弟提意重遊舊地，紅磡嘅人氣小店《FAME DELI》。打電話去話兩個人無得訂座，人齊先入得。12：25嚟到，得返一張二人枱同四人卡位，唔駛等！達陣！目測一半以上嘅人都喺嗌豬扒，我哋都唔例外，一如既往：〰️〰️〰️🐖 香煎美國自然豬梅肉扒 (簡稱“招牌豬“) $98▪️ 有圖有真相！喺幾嚇人嘅厚度，3cm甘上下厚📏，喺輕量級嘅斧頭豬扒！表面煎到焦脆，切開啲肉汁會源源不絕咁流出嚟💦！肥嘅地方油脂香好突出，瘦嘅部位粉嫩軟腍有咬口，調味唔重豬肉味濃，有驚喜！🥗 薯菜▪️ 🥔 薯蓉細滑有牛油香，🍠 蕃薯蓉樸實嘅甜，🥦 西蘭花青綠偏軟，喺幾健康嘅setting！🥣 餐湯▪️ 忌廉湯，正常發揮。🍦 甜品▪️ 木糠布甸/泡芙/雪糕，揀忌廉泡芙無死。〰️〰️〰️💸 埋單$98，❌️加一☎️ 多人嘅話可以試下訂座🪑 30個位左右，想食嘅建議12：20左右到，晏晝預咗要搭枱同等位。環境都幾逼夾，但整體算整齊乾淨。🗣 呢個價錢呢個質素，佢可能喺平民厚切煎豬扒界嘅HERMÈS。一個人全清喺會有啲吃力，建議兩個人嗌兩樣唔同嘅happy share無甘大負擔👍🏻🗣 對上一次嚟都講緊大半年前嘅事，食甘多次質素時好時壞，好難捉摸！佢仲有個$78嘅豬肉眼扒 (簡稱“普通豬“)，慳呢$20無咗靚豬，值得咩？！…查看更多

📌 Fame Deli - 紅磡崇潔街47號地舖🗓(4/4) 星期二 ⏰ 晚上6:30左右 💈特式：因為住得近，所以差唔多每日都會經過，有曾經試過佢地嘅早餐，整體唔錯，今晚咁啱諗唔到食咩，所以就堂食試埋佢地嘅晚餐。🥩🍔🌭🌮🥗🥯🥘🍲🍝🍣🥟🍤🍱食物：今日叫左一個扒比目魚扒同一個加拿大頂級AAA牛肉眼扒，晚餐係會包埋餐包/餐湯或沙律/餐飲/甜品，而家等我同大家講下🍽味道先。餐包/餐湯 - 餐包就係蒜蓉多士，都幾脆口，蒜蓉味重，同埋佢地會翻熱先上枱，所以香味更濃又熱辣辣；餐湯今日就係南瓜湯，但南瓜味唔重，而且個湯上枱只係暖暖地，個餐包都熱過佢。扒比目魚扒配薯菜 - 個比目魚扒份量就幾大塊，魚皮煎得夠脆，但略嫌魚肉做得唔夠乾身，魚肉太濕有少少影響口感；薯菜係紅蘿蔔/煎過嘅翠肉瓜同茄子/薯蓉，配菜反而值得一讚，做得仲好過份主菜，翠肉瓜同茄子新鮮又煎得香口，薯蓉做得夠creamy軟滑。加拿大頂級AAA牛肉眼扒 - 呢塊牛扒都算厚身，size都大塊，有肉味，不過我order左5成，佢上枱起碼有7~8成熟，所以口感又硬又靭又鞋，感覺浪費左塊唔錯嘅扒，同埋變得唔值$238。甜品 - 甜品有兩個選擇，木糠布甸同雪榚，因為雪榚係coco berry其下品牌，所以我一定唔會揀，要左木糠布甸，味道就一般般，唔特別好食。☕️🍵🥤🧋🍺🍷🥃🍹🧉🍾🍶🥛飲品 : 跟餐可以揀普通熱飲，加$3蚊可以轉凍飲或者即磨咖啡，仲可以加唔同價錢轉不同特飲，我地就只係叫左熱即磨咖啡同凍檸茶，質素正常。🍽環境：餐廳環境都有用心裝修同佈置，但室內環境同坐位就偏塞，但又不致於坐得唔舒服，衛生方面都做得ok。🤵🏻🤵🏻‍♀️🤵🏻‍♂️服務：員工服務真心唔錯，可能因為係自己生意，所以每位店員都好有禮貌好細心，落完單亦會清楚復述一次，見到方面唔夠位亦會盡快收碟等等。💰💸價錢：叫左兩個晚餐，埋單就$362蚊，呢個價錢係呢條街價位係有少少偏高，再加上食物唔算好高質，所以我整體覺得佢價格算偏貴。🐲💬總結：我諗我都係會幫襯返佢地d早餐，但午/晚餐附近仲有更多其他好嘅選擇。推薦指數：❤️❤️❤️🤍🤍…查看更多

平時都有食開呢間 食晏時間好多人排隊 所以專登提早黎到 12點4入座講明45分鐘後交枱 未人齊已經開始催要幫同枱既人落單 到入座半小時就已經放低單要求埋單 10分鐘之內3個職員輪流過黎催左接近10次埋單同交枱 大佬啊主菜都未食完 仲有超過10分鐘先到講好既交枱時間 出面好多人等又如何？最後我地都係早過預定時間交枱 咁既態度一定唔會再黎食物方面質素越黎越差 招牌豬扒以前會煎得好香 就算成吋厚都好juicy 今次顏色好差白曬曬 內裏就乾到用刀切都有d難切 水吧有漏單…查看更多

見到呢間西餐廳個餐單真係超多選擇，日日試唔同款式都可以試好多日，我見好多客人都會點扒餐，睇落都唔錯，不過今日食lunch無乜胃口，想食啲開胃啲嘅野，所以就揀左紐倫堡腸茄汁雞肉意粉。紐倫堡腸茄汁雞肉意粉紐倫堡腸同雞肉都係切碎的，肉量不多，而且煮得比較淋，所以感覺同醬汁融為一體，醬汁入面有煮淋了的蒜頭，有少少蒜味，醬汁內有數粒小蕃茄提升少少酸味，我個人口味比較喜歡蕃茄味濃一點酸一點，我感覺這個汁醬比較偏甜餐湯呢度餐湯比較特別，不是一般西餐的紅湯白湯，而是洋蔥味清湯，味道幾特別，甜中帶洋蔥香味，我幾鍾意。即磨咖啡有跟餐熱飲，即磨咖啡加三蚊，黎試西餐，當然要順便試一下咖啡，咖啡味幾香濃幼滑，不酸，不錯。木糠蛋糕值得一讚，這裏跟餐附送一款甜品，有泡芙，木糠蛋糕，雪糕，三揀一，揀了木糠蛋糕，是細細件一口size的，味道很好，飯口用來餸咖啡，爽。…查看更多

食物方面係可以既，但每個職員態度都差。間唔中都會去食lunch，早幾日想訂24個位食lunch，咁都好禮貌去問佢有冇得訂，我都知佢要翻枱，我時間上可就，亦都可落小小訂。點知老闆娘一聽到，就話24個要包場woo，最低消費5千蚊啦。我當堂嚇一跳，然後得啖笑。之後佢仲話，我做個午市都唔止5千啦，咁既然你咁好生意，我都唔阻你了。但至小我24個同事都唔會再幫襯，怕阻住佢做生意。😊…查看更多

呢間小店要食 電話訂位係必須的！ 十二半後有walk in位既機會基本歸零🤣推介香煎美國自然豬梅肉扒 簡稱貴豬 98蚊！另有平豬肉眼扒可以選擇 80蚊 兩者平勻都有1~2 cm厚 旦我可以話 呢20蚊 一定要俾 肉質完全係兩個級數黎 升級做靚豬 值得擁有🙃 佢會配埋個汁 大家可以完美ignore佢🤣一般黎講 貴豬都係煎得好香脆 外脆肉嫩既😋 不過 廚師總有失準既時候🤣 配菜都可以 首推薯蓉 後推意粉😆 介澱粉食既朋友可以將轉薯菜 係番薯黎😶‍🌫️唔收加一 包餐湯 餐飲 同甜品 98蚊 沒有X的理由😚…查看更多