EXP

营业中

休息中

每次黎到又一城都會黎依度睇下未必次次食到因為長期長龍🤣今日閒日好彩少啲人等左兩三張台就有得入座啦牛油果醬”大”蝦pizza牛油果醬✅pizza ✅蝦✅但稱唔上係大蝦囉….味道不過不失反之墨魚汁煎帶子意粉出色好夠味帶子香口賣點 座位寛闊對正個溜冰場chill😎

餐廳位於溜冰場旁邊,空間感非常大,可以一路食一路睇住旁邊嘅人溜冰⛸️,係又一城必食餐廳之一✅▫️韓式溫生牛肉溫泉蛋石鍋飯($98)熱辣辣嘅石鍋令🥩微微熟, 再撈埋溫泉蛋,泡菜,蘿蔔,大豆芽等配料辣辣地好惹味, 如果唔夠辣仲可以自己加辣醬Tim😋食到尾仲食到少少飯焦,大滿足☺️▫️軟殼蟹炒意粉($102)本來見到Menu要等20分鐘, 點知幾分鐘後已上枱!!上到嚟熱辣辣🍝意粉充滿日式風味,味道好似食緊大阪燒一樣咁酸酸甜甜,中和返軟殼蟹嘅油膩感,上面仲加左鰹魚碎好fusion, 不錯的選擇😋💡提提大家餐廳可以儲yuu分架🫰🏻

睇完戲好肚餓，見有位就坐入去食嘢，餐廳主打日韓fusion菜，Menu都好多選擇，最後就叫咗個泡菜炸雞石頭鍋飯、大蝦西柚芒果蕎麥麵同埋雜菜沙律。兩個嘅賣相都幾吸引，石頭鍋飯上面嘅炸雞以甜辣為主，但係飯就比較濕，整唔到飯焦出嚟。不過，大蝦西柚芒果蕎麥有啲酸微微，好開胃，令到成個蕎麥麵好清爽，啲蝦食得出好新鮮同彈牙，不過份量偏小，食兩啖就冇晒lu。另外，餐廳都sell新鮮果汁，可以有唔同嘅配搭，仲要係即叫即炸，幾好飲嘅。呢間餐廳喺鄭溜冰場隔離，坐得都好闊落，而且可以邊食邊望住人哋溜冰，感覺幾好。

近來喜歡睇早場，又一城 Festival Grand Cinema是個很好的選擇！我習慣入場前先吃個早餐，上次吃過戲院樓上(L2層)敏華冰廳，味道尚可，今次試試其他店。上次發現，距離戲院最近，又供應早餐的店，是溜冰場旁邊的EXP。流程如下：1)在柜枱點餐和付款；2)選擇座位，把感應器放在餐枱指定位置；3)店員會送上食物、飲料。挺方便的。點了多士早餐，包括以下的：#芝士腸炒蛋多士：全麥多士，烘得外脆内軟，塗上牛油，好味！芝士腸外皮脆，鹹香；炒蛋夠滑，很不錯！#熱咖啡：挺大１杯，咖啡味濃，我喜歡！

🦀軟殼蟹炒意粉（$102 ）🍝大約一隻軟殼蟹，熱辣辣，炸到脆卜卜，但係略嫌炸粉有啲厚，食落有啲油，不過加埋洋蔥一齊食就冇咁漏。個意粉口感唔錯，有啲咬口。味道係類似大阪燒嗰隻醬嘅味道，少少酸酸鹹鹹，解軟殼蟹嘅漏。🌶️（ 辣）日式白咖喱炸雞（ $92 ）🐥白咖喱汁嘅味道其實唔差，亦都唔係好辣，唔食得辣嘅人都食得度，可惜啲汁太少，點得雞嚟又唔夠撈飯。炸雞球冇乜特別。🍊酸果出擊（ $37 ）🍎杯果汁用咗橙、西柚、百香果同埋蘋果榨汁，飲落主要係citrus嘅味道加咗少少百香果味，蘋果味唔出，不過唔影響成杯飲品嘅味道，比我想像中好飲。

2大2小食lunch , 2:15左右入坐，其實坐唔滿。但就限個半鐘埋單… 問題嚟喇！ 想食完飯先再叫點品，咁個半鐘，點算呢？最終，2大2小叫左3個午餐，食完剛好個半鐘… （因為等pizza都要時間） 好想食甜品，但又驚order完俾人趕收枱… 諗諗下，算喇，食個Tea唔想有壓力，轉場去其他地方食甜品算。食物不過不失，pizza算唔錯，即烤pizza 個邊鬆脆內軟，唔錯。忌廉湯意粉個汁都夠濃。白咖哩飯，微辣，好味😋 但餐廳安排較差…

🍕事關隔離已經係溜冰場，好多家長抌低小朋友上堂，自己就嚟呢間餐廳食飯，係幾好嘅Me time😂🍕經過餐廳門口見到啲Pizza質素幾高，個樣幾好食所以就入咗去啦！🍕Parma ham菠蘿Pizza 係意大利人好憎嘅Pizza款式😂呢間餐廳仲將佢發揮得淋漓盡致，唔係平時食Pizza嘅一嚿嚿，你係將佢切薄片，舖到成塊Pizza都係，冇任何一絲嘅空位😆個人認為幾好食，睇得出係手工pizza🍕創意喇沙年糕味道係ok嘅，年糕軟硬適中，喇沙有層次，有東南亞風味，食落唔會水汪汪。🍕可以再encore，順帶一提佢個drink list其實幾吸引，下次可以試！

Vivian有野做去左又一城，見有少少🤏🏻肚餓問朋友食乜好，佢推薦食呢間Lunch set $108包野飲（都幾貴）橙汁燒鴨胸冷烏冬蔥，全部都係蔥，凍烏冬好食，煮得啱啱好，滑喐喐，幾好咬，睇個名有橙汁以為個味會好詭異，但食落個味係好食既，可能係因為凍食，都幾fresh，同埋呢隻味都係第一次食到，推薦巴馬火腿菠蘿薄餅 火腿偏鹹，個薄餅底外脆內軟，幾煙韌，切開有拉絲芝士，正常水平既薄餅粉紅蘋果（紅色個杯）芒果樂園（黃色）芒果樂園幾好飲，似新鮮榨汁，另一杯粉紅蘋果都ok，但比較之下，芒果樂園好飲d，鮮甜dOverall好唔好食？好食會唔會再幫襯？未必，因為lunch要$108偏貴，同埋未之於好食到要再幫襯，試下其他仲好

要在又一城吃早餐, 除了food court之外, 就只有EXP的選擇 上個月幾乎每天早上都要來一趟, 順理成章也會在這裡先吃份早餐後才去上班, 餐廳就在溜冰場旁邊, 邊吃早餐邊看著溜冰的人沙嗲牛肉包肉汁豐富非常燙口All day breakfast係我最喜歡的, 沙律菜很鮮甜午市套餐的海鮮意粉, 帶子大大粒, 忌廉湯美味而不膩肉醬意粉都不錯蒟蒻烏冬不是我杯茶韓式辛辣麵, 麵質軟左少少蕃茄湯麵夠健康炸魚不油夠晒脆, 最鍾意牛油粟米加入香草豬排煎得夠香又大塊, 牛油多士好好味全部菜式味道都很好很平均, 會繼續來幫襯

小妹今次專登去又一城呢間店食野😋 呢間餐廳地方好大,坐位闊落,以開放式廚房及烘焙間,令空間感更大😍仲可以望住溜冰場架🍤🥭🍜大蝦西柚芒果蕎麥麵小妹第3次食呢個大蝦西柚芒果蕎麥麵,特別天氣熱辣辣,食完涼浸浸,仲有3種蔬果(西柚,芒果,蕃茄)+玻璃般晶瑩剔透鮮蝦,食落特別開胃😚 酸酸甜甜,蕎麥麵充滿醬汁,超入味👍🏻見小妹點咗4次就知好食啦😝🍝燒帶子墨魚汁忌廉汁意粉燒帶子好吸引好大粒😍食落好有口感,又幾好味 🤟🏻呢個意粉食完唔會好溜,但同人傾偈前記得一定要飲啖水先好講野🌝唔係成口墨魚汁🤣小妹已經第4次幫襯啦😍真係幾抵又好味😋👉🏻小妹提提大家餐廳可以儲+用yuu積分架🥰

平時因為工作關係好多時會係又一城食lunch，我好多時都會揀EXP，環境好、對住個溜冰場，一路食一路睇住啲小朋友溜冰都幾正。大蝦西柚芒果冷蕎麥麵($102)當日因為唔太肚餓想揀啲細細份嘅輕食，所以試咗呢款蕎麥麵。冷麵汁好足夠，蕎麥麵好掛個冷麵汁，唔會因為凍同唔夠汁而痴埋一舊。西柚、芒果、蕃茄都好夾個麵。西柚有啲酸，芒果好甜，食落感覺好清新。蝦都好大隻又爽口，但就冇咩味道。下次去EXP我都會再叫，清新嘅感覺好適合夏天，份量又啱啱好!

去EXP的好處係座位同食物選擇同樣咁多，晚飯時間唔洗等位，可以直入。餐牌的菜式有齊中西韓，一定揀到想食的菜式。*軟殼蟹沙律*先黎一個軟殼蟹沙律，一上枱「下」左出聲，以後軟殼蟹未到，原來等兩舊仔放喺沙律菜下面。軟殼蟹好食，炸漿好薄，好夠熱，但份量真係唔夠。*煙三文魚紅蔥薄餅*薄餅係每枱必點，真心幾高質，介乎於拿波里同美式薄餅中間，軟身過美式薄餅，好有麵粉香，煙三文魚有紅蔥配埋食，唔會腥。*肉醬千層麵配田園沙律*肉醬千層麵好夠熱，新鮮焗起，芝士仲可以拉絲，但啲料好多，食唔到千層麵的麵。

又一城的餐廳一向貴，EXP算係比較平嘅一間，平時散叫的話一碟大約是$100左右，而且喺溜冰場隔離，一路食一路睇住人溜冰，都幾開心。之前來EXP食過幾次dinner，味道算中上，點知今次weekday 來食 tea，叫咗個Carbonara 同埋一杯juice，雖然係$70左右，不過大伏❗️❗️❗️ 個Carbonara賣相不行😡......完全無蛋黃味😤，也不creamy，感覺好hea😢...... 千奇唔好叫❗️真係唔知點算會煮到咁，色香味全部都無juice 只是正常，唔太特別

出左DBS Emininet Card 堂食有 5 Percent Rebate 所以黎試下 ：） 最近好似個人唔太健康，所以想食多D Salad 黎左咁多次又一城，都好少黎EXP, 感覺都幾滿意。 叫左軟殼蟹沙律🥗同深綠鮮果汁 ：） 沙律比較多菜，如果可以多些軟殼蟹就好

本身諗住嚟又一城溜冰，點知最後竟然full晒，咁就唯有喺隔離嘅EXP食飯睇住人地溜🥺 兩個人叫左個軟殼蟹炒意粉($102)同巴馬火腿菠蘿薄餅($116)🍕雖然menu寫話軟殼蟹炒意粉要等20分鐘，但唔知點解唔駛幾分鐘好快就上左枱了，可能係咁啱有人嗌所以一齊炒🧐 上到嚟熱辣辣，見到啲木魚絲仲飄下飄下咁🌀 要好好讚下佢個軟殼蟹，啱啱炸起仲㷫係基本，我都係第一次食咁有肉地嘅軟殼蟹，平時食開都只係食佢脆，但今次內外兼備👍🏻 不過意粉相對就有啲失色了，味道似係攞章魚丸、大阪燒嘅醬汁嚟炒，味道有少少過鹹😶巴馬火腿菠蘿薄餅同我地平時食嘅有啲唔同，菠蘿切成非常薄嘅薄片，食落去只會有淡淡菠蘿味，唔似得平時切菠蘿粒咁。火腿基本發揮，但芝士比得足料，有好濃郁嘅芝士味，薄餅比起意粉更為出色😋我地一坐低就被問有無yuu有啲shock，之後先發現佢原來係美心旗下，職員嘅態度都比較貼地啲，再加上男朋友一睇完menu就一直講話呢度係高級快餐廳，食完成餐飯，我都有少少同意，不過薄餅都值得一試🤭