EXP

EXP鄰近又一城溜冰場！大家可一邊享受美食，一邊感受場內動感氣氛！😆 而且翻新完環境更加別緻！而佢自家製意大利南部手工pizza更是人氣之王！即點即做！🫶🏻 超有心！即場人手搓粉焗製薄餅再加餡料和醬料配搭一流！食過就會明白有幾好味！😉來自東京的Craft Curry Brothers（CCB）最出名就係咖哩🍛！每份咖喱中有超過50%原材料來自新鮮蔬果，包括胡蘿蔔、生薑、番茄、蘋果等傳統材料，更有啲會加入香蕉、芒果等熱帶水果！而佢最引以為傲的焦糖洋蔥需要經過6小時細心炒製，將100公斤新鮮洋蔥濃縮至10公斤，提煉出甜中帶苦甘嘅口味！過程中完全不使用任何添加物、夠曬天然！推薦主菜：🫶🏻濃香番茄咖喱肉醬薄餅以原創咖喱醬汁配上EXP手工薄餅 🍕頗為好味！咖喱肉醬意粉味嘅Pizza😍 如果有芫荽愛好者！記得要試呢個！超級多芫荽🌿好香！😜😜我自己就好中意食佢呢個批邊！軟熟軟熟！🫶🏻慢煮美國牛柳日本溫泉蛋 牛柳用Slow Cook 以75度或以下嘅低溫烹煮再配埋溫泉蛋加濃香咖喱🍛 😋 真係好惹味！咖哩食落同一般咖哩唔同！偏向有陣香甜味！我自己就好中意食！慢煮牛柳熟度剛好又多汁！🫶🏻濃香番茄咖喱肉醬千層麵呢個咖喱肉醬千層麵一樣即點即整！新鮮熱辣出爐上枱出曬煙！！呢啲趁熱食先好食！😚 每層麵之間都有超多咖喱肉醬 👍🏻👍🏻滿滿芝士🧀鋪面！超邪惡😼 好味好味！甜點： 雜莓雪花冰 夏日必食刨冰🍧！透心涼😹😹 又爽！有酸甜草莓醬、乳酪配雜莓、餅碎、啫喱等配料🤲🏻 飲料：·「爽快」（紅蘋果、甘筍、檸檬及西芹）超健康口味配搭！完全無加額外糖有時飲吓呢啲清腸胃都唔錯！😙🫶🏻 自己就好中意🤣·草莓乳酸梳打味道偏酸 開胃非常！…查看更多

EXP brings Tokyo’s popular @craftcurry2020 “Next-Generation Japanese Curry” to Hong Kong ‼️ perfected through 1,000 trials 🍛 crafted by slow-cooking 100kg of onions for six hours to extract 10kg of caramelized essence 🧅 crafted with over 50% fruits and veggies - carrots, apples, and surprisingly, banana and mango for a sweet layered flavor 🥭 enjoy in bold Japanese-Western fusion delights 💫 like tomato keema curry artisan pizza 🍕 and umami-rich mushroom rice with aromatic curry 🍄 pair with refreshing drinks and fiber-rich juices🍹日本人氣咖喱限時登陸香港 ‼️ EXP 首度引入東京 @craftcurry2020 「新世代日式咖喱」 🍛 經過1000次反覆試驗，將100公斤洋蔥慢炒6小時 濃縮成10公斤焦糖洋蔥精華 🧅 每份咖喱超過50% 新鮮蔬果：蘿蔔、蘋果，還創新加入香蕉、芒果等，天然甘甜 果香豐富 🥭 打造日洋創意料理 💫 手工薄餅鋪上番茄咖喱肉醬 醇厚惹味 🍕 特製香菇飯以浸泡一夜的香菇及麻油雞湯慢火燜煮 淋上焦糖洋蔥咖哩 濃郁鮮香 🍄 搭配清爽特飲「草莓乳酸梳打」及「爽快」果汁 微酸解膩 🍹🍕濃香番茄咖喱肉醬薄餅 HKD$138craft tomato keema curry pizza手工餅底 香脆鬆軟 咖喱肉醬 番茄酸香香料馥郁 拉絲芝士 洋蔥京蔥 辛香惹味🥩 慢煮美國牛柳日本溫泉蛋 · 焦糖洋蔥咖喱香菇飯 HKD$165sous vide US tenderloin and onsen egg mushroom rice with craft curry牛柳鮮嫩 鎖住肉汁 咖喱醇厚 焦糖洋蔥甘甜韻味 配香菇飯 及溫泉蛋 濃郁滋味🍛 濃香咖喱肉醬日本溫泉蛋香菇飯 HKD$128craft keema curry mushroom rice with onsen egg慢火熬煮 豬肉洋蔥 咖喱肉醬 肉汁飽滿配香菇飯 及溫泉蛋 香氣濃郁 口感豐富🥕 爽快 good fiber HKD$45蘋果甘筍 檸檬西芹 清新健康 帶纖維感 🍓 草莓乳酸梳打 HKD$42strawberry calpis soda 乳酸奶香 粒粒果肉 微酸香甜 清爽輕盈📍 @festivalwalkhk 九龍塘達之路80號又一城UG樓UG-23號舖 🇭🇰*…查看更多

食物水準比之前低咗好多好多，換咗廚師？特別係個披薩可以用難食嚟形容，燒帶子墨魚汁意粉分量少得可憐（有圖），細食小朋友都食唔飽嘅分量，個石鍋飯裡面嘅甘筍仲要係酸叔嘅😖整體都好失望😞價錢唔平，唔明點解出品可以差到咁，短期內都唔會想再幫襯，以前真係食物質素好穩定嘅一間餐廳，無論同家人還是朋友聚會大多數都會揀呢間餐廳，因為D坐位夠闊落，但一排無去，今次陪小朋友係又一城溜完冰都係揀佢，點知宜家差成咁，極度失望，真係趕客😓…查看更多

9月20號下午我去咗呢間餐廳嗰度叫咗一個吉列豬扒飯同埋一個茄汁雞肉意粉。咖喱呢就聞到有少少燶味，意粉上到嚟嘅時候就多汁煮得太林，冇蕃茄香味，質素衰過茶餐廳。我建議大家可以選擇其他食肆。…查看更多

♡九龍塘日式咖喱Fusion美食🍛. ݁₊ ⊹ . ݁ ⟡ ݁ . ⊹ ₊ ݁. . ݁₊ ⊹ . ݁ ⟡ ݁ . ⊹ ₊ ݁. . ݁₊ ⊹ . ݁ ⟡ ݁ . ⊹ ₊ ݁.最近試咗 EXP同東京涉谷人氣日式咖喱屋 Craft Curry Brothers嘅合作菜式( ˘ᵕ˘ )♡♡呢度嘅咖喱底料好有心思，超過一半原材料都係蔬果，包括：胡蘿蔔、生薑、番茄、蘋果、香蕉、芒果，令咖喱味道層次豐富，帶出獨特嘅果香味૮ ᴗ͈ˬᴗ͈ෆა ✩︎⡱濃香番茄咖喱肉醬薄餅🍕 $138第一次試咖喱薄餅.ᐟ‪.ᐟ- 咖喱係芝士底下面，唔會好搶味，反而同其他材料融合得幾好～ - pizza邊幾軟熟，好食- 芫荽控必試.ᐟ‪.ᐟ因為都有唔少芫荽😂 不過我要夾晒走佢哋🙂‍↔️✩︎⡱和牛漢堡扒·焦糖洋蔥咖喱蛋包香菇飯 🍛 $138- 和牛漢堡扒唔係超juicy，感覺餐廳係行健康路線，漢堡扒冇乜肥膏，但味道都唔錯⸝⸝‪⸝♡- 焦糖洋蔥配咖喱同香菇飯，好香口，食完唔會覺得好heavy*͈ᴗ͈ˬᴗ͈ෆ ୨୧ 餐廳環境舒服，位置就係溜冰場隔離，可以一路食飯一路睇住人哋溜冰⛸️…查看更多

黎到又一城，無論睇完戲或者溜完冰之後好多時都會食EXP，可以話充滿回憶。不過今次專登黎到主因係為左試佢同日本新世代咖喱Crafted Curry Brothers聯乘的新Menu。之前曾經係日本涉谷試過Crafted Curry Brother的咖喱，味道係好特別，有難忘的體驗。Crafted Curry Brothers處理上與眾不同，經過1,000次試驗同改良，著重健康同埋味道的提升，除左咖喱所有材料係天然成份外，其中有超過一半蔬果，仲加左香蕉同埋芒果，最特別係將焦糖洋蔥由100公斤煮到10公斤，所以味道方面好複雜，食落去好似有威士忌煙燻的味道，同時帶有蔬果的鮮甜味，後勁即有少少辛辣，餘韻細長。今次就試左係日本都有的[慢煮美國牛柳日本溫泉蛋、焦糖洋蔥咖喱香菇飯]、仲有香港先有的[吉列橄欖油飼豬扒、焦糖洋蔥咖喱蛋包香菇飯]、[濃香番茄咖喱肉醬薄餅]，最後仲試埋呢度的特色飲品 [草莓乳酸梳打]、特選鮮果汁[爽快]同埋甜品[芒果雪花冰][慢煮美國牛柳日本溫泉蛋、焦糖洋蔥咖喱香菇飯]呢首係日本時都食過，可以話係神還原。慢煮美國牛柳夠嫩滑，配合咖喱醬一流。而呢度仲配合EXP特色的香菇飯，所以味道層次更加豐富。[吉列橄欖油飼豬扒、焦糖洋蔥咖喱蛋包香菇飯]一上枱見到吉列豬扒咁大塊，同時係厚切，食落去炸粉夠薄，豬味濃郁而肉質保持Juicy。而蛋包飯配咖喱基本上係最佳配搭，所以最後食晒之餘，連汁都撈埋。[濃香番茄咖喱肉醬薄餅]EXP其中一道Signature就係佢的Pizza, 將番茄、咖喱同埋肉醬，加埋芝士放係熱辣辣的薄餅上，可以話係幾重享受。薄餅夠香脆鬆化，非常充足嘅餡料，每一啖都會食到餸料。[草莓乳酸梳打‧鮮果汁爽快]始終咖哩相對上較為濃味，EXP都幾細心設計左幾款特式飯品解一解膩。草莓乳酸梳打酸甜兼有氣，解渴一流。而爽快以紅蘋果、甘荀、檸檬同西芹，好似wine tasting 咁樣，完美襯托Crafted Curry Brothers的咖喱味道。[芒果雪花冰]最後當然要食埋甜品，今次就揀左芒果雪花冰。雪花冰其實經常都食，但EXP的雪花冰相對比較細緻，真係好似食緊雪一樣，入口即溶，配上煉奶、芒果同埋柚子增添不同層次的甜味。…查看更多

本身成日經過exp都會買杯果汁嚟飲，然後前排喺social media 見到exp同日牌咖喱出咗crossover，所以慕名去試。全部聯乘餐牌嘅菜式本來已經喺餐廳menu裡面，而家有種推陳出新嘅感覺，揀咗咖喱烏冬，因為已經default 咗要揀最低卡嘅item，其實冇乜所謂，全部都未食過。飲品方面揀咗「爽快」，飲果汁好似抵啲。雞髀焦糖洋蔥咖喱湯稻庭烏冬🍥食埋餐前截擊冇留肚都食唔晒嘅一餐😂咖喱湯比較濃稠，湯汁不多，但由於味道很濃郁，所以唔使咁多湯汁都好夠拌麵。對咖喱認識不算深，但菜式沒有太辛的嗆，有隱性甜焦味，唔似銀咖喱飯嘅味道。好耐冇食天婦羅😭 口感好似煎釀三寶，但我都好okay，因為好耐冇食過。非常豐富嘅一餐…查看更多

海鮮忌廉海膽湯意粉 - 海膽味不足，忌廉味太濃，但意粉口感係好食嘅All day breakfast - 即烘窩夫幾好食，外脆內軟，沙律菜份量都幾多，淋上柚子醋配埋泡菜一齊食，幾開胃大C cup - 將橙汁奇異果士多啤梨一齊blend嘅果汁，微酸微甜，果香味足，幾好飲唯一美中不足係竟然咁大間餐廳係無兒童櫈提供😩…查看更多

我同朋友當日叫咗二人晚餐$358，牛扒同甜品就要加錢再換🫡圖二：刁草三文魚紅蔥薄餅三文魚完全冇腥味酥味，配埋蕃茄醬芝士非常之清新，唔會食落飽飽濟濟，可以話係市面上相對好嘅煙三文魚薄餅🤤🤩圖三：大包維（橙，西柚，青蘋果）非常新鮮feel到只有果糖，無再落糖 可能因為真係新鮮炸出嚟，杯嘢飲比想像中酸，唔太飲得酸嘅人唔建議飲，因為平時食開酸糖嘅，我去到最後都要溝水飲😂🙂‍↔️圖四：炭燒肉眼牛扒（8安士）配椰菜絲沙律•喼汁牛油（+$20）不得不提就係牛扒，我哋嗌咗五成熟，切出嚟嘅時候冇血水，仲成功鎖住肉針保持念念，作為一個原價大約200幾蚊嘅牛扒，佢絕對對得起個價錢🤩🤩💖圖五： 竹炭窩夫雪糕三文治（半價換購）竹炭味非常明顯，不過雪糕嘅味道見仁見智🙂‍↔️士多啤梨有啲似雪葩比較稀，柚子味好香甜又唔會酸澀冇柚子粒🤤整體而言，呢間餐廳好值得食，尤其你可以坐近溜冰場嘅時候，有一種錯覺俾你係$200食咗一個$600嘅Fine Dining🤭🤤🤤🤤…查看更多

一D都唔好食軟殼炒蟹意粉，話需要20分鐘，五分鐘都冇就已經上菜，意粉口感唔好又硬，醬汁過濃太重手，放勁多汁，甜到冇朋友，軟殼蟹油膩！照燒牛扒洞庭烏冬，外表平平無奇，烏冬冇味，七成牛扒會變成全熟，但牛扒味道還是可以的，不過係唯一一道正正常常嘅食物！松露薯條，薯條翻炸口感超級差，而且並不是新鮮熱辣！咁大間餐廳居然冇bb櫈，冇bb餐具十幾年前已經blacklist咗佢，唔係因為阿仔鍾意望溜冰場，我哋都唔會入嚟再試一試，真係冇下次！…查看更多

雖然呢間餐廳喺又一城已經屹立咗好耐，而我都幾常去又一城，但其實我去呢間餐廳嘅次數唔過三次，適逢最近有朋友聚會，而朋友就選擇咗呢間餐廳。裝修過後個餐牌好似比以前少咗選擇，而服務態度都係一貫地麻麻哋，不過坦白講以佢咁嘅價錢我都冇乜要求。我哋三個人叫咗五樣嘢，包括兩款前菜(墨魚沙律同埋沙嗲雞串)、泰式蟹肉薄餅、三文魚子明太子忌廉意粉同埋韓式海鮮石鍋薯粉。其實除咗個三文魚子明太子意粉我覺得因為太多cream而難食以外，其他四道菜其實以更平嘅價錢嚟講水準算係幾好，我個人最推薦就係個泰式蟹肉薄餅，因為個口味都幾清新同獨特。三個人都只係食咗六百幾蚊，都算係物有所值。…查看更多

EXP📍 九龍塘達之路80號又一城UG樓UG-23號舖┄┅┄┅┄┅┄┅┄┅┄┅┄┅┄┅┄喺又一城想食個快飯 求其入咗呢間日韓西馬泰餐乜都有得叫嘅餐廳見OpenRice都有唔少負評 我自己就覺得味道都唔差🤔▫️韓式炸雞日本溫泉蛋石鍋香菇飯 ($118)韓式炸雞有四大舊 調味就係standardize嘅甜辣醬基本石鍋飯配料都有齊 芽菜泡菜蘿蔔絲✔️個飯都算煮很乾身 撈埋溫泉蛋同韓式辣醬食好滿足👍🏼石鍋keep住係熱嘅 底層飯焦都幾多幾香口🔹另外仲食咗朋友兩啖封門牛柳蛋包飯覺得個牛柳幾不錯 軟腍又有牛味👍🏼┄┅┄┅┄┅┄┅┄┅┄┅┄┅┄┅┄…查看更多

一家人落山食晏，揀咗EXP，因為有早餐🥣環節，所以午餐🥣已有皓多人，但因為位多，攞咗飛都唔洗等位。隔一張枱望到人溜冰⛸️，入座職員👩‍💼會問咗yuu儲分，之後俾個QR code落單，叫咗蕃茄Pizza$138、日式全日早餐🥣$119、凍creme brûlée咖啡☕️$46同珍珠焦糖梳乎厘班㦸㨂雲尼拿$128（後上）。蕃茄pizza新鮮焗，望住厨師整，芝士🧀有拉絲，正👍🏻，日式全日早餐🥣有竹炭窩夫🧇，皓皓食，叫做日式，有蛋卷同獅子🦁狗，crème brûlée latte面頭有焦糖，就咁飲就多重口感，正👍🏻，梳乎厘班㦸叫上要20分鐘，不過唔夠空氣感，自己落珍珠，面頭有焦糖正，雪糕🍦太硬。店員不足，服務一般，仲有店員打爆玻璃杯🥃兩次…查看更多

今日約咗好友去又一城...踩冰，雖然仆咗好多次，未夠2個鐘已經傷痕纍纍，不過又真係幾好玩嘅。又餓又渴的我(們)醒起對住冰場嗰間EXP有鮮榨果汁飲，於是就…躝咗入去了。重新裝修嘅EXP係唔同D嘅，我講緊D價錢，不過，都坐低咗啦。揭幾揭餐牌就決定嗌《橘香燒烤醬炸雞翼》，《封門牛柳紅酒燒汁蛋包香菇飯》，《24個月西班牙火腿燈籠椒薄餅》和《蜜糖紫薯迷你薄餅》，飲品當然係勁多選擇嘅鮮榨果汁啦。特別想講講佢碟雞翼，食落口帶點酸帶點甜帶點辣，非常濃味送飯一流可惜佢冇白飯。另外，紅酒牛柳飯牛柳軟腍腍又多汁，煎蛋好滑之餘D飯好多菇粒所以非常香，可說是色香味俱全。總括而言，EXP係OK好食嘅，份量亦足，只要維持水準，個人認為目前價格...尚算合理。…查看更多

睇完戲後好肚餓，找個地方近近地食晚飯，見到EXP不用候位，就決定是它了！炭燒澳洲M3和牛西冷 (10 Oz) 配松露蛋黃醬薯條，餐牌上註明製作需時20分鐘，結果好快就上桌！牛扒大塊，充滿炭燒香氣，不會燒得太乾身，仍保持肉汁。薯條熱焫焫夠香脆，蘸香濃的松露蛋黃醬，好好食！24個月西班牙火腿燈籠椒薄餅，pizza以火腿圍邊，中間有燈籠椒、蘑菇片及芝士。火腿有光澤，微微鹹香之中又帶點甜味。Pizza餅底稍稍硬身了一點，若脆口些會更好吃。封門牛柳紅酒燒汁蛋包香菇飯，見到嫩滑的蛋就好吸睛了！封門牛柳肉質軟稔，牛味濃郁，配紅酒燒汁好惹味。香菇飯充滿菇菌香，與嫩滑帶蛋汁的炒蛋同食，正！燒帶子墨魚忌廉汁意粉，墨魚汁意粉爽滑彈牙，味道又香濃！燒帶子的熟度恰好，帶子依然軟嫩。日本溫泉蛋肉醬意粉，意粉份量好少，肉醬意粉的蕃茄醬汁味香甜，與溫泉蛋拌勻來吃，味道不錯。甜品是麵包布甸配綠茶雪糕，麵包布甸帶麵包的香脆又有布甸的柔軟，甜度適中。熱烘烘的麵包布甸，與冰凍甘濃的綠茶雪糕，冰火交融！EXP是一家上菜速度好快的餐廳，有幾道菜式的味道令人滿意，只是每道菜的份量不算多，男生要多吃幾款才夠飽。…查看更多