Espresso Alchemy

营业中

休息中

午餐一支公又唔係太餓又想食個包，最後去咗荃灣西的一間咖啡店，一個人比較易有位。餐牌好簡單一目了然，午市有套餐，選個主食有杯免費的咖啡奉送，如果想要espresso 可補費用還有凍熱大細杯可選擇。我今日選咗一個幾特別的bagel「三文魚菠蘿通心粉貝果配沙律」，bagel 質感唔錯，外邊少少脆裏面有點煙韌，煙三文魚好肥美再配上菠蘿通心粉沙律，酸酸甜甜又有魚的油香幾好的配搭。沙律菜新鮮，平日我唔會特登叫沙律因為總覺得唔夠味，但今日這個沙律配上淡淡的檸檬醋醬，感覺幾新鮮爽口，差不多全部都吃清。選了大杯的Latte 補$16，拉花幾細緻，好幼滑，入口有甜香的黑朱古力味，粉紅的杯子太嬌了。

今次嚟到荃灣如心廣場覓食，想靜靜地搵個地方同朋友飲杯咖啡、傾吓偈，就選擇咗試吓呢間餐廳！分別嗌咗兩杯Latte同埋：【青醬雞胸沙律配檸檬醋醬】💰92【煙三文魚沙律配檸檬醋醬】💰95價錢嚟講絕對唔算平，但好彩佢嘅份量都足夠，平時OL放lunch食嘅話都夠飽。雞胸目測大約有150g，煙三文魚捲咗做五舊小花花，成功補充蛋白質👍🏻檸檬醋醬開胃又低卡路里💕餐廳亦都有得選擇嗌意粉或者漢堡包總有一款啱你選擇~

Let’s get a cup of coffee. 午餐當然要飲杯咖啡，喚醒一下快樂的情緒，今日就試吓朋友推介位於如心廣場的Espresso Alchemy。沒想到這間coffee shop 世界性排名!簡潔的裝修配上淺色的枱椅令人感到舒服。今日吃的意粉也是朋友的推介，「青醬雞肉忌廉長通粉」果然合我胃口，羅勒葉加上蒜茸和橄欖油，翠綠顏色和味道都好清新，雞肉片嫩滑多汁，長通粉熟度有嚼口，加上忌廉和芝士整體很好，份量也足夠，美味喎。咖啡選了大杯的 Flat White，入口順滑，奶泡好細緻。原本想試下朋友推介的咖啡蛋糕，但暫時未有，改選了他們自家製的「藍莓蛋糕」，味道不錯，新鮮鬆軟，用來伴咖啡一流。

周日最想靜靜地放下風休息一下，沒有約人獨自去享受一個brunch ，嘆番杯black coffee 。行經的商場又有音樂表演啊！到達cafe 要等一會才可入座，安排座位後要到收銀處下單，豬頸肉卷餅配芥末籽醬，咖啡另加一個甜品。「豬頸肉捲餅配芥末籽醬」是一個好味又爽口的捲餅，豬頸肉煎得香香的，配上沙律菜及青瓜感到清爽不會油膩，芥末籽醬有著獨特的香氣，加上火箭菜增添韻味。「Long Black」 濃縮咖啡加入杯中的熱水，保留更多咖啡的油脂同香氣，好喜歡看到咖啡面的油脂，飲起上嚟更能享受咖啡豆的香濃。「藍莓核桃蛋糕」有脆脆的核桃和很多藍莓，蛋糕潤滑唔會太甜。吃完brunch 後下起大雨，撐住雨傘慢慢步行回家，享受食物及下雨天☔️。

最近多咗做gym，去荃灣西康文署運動場運動完後想食返啲優質嘢，隔離如心廣場呢間就好啱我，中午時分有雞胸沙律，但早餐就冇，今日揀咗呢個雞蛋牛油果沙律bagel配沙律菜，免費一杯黑咖啡，啱曬運動後補充體力，黑咖啡又幫助燃脂，沙律菜份量好多，最後都唔係好食得曬，呢間嘅咖啡非常出色，食物配搭又健康，真係好啱我哋呢啲關注健康嘅人士。環境又靚，成間餐廳係白色，落地大玻璃窗光線十足，打卡都非常適合。如果我晏晝做gym就會喺度食埋lunch，最鍾意嗰個雞胸沙律啲雞胸肉，豐富蛋白質，咬落去一啲都唔韌，少少調味已經好好味。

位於如心廣場的「法國五月美食市集」我是捧場客，過來看看有什麼心頭好，在這裏可以選購到由法國🇫🇷運到的食材。這兒又我愛的咖啡店，首先吃個早餐飽飽肚，我愛這裡的奄列，簡單而美味，選了「煙肉芝士奄列配多士」，奄列切開仍有蛋汁的濕潤，煙肉好香的煙熏味道，但唔會咸，配上芝士口感豐富。Sourdough 多士外脆內軟，份量剛剛好。咖啡當然是主打，Flat White 是我愛的口味，順得柔滑帶花香。今日的香蕉蛋糕好濕潤，吃落口口都含香蕉味和潤，我喜歡。

Weekend放假梗係要飲返杯咖啡食個Brunch啦荃灣如心酒店旁邊呢間Cafe坐著落地大玻璃旁邊．採光度十足．環境舒適✨厚切意大利煙肉配卡邦尼意粉卡邦尼個汁做得好香．口感Creamy即叫即製熱辣辣． 充滿香濃芝士味加上厚切嘅煙肉．食起來更有嚼勁✨青醬烤雞蕃茄芝士意大利三文治Panini外脆內軟加入青醬同嫩滑嘅雞肉同新鮮蕃茄簡單得嚟又好美味✨咖啡胡桃蛋糕烘烤後嘅蛋糕令味道更香滲出啖啖咖啡味．大大粒胡桃．令口感更豐富✨Latte鮮奶同咖啡比例恰好滿滿一杯．仲用心加上拉花

weekend 想去cafe chill 下 黎左呢間cafe有落地大玻璃 環境好舒服叫左個雞胸青醬panini 好足料 雞既分量好足夠 相比起其他Cafe價錢算公道👍🏻再配左個iced americano 好飲 整體印象不錯 會再嚟試其他食物

隱藏在荃灣如心廣場小角落的Espresso Alchemy，以咖啡和輕食為主打！ 🥗 青醬雞胸沙律一上桌便以繽紛色彩奪人目光。新鮮的羅馬生菜打底，搭配鹽漬小番茄，淡綠色的自製青醬裹覆著每一塊雞胸肉。雞胸肉處理得恰到好處，表面微焦鎖住肉汁呈現誘人的粉白色，雞胸肉嫩而不柴帶淡淡胡椒香。 🍝 青醬雞肉忌廉長通粉有別於沙律的清爽版本，青醬與忌廉完美融合，創造出濃郁卻不膩口的醬汁，每條長通粉都裹滿了墨綠色的醬汁，雞肉嫩滑。 🍹 蜜糖青檸梳打酸甜平衡，青檸的酸爽和蜜糖的溫潤很搭，氣泡感足，夏日解渴首選！ 總括而言，環境舒適，適合想安靜用餐或作小休chill一下，值得一試！

今日一早去咗Espresso Alchemy，想嘆杯靚咖啡。同大家分享下我嘅體驗先～我點咗杯 Latte regular size， 要了我$44刀。係先比錢再有職員安排入座。呢杯咖啡拉花真係好靚，葉形嘅拉花好精緻，都有啲唔忍心破壞佢😆。聞落去，咖啡香氣濃郁，簡直係 “香氣炸彈”！一飲落去，哇，個味道好濃郁！咖啡香瞬間喺口腔裡爆發，但比我想象中苦好多。我查咗下，用嘅可能係耶加雪菲咖啡豆。呢種咖啡豆通常有柑橘、花香嘅味道，但我呢杯苦勁比較突出，可能烘焙度高啲。不過苦歸苦，味道真係好有層次，慢慢品嘅話，會有唔同嘅風味湧出嚟。環境好舒服既，裝修簡約時尚，白色簡約，坐得好舒服。不過我去嗰陣係上班時間，店入面冇咩人。但唔知係咪太靠近出入口，感覺有啲熱，仲有蚊仔不時飛過，有啲煩😫。下次絕對會再幫襯！

呢日嚟咗呢間喺荃灣西附近嘅 Coffee Shop 食個午餐 🤣有多款 Lunch Set 可以揀，揀咗 $119「豬頸肉捲餅配芥末籽醬 Pork Neck Wraps with Whole Grain Mustard Dressing」，Lunch Set 包「Regular Size Single Origin Brew Coffee ☕️」, 再加 $33「Homemade Loaf Lemon Cake」😆Single Origin Brew Coffee ☕️ 大大杯有幾香嘅咖啡味 🤣「豬頸肉捲餅配芥末籽醬」：豬頸肉🐷脂肪含量充足，夠爽滑又幾好豬味，亦鍾意佢加咗啲火箭菜🤩，同捲餅一齊食幾夾😆「檸檬🍋蛋糕」：餐牌寫係「自家製」，有 subtle 嘅檸檬味🍋，唔係好甜，幾好食😆

今日早餐揀咗餐廳芝士煙肉奄列配香脆牛油多士～奄列份量驚人，足足3隻蛋嘅份量超滿足！🍳 厚身嘅奄列煎到金黃微焦，一切開就有車打芝士同鹹香十足嘅煙肉，蛋香超濃郁！☕️ 加錢升級嘅拉花咖啡好驚喜，入口順滑帶堅果香，完美中和早餐嘅油膩感～🍝 午餐試咗人氣嘅青醬雞肉忌廉長通粉🌿 自家製青醬香氣撲鼻，混鮮忌廉打成creamy又唔膩嘅醬汁🐔 雞胸肉嫩滑多汁，一啲都唔柴，長通粉煮得彈牙，每粒都掛滿翠綠色嘅醬汁💫 清新羅勒味同濃郁忌廉出奇地夾，食完成個人都好refresh！

青醬雞胸沙律配檸檬醋醬$92慢煮雞胸肉，食落十分嫩滑，配上沙律菜，健康又美味嘅早餐👍🏻厚切意大利煙肉配卡邦尼意粉$104意粉十分creamy,配上厚切煙肉，成個層次感升華！檸檬汁烤雞煙肉芝士意大利三文治$76新鮮出爐嘅panini,芝士拉絲😆外脆內軟，口感豐富多層次生酮花生醬黑巧克力忌廉卷$61濃濃嘅花生醬味配上黑巧克力，味道互相中和，唔會太甜，適合想食甜品，但又想健康嘅人士藍莓核桃蛋糕$33蛋糕香甜，再配埋核桃同藍莓🫐非常之夾👍🏻泡沫咖啡（大）$44拉花好精美☺️食完早餐，嘆杯咖啡，個人充滿精神鮮奶巧古力（大） $44 飲落去淡淡嘅巧克力味， 十分滑溜蜜糖青檸梳打 $47好fresh,解油膩一流👍🏻

走進位於荃灣的 Espresso Alchemy，我們馬上被明亮的白色裝潢和大理石的優雅設計所吸引✨。Bagel Avocado and Egg Mayo 🥑🍳
這道貝果搭配新鮮的牛油果和蛋黃醬，口感豐富且令人滿足。外層微脆，內裡柔軟。Panini Lemon Chicken Bacon Cheese 🍗🧀
這款檸檬雞肉煙肉芝士Panini，口感層次分明。雞肉的鮮嫩搭配煙肉的鹹香，外皮烤得金黃香脆，內裡卻保持著濕潤，一嚐就立刻愛上！Mocha ☕🍫
香濃的Mocha的拉花打卡超精緻！甜美的巧克力味與濃郁的咖啡完美融合。Flat White ☕🥛
平白咖啡的奶泡細膩，搭配濃郁的咖啡，口感非常順滑。

最近行緊低碳飲食，適合既餐廳少之有少，今次黎到Espresso Alchemy，食得飽之餘仲有甜品，簡直滿足到飛起。餐廳環境舒適，令到人感到輕鬆舒服青醬雞胸沙律配檸檬醋醬雞肉經過低溫慢煮，保持了肉質的鮮嫩，搭配埋青醬既清新，食得滿足又健康菠菜芝士意粉配忌廉汁意粉配上濃郁的芝士醬忌廉汁，充滿芝士既香氣，而且口感順滑意大利泡沫咖啡濃郁的咖啡香氣，香濃順滑Honey BeeHoney Bee蜂蜜梳打，梳打水既清爽配搭輕微甜甜既蜂蜜，甜而不膩生酮宇治抹茶忌廉卷每次黎到必食之選，低碳選擇又可以滿足食甜點既快樂，抹茶的香氣與蛋糕的鬆軟口感完美結合😋整體食物質素：4 / 5💰性價比：4 / 5👍推薦指數：4 / 5