Eggy

菠蘿炸蝦堡滑蛋吐司及煙鴨胸黑松露滑蛋吐司黎屯門都必定會黎食既吐司☺️ 其實黎食過好多次但都係會食返呢兩款口味。可能聽個名都係d好普通all day早餐都可以有既野，但其實諗得出將一碟菜式變成個吐司咁方便的確好好。菠蘿炸蝦堡裡面有秘製醬汁，炸蝦餅又香脆食落好好味加上有菠蘿 酸酸甜甜咁令人好有胃口食落去。滑蛋都係好重要既一環，唔可以係太熟、佢地係做到少少流心咁又好香奶味另外仲有煙鴨胸黑松露，煙鴨胸味道濃、配埋黑松露覺得成個野食再升華左味道 兩塊吐司都脆口、同埋我好鐘意食蟹籽、增加左口感，員工都友善，值得再黎試。…查看更多

Eggy韓式吐司黎講 呢間性價比好高之前都食過幾次 每次都好滿意~菠蘿炸蝦堡滑蛋 HK$38每次黎呢到都係點呢個聽落菠蘿炸蝦堡好似唔係好夾咁但其實精髓係佢啲酸酸甜甜嘅秘製醬汁襯埋佢啲配料同吐司一齊食 好好味呀~不過食呢個吐司嘅時候最好搵地方坐定定食如果唔係會跌到成身都係洋蔥圈鹹牛肉芝士滑蛋 HK$38呢個吐司就相對上比較普通第一啖咬落去 就係好香嘅鹹牛肉滑蛋味同平時出面食開嘅鹹牛肉多士差唔多但佢嘅秘製醬汁係幫佢加咗好多分~整體感覺呢間韓式吐司同其他同類型嘅店鋪比 性價比高好多三十幾蚊就食到一個勁足料嘅吐司如果平時食得唔多野嘅話 呢個可以當lunch 咁食架~…查看更多

真係超正吐司一間小小店但用料，制作都好用心。叫左軟殼蟹吐司厚厚既包底，用牛油煎得脆脆，又有牛油香。厚厚既蛋，炒得好滑，一啲都唔鞋。重有成只軟殼蟹，炸得岩岩好，唔會乾，外脆內軟👍🏽加埋一啲甜甜地既醬汁，好開胃…查看更多

屯門 - 《Eggy》📍 屯門屯利街1號華都商場1樓65B號舖吐司🍞都興起左一段時間係好多餐廳Cafe都有得食今次試吓屯門呢間專整吐司既小店( ´∀｀)聲稱係爆餡吐司配秘製吐司醬！除左toast仲有好多唔同款嘅小食同飲品～漢堡芝士滑蛋吐司(💰32)麵包皮有好香既蜜糖牛油🧈味滑蛋整得好好，有少少流心蛋汁漢堡扒同沙律醬好夾果然真係比得好足料～超級大舊餐 - 炸洋蔥圈(+💰20)跟餐小食份量都唔少洋蔥圈炸得好香脆♪( ´▽｀)好多洋蔥🧅所有食物都係即叫即整，要預少少時間等待⌛️…查看更多

一試小店, 原來是一人小店, 叫完店員就自己一個走入去整一大輪, 然後包得靚靚又整齊咁俾人, 是個年輕女仔, 等了一會時, 再加了2個小食, 她也默默地入去煮食, 雖然只是炸物, 平時我都不當一回事, 覺得炸物只是些求求其其的煮法, 但結果回到家後食時, 才發覺炸得好好, 味道沒有太甜, 令人滿意.包裝本身都幾精美, 有個特整紙盒, 包向上凸出, 最尾還會在頂加一張薄薄的牛油紙, 再貼上膠紙, 感覺十分用心體貼, 真是間服務良好的小店. 個包用料很足, 包的底端沒有切斷, 令汁流到四圍係, 反而全吸了醬汁, 沒有浪費, 食了 2 次, 最尾食完都係覺得個包有點兒偏甜, 若可以減少會甜的汁, 相信會更好.…查看更多

最近因為疫情關係真係無出去食野就快喺屋企已經發霉喇之前去浩和街影相打卡📸️買左韓式toast 入去EGGY有啲似韓國食既egg drop 😍好想飛韓國🇰🇷食食食炸軟殼蟹滑蛋吐司（$58）味道：🌕🌕🌕🌕🌗評價：有原隻軟殼蟹，一大堆滑蛋😻加上千島醬嘅醬汁，生菜，令個吐司更加惹味，亦唔會好油膩。不過建議吐司要熱食，先夠脆😝以$58呢個價錢嚟講我覺得幾抵食 菠蘿炸蝦堡滑蛋吐司（$38）味道：🌕🌕🌕🌕🌑評價：裏面嘅餡同蝦堡差唔多，不過吐司經過烤焗會令麵包外脆內軟，牛油味亦好香。有一片菠蘿，菜生同蝦堡，不過蝦堡既粉比較多，食唔到一粒粒蝦肉。不過整體嚟講味道唔錯，幾好食有機會會再去食食食😂…查看更多

喺公司唔想行出去食飯自然叫外賣㗎喇日日都係飯啊意粉啊車仔麵啊每日諗食咩外賣都有選擇困難症好彩有我嘅partner佢每日都會安排新鮮感俾我等我唔使用腦諗今日佢同我講11間好貴但係好味嘅吐司🍞🍞🍞🍞🍞我們有幾貴？佢話60幾蚊我話食包都要食60幾蚊？真係好貴喎咁同我嗌最貴嗰個啦午餐就要食軟殼蟹，一係唔食一係就食貴啲20分鐘外賣送到算好快嚟到包裝都超級靚仲可以打卡車手勁啊，黎到個吐司仲係熱最勁嘅係個軟殼蟹係脆卜卜㗎滑蛋口感又好正，真係有濃香牛奶味個喎突然之間覺得60幾蚊都OK啦足不出戶食到正嘢…查看更多

炸軟殼蟹滑蛋吐司 $58這款是我最愛而且人氣最高的一款吐司 😋 吐司烘得香脆但又不會過硬，軟殼蟹是原隻下油鑊炸，超大件，而且炸得剛剛好，不會乾身，咬下去仍會有蟹肉汁🤤 不過記住一定要趁熱食!!!!!! 另外吐司還有夾上生菜及滑蛋，滑蛋份量多，而且配上酸酸甜甜的千島醬，十分搭配🥰 總結: 吐司份量足料，雖然價錢稍貴，但小妹認為值得一試，而且細食的女孩子應該吃一份就能當正餐吧 (雖然不夠小妹吃🙈) …查看更多

來到屯門探訪朋友，跟朋友約了在附近等，見未夠鐘又未食飯，即刻上網搵食。見到附近有這間小食店，感覺幾好食，一於搵路來試試。在商場內兜來兜去，又問下路先搵到。吐司款式都有好多選擇，第一次選了店家👍🏻的。等了大約5分鐘，隨便拍了張便在走廊開動。煙鴨胸黑松露滑蛋 | $42 熱辣辣，麵包烤得脆又帶點軟熟，煙鴨胸味道濃郁，醬汁味道幾夾。滑蛋上有蟹籽，有不同的口感，帶點黑松露味。生菜🥬好大塊。有機會再來，會想試下其他口味。…查看更多

咁啱入去屯門當然就要試吓屯門先有既小店呢間多士店無靚裝修亦都無堂食坐位不過味道係唔錯既牛油果芝士黑松露滑蛋多士($42)多士炕脆底炒蛋夠滑 不過對黑松露就唔好期望太高牛油果新鮮芝士炕熱左之後半融狀態除咗沙律醬之外多士中間仲有秘製酸甜醬所以食到中間都唔會覺得太乾…查看更多

🥚 EGGY真係超推薦既屯門小店💛一黎真係好好食 二黎爆餡打卡一流 即叫即整 熱辣辣 重牛油香菠蘿炸蝦堡滑蛋($38)先講吐司真係好好好好好好味🤣好香既重牛油香味 食入口脆脆地 少少焦香味 外脆內軟 熱辣辣勁新鮮 岩岩出爐既麵包咁樣☺️鐘意牛油香既你地 真係唔可以錯過!另外佢重有少少辣醬 食落去果配搭好好成個食晒既時候 都唔會覺得口乾 炸蝦餅 有兩塊香脆 有蝦肉粒 有咬口 配埋菠蘿一齊食唔會有油膩感 酸酸甜甜 開胃生菜🥬 新鮮乾淨重點係 佢係成個吐司入點 黃中一點綠 影相打卡 有點綴感💕滑蛋 好大舊 有爆餡既效果食果陣要小心 唔係會跌晒落地🤣食既時候 諗番起好多年前係韓國食既issac toast 有呢種既感覺 但食多左幾次之後 就已經唔想再食了去韓國都已經唔會再mark 落must eat list 入面但呢個 我會推薦比大家 如果入開屯門 要加入 must eat list入面因為一間好味既小店 都要靠大家去懲罰☺️Gogogogo!!!!!!…查看更多

位於屯門華都Eggy韓式吐司店，一個人打理，所以相對上等候時間會耐D。🥪豚肉泡菜芝士滑蛋吐司 $32★★★☆☆吐司係甜麵包，有烘底，有牛油香，餡料都幾豐富！泡菜唔太辣帶酸味，同豬肉一齊食幾夾，但豚肉好鞋口下，好難咬開。芝士滑蛋好厚身同滑，唔會太老，但唔太食到有芝士味。幾難一次過食哂咁多樣餡料，同埋分佈得好唔平均，變左上半PART食麵包＋泡菜＋豚肉，下半PART食芝士滑蛋，同埋下半PART食落先有D甜甜地嘅沙律醬，放料唔太均勻，可能加上垂直放再有影響。🥪牛油果芝士黑松露滑蛋吐司 $42★★★☆☆牛油果同黑松露滑蛋比想像中夾，但牛油果唔夠熟好生下，食唔到牛油果精髓，芝士黑松露滑蛋個黑松露味道幾出，亦都夠滑口。但同樣地得上半PART麵包有牛油果，下半PART就冇咩，得番滑蛋，相對上冇咁豐盛，但價錢又貴D。🌟總括：價錢上唔太貴，選擇多得黎都幾抵食，作為正餐就好似唔太夠，啱哂下午茶或者唔太餓嘅時候食。…查看更多

【#肥波麵包系列】🎈食完呢個之後真係會念念不忘！自從睇完YouTube介紹之後，我地一直都想返屯門試吓佢💛🎈其實華都真係好多好野食，不過我地之前食開嗰檔手抓餅已經無左了～今日到底食左咩咁好食？令到我地食完會想翻叮？就係佢 - EGGY🥚 @eggyday.hk 💛🎈我哋叫咗一份去share，揀左煙肉芝士漢堡滑蛋🥪 所有toast都係即叫即整，拎上手熱辣辣勁正！餡料都幾足唔會係細細塊嗰種，大大啖咬落去好滿足😋🎈呢間嘅滑蛋真係做得好好，滑嚕嚕又唔會有腥味🥚上次食某黃店嘅炒蛋有腥味仲記憶猶新呀⋯⋯多士裡面嘅韓式醬汁酸酸甜甜，感覺好新穎又match喎💛我超鍾意個醬汁👍🏻多士裡面嘅生菜好新鮮，大大塊又無苦澀味🥬煙肉唔會煎到硬掘掘🥓同漢堡好夾🥩（其實整體感覺都似韓國嘅Isaac toast，好想再去韓國呀‼️）🎈肥成話下次要一人一份，佢已揀好左要魚柳😂而我呢就想試泡菜嗰款‼️好期待下一次再黎食🥪📍EGGY📍屯門屯利街1號華都商場1樓65B號舖…查看更多

行過屯門時見到eggy門口好多人. 就想試試🙈所有吐司都係即叫即整😳保證新鮮熱辣所以相對上等待時間會比較長少少拎到手之後就立即襯熱企係旁邊食😆係原隻炸軟殼蟹🤤脆卜卜熱辣辣架炸粉唔會過厚. 食落好濃味😳最搞笑係佢勁juicy🙈咬落去有爆汁.整到成手係有啲狼狽個蛋超嫩滑！重要份量超多😱食到底都重有好多🥚🍞個吐司烘到好脆. 有濃濃既牛油香味成個軟殼蟹吐司都好好食. 個配搭好夾😆等咁耐都係值得架…查看更多

見到好多類似既鋪頭Menu好似都差唔多以為係連鎖店但發現原來間間都唔同名🤭今次呢間係華都商場既一間小店無堂食位，買完企係門口食以前讀書既感覺返哂黎🙈頓時覺得依家啲師弟妹好幸福因為附近多左甘多野食🥲• 漢堡芝士滑蛋TOAST $32唔知點解我見到漢堡就誤以為係免治牛個啲，所以一見到係漢堡扒個時有啲呆左😂 明明人地圖文並茂，我都係叫錯🤦🏻‍♀️個TOAST真係爆哂餡，個滑蛋炒得好嫩，唔會過熟芝士就唔係好夠，下次可以考慮加$3芝士塊漢堡扒其實都好juicy，只係我個人本身唔太好食漢堡扒者😛因為係即叫即做，所以所有野都好熱辣辣，配埋岩岩烘起既TOAST, PERFECT🥰食到尾先食到個韓國醬，甜甜地又幾特別塊生菜其實好新鮮，不過唔食菜既寶寶就。。。🙄 佢係原塊甘兜住哂啲餸，變左要拎走佢都唔係甘容易😂 下次我會記得走左佢🤭Menu上有好幾款都想試，價錢又相宜，可以再encore🤤…查看更多