Eat@ease

想吃生蠔，看到這餐廳有，最近做特價，就過來試試。平日的晚餐半自助，日本生蠔，很肥美，吃生蠔吃飽了，主菜吃不下了。有我喜愛的咖啡機，還有雪糕，西啡一定搞起。下次來試試午餐。…查看更多

第二次嚟到eat@ease，試下佢哋嘅半自助餐！主菜沙嗲串燒雞真係肉多汁，完全唔會dry，口感一流。其他buffet選擇雖然未必特別突出，但都算美味，甜品同雪糕都可以接受。價格合理，環境又舒適，服務仲好親切，值得比個like！如果喺平台預訂仲可以享有折扣，真係幾抵食！…查看更多

本身無期望，咁先唔會太失望，但求間餐廳企理食餐lunch 就算小朋友點左肉醬意粉，差過大渣樂，我老公點左意大利飯，入餐凍既，原來我點嗰份先係極品，從未試過連碗湯粉都食唔落口，札肉比碗死咸怪味湯底攪到好難食，最後我份主餐成份無食過，所謂半自助餐。。。。預左選擇唔會多，一分錢一分貨，但我只飲左兩碗湯，一杯咖啡同一杯杯裝牛奶公司雪糕，其他嘢見到賣相都唔開胃蛋糕個樣嚇死你，冷凍前菜衰過菜樓碟前菜， 橙汁似溝淡左既藥水。 其實地點偏成咁，好心就做好啲餐飲幫補吓收入啦～ 難食成咁，可以好快入群組…查看更多

今次来葵涌覓食。比較咗幾間最後確定呢間，想睇睇工廈區的改造酒店，都係種生活的體驗。食🍽️：沙律，熱食（乳鴿、燒鴨、清蒸魚，西蘭花炒帶子、牛仔骨、羊架、意粉等），刺身，生果，甜品蛋糕及雪糕等等。附上圖：每位奉送的鮑魚及釀蟹蓋。官網預訂七折後埋單每位$398.4😆是在安靜的環境下，傾偈食嘢..…查看更多

第一次嚟食自助餐，晚市有任食生蠔長腳蟹都係$498買一送一，見到咁平就試吓😆星期日晚last minute book位，6:30到餐廳已經7成滿。每人首先送芝士焗龍蝦+鮑魚花膠，龍蝦同鮑魚都OK（但花膠就較韌🙅🏻‍♀️）我唔食生蠔🦪嘅，但睇落個樣就好新鮮，仲係即開嘅，朋友食咗話性價比超高👍🏻任食海鮮冷盤有蜆、蝦🦐、長腳蟹、青口，各樣都唔錯，反而熱盤粉絲蒸扇貝就麻麻。主題熱食仲有原隻乳豬，皮脆肉嫩😋 甜品一般般，蛋糕雪糕生果都有，選擇唔太多。不過咁仲好，唔會飽到滯咁離開🤭總括嚟講，計埋加一$300一位，酒店水準嘅服務同環境，舒服坐足3個鐘，好抵食嘅一餐😌💕…查看更多

今日3人去了葵興旭日酒店食半自助晚餐，地點不算方便，但是有免費接駁巴士，見它有七五折優惠所以想試下，主菜原價$248起，主菜點了韓式炸雞、三文魚闊條麵及帶子意大利飯，面和飯都還好不算難食，但是韓式炸雞炸粉太厚，另外他那款比較像日式炸雞，然後旁邊比個韓式醬汁感覺不太正宗，主菜其實也不算太糟糕未至於負評，但是出邊自助餐真的一肚氣，半自助餐講到明去到9:30，但是7:45左右出到去拿食物的情況如圖所示，壽司配料、炸物、烤野菜、蘑菇湯、芝士火腿拼盤、玉子豆腐和部份前菜也沒有也不refill，問了職員話不會加，之後差不多八點入了兩台客，餐廳求其出了點燒雜菜、蘑菇湯、咖喱角、前菜敷衍下，壽司料、芝士火腿拼盤、玉子豆腐也沒加，至於第二輪個蘑菇湯簡直是經典，第一輪好濃味好好飲，第二輪個蘑菇湯成碗水，我都不知道自己正在喝什麼，最後埋單人均都要$220，但是如果不是八點入了兩台客我相信食物完全不會 refill。 …查看更多

今次我哋去到一間晚市半自助餐只係$248起嘅酒店餐廳💰！而家酒店亦都做緊住宿套票，$660起就有得兩個人又住又食😍。呢度夜晚嚟到坐得闊落，假日仲有自助餐添😆。而午市就超級受附近嘅人歡迎🙌🏻，最好都係預早book位啦。我哋平日夜晚嚟到嘅餐點主題係 東瀛•韓風•佐賀和牛💕，餐廳會不時有新主題。.🌊海鮮海鮮任食真係好吸引！蝦肉夠鮮甜、彈牙。而海螺亦都好大隻，食落去超級厚肉👅，點埋雞尾酒醬好食。而且仲有鹹香嘅青口同埋鮮味蜆肉。.🥗前菜有唔同款嘅漬物，仲有芝士、火腿。因為而家做緊日本🇯🇵、韓國菜🇰🇷嘅主題，醃菜都有唔同嘅款式，賣相嘅色彩同埋味道都好豐富🌟。.♨️熟食可以自己包日式紫菜卷！喺九宮格🍱裏面揀鍾意嘅配料，配埋紫菜同埋飯自己卷。亦都有中湯同埋西湯🍲。而且仲有春卷、串燒等等香口小食🍢。串燒係廚師整好就即時放出嚟。.🍴主菜🐽慢煮去骨豬手配黃蜜桃燒汁($288)🐽份量夠晒多！而且豬手去咗骨，食起上嚟方便好多😎。🥩香煎佐賀A4和牛肉眼扒($468)🥩表面煎得香，裏面軟嫩多汁，肉質好好😍。.🧁甜品有幾款自家製西餅喺半自助餐區🍰，亦都有好多唔同款嘅雪糕。除咗有各色雀巢雪糕嘅味道，亦都有香港自家品牌嘅雪糕🍨。益力多味酸酸甜甜，幾好食。仲有Tiramisu味都唔錯🥳。…查看更多

揀咗一間比較小眾嘅餐廳～就係葵興嗰度嘅eat@ease旭逸Hotel Ease荃灣。 呢間酒店嘅自助餐價格親民，經常有網上訂購優惠㗎喇！食物質素係呢區真係好高食得過！今次我試咗佢哋嘅珍寶大頭蝦花膠任食生蠔海鮮自助餐，係好抵食值回票價㗎喇！海鮮新鮮到... 蝦同蠔超級好味嘅！生蠔肉肥美又回本，開蠔師傅真係好用心，confirm蠔係冇蠔碎片嘅！我仲好鐘意佢哋嘅周末carving燒牛肉，粉紅色嘅肉汁真係唔得了㗎喇！除咗海鮮同燒牛肉，佢哋嘅魚生同炒蟹都好出色㗎喇！仲有特別加送每人位上嘅大頭蝦、鮑魚扣同花膠，真係有豪華感㗎喇！對比返，佢哋嘅價格真係非常實惠㗎喇！雖然位置稍微偏遠啲，不過以咁抵嘅價格享受咁好嘅美食，真係好划算㗎喇！唔止食物好好，佢哋嘅服務亦都好周到㗎喇！服務員非常細心地為我哋換碟，餐廳整理得乾淨整齊，仲有舒適嘅音樂，真係令人感到輕鬆愉快！而且冇限制用餐時間，下雨天可以慢慢坐！咁樣嘅周六晚上真係非常享受㗎喇！而就有啲小意見嚟講，佢哋嘅清蒸魚同粉絲扇貝味道不錯，質地有咬口，但可以再淋軟啲，整體嚟講都算唔錯㗎喇。至於甜品方面，有啲一般般，冇咁出眾。不過佢哋嘅水果好甜補返得D分都不錯！😊🍉雖然周圍冇大型商場！最正嘅係佢仲有免費專車送你去地鐵站，超方便㗎喇！專車仲係全日行駛，唔洗擔心交通問題。 總括嚟講，我對呢次自助餐ok滿意happy happy😊💯可以encore！！ …查看更多

這次的法越主題半自助晚餐帶給我不錯的用餐體驗。主菜方面，點選的烤豬仔骨和鳕魚柳搭配車打芝士，口感相當不錯。配搭的醬汁有新鮮感，跟碟汁醬好味唔多夠，好彩餐廳廚師幫忙加refill汁。自助餐區，提供幾款冷盤海鮮，其中翡翠螺、蝦和蜆肉新鮮香甜。雖然盤子不大，放海鮮數量不是很多，但server不時補充，還是很可以的 !!OK。唯一麻麻的是有些青口打不開，希望可以改進這點。中西湯各有熱住但入口見凍，忌亷汤味道係好夠，熱會更好味。沙律和新鮮水果。沙律新鮮、口感清爽，而哈蜜瓜菠蘿特別甜。服務員笑容可掬服務不時換碟。整體就餐環境非常舒適溫馨，燈光柔和，讓人感到放鬆和愉悅。餐廳的客人不多，餐廳環境帶工業風。這次的法越主題半自助晚打折後餐價錢實惠，食品服務大致滿意，下次會再去試試周末生蠔自助晚餐 …查看更多

餐廳用工業風設計，場地寬敞，半自助晚餐 提供海鮮盤及沙律前菜，整體很不錯，服務細心，也有笑容，試左越南大頭蝦及豬仔骨，蝦多膏，非常好味一定要試，值得推介。已經約咗屋企人復活節去試吓個Dinner Buffet , 期待！…查看更多

用餐日期：2024/01/08可用餐時段：11:30-14:30，3小時用餐費用(每人）：$153餐廳環境：環境整潔乾淨 冷氣足 檯與檯之間闊落 坐得舒服 服務：服務員服務態度一般 自助區：自助區有沙律吧 面包+牛油 芝士 湯品 甜品 水果 雪糕 飲品 1: 沙律吧-這家沙律吧有5款沙律菜 8款配菜 5款醬汁 款式選擇不錯但沙律菜不新鮮味道一般 不推薦2: 熱食-自助區有2款湯(中湯+野菌忌廉湯) 4款麵包2款炸物湯-試了野菌忌廉湯 湯不咸味道不錯但有點偏稀 湯如濃些更好麵包-有4款麵包 包旁有烘烤機加熱面包 有提供牛油 1款冷火腿片 試了麥包 這家的烘烤機的內部可用空間偏窄細小關係 包直接卡在烘烤機出口底部出不來 要用夾子很小心取出極不方便及不安全 希望店方改善 炸物-有炸春卷 味道一般芝士-有1款硬芝士 味道一般 3: 甜品-有8款冷甜品+中式涼拌酸薑皮蛋+熱紅豆沙 甜品中只有紅豆糯米糍+涼拌酸薑皮蛋+熱紅豆沙味道不錯 其他的都味道不好 不推薦4: 水果-有3款 水果皮偏厚不夠甜也沒去皮 味道一般5-雪糕：有本地2品牌雪糕 試了牛奶公司的 味道一般 不推薦主食：選了澳洲羊鞍扒配燒汁(加$44)+澳洲草飼鮮肉眼扒250g配燒汁(加$66)1-澳洲羊鞍扒配燒汁：有3件 選了全熟 羊扒有羊味烤得不錯但直接淋上的燒汁偏咸關係整體味道不好 不推薦2-澳洲草飼鮮肉眼扒250g配燒汁：肉眼扒外型怪異 選了7成熟 牛扒有牛味烤得不錯但直接淋上的燒汁偏咸關係整體味道不好 不推薦飲品：有果汁 即磨咖啡 紅茶 配有室溫鮮奶 試了咖啡 咖啡只能出齋啡 牛奶也不是熱的 味道一般 如是即磨咖啡+熱牛奶或直接出latte類的即磨咖啡更好總結：因之前在同一集團下另一酒店餐廳食過半自助午餐味道不錯關係便來試這家 這家環境舒適 但自助區沙律菜不新鮮 甜品雪糕飲品味道也一般 羊牛主菜的醬燒汁不是另上而是直接淋上扒上且都偏咸 另餐廳範圍大服務員少 不易找到服務員 服務員態度也一般 整體服務食物質素低 同等價錢有更好的半自助午餐選擇 不推薦提示：這家酒店離地鐵葵興站A出口步行20分鐘左右 如不想走路的可選擇在葵興站B出口對面的7-11門口搭酒店免費穿梭巴士餐廳半自助午餐和穿梭巴士資訊：…查看更多

間餐廳好少人幫襯，假期都係得幾台客，絕對有原因。人均200幾蚊既午餐，完全唔值。比目魚主餐個醬鹹到呢，而且加埋薯蓉等配菜賣相完全唔討好。外面半自助餐野食款式少之又少，而且補給得慢。一杯杯既甜品有膠味，好難食。最離譜係佢哋收拾檯面既菜渣盤直接放係自助餐bar隔離，非常嘔心。🤢每次出去都會見到其他檯既食物殘渣…..快餐店都唔會咁樣，呢度算咩酒店……店員得一個係有啲禮貌…..整體黎講就係千期唔好黎食。…查看更多

🎪 Eat@ease (葵涌)葵涌梨木道圳邊街15-19號旭逸酒店1樓荃灣旭逸酒店🏨半自助晚餐😋同朋友黎吃個開心晚餐，慰勞下自己☺️見到呢度住宿大概五、六百元一晚，抵玩Staycation😗餐廳裝潢以工業風為主，非常有空間感，優點係可以慢慢享受整頓晚餐🥣店員服務態度親切，用餐經驗愉快☺️半助餐除左主食🥣自助吧枱有無限量供應海鮮、各式法越前菜及沙律，如法式鵝肝醬多士、越式單骨牛油雞翼、越式扎肉沙律、沙律等，還有甜品及自助飲品吧🤍最重要係可以慢慢來、慢慢食💓🌟香煎佐賀A4黑毛和牛肉眼扒 $468佐賀和牛質素非常高，稱得上是日本和牛最高級牛肉品牌🤤今次肉眼扒有250g，份量相當不錯👍 五成熟，入口脂肪均勻細膩，牛味濃郁🥹正‼️配埋燒蒜🧄薯蓉，簡單而岀色🫶🏻🌟法式油封野鴨腿 $278法國菜烹煮最講究🤤用上傳統法式油封手法即用油把肉蓋住黎烹調，數小時低溫慢煮而成🦆外皮超級酥脆，鴨肉肉質柔軟，嫩到可以脫骨，味道帶有鹹香🤤非常惹味👍…查看更多

在葵興的精品酒店中🏨裝潢以工業風為主 而且極具空間感營造型格舒適的用餐氛圍有一間隱世的歐陸餐廳⚓️本月主打法國🇫🇷及越南🇻🇳的菜式主打半自助晚餐 性價比高✨現時入秋更贈送窩心燉湯服務體貼同時飽肚滿足自助吧台包括日式手卷🍣、餐包配鵝肝醬、新鮮沙律菜🥗、炸物🍤、中西例湯、甜品🍰及雪糕🍦食材新鮮 種類豐富 能滿足追求新鮮感的客人🍲花膠海底椰川貝百合豬腱燉湯十分足料 火喉十足👍🏻味道濃郁 滿滿的鮮味✨🦀青醬蟹肉蘑菇意大利飯蟹肉份量十分慷慨每一口都能品嚐蟹肉青醬的配搭增加一份草香味🌱醬汁偏向creamy 濃稠意外地不會過於油膩🥩香煎佐賀A4黑毛和牛肉眼扒250g伴燒蒜配喜馬拉亞山岩鹽面層燒至微脆內裡肉質鮮嫩多汁🐂脂肪比例適中每口散發淡淡的油香旁邊的薯蓉香滑同時帶香濃的牛油味🧈🍮Tiramisu 份量相當大夾著芝士🧀、咖啡手指餅☕️及可可粉🍫口感冰凍幼滑充滿層次感…查看更多

位於葵湧旭逸酒店一樓的Eat@ease是一家以型格工業風為主題的餐廳。進入餐廳，你會被高樓底和開揚的環境所吸引，感到舒適愜意。 他們提供精緻的下午茶套餐，包括迷你竹炭漢堡、Parma Ham tart、炸蟹鉗、英式鬆餅和馬卡龍，每種點心都有兩份。這些點心的味道都相當美味，特別推薦迷你竹炭漢堡和炸蟹鉗，絕對讓人驚艷。 唯一的遺憾是，兩人份量有點少，對於胃口大的人可能不夠飽足。建議餐廳增加份量，以滿足顧客的需求。 總括來說，Eat@ease的環境寧靜，讓人感到放鬆。雖然兩人份量稍嫌不足，但食物的質量和味道都很出色。如果你想要一個舒適的地方享受精緻的下午茶，這裡是一個不錯的選擇。…查看更多