Dough Bros Pizza & Doughnuts (淘大商場1期)

今次又幫襯Dough Bro叫外賣返屋企食！🍕 佢哋真係keep到水準，次次都咁好食，完全冇令我失望過！😍 首先講吓個**Pepperoni Pizza**，一打開盒就聞到超香嘅芝士同辣肉腸味，忍唔住即刻拎起一塊！🍕 個餅底薄得嚟又脆口，邊位焗到微微焦香，正！上面鋪滿咗辣肉腸，每啖都食到濃郁嘅肉香，芝士拉絲效果一流，仲要唔會太油膩，食完一舊就想食第二舊！🤤 至於**炸雞翼**就更加無得輸！送到嚟仲係熱辣辣，外皮炸到金黃酥脆，咬落去"咔嚓"聲，入面嘅雞肉仲好嫩滑，仲有肉汁爆出嚟！調味啱啱好，唔會太鹹，食到停唔到口～ 最正係佢哋嘅外賣包裝做得好好，送到屋企都仲keep到溫度同脆度，完全冇淋到！👍 兩個人食晒成個pizza加雞翼都仲覺得唔夠喉，下次一定要再encore！ #DoughBro #Pizza控 #炸雞翼 #外賣美食 #Keep住水準 #comfortfood…Read More

👧🏻😋👅🍽✨首嚐King Prawn系列酸種pizza🥰-🍕 最近勁開新分店既Dough Bros一直係我既comfort food😋 淘大店除左做外賣都有少量堂食位置🍕 所有食物即叫即製, 單據會有pick up time可以行下街先再返黎-▪️SPECIALTY PIZZAS🦐 The White King $178 今年先出! 蒜香蝦, 蒜香奶油base再跟埋Ricotta係超濃香, 但再加埋檸檬同菠菜就好清新🥰 大蝦鮮甜又彈牙好正! 🥓 The Parma $168 Parma軟滑鹹香係番茄base經典之選 👍🏻 Sourdough pizza而家有兩個size揀, 仲有得買單件裝好方便, 就算細食都食到hand rolled pizza❣️ ▫️SIDES $58@🥯 Garlic Dough Balls (8 pcs) 酸種波波好軟熟, 塗上蒜油去焗勁香口! 🥔 Truffle & Parmesan Tater Tots 薯波外脆內軟好香薯仔味, 再淋上勁量松露芝士食到停唔到口🙂‍↔️▪️DOUGHNUT $38@🍩 上次Easter前搞試食活動已率先試過白朱古力味, 所以今次都好有信心White Chocolate & Pistachio唔會太甜, 果然爆餡香滑, 開心果同白朱甜味平衡…Read More

I love the freshly deep-fried doughnuts from small pizza shops, this Dough Bros doughnut allow you to choose the sugar you want. They offer cinnamon sugar coating which is a dream of all cinnamon fans!!!! It gives an extra taste not just defined sugar type of sweet! I chose Biscoff favour, they are generous on the fillings!!!!! How could you resist? Especially the shop is so easy to be accessed!!!! …Read More

第二次幫襯Dough bros✨✨✨本身好鍾意食焦糖脆餅，但係又怕好甜，不過最後都係試咗🤣好彩係OK嘅，甜度可以接受，冬甩同焦糖脆餅味都好夾。至於吉士味好香又夠濃，係略嫌啲醬唔係好夠，最後一兩啖就冇晒醬啦。另一樣好出色嘅，係佢嘅蒜蓉包（？）都唔係好識形容佢嘅樣，其實好似Pizza咁樣，好惹味，係今日嘅MVP！至於Pizza我哋叫咗pepperoni、Parma ham同夏威夷風味。三個都各有特色，但係又唔可以話特別好食。全部都足料嘅，Pizza底都好食嘅。…Read More

第一次用app叫外賣，見到有黑松露pizza就試一試。估唔到，冬甩性價比高，pizza口感不差。尤其是黑松露粒足夠。如果堂食相信更美味。因為點選的是二人餐。所以pizza剛好是我哋份量。pizza有ham，還額外送了黑松露奶油醬。鐘意點醬的是開心滿足。另外一個驚喜系黑松露雞翅，本身有兩個選擇，但未試過的情況之下當然係選擇雞翼啦，雖然送外賣途中導致賣相無咁靚仔，但微辣還有溫度又熱的雞翅，沾滿黑松露粒，不是黑松露醬。別有滋味。…Read More

Doughnuts at Dough Bros are so tasty, it tastes like those freshly deep fried ones from small local pizza shops overseas. The good thing is you could find Dough Bros in many districts, which is so convenience!This is Biscoff flavour with cinnamon sugar coating, you could choose white sugar or cinnamon sugar, a Must Not Miss for all cinnamon fans!!! …Read More

因為我朋友好鍾意Red Velvet，適逢情人節Dough Bros推出Red Velvet口味既冬甩，我就陪朋友去九龍灣分店買，打算買六件每人三件，點知付錢後店入面行出來職員黑晒面話無晒，那都算了，因為之前在中環和佐敦分店食過都不錯，所以㨂了另外三款每款兩件（Nutella,吉士,西柚）口味，另外也提醒分開盒三款味各裝一盒。不過回家食過後，應該不會再去這間了，質素差太遠，餡又非常少，同之前完全無得比，再加上裝錯晒，變左我有兩件係相同，完全得個亂字。…Read More

食完午餐，心絲絲想食點甜。經過就睇中了冬甩，於是買來試下。有8款口味咁多，好難揀，思量了一陣選左吉士醬同柚子味。冬甩表面可以揀要白糖或玉桂糖。🍩吉士醬冬甩：真爆醬！吉士醬好多，吉士醬幾滑，配合埋鬆軟嘅麵包質感，好好味！個人覺得表面唔使白糖就更佳！🍩柚子冬甩：些微酸感嘅柚子醬配合埋冬甩都唔錯，同樣多醬！不過二揀一的話，會揀吉士醬，口感配合得更豐富！:)平時好少食冬甩，對於傳統冬甩🍩覺得好甜，而且無咩特別。加左餡令整個口感層次多左，令人想食多幾啖。…Read More

Dough Bro嘅酸種薄餅一直人氣都好夠，如果新登記會員，仲可以係生日月有免費pizza食🍕今次簡單買咗佢哋嘅原始風味（即margarita），配料簡單但已經好滿足😋有水牛芝士、鮮甜嘅蕃茄同埋香香嘅羅勒，加上酸種餅底，我過去煙煙韌韌又有麵粉香，芝士同蕃茄香比例啱啱好✨不過買左一定要儘快食，凍咗擺耐左個餅底食落會無咁好口感。而家OpenRice仲有優惠，$115就可以買到，比正價再平d。而且，佢哋pizzza都會配一盒自家製嘅沙律醬，可以用嚟點薄餅食，估唔到咁既食法又幾好，pizza既蕃茄香加左d酸味，提升左味道！🍅🥗…Read More

味道一般！thru openrice 落單寫左6:45pm自取 系統顯示6:35pm已ready！三催四請店員多次話再等5-10分鐘就有結果7:20先有得拎 其實係漏單！ …Read More

久仰大名的「Dough Bros Pizza & Doughnuts」今天到訪九龍灣店朝聖，提供超過十款 Pizza、數款冬甩及小食-🔹The Carbonara $168每款 Pizza 皆附上蒜蓉香草沾醬卡邦尼醬、水牛芝士、意式煙肉、黃金蛋黃、巴馬臣芝士、黑胡椒及新鮮番茜10" 手工酸種薄餅，全部即點即製，確保新鮮，以型格黑色紙盒盛載，個人甚為喜歡薄餅邊有一定厚度，外輕脆而內綿軟輕韌且富空氣感，口感層次佳；多款材料的比例得宜，芝士做到拉絲感，啖啖煙肉與芝士香在口腔內慢慢滲出，齒頰留香；蘸上軟滑細緻又邪惡的蒜蓉香草沾醬，別具滋味-🔹Crispy Chicken Wings (10 pcs) $78單骨雞翼更易進食，炸至金黃色，油膩感不高；炸漿香脆，雞肉嫩滑又能鎖住肉汁，鹹中帶辣極具風味…Read More

點左個芝士辣肉腸酸種手工制薄餅，現場睇咗師傅拉薄餅，薄餅皮非常軟熟，拉絲芝士加辣肉腸，新鮮出爐真係超級好食。另外，點左一set泰式炸雞翼，甜甜辣辣，新鮮炸非常惹味。…Read More

這間人氣薄餅外賣店其中一間分店位於九龍灣的淘大商場，主打酸種麵團薄餅及炸冬甩。店內採用開放式廚房能欣賞到製作過程，裝潢以型格的黑色為主調，設有少量堂食座位。招牌酸種手工薄餅非常值得一試，以秘製的酸種麵團配方製作，每款即叫即製。外脆內軟的薄餅，伴隨微微炭烤味，帶有淡淡的麵粉香，濕潤度適中。2-4人分享套餐 - $378包括兩款薄餅、三款冬甩及兩款飲品The Carbonara濃郁順滑的卡邦尼醬散發蛋黃香氣，有拉絲的水牛芝士，又有鹹香的巴馬臣芝士，香脆的意式煙肉有濃厚的香料味，還有加入黑胡椒及新鮮蕃茜。The Parma 酸酸甜甜的番茄醬，同樣有水牛芝士及巴馬臣芝士，鋪滿柔軟細緻的巴馬火腿甘甜芳香，還有爽滑的香草烤蘑菇及濃濃芝麻香的火箭菜。招牌蒜蓉香草沾醬每份薄餅均有一份，有濃濃的蒜香奶油香。爆醬冬甩即叫即炸再加入餡料。七款口味選三款。Oreo朱古力醬有濃厚的朱古力堅果香氣、Biscoff焦糖餅乾有特有的肉桂焦糖香氣及酸酸甜甜的檸檬批醬，鋪滿香脆的砂糖。香脆雞翼(10件) - $78金黃酥脆的原味香脆雞翼，咬開雪白的雞肉嫩滑多汁，撒上鹹香的蒜鹽。松露芝士炸薯球 - $68外脆內軟的炸薯球，散陣濃郁的黑松露飄香，還有少少芝士。…Read More

又到晚餐時間，唔想諗叫外賣就最簡單😜竟然比我見到Dough Bros出咗好多泰式風味新產品，仲有個泰奶茶冬甩，即刻要試一試佢🤩🍗泰式脆香雞翼 ($78)脆香雞翼炸得又香又脆點都好食😆雖然話有10件，但其實係單骨，略厭份量有啲少😂辣雞翼加咗沙嗲粉，辣度十足😈好惹味，食唔停口🤤🍕Half n’ Half ($168)又揀咗兩個口味😋BBQ烤雞甜甜地好惹味👍🏻但卡邦尼就食唔出卡邦尼嘅感覺🫣忌廉味道唔算突出，主要食到煙肉味🥓最後都係靠佢嘅皇牌蒜蓉沾醬添加返嗰味😝🍩Triple ($98)今次貪心買咗3件set，因為計落發現比單叫兩件抵🤑其實主要係想試吓泰式新口味😛泰奶茶一見到就好想試😍點知就中伏啦🤡係第一次覺得唔好食🫠餡料好似奶皇包好傑唔流心，仲要冇乜泰奶茶味🥹成個食完好飽好膩😖…Read More

設立pizza同冬甩外賣專門店，真係令到買pizza嘅意欲大大提升，感覺方便好似快餐店概念一樣。門口仲有啲座位可以俾人坐低食。店舖呢頭落單，轉個頭已經可以見到入面廚師即刻搓薄餅，然後攞入焗爐焗，保證即整新鮮熱辣辣進食超級佛系公司，生日嗰個月有免費Pizza，仲要除咗Half-and-half，任何一款都揀得。臨近奧運仲送免費冬甩Ps個店員超Nice好有耐性比客人落單嘅時候先做決定，仲要勁有笑容。// The Truffle佢個手工pizza酸種餅底冇得輸！手搓薄餅，餅底一定超級鬆軟，有麵包感覺完全唔會有脆硬咬到嘴損嘅感覺。餡料上亦係毫不吝嗇，超豐富芝士、火箭菜、同蘑菇，佈滿成個pizza，另外點上超香濃黑松露醬，簡直係食到唔想停點剩嘅醬仲可以自己買啲薯條返嚟點嚟食pizza食兩塊半已經夠飽，可以三至四人share食// Thai Milk Doughnuts冬甩可以揀佈滿砂糖或肉桂糖，我以下選擇咗肉桂糖，咬落相對唔會咁甜，負擔輕少少。期間限定嘅泰奶餡料好特別，唔會死甜，食到啖啖泰奶茶味。個冬甩亦係極度軟熟，撳落去會回彈，鬆軟。食落去嘅口感係會先嘗到肉桂糖嘅微甜，咬落去係軟熟、暖暖嘅冬甩bid啲凍嘅泰奶醬出嚟，味道、口感豐富、大大個、冰火交融。必定要試食一個！！！…Read More