DIO Cafe Bar

Went to this bar with my friends, and I ordered the Canton Negroni during happy hour. .The Canton Negroni offered a unique twist on the classic Negroni with the spicy and sweet notes of Canton ginger liqueur. The ginger liqueur added a warm and aromatic element to the cocktail, balancing out the bitterness of Campari and the herbal complexity of sweet vermouth. It blended the spicy, bitter, and sweet flavour harmoniously, creating a dynamic and layered drinking experience..The bar is quite small and offers various creative cocktails.…查看更多

同朋友返去佢個中環舊居懷緬吓，仲特登帶我嚟佢以前舊屋附近的一間特色酒吧，知己敘舊摸吓杯底，體驗吓香港酒吧嘅特色fusion文化。位於中環鴨巴甸街的 @dio.cafebar DIO Cafe Bar，一定會俾你一種耳目一新嘅感覺，餐廳走工業石屎風的設計，面積不大，卻整道牆都係各式各樣的調酒，歡迎客人打卡和隨便選購；Open Bar的形式，坐喺吧前睇住Bartender調酒的show time，確實也是一種享受 酒吧主打各式各樣的Cocktail，最值得注意的就是自家製的fusion系列調酒，無論由Cocktail本身的Ingredients ，以致擺盤presentation ，都好似香港本地文化和西方文化一起融合，喜歡新鮮感的朋友，絕對不能錯過 🔮Lo Bak Go真係有蘿蔔糕味嘅Gin Cocktail真係非常特別，你諗都諗唔到蘿蔔糕，竟然可以變成一杯Cocktail ，自家製嘅蘑菇味Gin ，加入新鮮白蘿蔔造成嘅Cocktail，個top 嘅泡沫口感棉襪又有蝦米鹹香，造型都好似成個軟綿綿嘅蘿蔔糕咁，絕對創意十足 🔮Hawthorn Forest這杯Cocktail可以話係中西糅合嘅代表啊！以茅台酒混入Brew Coffee再加入自家提煉嘅紅棗甘菊蜜，咖啡香味撲鼻，入口甘澀得來，後續會有一些甘菊棗的甜香！最特別就係呢杯酒係會同一個山楂餅一齊飲用的，先咬一口山楂餅，再飲一啖酒，酸甜苦澀，層層遞進！個人覺得，好似我咁係一個咖啡控嘅話，真的很值得一些一試呀～ 🔮Pepper Tom大膽講一句喜歡刺激新事物的朋友，真的要試吓這杯Cocktail，整杯Cocktail俾我嘅感覺就係好似食緊胡椒豬肚湯，以新鮮白胡椒粒煮成的酒膽，加入自家製的鹹酸菜的甜酒，越飲越辣，越嚟越想飲，想再刺激啲更加可以再on top加多少小白胡椒粉，感覺更加過癮呀！🔮Tea leaf Egg Long以香港製造的五味雜層做底，融入茶葉蛋和八角味，第一啖入口竟然有一種不可抗拒的中藥茶香味，配埋伴隨的拖肥糖，鹹鹹甜甜，味道濃郁豐富🔮Mosyter日本山崎的Umami Bitter Cocktail做調酒嘅底，再加入日本白味噌麵鼓煮食的Gin ，Bartender 先在杯內加入一大磚差唔多同隻杯一樣大嘅冰塊，再倒入調酒；飲用方法是先咬一口新鮮的蠔葉，然後即刻飲一啖冰凍嘅調酒，入口苦澀鮮咸，自帶一種清爽酒香口感和味道…查看更多

位於中環的 DIO Cafe Bar 走朝啡夕酒概念，是次晚上到訪試了他們一系列廣東特色的cocktails🍸 除了酒好喝，店內的bartender非常友善，整個體驗超好的！我和友人最喜歡PEPPER TOM，一杯以胡椒、酸菜作主調的調酒，杯邊加上白胡椒粉，就像是胡椒豬肚湯的變奏版🥬🧂 喝起來帶辛口感，非常開胃！-另一杯令人非常難忘的是 MOSYTER，bartender形容它為一杯蠔味版的Negroni，的確貼切🤣 我們先咬一口蠔葉，然後喝口調酒，真的有種正在吃生蠔的錯覺😳🦪HAWTHORN FOREST 是以茅台做base的調酒，加上house blend cold brew、菊花及山楂，有種nutty同時帶甜酸的味道☕️喜歡creamy的則可以嘗試 TEA LEAF EGGNOG 和 LO BAK GO！兩者的味道正如其名，就是茶葉蛋和蘿蔔糕🤣 TEA LEAF EGGNOG 帶日本醬油風味，特別一提是其啡色的紋路是在模彷茶葉蛋的殼紋，超有心的🤎 而 LO BAK GO 由菇味gin和蘿蔔cordial製成，口感豐盈超重蝦醬味，接受到蝦醬的可以一戰這杯超有風味的調酒🦐🍸…查看更多

愛酒之人相信都會不斷去搵D創新有特色嘅酒吧去追求下衝擊，我都唔例外今次由朋友出發帶路去呢間係中環嘅Bar，Bar係融合住廣東特色風味嘅調酒，飲到中西合璧嘅調酒真係第一次🍸PEPPER TOM白胡椒味極濃嘅調酒，vodka加入左大量白胡椒，另外特調加入鹹酸菜。胡椒香加上辛辣，成個味道都好特別，直到以為食緊一道菜咁🥃HAWTHORN FOREST中藥嘅形式，用咖啡替代為中藥咁，配上山渣餅咖啡嘅香同細微嘅苦澀味道，成個風味都幾突出。邊食山渣餅邊飲就更加似邊飲中藥一邊需要山渣餅嘅酸甜香去中和咁🍸MOSYTER白麵豉嘅Gin酒，有一塊特別嘅蠔葉包住紫菜碎，好似飲緊一碗湯咁都唔似飲緊酒。酒底濃香帶住一陣陣麵豉香，另外蠔葉好特別第一次見，咬落真係有一陣陣好似食緊蠔嘅味道咁，好搞笑🥃TEA LEAF EGGNOG濃茶加埋八角同少少嘅豉油，再加埋蛋清打起左嘅泡沫，再加左隻特別嘅利口酒入去。口感因為有蛋清飲落滑身，味道聞落首先有好香嘅八角香，入口鹹鹹地，成杯口感豐富厚身夠滑🍸LO BAK GO可以飲落口嘅蘿蔔糕真係第一次飲到！調酒師同我地介紹，上面嘅泡沫係蝦乾製成，酒底加左菇味，將蘿蔔打左汁加埋落酒到，最後加左幾隻蝦米乾，成杯調酒淨聞都完全係蘿蔔糕黎。入口鹹香蝦乾鮮味，之後飲落有蘿蔔嘅香同甜，最後先慢慢散發住酒底嘅香，估唔到蘿蔔糕都可以飲…查看更多

Dio Cafe Bar 食評：中環黃昏的酒香之旅今日黃昏同朋友去咗中環嘅一間叫做 Dio 嘅 cafe bar 食飲嘢，享受咗一個充滿驚喜嘅酒之旅。Dio 的酒單充滿創意，每款酒都以獨特的配搭呈現出令人驚豔的風味。我們每人叫咗四杯，每杯都帶給我們不同的味蕾體驗。**第一杯，我飲咗 KEUNG SOUR。** 這杯酒包含了米醋、甜味苦艾酒、青檸和薑汁，再加入薑汁汽水。酸甜的口感非常開胃，非常適合與開胃菜一起享用。**第二杯，我飲咗 CANTON -KNEES。** 這杯酒以 N.I.P. Rare Dry Gin 為基底，加入碳酸冬瓜汁和香港桉樹生蜂蜜。清甜爽口，沒有負擔，非常適合炎熱的天氣。**第三杯，我飲咗 JASMINE DREAM。** 這杯酒包含了茉莉茶珍珠浸泡伏特加、普洱茶浸泡 Old Tom Gin、粗味苦艾酒、馬拉斯奇諾利口酒和橙味苦精。層次豐富，從一開始的茶花香味到最後的苦味，每一口都充滿驚喜。**第四杯，我飲咗 LEEKGRONI。** 這杯酒包含了韭菜浸泡琴酒、乾味苦艾酒和苦味白酒。感覺偏向深沉，但鹹檸檬的點綴讓後調提升，最後帶有少少苦味。Dio 的酒單充滿創意，每一杯酒都帶給我們不同的味蕾體驗。無論是酸甜開胃的 KEUNG SOUR，還是清甜爽口的 CANTON -KNEES，又或是層次豐富的 JASMINE DREAM，以及帶有深沉苦味的 LEEKGRONI，每杯酒都令人難忘。Dio 的酒單絕對值得一試，推薦給所有喜歡探索不同酒款的朋友。…查看更多

今次試咗佢嘅Canton-Inspired Spring Cocktails 系列，加入咗香港特有味道落去😆😆🍸Hawthorn ForestWith MouTai Bulao, Cold Brew Coffee, Hawthorn Chamomile Syrup, Coffee LiqueurHawthorn Forest配搭茅台布老、冷萃咖啡、山楂洋甘菊糖漿同咖啡利口酒嘅味道真係獨特而又豐富！飲落去，你可以感受到山楂嘅酸甜口感同洋甘菊嘅花香😌茅台布老嘅濃郁酒香，冷萃咖啡嘅濃郁苦味同咖啡利口酒嘅香濃咖啡風味☺️🥰呢款雞尾酒結合咗酸甜、苦味同酒香😚😚仲可以食住山楂配埋一齊飲層次更加豐富💖🍸Tea Leaf EggnogWith Magnolia ,Half & Half, Soy Sauce, Star Anise Tea Syrup EggTea Leaf Eggnog With Magnolia配搭半奶半忌廉、豉油、八角茶糖漿蛋嘅味道真係獨特而又特別😌飲落去，你可以感受到茶葉蛋酒奶嘅濃郁奶味同茶葉香氣，加上半奶半忌廉嘅柔滑口感同豉油嘅鹹鮮風味💞再加上八角茶糖漿蛋嘅甜味同八角茶嘅香氣😇呢款飲品結合咗奶香、茶香、鹹香同甜香，帶嚟一種層次豐富嘅口感同風味😌🍸Pepper TomWith White Peppercorn-infused Vodka,Pickled Cabbage Cordial, Chilli Liqueur, Saline SolutionPepper Tom配搭白胡椒伏特加、醃漬白菜糖漿、辣椒利口酒同鹽水的味道真係獨特而又有辣味😯飲落去，你可以感受到胡椒湯姆的辛香口感同胡椒香氣☺️加上白胡椒伏特加嘅濃烈胡椒味，再加上醃漬白菜糖漿嘅酸甜風味同辣椒利口酒嘅辣味😗😗而鹽水則帶嚟一份微咸嘅味道🤤呢款飲品結合咗辛香、辣味、酸甜同微咸🙈🍸MoysterWith White Miso-infused Gin, Dry Vermouth, Yomogi Liqueur, Umami BittersMoyster配搭白味噌浸泡嘅琴酒、乾味型苦艾酒、蓬萊菊花利口酒同鮮味苦味劑的味道真係獨特而又鮮美🤤飲落去，你可以感受到麻油斯特的豐富口感同麻油香氣😚加上白味噌浸泡琴酒嘅深厚嘅味噌味道😌再加上乾味型苦艾酒嘅苦香、蓬萊菊花利口酒嘅花香，同鮮味苦味劑嘅鮮味☺️ 佢仲配埋塊葉俾你～咬塊葉再飲就可以感受到生蠔嘅味道🦪好特別！🍸Lo Bak GoWith Mushroom-infused Gin,White Radish Cordial, Dolin Dry VermouthLo Bak Go配搭蘑菇浸泡嘅琴酒、白蘿蔔糖漿、Dolin乾味型苦艾酒的味道真係獨特而又美味🫢你可以感受到可以蘿蔔糕的綿密口感同蘿蔔的清甜味道😆而蘑菇浸泡琴酒帶嚟嘅深厚蘑菇香氣更加豐富了味道😇配合上白蘿蔔糖漿嘅微甜風味同Dolin乾味型苦艾酒嘅苦香，帶嚟一種層次豐富嘅味道💕整體而言，d酒都運用咗唔同嘅concept 😆有好多都係第一次試到嘅味道！下次決定試埋佢Regular Menu入面嘅Signature drinks 先！…查看更多

再訪Dio飲嘢佢地既cocktail 真係從不教我失望DIO Cafe Bar 係位於中環鴨巴甸街8號新中環大廈地舖佢係走日間飲啡 夜晚飲酒既風格佢地既特色cocktail 真係一試難忘好鐘意香港系列既cocktail特別係 Winter Blazer 佢係一個薑茶既既cocktail 而且係熱既仲要配埋酒釀丸子 好打卡-able@dio.cafebar Location : CentralPrice : $250-$300/p.pEnvironment (10 is chill): 7/10Yummy (10 is delicious): 7/10…查看更多

位於soho區、pmq對面既朝啡夕酒小店dio cafe bar 調酒充滿香港/廣東元素，別具特色，曾被time out hk評為best cafe bar 2023！到訪時試左canton-inspired spring edition menu，特別推薦 lo bak go & pepper tom兩杯savoury調酒，驚艷！ps. menu會隨季節變換，西九龍分店亦提供完全唔同嘅季節調酒，期待下次到訪嘅驚喜。𖦹 pepper tom $128OUR FAV 😍😍😍!!!!! 飲落真係一杯胡椒豬肚湯嘅味，仲帶鹹酸菜嘅鹹香，杯邊以胡椒粉點綴，飲落有啲辛辣刺激嘅感覺，VERY VERY FUN。𖦹 lo bak go $128重口味之選～自家製蘑菇gin配上好似蘿蔔既白色泡沫，飲落係一杯有淡淡蝦醬味、軟綿綿既蘿蔔糕，exceptional flavoursss🦐🦐🦐😛😛😛。𖦹 hawthorn forest $128以山楂調製嘅coffee martini 入口酸酸甜甜，有啲菊花既aftertaste，on side仲有細個成日食嘅山楂餅，易入口又懷舊。 𖦹 moyster $128咬一啖包住紫菜嘅蠔葉再飲呢杯海味店inspired、用上 white miso-infused gin調製嘅cocktail，真係有蠔嘅鮮味！！！𖦹 tea leaf eggnog $128inspired by茶葉蛋~加入香港製造嘅利口酒 「五味雜陳」、普洱茶以及八角，入口creamy富藥材香氣，面頭嘅啡色紋路正模仿咗茶葉蛋嘅裂痕。…查看更多

☕️Dio Cafe Bar🍸朝啡夕酒，兩種飲品代表一早一晚實在太貼切啦！中環就開左一間又有得飲酒，又有得飲咖啡嘅Cafe Bar 店內環境唔算好大，一個L字吧枱，可以一邊飲野一邊同bartender吹水，我見有好多客人入到黎都會一齊傾偈，好有feel佢地嘅cocktails好多都好創新，cocktails已經唔只局限傳統味道。signature就用左好多canton-inspired🍸Hawthorn Forest 用左山楂調製嘅coffee martini 入口好順滑亦都飲得出茅台嘅香味 自家製嘅cold brew 令酸味更突出 on side仲有好懷舊嘅山楂餅🍸Tea Leaf Eggnog以蛋酒作為主體 入口比較creamy 再加入左普洱茶同埋八角 同埋香港製造嘅利口酒 — 五味雜陳 帶有草本味道 亦都加入左少少豉油 有種鹹甜感 整體味道模仿茶葉蛋 好特別👍🍸Mosyter 一杯講求鮮味嘅cocktails 旁邊有塊包住紫菜嘅蠔葉 代表住蠔豉同白菜一定要咬一啖再飲 真係有種蠔嘅鮮味出黎 好神奇😃 🍸 Lo Bak Go一杯好大膽嘅cocktails 鹹香味道配上Gin 最特別係表面有一層泡沫 有淡淡蝦醬味道好似芝士奶蓋 🍸Pepper Tom最後一杯 亦都係我最鍾意嘅一杯聽完可能唔信 但呢杯胡椒豬肚湯真心好飲白胡椒infused Vodka 飲落有種鹹香味杯邊嘅胡椒粉令到飲口有種辛辣味道成杯野個平衡做得好好 唔會飲都好刺激嘅鹹味 又帶有辛辣感👍 推介大家去試！…查看更多

愛酒之人要黎試下呢間DIO 🍸 收工過黎已經full house 好多人chill 緊😂 睇黎呢間DIO 真系幾受歡迎！呢間D cocktail 口味都好特別，最近佢地仲推出左幾款香港特式口味嘅spring cocktail , 將一啲平時香港嘅食物味道調成一杯杯嘅cocktail, 例如有蘿蔔糕😂 但吾系真系用蘿蔔糕材料調啊，只系bartender 用味道去特調，真系好特別啊👍🏻🍸MOSYTER , 呢杯系最岩我口味嘅，用左gin base去調，艾草甜酒，味道較清🥃PEPPER TOM, 以vodka 作base, 呢杯系胡椒豬肚味😂好特別啊～味道好重胡椒粉，飲落酒精濃度都比較高🍹TEA LEAF EGGGNOG, 呢杯系inspired by 香港小食-茶葉蛋，加左八角等香料，飲落真系有茶葉蛋味喎，甜甜的，幾岩女仔飲嘅一款…查看更多

以前返工就喺隔籬街，一直都好鍾意呢兩條街嘅感覺，除咗有中環地道嘅飲酒文化酒吧林立，呢度仲保持香港嘅地舖特色，介紹大家嚟呢間酒吧真係好特別，佢哋嘅Menu有耳目一新嘅感覺，亦都融合咗香港本地文化嘅Cocktails，依家出邊好多Cocktails都係以環境裝修或者飲品嘅擺盤，令到大家有新鮮感，呢間除咗擺盤夠晒精緻，飲落都夠晒特色。我就同朋友試吓佢哋最新嘅Cocktail Menu，點咗幾杯試吓，融入廣東嘅口味，亦都有餘食咗一份美味嘅餐點，點樣特別？睇吓我介紹吓啦😎Hawthorn forest細個香港大嘅朋友一定有食過山楂餅，居然以山楂餅嘅配搭一杯以茅台同醬香甜味，入口除了有清新甘香嘅cold brew coffee，而且融入咗紅棗菊花後令尾段感覺更加鮮明平均。Lo bak go真係飲落好似食咗蘿蔔糕嘅味道，偏向有少少酸同鹹香嘅融合感覺，飲落即刻有種熟悉感，感覺猶如芝士般的泡沫空氣質感同蝦米咸香的cocktail 非常融洽，飲落真係好有新鮮感。Mosyter絕對令我非常驚訝，真係每一啖都好有好食咗一啖蠔嘅感覺，特別係配搭埋配蠔葉同紫菜會令感覺更加鮮香，呢杯白麵豉味Gin濃郁而清爽。Tea leaf eggnog融入茶葉蛋的裂紋概念，加入蛋同八角味，有種中式藥材般嘅層次，而配合埋拖肥糖嘅後段，味道非常濃郁豐富。Pepper Tom鍾意刺激嘅朋友一定要試吓，其實未去到好辣，而杯邊分咗一半白胡椒味較重，及另一半沒那麼多白胡椒，令大家可以分別到胡椒嘅後勁與強烈對比，香辣之餘帶有咸酸菜味，直頭係好似食咗胡椒豬肚一樣嘅衝擊，其實都幾辣身，又不由自主地一口接一口咁飲。…查看更多

最近同閨蜜去咁啱見到有Spring Cocktail Menu，一於試下。Hawthorn Forest咖啡味道幾特出，飲落有山楂嘅微酸，另外仲會比筒山楂餅邊飲邊食。Tea Leaf Eggnog雞尾酒帶陣陣香料味道，而八角及豉油味亦幾明顯，飲飲下又真係幾似茶葉蛋!😆Mosyter呢杯帶點和風感覺，用上帶白味噌味道嘅gin，配搭旁邊嘅蠔葉加紫菜一齊飲，會品嚐到蠔嘅味道。👍Pepper Tom強烈白胡椒味道，雞尾酒嘅微微酸味係來自酸菜，而杯邊亦放咗白胡椒粉。Lo Bak Go味道同蘿蔔糕非常似，面頭係蝦籽泡沫，除咗用上菇味Gin酒，亦加入白蘿蔔汁，味道帶點酸甜。如果想試啲特別嘅雞尾酒，嚟呢度會有驚喜喎！😉…查看更多

Dio cafebar is located on Aberdeen Street, offering the concept of "morning coffee and evening drinks" for people to fully enjoy every moment of life. This time, we tried a series of new and uniquely Hong Kong-inspired cocktails that were like an introduction to Hong Kong through cocktails. 🍹☕🌆1. HAWTHORN FOREST: This cocktail features cold brew coffee, hawthorn chamomile syrup, and coffee liqueur as the base, with a hawthorn biscuit garnish, delivering a refreshing and appetizing taste. 🌳🍎☕❤️2. TEA LEAF EGGNOG: This cocktail combines half milk, half cream, soy sauce, and star anise tea syrup to capture the flavor of tea leaf eggs. 🍵🥚🌟3. MOSYTER: Made with white miso, dry vermouth, Penglai wine, and a fresh and bitter liqueur, this cocktail evokes the essence of oysters, offering a unique taste experience. 🐚🍶🌿😋4. LO BAK GO: This cocktail features shiitake-infused gin, white radish syrup, and Dolin Dry Vermouth, allowing you to savor the deliciousness of turnip cake in a glass. 🍄🥕🍸👌5. PEPPER TOM: Created with white pepper-infused vodka, pickled cabbage syrup, chili liqueur, and saline solution, this cocktail brings the flavors of a peppery soup to life. 🌶️🥃🌶️🔥This series of cocktails is an excellent choice for those seeking to push the boundaries of their taste buds. Dio cafebar offers a delightful combination of creative and Hong Kong-inspired mixology, allowing people to indulge in the fusion of exquisite food and drinks in a pleasant atmosphere. Whether you prefer traditional flavors or enjoy adventurous taste explorations, Dio cafebar caters to your palate's desires. 🎉🍹🌇😍…查看更多

One of the timeouthk best cafe bars!Roasting coffee beans in the morning And mixing cocktails at night It’s definitely my fav in central!You will never get bored with DIO as their cocktail menu changes every season with different Cantonese ingredients Am trying out their entire spring menu todayAhaha no kiddingReally the entire menu!I love how their cocktails are loaded with alcohol CANTON- INSPIRED SPRING COCKTAILS-LO BAK GOCan already smell a strong white radish aroma when the cocktail is half doneI really like the foam , teeming with umami and prawn flavourRemember to have a sip with loads of foam so you can have the full lo bak go experience -HAWTHORN FORESTA pretty strong cold brew with a hint of Hawthorn, nothing too overpowering With a MOUTAI BULAO aftertaste to lengthen the experience -MOSYTERNegroni with a twistUnaged White Miso infused Gin with dry vermouth, Yomogi Liqueur and Umami BittersRemember to take a bite of the oyster leave and seaweed to giv you that extra boost of umami flavourVery interesting experience -TEA LEAF EGGNOGvery complex and layering texturesA bit clingy due to the raw eggUnique star anise tea syrup with both savoury and sweet flavours -PEPPER TOMA very Sichuan style cocktail Love the extra dosage of white pepper A mixture of White Peppercorn-Infused Vodka,Pickled Cabbage Cordial, Chili Liqueur and Saline Solution…查看更多

DIO代表希臘神話中掌管酒精嘅天神所以去到會見到個虛構出嚟嘅人頭公仔當初仲誤會係咪呢度嘅老闆咁自戀😆望到今季春天嘅seasonal menu 已經覺得好得意急不及待想試試完更加估佢唔到咁驚喜✨1. LO BAK GO 將菇注入去gin再將蝦做成泡沫一啖入口就係蘿蔔糕嘅感覺好特別2. HAWTHORN FOREST 淡淡嘅山楂味同咖啡味店員話係有茅台但完全唔覺得難入口3. MOSYTER生蠔葉同紫菜喺旁邊配合gin酒4. TEA LEAF EGGNOG意想不到咁似茶葉蛋嘅味道有食緊蛋白嘅感覺一樣咁順口5. PEPPER TOM個人最鍾意呢杯酸菜胡椒vodka清爽特別而且係想一飲再飲嘅cocktail 可以睇住調配每杯酒嘅過程感覺係放鬆同埋係長知識每杯酒嘅濃度唔算太高所以試多幾杯香港特色都冇問題✌🏻…查看更多