Délifrance Bistro

早前與居住在屯門的朋友gathering，朋友帶我到Delifrance用餐，說那裡環境氣氛不俗，食物亦頗有水準，令我都幾期待!!餐廳樓底相當高，空間感十足，配上柔和燈光，頗有情調，很適合與朋友/ 情人慢慢用餐~來到餐廳時已經是下午2時多，我們先選了一客午餐享用，再另叫了2客下午茶餐share!!友人本想叫期間限定的流心布袋芝士系列，但原來已經暫停供應，故選了別的午餐~大蝦羅勒青醬意粉 (跟餐配熱飲) (凍飲另加$5) ($104)這客意粉顏色配搭相當出色，除了有4隻爽口大蝦，還有酸甜的車厘茄以及菇菌，意粉亦很有嚼勁，調味亦合宜，個人覺得相當好吃!炸阿拉斯加魚柳配薯條 ($72) (下午茶餐)炸得金黃香脆的阿拉斯加魚柳，外脆內嫩，配以香脆熱辣的薯條，喜歡吃炸物的我很滿意呢~法式丹麥吐司配鮮果及雪糕($59) (下午茶餐)一客三件的丹麥吐司，酥脆又富牛油香，配搭蜜糖更為美味; 當然不能錯過幼滑的雲呢嗱雪糕，為這客吐司更添色彩!凍檸檬柚子蜜 (跟餐加$5)酸甜又透心涼的柚子蜜，實在有助消膩呢!P.S. 結帳時見到原來餐廳推出Cuisine Rewards 全新會員計劃…查看更多

今日去咗一間法式西餐廳、開到屯門這間Délifrance、整間店舖環境好有意大利風格🤔、由餐廳門外入去以淺黃色感覺舒適悠閒感、周邊以深紅藍色為主調、係以不同色澤配搭令到整間都幾特別、坐著感覺寬敞舒適😚、同時又望到餐牌又出咗新嘢食就要試吓啦🤭！意大利流心布袋芝士•乾蕃茄•香草茄醬意粉 $133呢一款新產品配搭都幾特別🤔、香草茄醬意粉賣相都唔錯😍、整碟意粉色澤味道都幾好、意粉軟硬適中沾滿醬汁酸甜味道都好醒胃😚、尤其是流心布袋包裏滿滿芝士入口香而軟滑😋！套餐有指定飲品送，或跟餐升級其他飲品都得法式丹麥吐司配鮮果及雪糕 $59呢一份係下午茶法式丹麥吐司、層層叠擺相加配埋鮮果睇得吓、甘香脆口吐司入口外脆內鬆軟、加埋牛油忌廉咸咸甜甜口感😋、再食埋鮮果清香甜口又解膩雪糕冰凍香甜！白汁碎蛋法國牛角酥 $62呢一份都係下午茶法國牛角酥都好健康又有營養😚、牛角酥香脆酥軟夾住香滑白汁碎蛋味道特別😋、加埋青瓜同蕃茄令到整件牛角酥別一般的味道、食埋沙律菜新鮮爽口又健康！熱法式焦糖爆谷朱古力 +$12呢一杯法式焦糖朱古力、望見都幾靚睇得又飲得、飲到入口濃濃朱古味又帶點甜香味道😋、加埋脆卜卜爆谷一啖朱古力一啖爆谷都好…查看更多

尋日出動去屯門，本身諗住試呢間食早餐，因為佢開得比較早，款式同價錢都幾吸引，點知遲咗出門口結果要食午餐。午餐價錢正正常常，唔算平、又唔算太貴。地方好大好闊落，坐得幾舒服，門口仲有好多麵包，如果即日收據就有八五折。:)咁我哋叫咗個$104匈牙利牛肋條意粉：套餐配飲品，$138大蝦泡菜卡邦尼燴飯：套餐配是日餐湯或田園沙律及飲品。牛肋條意粉好快就嚟到，依個可能比較預製，賣相一般，味道唔錯，但牛肋條好少，碎濕濕，呢個價錢真係唔多值，餐湯本來有兩款。雜菜湯同蘑菇湯或田園沙律，但係蘑菇湯同埋田園沙律都話冇，所以只可以揀雜菜湯，飲品就揀咗唔使加錢嘅芒果熱情果梳打，牛肋條就揀咗熱檸茶，熱檸茶整得差過茶餐廳，老公話冇味，芒果熱情果梳打就唔錯，好夠味，餐湯上咗連埋一件包，都算熱辣辣合格，跟住等咗好耐個燴飯都未到，追咗佢一次跟住就上嚟，呢個明顯好似真係即做，所以要少少時間，呢個就好有驚喜啦！泡菜味唔會太濃搶咗個卡邦尼味，蝦就四隻唔係多，正正常常尺寸唔算大，不過部分就有蝦腸，呢度扣少少分，但係個飯底就幾多煙肉，變咗成個飯好好味。午餐唔算太吸引，下次再嚟我都會想試早餐，整體可以一試。:)…查看更多

今日同老公去咗屯門Delifrance撐枱腳，餐廳環境好寬敞，燈光柔和，坐得特別舒服，我哋早嚟唔算多人，啱晒兩公婆慢慢食傾偈。我哋叫咗兩個套餐，第一個「Bistro招牌海鮮飯」一上枱就聞到香噴噴，鐵板吱吱聲好治癒！海鮮份量十足，大鱈魚柳外脆內嫩，大蝦同藍青口鮮甜，魷魚夠彈牙，每啖飯都吸滿海鮮精華，老公食到舐舐脷！配埋杯香濃奶茶，完美。另一個「大韓泡菜卡邦尼燴飯」更有驚喜！泡菜微辣酸香，同濃郁嘅卡邦尼醬意外地夾，食落開胃又唔膩，我差唔多食晒成碟。跟餐沙律新鮮爽脆，杯柚子蜜清甜潤喉，平衡返個味蕾。今餐兩公婆食得好滿足，Delifrance無論環境同食物都keep到水準，下次都要再嚟！…查看更多

近日，偶然也會來到屯門，加上屯門市中心數個商場有天橋連繫着，無論是打風落雨，還是陽光猛烈的日子，都可以輕鬆、舒適，盡情在這裡Shopping！  據了解，Délifrance Bistro 是 Délifrance 的升級版，無論是裝潢還是食物，均有別於其他Délifrance分店，難得屯門市中心的錦薈坊開設了《Délifrance Bistro》，當然要前來試試。先看看店子的裝修設計，以柔和的中性色調作主調，搭配精緻的燈飾，以及舒適的餐桌椅子，展現出一種輕奢時尚的感覺，充滿法式風情。食物方面，雖然我們前來的時間是下午茶時間，不過，選擇也不少，而且，除了主食，還可加配小食及甜品，相當不錯。先來煙三文魚牛油果醬炒蛋全麥多士，香脆的全麥多士上，塗了一層牛油果醬，營養豐富，好香好好味，更添加了一份creamy口感。其中一件上層舖上細滑的炒蛋；另一件則舖上咸香鮮味的煙三文魚，各具特色滋味。 蝦子餅一向喜愛薄餅，這次點選了燒烤醬雞肉脆薄餅，薄餅上層舖滿了雞肉粒、蔬菜、燒烤醬和芝士等餡料，相當足料，餅底屬薄身的，烤得金黃酥脆，入口時如薯片般薄脆可口。  小食方面，炸燒烤醬雞翼，選用無添加激素的雞翼，炸得香口酥脆，外層淋上滿滿的燒烤醬，醬汁濃稠，帶來酸酸甜甜的味道，相當開胃。  搭配我們最愛的黑松露白汁薯條，薯條不但炸得酥脆，每一條薯條上都散滿香濃的黑松露粉，吃時蘸一點黑松露白汁，更添滋味，讓味蕾大飽口福！   飲品方面，我以優惠價 +$16 升級餐飲至乳酪特飲 - 薄荷乳酪特飲，注入鮮薄荷葉，融合乳酪，散發出冰涼清新口感，絕對是炎夏降溫之選！ 而蝦子餅則慣常點選了一杯凍即磨咖啡來提提神。甜品時間，法式焦糖燉蛋，布丁內餡相當滑嫩，唯焦糖化的表層不夠酥脆，有點失色！法式蝴蝶酥配雪糕，酥脆的蝴蝶酥，搭配冰凍的雪糕，更適合炎夏享用。原來，Délifrance 推出了全新會員計劃 - Cuisine Rewards，下載相關App，即可免費登記成為會員，日後更可盡享總值超過 $400迎新優惠，BeautySearch 當然第一時間下載！   …查看更多

今日下晝，我同拍擋去咗屯門一間叫 Delifrance嘅法國餐廳歎下午茶。環境好chill，裝修有啲歐陸風，坐低就feel到有啲唔同。我哋叫咗兩個set。第一個下午茶係烤雞蘑菇惹菌汁意粉，啲意粉掛汁一流，雞肉又嫩又香，配埋法式龍蝦湯，鮮味爆燈，真係有驚喜。飲品就揀咗凍即磨咖啡，香濃得嚟唔會太苦，啱晒我口味。另一個係期間限定嘅韓國蠔泡菜卡邦尼意粉，辣辣地又唔會太刺激，泡菜同卡邦尼醬融合得幾好，幾有創意；超正，絕對值得推介。配菜係雜菜湯，清清地中和返個味，飲完都幾舒服。飲品就揀咗熱齋啡，簡單但夠暖胃。屯門呢間西餐廳真心正，價錢合理，服務又唔錯，下次可以再試吓佢哋其他菜式！…查看更多

鱈魚柳走高雅、清新、講究風格。鱈魚柳煎得外層微焦，呈淡金色，魚肉白淨細膩，入口即化，冇半點腥味。魚柳上面放咗檸檬片、迷迭香同食用花，唔單止令賣相加分，仲帶出一種法式田園感，睇得舒服又有格調。文也汁係法式忌廉白酒汁，味道香濃但唔會太霸道，恰到好處地提升鱈魚鮮味。汁底輕盈，唔會蓋過魚肉本身嘅細膩口感，反而令整體味道更有層次。配菜方面有烤新薯、蘑菇、椰菜花等，全部都煮得啱啱好，保留原味之餘又有香氣，食落有口感變化。擺盤方面非常講究，色彩繽紛，比例協調，睇落好似一幅畫咁。相中背景係藍白條紋牆身，襯托出法式 café 嘅氛圍，令人有種置身歐洲小鎮嘅錯覺。…查看更多

吉列豬扒芝士拿坡里汁焗飯一上枱就已經吸引晒目光。用小鐵鍋盛載，視覺上已經有種「法式 comfort food」嘅感覺。炸豬扒鋪喺焗飯上面，外皮炸得金黃酥脆，切開一刻，芝士拉絲效果超吸睛，係相機都忍唔住要影低。豬扒厚度適中，咬落唔會太乾，肉質保持嫩滑，仲有少少肉汁滲出，證明炸功唔錯。底層焗飯用咗拿坡里汁，即係番茄為主嘅酸甜醬，配合芝士焗面，味道唔會太膩，反而有種開胃感。飯粒吸收咗醬汁精華，唔會太濕亦唔會太乾，啱啱好。每一啖都食到番茄香、芝士鹹香同炸豬扒嘅肉香，三者融合得幾自然。📸 相中見到拉絲芝士同炸豬扒交織，真係令人垂涎三尺，完全係打卡級別。…查看更多

Délifrance可以話係讀書時間既飯堂今日行過見到下午茶餐都幾抵食一於去重拾返回憶🤣🤣🔹法式香草檸檬烤雞配烤雜菜 + 蘑菇忌廉湯烤雞做得幾好 皮脆肉嫩 香草同檸檬味都幾出烤雜菜有薯仔、茄子同西蘭花 焗得幾香口蘑菇忌廉湯幾滑 蘑菇味都夠濃🔹芝士煙肉小斑里尼包 + 炒蛋 + 迷你蕃茄通粉個包幾脆口 芝士同煙肉幾夾 炒蛋算滑 通粉細細碗 蕃茄味幾開胃🔹炸亞拉斯加魚柳 + 薯條魚柳炸得幾脆 入面魚肉都算嫩薯條炸得幾乾身 唔會太油 好香口本身仲想試意大利流心布袋芝士系列可惜已經轉左menu 希望下次機會食到喇🥲…查看更多

前幾日去咗屯門錦薈坊嘅Delifrance Bistro食晚餐。我地大約7點半，要等陣先可以入到座。餐廳裝修有別於平時嘅Delifrance，門外有設置Bakery區，可以外賣麵包，而入面幾有格調，座位寬敞，幾適合同朋友一齊聚餐。餐廳菜單選擇豐富，除咗可以散叫亦有套餐提供。餐廳今期推出咗泡菜聯乘套餐。▫️韓國蠔泡菜卡邦尼意粉套餐味道：8/10價錢：$138微辣嘅泡菜加上Creamy嘅卡邦尼意粉，味道出奇地合夾嘅一個組合。意粉軟硬適中，幾掛汁，而韓國蠔肉質結實，不帶腥味。跟餐同時附上一個田園沙律同埋芒果熱情果梳打，沙律菜幾新鮮，而芒果熱情果梳打味道清新，好適合夏天飲！▫️吉列豬扒芝士拿玻里汁焗飯味道：8.5/10價錢：$96面頭佈滿咗芝士同新鮮茄醬，味道鮮甜美味，而吉列豬扒肉質厚實，整體味道唔錯。跟餐附送一杯熱飲。▫️法國朱古力布朗尼配雪糕味道：8.5/10價錢：$39最後叫咗個甜品，朱古力布朗尼外脆內軟，佈滿咗朱古力同少量nuts。旁邊就跟上雲尼拿味雪糕，為今日晚餐畫上完美句號。…查看更多

錦薈坊三樓的Delifrance Bistro，以法式悠閒混搭亞洲風味俘虜味蕾！ 馬來海鮮炒意粉（$99）鑊氣十足——彈牙大蝦、鮮魷與香辣醬汁纏繞意粉，南洋風情滿溢；加配的 黑松露白汁薯條（+$38）更是邪惡之選，松露香氣×綿密白汁碰撞脆薯，停不了口！ 匈牙利牛肋條意粉（$94）燉肉軟嫩入味，濃香茄醬點亮整碟。暖胃湯品 蘑菇湯（+$18）綿滑濃郁，雜菜湯清爽平衡。餐後 熱檸檬柚子蜜酸甜醒神，經典 熱檸茶 亦沖得夠濃。重點推薦 Cuisine Rewards會員計畫！免費登記即享總值$400迎新禮：$25優惠券＋ 免費法國貴族牛角酥（原價$24），堂食外賣皆可用，掃碼入會超划算！…查看更多

Delifrance食野真係好舒服，同好味。煙三文魚溫泉蛋卡邦尼意粉卡邦尼醬汁濃而不膩，掛晒喺啲意粉上面，加埋煙三文魚同溫泉蛋，每啖都令人滿足。海陸燒烤拼盤有豬扒，蝦、燒豬骨和腸，我覺得係一個高級版嘅雜扒餐，肉質鮮嫩多汁，蝦彈牙鮮甜，配上烤新薯同雜菜，簡單嘅調味突顯食材原味，份量亦夠足。法式龍蝦湯龍蝦湯濃郁，入口充滿海鮮嘅鮮味，值得加錢叫😋黑松露薯條黑松露醬汁好香，加埋佢係粗糙條，整件事都覺得好好食🤤最後飲咗凍檸檬柚子蜜，清新嘅柚子味同微微嘅甜度好解膩，為整餐畫上完美句號。佢而家期間限定有意大利流心布袋芝士系列，見到隔籬枱點呢個好似幾好食，下次都可以試。今次我仲登記咗做Cuisine Rewards 全新會員計劃，免費登記又有超過$400迎新優惠牛角酥優惠券、$25蚊券！下次再食！…查看更多

屯門Delifrance 食評位於屯門市廣場嘅 Delifrance 餐廳，一直都係我心目中一個小清新嘅角落，簡簡單單，絕對係一場視覺同味覺嘅享受，真係食得超滿足。吉列豬扒芝士拿玻里焗飯係我嘅心頭好。芝士香濃拉絲，加埋酸甜焗飯醬汁，令我每一啖都食得停唔到口。豬扒炸得酥脆又厚肉，完全唔油膩，好有誠意。甜品方面，法式焦糖燉蛋真係完美收尾，蛋滑香甜，焦糖微苦帶脆，好有層次感。朋友叫咗草飼牛柳藜麥飯，牛柳煎得恰到好處，咬落口感juicy唔老，藜麥飯煙煙韌韌，健康之餘仲好開胃，成個配搭出奇地夾。之後嘅法國朱古力布朗尼配雪糕就真係甜品控福音，朱古力味濃又唔膩，配上冰凍香草雪糕，冷熱交錯嘅口感令人好有驚喜。食完真係心情大好，好有放假嘅感覺。Delifrance 一方面保留咗法式浪漫，另一方面又唔失香港人口味，好好…查看更多

對法餐的印象一般是頗貴上菜速度也較慢，但晚飯時間來Delifrance沒想到Dinner Set 價錢相宜，套餐送飲品，食物味道也相當有質素。🍔照燒醬吉列豬扒漢堡第一口咬下去是真是眼冒心心🥰😍太美味。吉列豬扒脆卜卜，充滿油香又厚肉，鮮蕃茄和沙律菜提升整個包的爽脆度，不得了。🍟薯條夠香脆。🥘鱈魚柳照燒汁意粉深海鱈魚柳煎香🐟、蜆肉🐚、洋蔥炒香意粉。照燒汁甜味突出，很上頭，小朋友非常Buy呀！🐃🍛草飼牛柳藜麥飯忌廉香菇燉藜麥飯，口感Creamy又健康。草飼牛柳鮮味，肉質鬆化，目測至少有200gram的份量。整體味道較為清淡，沒有過多調味，十分健康。…查看更多

今晚同老公去咗屯門Delifrance撐枱腳，叫咗個Superior Set for 2，$378兩位，性價比幾高，環境好舒服又唔會太嘈，啱晒拍拖慢慢食！ 頭盤有沙律同蘑菇湯，沙律菜好新鮮爽脆，配埋黑醋汁好開胃。蘑菇湯香濃creamy，飲到粒粒蘑菇碎。主菜1：新西蘭草飼牛柳牛柳煎得啱啱好，職員冇問幾多成熟，似有7成，切開仲係粉紅色，肉質軟嫩冇筋，草飼牛果然天然啲，牛味濃但唔會羶。配菜嘅薯仔仲有烤雜菜，健康得嚟又好味！ 主菜2：招牌海鮮飯材料夠晒豐富：藍青口、鱈魚柳、海蝦、魷魚同蜆，全部鮮味十足。個飯吸晒海鮮精華，仲有少少蒜香同蕃茄甜，好開胃。甜品法式蝴蝶酥配雪糕——蝴蝶酥脆卜卜，焦糖香濃，夾住雲呢拿雪糕，口感好正。+$29焗法國軟心朱古力蛋糕——一切開朱古力醬湧出嚟，濃郁唔會太甜，配埋凍冰冰嘅雪糕，完美。呢個set份量足，味道有驚喜，服務又唔錯。會再encore!…查看更多