Day One Cafe (駱駝漆大廈第三座)

营业中

休息中

每次到觀塘駱駝漆大廈都係好多人，行街前先醫飽個肚先，今日搵咗6樓呢間Day one cafe食下西餐。環境都算安靜舒服，至少空間夠，不會太壓迫。食物款式夠簡約清新，都係食意粉、沙律菜之類，不會太複雜，非常適合追求健康簡單的朋友。叫了一個現時時興的黑松露椰菜花飯，把椰菜花切到好像米一樣size 的炒飯，加入黑松露洋蔥，入口非常香，黑松露味道十分濃厚，配上爽脆鮮蝦，每啖飯都很爽脆，這個飯其實一粒米的成份都冇，只有椰荼花，但卻十分飽肚！另一個慢煮雞胸牛油果沙律，雞胸嫩滑、牛油果沙律菜新鮮，是一個健康的菜式。配合2杯顏色美觀的草莓乳酸梳打及雜梅沙冰，完滿的一餐！

📍Day One Cafe (觀塘 - 駱駝漆大廈)友人呢幾日開展左佢嘅減肥大計，於是就揀左間有得食健康啲嘅餐廳，去到睇menu發現連生酮人士都照顧到。坐低左之後，隔離枱都有問有無啲素食餐，咁侍應就表示肉類可以分開上比佢同枱食肉嘅人食。🩵Drink - Mocha ($48)Set drink price (-$15 = $33)🩵 Espresso Tonic ($42)Set drink price (-$15 = $27)每日晏晝同事都飲嘅咖啡🤣 今日就推介左友人試下，精華係上層d bubble💕 煙三文魚忌廉扁意粉🍝 ($108)放盤好靚 有個煙三文魚花材料入面就有啲菇、洋蔥🧅咁一齊炒我就鐘意佢啲忌廉汁唔會太多，但啲意粉又唔會好乾💕招牌蒜香橄欖油煎鴨胸翠玉瓜麵 ($92)友人見佢係翠肉瓜麵咁得意就叫左黎試我就偷左小小試我覺得個麵好爽脆，連啲汁一齊食都似食緊平時嘅蒜香意大利麵💕朱古力醬牛角包窩夫🧇配朱古力雪糕🍦我最愛嘅甜品，最近終於瘦返啲，我可以獎勵自己食返個窩夫餐廳煮緊嘅時候就已經聞到個陣牛油香🧈一出爐就即刻食嘅野，當然特別好食同脆卜卜啦正常份量，食完飯食就岩岩好啦間餐廳同其他

放工後去駱駝漆行一陣，發現一間型格cafe☕，星期六同朋友輕鬆chill，真係好開心！😚慢煮澳洲肉眼配薯蓉呢道慢煮澳洲肉眼已經切好晒，一條條撒上少量海鹽同黑椒粒，無需其他醬汁，簡單調味，食到最原始嘅牛味🥩。配搭有海葵🌊、車厘茄仔🍅同滑滑嘅薯蓉，成碟食哂完全冇剩。肉眼好幼滑、多汁又嫩，隨自己喜好加鹽同胡椒，真係好啱口味，夾埋薯蓉更加好味！ 奶蓋綿花糖牛角包窩夫配雪糕即叫即整，牛角包窩夫外層酥脆，內裡有濃郁香醇嘅芝士奶蓋🧀，食落去滑而綿密，瞬間融化，留下滑膩的餘韻。旁邊有輕盈蓬鬆的綿花糖🍬，暖暖的、煙韌又酥脆，加上滑溜嘅雲呢拿雪糕🍦，形成味覺同口感嘅絕佳衝擊🤩。

駱駝漆大廈有超多餐廳，又有超多小店。係6樓差唔多最盡頭，門口已經有個雪櫃，放滿好多好吸引嘅蛋糕，型格又舒服嘅設計同埋幾大嘅空間。menu都好多款嘢食，於是行完街就嚟試依間café。 傳統卡邦尼意粉 意粉好掛汁好香，蛋汁加埋芝士同香料更加好食，完全唔覺得膩。再加埋煙肉切得大大粒，煎到表層好脆，食落好香口，有咬口之餘又好得意。 香煎澳洲草飼肉眼牛扒配薯蓉 超打卡able嘅擺盤，牛扒已經切好好貼心，上枱前仲已經加好鹽同黑胡椒，另外仲比多咗一樽可以隨口味加，但我覺得就咁已經好好食可以唔洗加。中間部分仲係粉嫩嘅顏色，肉味都好濃。薯蓉好creamy唔會膩都好好食。 仲加咗兩杯飲品，跟餐可以減$15。凍朱古力同埋熱焙荼鮮奶。 凍朱古力好濃郁，表層仲有可可粉。焙荼鮮奶唔止有靚拉花，飲落荼味好出，加埋鮮奶勁好飲。 而且重點要讚職員服務超好，好友善之餘又主動問要唔要碟分碟食，又經常留意大家要唔要加水。 最後被menu上面嘅芝士奶蓋綿花糖牛角包窩夫吸引咗，仲有一球雪糕，可以揀朱古力式者雲呢拿，覺得好似雲呢拿夾啲就揀咗佢。因為坐咗係水吧隔離，一整窩夫就聞到超香嘅味。 賣相已經好吸引，芝士奶蓋同埋綿花糖都落得超

餐廳裝修幾靚，簡潔舒適，燈光柔和，座位闊落，好適合同朋友黎聚餐👍🏻👍🏻👍🏻而且服務態度好好~餐牌選擇唔少，有各種主食、野飲等松葉蟹肉明太子椰菜花飯 $118松葉蟹肉份量比預期中多😋😋😋明太子好香，同蟹肉好夾，椰菜花飯好好食，好fresh~麻醬雞絲蒟蒻冷麵 $108推薦！！麻醬好多，足夠每啖都食到滿滿麻醬，仲可以根據自己所需去落個份量！雞絲一啲都唔柴，蒟蒻冷麵好健康都好好食！野飲叫咗Osmanthus Oolong Tea +$21 同CoffeeLatte +$27🤤🤤🤤

想搵個健康又好食嘅地方？咁你一定要去試下觀塘駱駝漆大廈嘅Day One Cafe啦！呢間咖啡室主打健康飲食，但唔係淨係得生菜沙律咁簡單㗎佢哋嘅KETO All Day Breakfast真係超正！啱晒啲想keep fit嘅朋友。我個friend話佢食完都冇覺得肚餓，仲話好飽添。仲有酸種多士，聽落好似怪怪地，但食落口超有嚼勁，唔會似平時啲多士咁乾身。如果你係健身發燒友，一定要試下佢哋嘅高蛋白質營養餐。食完gym都唔使擔心蛋白質唔夠喎！雞胸肉嘅份量足足有180 gram咁多經過慢煮後嘅雞胸亦都保持到鮮嫩至於雞肉串燒，雖然好似唔係咁健康，但都幾夠水準，算係放縱一下嘅好選擇啦。最正嘅係，Day One Cafe仲同其他店鋪合作，有得賣bagel同蛋糕。總括嚟講，Day One Cafe真係一個食得健康又唔會覺得好悶嘅地方。無論你係想食個豐富嘅早餐，定係想搵個安靜嘅位坐低嘆返杯咖啡，呢度都啱晒

打完風出走一下，去嘆個下午茶～～呢間餐廳有咖啡、小食、主食、蛋糕等等～～下午茶時間嚟食都可以食啲輕食～～多選擇！叫咗一杯草莓蘋果醋梳打，賣相好靚，有士多啤梨🍓飲品顏色都好靚～～味道酸酸甜甜，好爽好開胃～～另外叫咗雞肉串燒，好入味～～雞肉都幾滑又惹味一份有六串～～雞翼一份5隻，味道幾香辣，幾好味～～呢度服務好好，店員又好有禮貌，喺呢度食得開心～～慢慢坐，可以享受一個下午～～下次會嚟試下其他食物～～

初次踏進呢間位於觀塘工廈嘅Café,就即時感受到一股舒適又熱鬧嘅氛圍。雖然佢坐落於工業區,但店內設計簡約得宜,加上寬敞明亮嘅用餐空間,完全感覺唔到外面嘅工業區氣息。相反,呢度彷彿變成咗一個小型的綠洲,令人感到十分放鬆！我同朋友今日黎到呢度,率先試左佢哋嘅招牌菜式「肉眼扒配薯蓉」。一上桌就見到一塊厚實嘅肉眼扒,表面熟度剛剛好,略帶一點焦香,入口即化。佢哋用心將肉眼煎得軟嫩多汁,毫無乾澀感。配搭上薯蓉質地綿密,帶一點淡淡嘅奶香,完全打造出一道美味無窮嘅菜式。另外,我哋仲點咗一份「氣炸炸魚薯條」。魚肉外層炸得酥脆,入口即溶！飽滿鬆化嘅薯條亦係一絕,表面略帶金黃色,內裡蓬鬆有嚼勁。我哋不禁留意到呢間Café菜單上竟然連素食同生酮菜式都有,好明顯係主動迎合健康飲食嘅潮流。除咗呢幾道美味嘅主菜,我哋當然亦唔能放過佢哋嘅星級咖啡。一杯濃郁香醇嘅Flat White飲落,感覺簡直完美,當中嘅咖啡豆風味層次豐富,令人回味無窮。總括而言,呢間位於觀塘工廈嘅Café實在好出色!從環境佈置到食物選擇,仲有專業又親切嘅服務態度,都令我有一種身在異國他鄉嘅感覺。尤其係菜式方面,佢哋為了迎合現今健康飲食嘅潮流,主動

駱駝漆出名多嘢食，同朋友發現呢間cafe，拎住Menu睇，見佢有椰菜花飯、雞胸肉等等啱晒減肥人士食嘅嘢食，就諗住試下🤣🥩香煎澳洲草飼肉眼牛扒配薯蓉塊牛扒一上嚟已經好香，流曬口水🤤，拮落去嗰陣真係見到佢流啲肉汁出嚟，入口幾juicy💦，仲帶住啲淡淡嘅燒香味，配埋個好滑嘅薯蓉🥔，同埋有蘆筍同埋車厘茄，簡單得來好食😙次松葉蟹肉明太子炒椰菜花飯第一次食椰菜花飯，一上枱嘅時候都真係覺得幾似平時食開嗰啲意大利飯，而味道都出乎意料咁好食！啲椰菜花炒到粒粒分明，仲有勁爽口，食落完全唔覺得係「飯」，🦀蟹肉鮮甜，仲加咗明太子嘅鹹香，又健康又有滋味😋，食完仲想再嚟一碟呢間cafe唔單止環境chill，食物仲有驚喜，而且餐廳都標榜食一啲健康嘢食，鍾意cafe但又減緊肥嘅朋友可以一試🤣

今日放工去左觀塘睇錶，睇完之後發現同層有間樓上cafe，時間唔早，咁就不如食埋晚飯。餐廳差不多坐滿人，空間感大，裝修以黑及灰色系為主，牆身油上灰色藝術牆，並掛上掛畫，走型格路線。餐牌選擇多，我點左個牛扒，叫主菜飲品可減$15，另外再加多個甜品。 香煎澳洲草飼肉眼扒配薯蓉：叫咗六成熟，廚師好細心，牛扒已切開一塊塊，佢用左慢煮烹調方法，鎖住肉汁，牛味重，口感厚實，唔韌，簡簡單單用左海鹽同黑椒調味已經好好食。另外薯蓉都已調味，鹹鹹地，幾好。鮮牛油果沙冰：色澤翠綠，質感綿滑，口感清新細膩，creamy，好smooth，幾好飲。提拉米蘇：自家製無酒精tiramisu，中間有兩層espresso比較濃，食落有層次感，苦中有甜，濕潤，唔錯。

呢日同朋友想搵個好地方chill下，update吓近況。星期六嚟到觀塘，除咗冇塞車之外，最開心就係搵到呢間樓上cafe輕鬆吓😚煙三文魚黑松露炒蛋牛油果醬酸種多士配沙律呢個sourdough嘅擺盤好靚，一見到就覺得有個good morning☀️ 一塊厚厚嘅sourdough上面有齊晒我鍾意嘅配料，有牛油果醬、煙三文魚、仲有滑嘅黑松露炒蛋🍳 呢日嘅沙律醬汁係柚子醋，沙律醬汁係另上㗎，鍾意走醬嘅朋友就啱晒。朱古力醬牛角包窩夫配雪糕呢個甜品可以揀朱古力或者雲呢拿味雪糕🍦我哋揀咗雲呢拿味雪糕，感覺配朱古力醬賣相更靚，同埋味道更佳。牛角包窩夫嘅牛油味好香，又夾得好香脆，將雲呢拿雪糕塗上牛角包窩夫嘅表層一齊食，更加美味🥐濃黑咖啡呢排減緊肥，盡量要揀高質素，但又較健康嘅選擇🤪 黑咖啡就啱晒我喇，呢度嘅咖啡又可以揀fruity或者nutty嘅咖啡豆☕️ 我揀咗nutty口味，酸度較低。焙茶鮮奶呢杯有好濃郁嘅焙茶，焙茶同奶嘅比例啱啱好，似乎係焙茶嘅味道多啲🍵 飲到底仲見到香濃嘅焙茶。呢間cafe嘅環境黑灰色調，感覺幾型格，幾適合周末去食個brunch歎吓㗎😎

食物方面：草飼牛：健康得黎又好好味😋😋😋牛排嫩滑，調味剛剛好👍🏼薯蓉都好香滑！蝦意粉：意粉好煙韌😆😆個汁亦做得唔錯！有四隻大蝦，好滿足！-開心果cake：有濃郁開心果味，好正😋😋😋食落去感覺好rich😆凍飲：不錯，好飲👍🏼服務方面：好有禮貌，會常常照顧客人需要👍🏼👍🏼👍🏼環境方面：整潔舒服！性價比方面：好味抵食！如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆

今日發現減肥人士嘅福地😍呢間餐廳竟然有提供生酮料理🫢但係我係食肉獸就冇試啦🤣下次再試椰菜花飯🤤1️⃣傳統卡邦尼扁意粉蛋味很香濃，醬汁很濃郁掛滿所有意粉🍝還有煎射香脆的厚切煙肉，食下去口腔充滿油脂及creamy的味道👅2️⃣焗醬燒豬肋骨配薯蓉一切下去就脫骨🙂‍↕️醬汁很入味，超喜歡BBQ醬😋還可以切4件，啖啖肉👍🏻底下還有薯蓉及西蘭花苗😍3️⃣黑松露醬薯條即叫即整🔥仲係我最鍾意的粗薯條🍟配上黑松露醬很美味👍🏻4️⃣芝士奶蓋綿花糖牛角包窩夫必點🌟本身我已經超鍾意食牛角包窩夫！廚房一到整時已經聞到超香🤤最意想不到係芝士奶蓋配搭上軟綿綿的棉花糖口感係超夾的😍一啖食曬都唔覺得甜！下次我要自己食一份🤣5️⃣草莓乳酸梳打酸酸甜甜，好適合夏天飲6️⃣鮮牛油果沙冰🥑用新鮮牛油果打成的沙冰，有好濃郁嘅牛油果味，入口很順滑，沒有冰粒😋📍Day One Cafe (駱駝漆大廈第三座)地址: 觀塘開源道60號駱駝漆大廈第三座6樓U01室電話: 36195722#觀塘 #樓上cafe #生酮餐 #西餐

Day One Cafe 觀塘開源道60號駱駝漆大廈第三座6樓U01室 (港鐵觀塘站 B2 出口, 步行約4分鐘)今日收工去左駱駝漆大廈一間Café外賣返屋企食~慢煮雞胸牛油果沙律配檸檬柚子醫 $82慢煮雞胸配以牛油果沙律，份量充足，用料新鮮。淋上檸檬柚子醫，作為前菜，十分開胃。傳統卡邦尼扁意粉 $92醬料份量適中，平均分配係整份意粉，夠乾身；味道混合芝士、蛋黃及香草，配上煙肉粒 (鹹香焦脆)， 色香味皆備。凍朱古力咖啡 $48咖啡豆味帶果香，咖啡與朱古力味達至平衡，跟餐飲品可享減$15優惠，可以一試。餐廳整體裝修風格簡潔明亮，乾淨企理；職員服務態度親切友善；餐牌亦有多款健康餐及甜品，值得推薦。

今日喺觀塘收工就同朋友去咗呢間工廈嘅餐廳食晚飯。見到網上啲人推佢有好多素食或者生酮飲食啱食嘅嘢。龍蝦汁蕃茄鮮蝦扁意粉個汁比較Creamy，當中都帶有少少蕃茄嘅酸味。而佢嘅蝦係有用黑椒醃過，所以食起嚟酸酸辣辣。Creamy嘅龍蝦汁就會中和左佢嘅辣味。招牌蒜香橄欖炆鴨胸翠玉瓜麵 推介❤️好適合少食澱粉質嘅朋友，翠玉瓜條咬落去都幾有咬口。而且佢個蒜香味好重，食落去好惹味！ 本身諗住唔係澱粉質，所以唔會太飽肚。點知又唔會喎，所以又好食又幾健康！酸種麵包，煙三文魚花跟餐加咗兩個小食，酸種麵包煙煙韌韌，放啲三文魚喺上面簡直好似Cafe煙三文魚多士甘！ 而且佢嘅麵包有少少烘底，脆卜卜！ 整體來講環境都幾舒適，嘢食都幾有特色。