Dabyida Restaurant and Bar (已結業)

Enjoyed a relaxing Saturday lunch in Minden Lane. I saw I Food magazine discuss about restaurants in Minden Lane. I have always been fond of Italian food so I thought about trying it. Two main dishes were ordered. There is an open salad bar where you can select a variety of cheese, cold cuts and cakes. In terms of the price, it is not cheap. But the environment was really cozy and relaxing. The restaurant today wasn't a lot of people during lunch time. It is a really nice place to dine with friends. Assorted salad from the salad bar, love the truffle flavored cheeseblue pear sauce with Iberico thick cut pork chopprawn with stir fried spaghetti and chopped black olives …查看更多

今日同家姐行過尖沙咀見到這家食半自助午餐的餐廳。由於兩點左右, 相信OL已返回工作岡位, 所以餐廳不是很多人。望下餐牌, 我們點了香煎三文魚扒配香草汁 ($108) 和燒纽西蘭牛柳配红酒燒汁 ($118)。 跟住行去自助吧看看有什麼吃, 途經有一個大酒吧柜，放滿很多酒類, 相信晚上也有很多客人前來飲酒消費。自助吧有沙律菜, 各式的沙拉醬和伴菜, 蕃茄水牛芝士, 甜品糕點, 還有三款迷你撻。沙律菜新鮮爽甜, 沾上沙拉醋更加清新爽脆又開胃。蕃茄水牛芝士的芝士味極濃厚。三款迷你撻中, 我較為喜歡煙三文魚迷你撻, 因煙三文魚都好大塊，魚油極香, 撻皮夠脆, 可以一口放進口裡。另外兩款迷你撻分別為鮮蝦迷你撻和煙肉迷你撻，這兩款較為多沙律醬，鲜蝦爽口, 煙肉亦很香口不覺油膩。蕃茄忌廉湯 - 蕃茄味濃郁,  酸酸甜甜挺開胃, 雖然係忌廉湯, 但並不覺腻。香煎三文魚扒配香草汁 $108三文魚扒算大件, 亦煎得甘香脆滑, 魚油味很香濃, 雖然有很多香草汁附碟, 但我不愛沾上醬汁食, 喜歡原汁原味食法。燒纽西蘭牛柳配红酒燒汁 $118牛柳煮至七成熟, 稍為偏熟, 但不覺"嚡"口, 肉汁𣺉滑, 有牛肉的味道。最後我家姐點了凍檸茶, 茶味香, 檸檬亦很新鮮, 可消滯解膩。而我點了咖啡, 原來是用Movenpick的咖啡豆製造, 咖啡香濃不覺苦澀，我倆很享受這頓午餐。…查看更多

得朋友介紹，所以黎呢間餐廳食。好彩我地黎得早，咪遲多10分鐘黎都無位！餐廳氣氛好好，燈光暗暗地，有個大酒櫃既bar枱，幾盞黃黃地既小燈襯托出餐廳高檔既層次。唔好以為佢既收費會好貴，又唔係喎。一個lunch set百鬆啲蚊，仲可以任食salad同蛋糕！平日既lunch都幾多人黎食，位置都舒服，可以悠悠閒閒甘嘆個午餐！salad bar唔算話好多種類，畢竟唔係酒店自助餐，但都有幾款沙律菜、果仁同腸等。三文魚牛油果小撻細細個，一啖一個剛好！個酥皮好脆、好鬆化。朱古力慕絲蛋糕雪到凍一凍，朱古力cream好似雪糕甘，正！唔算太甜，一層一層甘，做得唔錯，好味、有水準！點完餐無耐，職員就上左餐湯同麵包。個湯creamy，有一粒粒既蔬菜。而麵色暖暖地，好香肉桂同果仁味。鵪鶉腿意大利飯鵪鶉都真係第一次食，配意大利飯都係第一次見，可能我係大鄉里，哈哈鵪鶉既肉質同外型同乳鴿差不多。廚師先煎熟鵪鶉，所以好香口。因為食唔慣意大利飯既硬，但又想食，所以試下叫餐廳煮林少少，估唔到佢地又肯！yeah！個飯好多汁，煙煙韌韌，充滿黑松露味！個人覺得咸左少少，如淡啲更正！香煎大蝦配銀雪魚黑水欖蕃茄醬只蝦真係好大只！！煎到好香，蝦膏好甜，蝦肉夠彈牙！啖啖肉！銀雪魚已經加左落個蕃茄汁到，蕃茄醬食落會有少少白色既肉，好鮮味！食完野飲返杯咖啡就完美啦！唔錯既餐廳，值得再黎！…查看更多

尖沙咀上班族星期一至五Lunch time吃甚麼好呢？茶餐廳吃膩了，Buffet又太貴，而且Lunch time時間太短。想要抵吃又有氣氛的Lunch time不妨試試Semi-buffet lunch，價格合宜，吃餐好的才繼續工作會更有動力呢！燈光暗暗的，播著經典英語流行曲，令人Relax的地方。Bar枱。Semi-buffet lunch menu:)先選一個Main courseSalad bar, 醬汁、配料自己選。這三款撻都很不錯外層脆脆的，當中我最喜歡煙三文魚撻而且這是buffet, 可以讓我吃到夠呢！Main course前先有餐湯和餐包。忌廉汁好Creamy, 蜆肉的份量挺多的香濃蕃茄汁，配尖通粉好合拍呢歎杯熱Cappuccino悠閒的午餐:)…查看更多

今日同男朋友拍拖來到這間餐廳…見到semi-buffet lunch都不過100蚊左右，決定一試。餐湯-甘荀湯好好飲！好好飲！好好飲！重要的要講3次！其實好飲因為似番茄湯…酸甜度適中, 絕對不是罐頭頭的味道！非常開胃！想一飲再飲！Buffet bar各類沙律，蛋糕……香煎大蝦配銀魚柳黑魚欖蕃茄汁被名字欺騙了！以為有大蝦有魚柳，原來是魚柳………汁。總括而言，lunch的話這份main dish份量是不夠的。 大蝦煎得香脆，旁邊的沙律酸酸甜甜，加上蕃茄汁…配搭幾好！燒紐西蘭西冷扒單睇外觀已經好想食！叫了7成熟…牛味重，可惜牛扒味太咸…希望下次有改善。…查看更多

平時都有7成信Openrice既我今次真係超失望！仲要拉左大隊去諗住開心食team lunch 順便賀冬至，點知sai晒我d quota⋯話說一開波都有少興奮，因我地係lunch semi-buffet 既第一班客，已經辣手催花咁食勻晒（清晒）個salad bar. (Btw 個Salad bar其實好細，貼住牆角，得一面可以取食物，多人起來企晒係度要慢慢等！） 之後侍應姐姐先慢悠悠咁攞餐牌黎，原來得Xmas set lunch! 價錢平均200-400不等，而平日既價錢只係百幾二百！ 貴係貴d, 但呢刻既我地懷住冬至食好東西既心態，都豁出去一試。我地分別叫左Pizza, 吞拿魚同羊，我自己order既都係吞拿魚。但呢個位於地鋪既酒吧餐廳收緊酒店既價錢，或者有酒店既賣相，但*絕對*無酒店既質素：三件吞拿魚全部都好鞋，煎得太耐太熟，更要命既係無味！係連上面淋左既黑醋都食唔到味！睇黎呢個係減肥餐單，零調味咁既款；新鮮魚都算，我當攝取蛋白質，但佢仲要係有雪味既魚，三舊我非常努力完成兩舊，已經投降了⋯其他都叫左魚既同事食左兩啖已經食唔落。話說食羊既朋友都話非常一般，而且見佢地切得好辛苦，應該都幾多筋⋯Pizza好難難食，但佢係簿既cracker底，鋪d cheese同雪藏蟹柳迷你帶子咁，毫無烹調技術可言，仲要係6-8寸既size，呢個價錢都真係幾「略水」。主食非常不濟，salad bar入面較為可取既係parma ham同salami, 藍芝士我都覺得ok, crouton 麵包粒粒麵都係鬆脆既； 甜品有3款cake同macaron, 首先蛋糕又係得個樣，上面既cream太heavy (not whipped cream, 係好油好膩果d平雞cream), 海綿蛋糕太乾，朱古力味又好栗子又好都一樣味，真係我出品既都好食過佢！macaron 都太乾，一食就知唔知放左幾耐果種表皮硬晒，好似蛋殻咁一咬就成個碎晒；入面suppose軟綿既餡都乾到「縮」左，中間既夾心加太多粉變到好似mochi咁（但唔好食果種），我真係無言了⋯未完，仲有：salad bar refill既速度非常慢，仲要係貌似經理既叔叔好似如夢初醒咁突然refill一下，之後又唔知忙乜野唔見左人；其他一兩位樓面都好似發緊夢咁，6-7杯餐飲都repeat 好幾次先記得（注：落單時我地仲係唯一一枱客），問親野都唔識答要入去問其他人。 Overall 上菜好好好慢，我地第一枱已經算有得食，後面入黎果d真係玩電話玩到無電都似（sorry誇張少少）總括以上每人400大洋⋯再一次無言。請大家！唔好浪費Quota及金錢！…查看更多

K11附近原來有呢間鋪 經過見到有semi-buffet lunch 仲要唔係太貴 好吸引 當然要試下啦原來semi-buffet lunch即係點完餐後可以去自助區拎沙律 冷盤 酥皮撻 好豐富咁我地點完餐後就拎即刻去左拎啦有好多選擇 咁當然每樣都試下推薦酥皮撻 每款都好味 個撻好脆 特別鐘意煙三文魚個款係我地揀緊既過程 呢個蘑菇忌廉湯同餐包已經好快就上左枱啦個湯好真材實料 真係飲到粒粒蘑菇而且好滑 好creamy 配埋餐包更好食我就點左香煎大蝦配銀魚柳黑水欖蕃茄汁大蝦真係幾大 又好鮮甜 薯角炸得好好 啖啖薯味可惜就係份量略小 如果多啲就好啦而朋友呢個海蝦黃菌蒜香炒意粉一上既時候有好濃烈既橄欖油味 食落去連啲菇都係 重點係有兩隻蝦 都好入味不過有少少辣 所以如果唔太鍾意既可能就會覺得有啲重口味！不過綜合黎講呢度既main dish都比較細碟 可能男仔會覺得唔係好夠食但有自助區咁就點都可以食到飽既…查看更多

臨近聖誕，約朋友出嚟食餐飯慶祝，揀咗係佢返工附近既餐廳食個lunch，呢度位置方便，亦方便佢返工。呢間餐廳嘅特色，就係lunch時間有Semi buffet ，價錢唔貴，有唔同嘅主菜可以選擇，位置舒服，氣氛唔錯，可以慢慢坐、傾計。佢哋嘅lunch大約＄100左右，如果唔食主菜，可以淨係食佢個沙律吧， ＄68。我哋叫完主菜冇耐，職員就先上左一碗湯同埋麵包。麵包好香，冇估錯應該係用咗唔同嘅穀類果實製作而成，好鬆軟。依個湯應該係白西蘭花忌廉湯，飲落有細細、一粒粒嘅蔬菜，個湯都好濃郁！呢個就係沙律吧有嘅食物。有幾款嘅沙律菜、堅果、火腿、撻仔同埋蛋糕。呢個抹茶味蛋糕好好食！！佢個底係朱古力蛋糕，而果面係茉茶味嘅cream，唔算好甜，凍凍地，好好味。佢個小食有幾款，左手邊嗰個係煙三文魚牛油果，而右手邊嗰個係鮮蝦。個撻係用酥皮來做，好薄、好鬆脆。細細個，識落唔會好濟，作為前菜嘅小食剛剛好。其中一個主菜我哋叫咗海蝦蒜香炒意粉。好香蒜嘅味道，意粉唔同平時食開嘅有少少唔同，因為佢係用炒既方式，所以意粉較乾身同硬少少，食落好香口。海蝦好大隻，肉質好爽口。燒紐西蘭西冷扒係午餐嘅時候食牛扒係幾抵嘅，呢一個扒餐連沙律吧都唔使150蚊，平時夜晚食剩係叫個扒都二百幾蚊啊，所以叫呢個餐都幾抵！西冷扒叫咗七成熟，切開個肉個色澤好吸引，望見都流口水。食落個肉好林，因為因為個扒煎過，所以啲邊位好香口。塊扒唔算話好瘦，有少少嘅肥肉或者筋痴住，所以食落更加juicy！個餐仲包埋茶或者咖啡。咖啡好香濃。呢度食lunch都真係幾底，仲要尖沙咀區，而且食物質素唔錯，仲可以任食沙律同埋蛋糕，啱晒我口味！有機會一定會再嚟。…查看更多

明天生日，與老朋友共聚，好開心，因為，'廿多年沒有一起過生日，這天是很值得記念的！可惜，主菜何其久候？！雖然，我亦樂意久候，因為，久未共聚的良朋，可以慢慢的詳談，實在高興。但……實在等太久了吧？！環境……ok，食物賣相不錯，可惜……味道！…查看更多

Mussels佐酒一流。細小嫩滑，火喉恰到好處。采用了白酒和蒜煮一點都不膩。另一款餐前冷盤，有數款不同火腿和沙律，又是邊飲邊食好拍擋。藏紅花蟹肉海膽意大利飯是㕑師推介之一，果然了得。雖然海膽味並不突出，反而蟹肉鮮另整體味道來得吸引。飯粒綿綿軟糯，硬度適中。…查看更多

今天和朋友來吃午餐，因為這兒環境很適合聊天。lunch 有semi buffet，選擇豐富，包括沙律、火腿、莎樂美腸、小食、蛋糕等等。撻是我的最愛，有三款可選擇：煙肉，煙三文魚和大蝦。撻皮很香脆，煙肉咸香惹味，煙三文魚和大蝦新鮮甜美。餐湯是南瓜湯，味道清新，有淡淡的南瓜甜味。餐包焗得外脆內軟。鵪鶉腿黑松露燴意大利飯意大利飯有很香的黑松露味，很creamy。我是第一次吃鵪鶉腿，肉質原來挺有韌性和彈牙，味道少許像雞肉。燒紐西蘭西冷扒我們點了五成熟，但上菜時比五成生了一點，不過仍然保存了牛肉的肉汁。調味汁香濃，令牛肉更惹味。…查看更多

今日終於完sem 啦😆考完試同朋友黎尖東搵好野食慰勞下自己❤️ 決定黎到呢間Dabyida Restaurant and bar 食翻個semi buffet lunch！首先當然睇下Buffet 有咩好食啦 有3款酥皮撻 我每樣試下 個酥皮好特別似春卷皮脆卜卜加埋煙三文魚 唔錯唔錯💓仲有煙肉 沙拉同埋cake可以揀🤤樣樣都試下 好豐富呀 留翻個肚食主食😍上左個蘑菇湯 好足料 粒粒蘑菇 而且好濃忌廉奶香 我個人幾鍾意😌我叫左燒紐西蘭西冷扒💓叫左7成熟 牛扒好厚 肉質鮮嫩 而且一啖咬落好juicy d汁從口中b出黎🤤🤤好滿足呀😆下次可以試下5-6成熟 7成相對上係全熟嘅感覺🙈 牛排面上加左d 香草🌿 令口感更豐富👍朋友就叫左焗肉醬菠菜卷 比較濃番茄醬味 夾住清新嘅菠菜 食得好開胃🤤最後上埋杯凍檸茶 慢慢吹下水 咁就食左個豐富嘅午餐❤️…查看更多

今日同朋友兩個出尖沙咀行街，行左陣k11覺得好肚餓，就諗住搵間餐廳食個lunch行過隔離街，見到有間門口貼哂聖誕裝飾既餐廳，望入去見梳化櫈可以坐得舒服啲，又有幾枱人食緊，應該唔錯，就一致贊成入去食入面環境唔錯，乾乾淨淨，又唔會比人好大壓力，我地坐低左之後，就點左兩個set lunch個set lunch包埋半自助式既mini bar可以比你去攞野食食物質素好好特別要推介三文魚同蝦脆脆撻，好好味，入面有沙津醬好開胃我叫左個鵪鶉腿黑松露燴意大利飯，好濃郁黑松露味，飯煮偏硬少少，我比較鐘意食硬少少，唔會太軟太爛，有口感，鵪鶉炸到好香口朋友就叫左個燒紐西蘭西冷扒， 叫咗五成熟啱啱好， 因為唔係鐵板上所以唔會血淋淋， 西冷扒好厚好大件，肉味好juicy最後食飽叫埋個餐飲，慢慢坐，傾下計，relax…查看更多

平日lunch嚟到尖沙咀，想食好啲，見到呢間都幾多人，門口個menu睇落又唔錯，就入咗嚟食semi-lunchbuffet入到嚟先點咗兩個main courses，然後就出去拎嘢食拎完嘢食返嚟見佢已經上咗兩個餐湯同蒜蓉包個湯係南瓜湯，幾濃厚:)蒜蓉包烤得好熱，啱哂配埋個湯隻碟好特別，較薄身，飲湯嘅時候好方便，亦好有食西餐嘅feel出面buffet都有幾多嘢揀，有芝士，cold cut，甜品，一啲tart仔同埋salad bar沙律吧都幾乾淨，有三種沙律菜揀，亦都有啱哂OL嘅螺絲粉配料都有好多，可以加salad dressing或者千島醬(仲有少少芥末嘅味道)，有醃制蕃茄，烘過嘅麵包粒，粟米，煙肉碎同埋raisin咁嘅配料可以自製一個Caesar salad我就係食main之前囉咗一大碟前菜有沙律，有水牛芝士配蕃茄，有風乾火腿同埋4件tartstart嘅口味都好啱我，有煙三文魚配沙律菜，有大蝦配蛋黃醬，仲有芝士配火腿粒好滿足而且tart仔唔係牛油酥皮，而係簡簡單單好薄嘅紙，所以唔怕肥main courses上啦，友人叫咗酥炸米蘭式西班牙黑毛豬扒黑毛豬肉質好細嫩，炸完仲keep到入面幾juicy，出面個汁都幾夾，而且感覺第二度食唔到呢類咁特別嘅菜式lunch可以食到意大利菜，感覺好特別我就相對上揀咗較穩陣嘅蜆肉意粉，刁草忌廉汁落咗少少調味酒，帶微酸，但幾開胃，食個唔停蜆肉份量好多，食到尾仲有，而且意粉汁都好濃唔吝嗇最後飲咗兩杯凍檸茶，一人食咗一件cake，係熱情果味嘅小蛋糕，幾fresh…查看更多

今日係尖沙咀諗住係K11行街，所以就喺呢度食埋lunch先，見到K11附近都有好多好嘢食，但係就比呢一間dabyida restaurant & bar 既semi buffet lunch吸引左😆😆呢度係有六款唔同嘅main course, 分量唔算話好多，但係再配一個Semi buffet就夠食飽晒🤤首先會有一個南瓜湯同埋麵包做頭盤🤤飲完湯同埋食完包之後，我哋就出咗黎揀我地既semi buffet👅有啲沙律、火腿、tart同cake咁😛淨係計頭盤嚟講，選擇都足夠㗎啦☺️我哋唔算話拎咗好多野，不過要特別推介呢一個撻，個皮好脆好好食，我仲拎多咗一個嚟食添😆main course我哋就選擇咗巴馬火腿蘑菇意大利飯同埋酥炸米蘭式西班牙黑毛豬，佢嘅份量唔大，但係啱啱好夠飽☺️…查看更多