Corner Garden Crepes & Drinks

係長洲小巷行行下比個裝修吸引住，舖頭細細間都企滿好多人，原來係食crepes既，一於試下佢，見到舖頭入面都有幾個bar枱位既我地揀左個Nutella with Banana，因為人多，每份都係即叫即整，店員都同我地講要等大約15-20分鐘拎上手熱辣辣，個crepes都好多料同有紮實感味道都唔錯，因為nutella同香蕉本身都係perfect match🤭…查看更多

同朋友襯夏天未來臨之前，趕上戶外活動既步伐🤭入長洲揾食～除左必食大魚蛋，今次仲發掘左一間充滿靈魂既小店😍小店主打食班㦸，雖然口味同出面比唔算多，但老闆著重喺質素上，對製作每一份班㦸都好有要求，望住佢認真製作既態度😂令我地都會認真細味班戟～我地試左佢既招牌火焰牛油果同埋香桃伯爵茶梳打，首先係佢既班㦸蛋漿味好香，有厚度，有少少煙靭既感覺，沙律醬加牛油果配上少少海鹽再一齊火炙，有油脂感但又唔會好膩，仲有火炙既香氣🤤果然係招牌，想即刻叫多件，但岩岩偷聽到老闆話火灸好麻煩😂做埋呢件唔做喇～所以下次入長洲一定要再黎！仲有飲品，香桃伯爵茶梳打都推介👍🏻唔會有香精味，唔算甜，係小清新既感覺，無論配咸/甜班㦸都好夾，但我發現老闆原來有個咖啡魂在內😂有人叫咖啡佢會好開心，仲讚人good taste🤣下次等我都試試先！…查看更多

天時暑熱，唔係無幫襯，叫咗杯咖啡同crepe 連要杯水都話無水提供，勁cheap，而啲野食勁差，crepe 皮勁厚，賣相… 杯啡…如果你係飲開啡，你會寧願買老麥，簡單來講，就係一次都可以唔使試…查看更多

見到Openrice有人推介這間小店，落船行過第一站就買黎試下，見店主年紀有番咁上下，手腳比較漫，所以亦做得好漫，做一件班戟差不多要5-10分鐘，係吾多人既情況下都等咗40分鐘，如果好食等下都冇所謂，不過食落牛油果冇味，班戟冇味，都吾知有咩好食？你食過其他班戟店既話就吾會再有興趣食黎間店，完全唔推介大家去食。等我仲餓住企係度等咗40分鐘，如果好食都下都冇所謂，不過咁既質素就吾值得啦，希望越大，失望越大！…查看更多

舖頭細細，3個枱位，最多坐6人crepe皮軟身真係唔錯，會有下次😉吞拿魚沙律同放假唔同，自己調味，不會太鹹食得出少少洋蔥碎清新口感最正係果老闆好好傾，好nice叫我哋留低涼陣冷氣👍…查看更多

放假入到長洲，四圍都係人，剛好行過見到這間班戟店，上嚟 Open Rice 見到有好多讚，什麼非食不可，必食等等...，以為好食，付款後等咗成40分鐘，㸃知叫咗牛油果Pancake，又唔脆，味道好淡，平平無奇，一Ｄ吾值得去試，老細開始話等15分鐘，點知最後等咗40分鐘。咁嘅食物質素、咁嘅價錢，仲要等咁耐，下次一定吾會再食，已經 blacklisted 呢間店。比起平時食開既班戟店，這間店的班戟店冇咩特別，加上地方太細，企係度等都冇地方，咁熱天氣，咪攪！…查看更多

小朋友鍾意黎長洲玩同踩單車，所以每兩三個月就黎一次，地點比較近碼頭，每次一落船都一定要過黎食左先，火焰牛油果班戟係必食👍🏻👍🏻有試過其他口味，不過都係火焰牛油果班戟最好味！！😚班戟既皮好薄，一份會有半個牛油果🥑🥑熟度啱啱好，最鍾意係佢加好多好多好多沙律醬！同埋最尾會用火槍燒，燒到出晒火，視覺效果都好吸引！個醬同埋啲牛油果會變得好香！環境座位唔多， 所以都係拿拿臨食完走，或者行出去食👍🏻…查看更多

試左兩款班戟：火焰牛油果同埋榛子香蕉火焰牛油果係有炙燒既味道，吱左沙律醬同埋類似燒汁，好香，成件事好夾，成完係想encore個隻！榛子香蕉就普通d，可能平時都係食開甜既班戟，唔算好有驚喜，但都好食既。…查看更多

我真係極少會影低相寫食評，今次真係第一次！這間店名不副實，班戟價錢貴之餘味道好一般。性價比低不在話下，店員係兩個老人家，態度惡劣，好似吾志在有冇人幫襯咁，唔使旨意再去幫襯。…查看更多

入到長洲，見到這間店pancake好似幾特別，所以買來試下，等咗半個小時，食時覺得香焦味道已經怪怪地，不以為意，點知回程時就開始肚痛，在船上痾咗兩次。近排天氣熱咗，生果切開容易變壞，大家食時小心Ｄ啦。…查看更多

經典榛子香蕉班戟結合了榛子醬、香蕉和班戟的口感和風味。班戟上面鋪滿了香蕉片，再加上一些榛子醬，忌廉。裝飾有朱古力蛋卷。班戟即叫即製，新鮮暖香，香蕉香甜，但餅皮煎到偏乾，因為沒有水份配料幫補，整體口感偏乾，麻麻地。#長洲美食#長洲#foodie#hkfoodie#長洲必食#甜品#長洲甜品#香港必食#香港美食#香港网红打卡#香港美食探店#甜品推薦#Corner Garden Crepes & Drinks#美食推薦#長洲美食探店#moodzfoodie#moodzfoodz…查看更多

趁暑假期間，入去長洲玩個短trip!偶爾發現小巷入面嘅Corner Garden ，佢哋主打輕食，好似pancake同各式咖啡、梳打、手調飲品。我哋試咗芒果忌廉pancake 、Oreo 木槺pancake 同埋力讚嘅牛油果火炙pancake ！當中嘅牛油果火炙pancake，店主塗上醬料然後用火微燒過牛油果，再加上適量嘅海鹽調味，未放入口已經聞到一陣陣好香嘅味道，就好似三文魚腩火灸嘅惹味～ 食落口，店主特製嘅pancake 皮同外面嘅唔同，蛋香非常之濃，就好似食緊千層蛋糕嘅餅皮嗰種感覺，而被燒過嘅牛油果有輕微嘅咸味，中和咗嗰種牛油果嘅油膩感，成件事係prefect match ！喺現今嘅香港，當人人都因為通關外遊，或者北上消費嘅時候，其實都不妨抽幾日時間，喺香港嘅離島幫趁一下小店，支持返本土，佢哋嘅食物其實都唔錯㗎！…查看更多

This is a small but very cozy and tidy place. The owner takes pride in making delicious crepes and drinks. We had the classic crepe and the lava crepe, both were made to perfection. We also highly recommend the Yuzu soda drink. Super refreshing! We encountered pouring rain on the island but when it was time to move on, the owner was so kind to gift us an old umbrella. It was a huge help and we are truly grateful for it. Thank you!…查看更多

每次嚟到長洲一定尋回他的味道⋯呢間即點即做嘅可麗餅…用料新鮮、分量十足⋯最鍾意現場睇住製作過程香噴噴…熱辣辣奉上…由其最愛呢間Cream 味道…同外間嘅味道不同…外皮食落軟軟仲有蛋香味添～～正呀…查看更多

長洲岀名食海鮮，但特色cafe&甜品都有好多😍但要左穿右插好好搵下，先搵到岩自己口味嘅野呢間餐廳係同隔籬舖頭合併埋一齊用，設計簡簡單單，但門面好適合打卡，個感覺好似坐咗係特色開窗西餐廳咁📸而座位數量有限，先到先得唷，如果唔係就手拎住企喺度食，都方便既👍🏻廚房既位置同買嘢食既位置好近，全程可以望住廚師係到整，過程中其中一個班戟係要用火槍整，超級震撼😂完全好似睇表演咁我recommend ⭐️。招牌火焰牛油果 ($52)⭐️⭐️製作過程中既牛油果份量好多，之後再加沙律醬&少少海鹽，而表面用火槍燒一燒，令到個味道更加提升。班戟皮比較濕少少，食起尼整體鹹鹹地，味道感覺少少似三文魚沙律壽司😂。比利時73%黑朱古力 ($45)⭐️⭐️⭐️呢個班戟皮會烘得比較熱少少，而且比較脆口，裏面有棉花糖&比利時朱古力粒，因為棉花糖比熱力整溶左，所以食既時候會有軟綿綿既感覺，而且表面再有朱古力醬，外面甜裏面少少苦，味道好豐富😍Drinks 。朱古力樂園 ($40)⭐️佢係一個朱古力特飲，奶味比較濃，而且cream好滑身，幾好飲👍🏻回頭指數: ⭐️⭐️⭐️⭐️食物質素: 🌮🌮🌮🌮服務質素: ☺️☺️☺️☺️消費指數: 💰(人均消費$69)環境質素: ☘️☘️🍀🍀* Corner Garden Crepes & Drinks (長洲)長洲大新街61AB號地舖…查看更多