Corner Garden Crepes & Drinks

系长洲小巷行行下比个装修吸引住，舖头细细间都企满好多人，原来系食crepes既，一于试下佢，见到舖头入面都有几个bar枱位既我地拣左个Nutella with Banana，因为人多，每份都系即叫即整，店员都同我地讲要等大约15-20分钟拎上手热辣辣，个crepes都好多料同有扎实感味道都唔错，因为nutella同香蕉本身都系perfect match🤭…查看更多

同朋友衬夏天未来临之前，赶上户外活动既步伐🤭入长洲揾食～除左必食大鱼蛋，今次仲发掘左一间充满灵魂既小店😍小店主打食班㦸，虽然口味同出面比唔算多，但老板著重喺质素上，对制作每一份班㦸都好有要求，望住佢认真制作既态度😂令我地都会认真细味班戟～我地试左佢既招牌火焰牛油果同埋香桃伯爵茶梳打，首先系佢既班㦸蛋浆味好香，有厚度，有少少烟靭既感觉，沙律酱加牛油果配上少少海盐再一齐火炙，有油脂感但又唔会好腻，仲有火炙既香气🤤果然系招牌，想即刻叫多件，但岩岩偷听到老板话火灸好麻烦😂做埋呢件唔做喇～所以下次入长洲一定要再黎！仲有饮品，香桃伯爵茶梳打都推介👍🏻唔会有香精味，唔算甜，系小清新既感觉，无论配咸/甜班㦸都好夹，但我发现老板原来有个咖啡魂在内😂有人叫咖啡佢会好开心，仲赞人good taste🤣下次等我都试试先！…查看更多

天时暑热，唔系无帮衬，叫咗杯咖啡同crepe 连要杯水都话无水提供，劲cheap，而啲野食劲差，crepe 皮劲厚，卖相… 杯啡…如果你系饮开啡，你会宁愿买老麦，简单来讲，就系一次都可以唔使试…查看更多

见到Openrice有人推介这间小店，落船行过第一站就买黎试下，见店主年纪有番咁上下，手脚比较漫，所以亦做得好漫，做一件班戟差不多要5-10分钟，系吾多人既情况下都等咗40分钟，如果好食等下都冇所谓，不过食落牛油果冇味，班戟冇味，都吾知有咩好食？你食过其他班戟店既话就吾会再有兴趣食黎间店，完全唔推介大家去食。等我仲饿住企系度等咗40分钟，如果好食都下都冇所谓，不过咁既质素就吾值得啦，希望越大，失望越大！…查看更多

舖头细细，3个枱位，最多坐6人crepe皮软身真系唔错，会有下次😉吞拿鱼沙律同放假唔同，自己调味，不会太咸食得出少少洋葱碎清新口感最正系果老板好好倾，好nice叫我哋留低凉阵冷气👍…查看更多