Cooley Oysters ® The Fine Restaurant

最近行開希慎廣場，發現依間蠔吧西餐廳。環境寬敞舒適，採用開放式廚房，坐在吧檯可欣賞廚師現場開蠔過程之餘，仲有主菜9折優惠，難怪吧檯坐滿食客。香煎頂級肉眼牛扒配薯角伴紅酒牛仔汁 $158牛扒8安士，熟度剛好，牛味唔太濃，肉質軟腍多汁，搭配濃郁的紅酒汁，非常入味。配菜烤蒜甜美，薯角外酥內軟，唔錯。加拿大龍蝦意式扁意粉 $148龍蝦肉質緊致彈牙多膏，味道鮮甜。扁意粉口感煙韌，底汁濃稠，味道香甜，好掛汁。Dine as a SET +$58主菜可選擇轉為套餐，包含湯/飲品和頭盤。意大利迷你馬蘇里拉芝士及蕃茄沙律沙律菜新鮮爽脆，淋上黑醋汁，清爽開胃，搭配柔軟的馬蘇里拉芝士，淡淡的奶香，沙律清新美味。香煎鴨肝配士多啤梨草莓醬 +$28鴨肝肥厚，表面焦香，口感外脆內軟。搭配黑醋和草莓醬的酸甜，平衡了油膩感。南瓜湯南瓜湯香甜可口，口感順滑，十分好味。青檸梳打梳打水清爽，青檸酸味醒神。…查看更多

希慎B2層主打愛爾蘭生蠔的西餐，價錢親民又可以一嚐生蠔鮮味。前菜白酒煮蜆，蜆肉鮮嫩彈牙，肉質飽滿，白酒香氣滲入其中，湯汁清甜不膩，成功喚醒味蕾。蘑菇湯以濃厚的菌類香氣為主軸，口感滑順，同時保留些許菇粒的質感，讓整體口感更具層次與深度。全晚的重點當然是生蠔，點套餐或酒都可以優惠價加購生蠔。Cooley Gold是愛爾蘭頂級生蠔品牌之一，來自歐洲最潔淨的海域，每顆生蠔皆經手工挑選與專業去殼，確保品質穩定。36個月生蠔屬於中等成熟期，體型較小，肉質緊緻但不過於厚重，海水味明顯，餘韻較短。54個月生蠔經過更長時間養殖，體型更大，肉質飽滿，脂肪含量較高，入口更具奶油感與濃郁層次。紐西蘭頂級肉眼牛扒配薯角及紅酒牛仔汁，Medium火候掌握得宜，外焦內嫩，肉汁豐盈。沙律清新爽口，平衡了肉類的油膩感。香煎帶子配三文魚子海膽醬意大利粉。帶子煎至金黃，三文魚子則增添了鹹香與口感層次。手工意粉有咬勁，煮出來不會軟爛黏糊。海膽醬濃郁鮮香，意粉吸收醬汁後更顯滋味。凍朱古力濃郁卻不膩口，為這一餐完美收尾。…查看更多

今日同朋友去咗銅鑼灣希慎廣場嘅 Cooley Oysters 嘆個靚 lunch，順便慶祝一下生活中微小但值得紀念嘅時刻。餐廳設計簡約高雅，吧檯位置可以近距離欣賞廚師即場烹調，氣氛一流。作為主打，Cooley Oysters 當然要由生蠔開始。今次試咗兩款不同熟成時間嘅 Cooley Gold：- Cooley Gold 45月：入口清新，海水味適中，鹹香中帶少許果香，肉質滑嫩，係初試者都會喜歡嘅味道。- Cooley Gold 60月：味道明顯更濃郁，層次分明，帶有堅果同奶油嘅尾韻，回甘悠長，係生蠔老饕必試之選。午餐加 $58 就可以選擇前菜、湯或飲品，性價比相當高。- 椰菜花餐湯：質地幼滑，椰菜花味道濃郁但唔膩，配上少量黑松露油，提升整體香氣，暖胃又開胃。- 香煎鵝肝：外層煎得微焦，內裡軟滑如奶油，鵝肝香氣撲鼻，配上微甜醬汁，平衡油脂感，絕對係奢華之選。主菜:- 香煎頂級紐西蘭肉眼牛扒配薯角伴紅酒牛仔汁：選擇 Medium Well，牛扒外焦內嫩，肉汁豐盈，薯角香脆不油膩，紅酒牛仔汁濃郁醇厚，完美提升牛肉風味。- 香煎日本帶子配三文魚籽及海膽醬意粉：帶子煎得金黃焦香，肉質厚實，三文魚籽爆汁鹹香，海膽醬滑而不膩，均勻地裹住意粉，每一啖都係海洋嘅精華。…查看更多

最近有個生蠔腦，周圍搵邊度有靚蠔食Search到Hysan原來有間專食愛爾蘭蠔呢度嘅蠔唔係用gram或者N來分等級而係用月份，36/45/54/60個月共分4個等級60個月即係5年🤯我地揀左45mths同60mths，兩款明顯大細有分別，味道亦有不同先講45mths大約係N2 size，好甜係已經好甜！ 蠔味唔係特別重，相信大眾都會喜歡，性價比高嘅一款。60mths N1-N0之間啲size, 呢款個後勁非常強，相對地蠔味同海水味都比45mths重！而且甜度更高！係超甜嘅水準！本身愛食生蠔又唔食熟蠔嘅我，對住呢款蠔真係一試愛上。Bar枱望住師傅開蠔，好新鮮真係～講完冷盤就到熟食主菜由於open kitchen，真係睇住師傅接一個order做一個order我哋點咗牛扒同埋龍蝦意粉。都係睇住師傅煎完再rest, 8安士牛扒配紅酒汁只係$189，完全無可挑剔……銅鑼灣地段我唔知講咩我要3成，有；要牛味，有。仲有個紅酒汁提鮮，又係性價比高之作！因為脂肪少，肉質偏實，咁呢個會係唯一可以評論嘅位，但只係$189 lol另外個蒜係好味，好淋！至於另一道$189嘅加拿大龍蝦汁扁意粉，同樣地無失望，首先係有半隻龍蝦吸睛，滿滿嘅醬汁堆住意粉。龍蝦肉爽.鮮.甜,分量合理；意粉掛醬十足，每條意粉都沾滿醬汁，龍蝦汁味道濃郁，出色招牌菜！…查看更多

🥂 這家位於銅鑼灣希慎廣場URBANHOOD地庫的Cooley Oysters ® The Fine Restaurant，主打新鮮生蠔和高品質西餐，整體體驗令人驚喜。### 🦪 生蠔體驗餐廳的**愛爾蘭Cooley Gold Oysters**是亮點，據稱是2024 Great Taste Awards的得獎食品。* **Cooley Gold Oysters® 54 months**：蠔身較長，肉質**爽口**，蠔味和海水味平衡得恰到好處，入口後有淡淡的回甘。* **Cooley Gold Oysters® 36 months**：外形相對更圓潤，口感**鮮甜清新**，海水味相對淡雅，更能凸顯蠔肉的嫩滑和本身的甜味。生蠔即叫即開，並用冰鎮保持鮮度，搭配檸檬和自製的豆瓣辣汁。餐廳有開蠔師傅駐場，處理得乾淨利落。### 🍽 主菜驚艷這裏的主菜同樣展現了廚房的功力。* **烤香草三黃雞伴牛油新薯牛肝菌汁**：這道菜頗受好評。雞肉烹製得當，外皮帶有香草烤製後的香氣，內裏肉質**鮮嫩多汁**。搭配的牛肝菌汁香氣濃郁，與嫩滑的雞肉和綿密的牛油新薯非常契合。* **香煎頂級紐西蘭肉眼牛排**：牛排火候掌握出色（建議五成熟），外層帶有誘人的焦香，內裏肉質**軟嫩多汁**，肉味香濃，甚至能品嚐到些許炭燒的風味。配菜的烤蒜、烤薯等也毫不馬虎。### 🌟 環境與服務餐廳採用**開放式廚房設計**，環境舒適，座位間隔寬敞。坐在吧檯位還能欣賞廚師們烹飪和開蠔的過程，頗有氛圍。服務方面，點餐後由服務員送上食物，較一般美食廣場更周到。### 💎 整體評價**Cooley Oysters ® The Fine Restaurant**提供了超出預期的用餐體驗。無論是核心的生蠔還是各款西式主菜，都體現了對食材品質和烹飪技巧的講究。加上方便的 location（港鐵銅鑼灣站F2出口直達）、舒適的環境和合理的定價 是一家性價比很高、適合特殊日子慶祝或犒賞自己的西餐廳。如果你追求高質的生蠔和精緻的西餐，這家店值得一試。…查看更多

今晚同我的他嚟希慎廣場嘅蠔吧，當然係嚟試吓我倆都好鍾意食嘅生蠔，同埋嚟Chill返個夜晚🥰點咗2個餐、4隻生蠔，再加個甜品😋頭盤選咗意大利迷你馬蘇里拉芝士及蕃茄，幾fresh😌個忌廉湯都好出色！到蠔嚟啦🦪🦪🦪🦪我哋點咗60mths，即係5年，蠔身長、肥美，蠔肉質爽口，同海水味平衡🫶意大利卡邦尼意粉🍝做法很傳統，濃濃又creamy嘅醬汁充滿蛋香、煙肉香，意粉硬度適中，大快朵頤😊香煎頂級肉眼牛排配薯角伴紅酒牛仔汁🥩呢個主菜好掂，我點medium rare，餐廳真係做到，食落肉質嫩滑，肉味濃，加上啲配菜好夾，愈食愈開胃🤣配埋唔會好甜嘅巨峰梳打，正🍇發現胃納容許再食多個甜品，就點咗個芒果大福配抹茶雪糕，大福味濃食落似楊枝甘露，正啊！抹茶雪糕唔會苦，好啱我哋啊😍食埋甜品就滿足晒🥰🥰…查看更多

食生蠔係咪一定要承擔食蟲嘅風險？ 以為呢啲蠔吧嘅蠔流量夠快應該安全啲，點知都可以咁大條蟲送上枱🐛 仲識郁嘅！生猛！講真，佢用水沖走咗佢先上枱真係神不知鬼不覺，我會照食咗落肚。 唔知餐飲業界係咪見怪不怪？ 不過喺大饑荒殺到埋身之前，我都未有想食蟲嘅打算🙂熟食方面叫咗個牛扒同carbonara，唔係第一次幫襯呢間餐廳，所以對佢嘅熟食都有信心。熟食水準依舊中上，但冇蠔食嘅話之後應該唔會再嚟幫襯喇🥹 見佢喺隔離鋪位圍板擴充，希望佢哋會好好把關食物安全啦🫡🫡…查看更多

叫咗份三文魚$165 加個set 連湯+沙律$68。所有嘢都幾好食，湯夠熱、沙律夠新鮮，環境同服務都OK，無得投訴。但唯一大問題就係嗰塊三文魚。上到枱之後真係傻咗眼…得半份咋！認真講，同你平時去M&S、Sogo超市或者一田買嗰啲真空包三文魚厚切（大約200g一件）再一刀切開一半嘅份量差唔多，目測頂多100g左右。塊魚細得可憐，煎完之後縮得更加細塊我即刻叫經理過嚟問：「請問係咪咁細份正常？」佢話係正常得140 gram 重量。我見到似係100 gram。或者係煎果時無咗40gram 水份吧 🥲 $165 呢個份量，三文魚以後唔會再返食了。…查看更多

發掘到銅鑼灣食生蠔嘅好地方位於希慎樓下 環境裝修舒服專食愛爾蘭生蠔的蠔吧愛爾蘭Cooley Gold生蠔試左兩款 36月以及45月即叫即開厚身肥美的蠔肉Creamy 之中亦充滿海水味 口感層次豐富 齒頰留香除左生蠔好味道其他主菜都很值得試每一個主菜加58蚊就有套餐可以揀頭盤加飲品性價比非常高香煎頂級肉眼牛排配薯角伴紅酒牛仔汁選了medium rare廚師控制生熟度非常精準牛扒中心微紅 肉嫩多汁牛味香濃 連配菜薯角都好出色黃金焦香 外脆內軟招牌菜戰斧烤豬佐意式青醬 伴香滑薯泥青醬香草味濃郁解膩薯泥夠順滑又足奶香豬肉軟腍…查看更多

銅鑼灣希慎廣場行街、大家諗起就一定係好多專門店同埋護膚品品牌！除此之外原來地下地庫多咗好多餐廳！朋友介紹我去食呢間就係專門食生蠔仲計年份嘅餐廳！36個月、60個月、月份嘅蠔鮮味層次都唔一樣！我覺得最開心嘅重點係佢一個all day main、係好抵食套餐$68就可以有一隻生蠔一碗湯、同埋加錢就可以要甜品、套餐配一個主菜！有好多選擇！今次我就食海膽醬帆立貝忌廉意粉！除此之外，我覺得佢個三黃油雞一定要食！我今次就在家做$58要個鵝肝！因為本人真係太鍾意食鵝肝！講返生蠔先、今次我就食36個月海水味鹹香嘅生蠔真係好吸引！食兩隻感覺已經好滿足！配主菜就可以+6折要兩隻生蠔都幾抵食！另外如果加酒嘅話就可以要多兩隻生蠔！我覺得呢個套餐實在太抵食啦！如果加甜品都係加$38 ！埋單四舊幾水都唔需要真係好抵食！講埋佢個蘑菇湯先都幾濃味！睇得出都用心熬製！銅鑼灣希慎廣場銅鑼灣軒尼詩道500號地庫B2層希慎廣場B05舖…查看更多

琴晚同朋友生日飯去咗銅鑼灣一間專攻愛爾蘭🇮🇪生蠔係Food Court嘅西餐，裝潢好有格調，開放式廚房＋圍Bar設計，睇住師傅即場整嘢食幾有氣氛😆坐Bar台仲有9折優惠，抵食又高質😋- 🦪Cooley Gold® 生蠔（36個月 中Size，Creamy又鮮甜，入口即化； 鹹鮮味嗰種有層次，海味十足🌊 跟餐其中一個選擇有得跟一隻生蠔🦪- 🥣 每日餐湯南瓜玉米湯香濃，暖笠笠開胃🔥- 🥩 紐西蘭Rib-Eye牛扒個扒好嫩，肉汁豐富，配清新沙律菜同薯角，肉又大塊，性價比高💥- 🍝 Carbonara意粉傳統做法，蛋香濃郁，煙肉鹹香，唔會太膩👍- 🍰 甜品＋畫碟生日/周年紀念提早講定有得畫碟，打卡一流📸抹茶雪糕好食！🏷️ Cooley Oysters ® The Fine Restaurant (銅鑼灣)📍銅鑼灣軒尼詩道500號希慎廣場URBANHOOD B2樓B215號舖…查看更多

稍先掃碼點餐個Menu極度混亂，揀主食想要upgrade 做餐都非常複雜。大鑼大鼓嘅6折生蠔原來都只係非常有限度地提供。上菜速度尚算可以，收枱速度亦都非常快捷，我一食完侍應就清我枱及餐具，一個食完清一個，仲快過港式茶餐廳嘅執枱速度。最嚴重嘅係食完成身臭，一浸油煙味，個open kitchen根本上抽唔走浸油煙味。…查看更多

發現希慎地下有個food court，周圍看看，第一晚好像是吃漢堡包，但看到這間有很多人坐在吧枱吃，好像每一個人碟上都有一隻龍蝦，然後再看餐牌，價錢並不貴，每一個主菜加$68就有一隻蠔加湯或飲品，所以第二次來到的時候就試了這間，我們一入去就King字走去坐了四人枱，後來發現原來坐吧枱有九折，於是立馬轉台，我們叫了兩個意粉，一個是龍蝦，另一個是帶子，強烈建議大家吃帶子，因為感覺比較Creamy和飽肚，如果是龍蝦的話，本身肉不算太多，而且調味方面好像帶子那個更勝一籌，湯很濃味，生蠔很新鮮，間唔中來這間吃吃都幾特別。…查看更多

I recently visited this restaurant and when i arrived, i was brought to a table with tight space, hence, i asked to move to another table.i was asked to move my used glass to another table. Reason being, as per the staff - ‘i don’t know which glass belongs to whom’! I believe they don’t have the courtesy to offer a clean replacement.Since we switched table, the same staff brought our food to the customer sitting in the original table. After a while, the same staff came to us saying ‘did we switch table?!’ I reminded the staff if he can be a bit polite, he responded in a defensive manner, a one word answer ‘can’. I complained to a man in blue (he’s either a chef or the owner of the restaurant), this staff member didn’t make any eye contact while speaking. My concern was not addressed and the lack of professionalism and respect spikes me the most.Circle back to the food, +$58 for a set meal to include appetizer & soup or drink is a rip off. Salad is normal, no surprises but the soup …. even Pret A Manger tastes better. In my opinion, food here is substandard and overpriced.…查看更多

和朋友喺銅鑼灣希慎廣場行街，喺地庫發現一間可以食新鮮即開生蠔，坐bar枱位仲有9折，非常吸引，立即行動。午餐可以點主菜，另加$58起就有頭盤、湯/飲品，仲可以加錢點是日甜品。仲有每人可以點兩隻$10的生蠔，正！Ireland Oyster 精選愛爾蘭生蠔肉質爽脆，帶有淡淡的海水味，廚師現場即開即食好新鮮Set Appetizer 頭盤Salad-Italian Mini Mozzarella Cheese & Tomato沙律-意大利迷你馬蘇里拉芝士及蕃茄食材新鮮，沙律菜和蕃茄加Mozzarella作頭盤，健康又開胃Special Soup of The Day 當日特式湯Cauliflower Soup椰菜花濃湯口感濃郁綿密，帶有椰菜花的鮮甜Main Course 主菜🍝Pan-seared Diver Scallops with Spaghetti, Salmon Roe and Sea Urchin Veloute香煎帶子配三文魚籽及海膽醬意大利粉海膽醬汁香濃，煎過的帶子更香，肉質爽口，加上三文魚籽，脆卜卜口感一流🐟Pan-seared Norwegian Salmon Filet Served with Smooth Mashed Potatoes and Lemon Butter Sauce香煎挪威三文魚伴香滑薯泥檸檬牛油汁三文魚份量好足，香煎的三文魚皮好香脆，薯蓉軟滑🍧Tempting Dessert of The Day 當日特式甜品Mango Mochi with Matcha Ice Cream芒果糯米糍配抹茶雪糕糯米糍皮軟熟煙靭，抹茶雪糕好香濃，配上士多啤梨和藍莓，顏色配搭好吸眼球。餐廳有bar枱位和枱位，bar枱以各款酒瓶圍繞，我地覺得坐bar枱位更有vibes。…查看更多