Cooley Oysters ® The Fine Restaurant

今日同朋友去咗銅鑼灣希慎廣場嘅 Cooley Oysters 嘆個靚 lunch，順便慶祝一下生活中微小但值得紀念嘅時刻。餐廳設計簡約高雅，吧檯位置可以近距離欣賞廚師即場烹調，氣氛一流。作為主打，Cooley Oysters 當然要由生蠔開始。今次試咗兩款不同熟成時間嘅 Cooley Gold：- Cooley Gold 45月：入口清新，海水味適中，鹹香中帶少許果香，肉質滑嫩，係初試者都會喜歡嘅味道。- Cooley Gold 60月：味道明顯更濃郁，層次分明，帶有堅果同奶油嘅尾韻，回甘悠長，係生蠔老饕必試之選。午餐加 $58 就可以選擇前菜、湯或飲品，性價比相當高。- 椰菜花餐湯：質地幼滑，椰菜花味道濃郁但唔膩，配上少量黑松露油，提升整體香氣，暖胃又開胃。- 香煎鵝肝：外層煎得微焦，內裡軟滑如奶油，鵝肝香氣撲鼻，配上微甜醬汁，平衡油脂感，絕對係奢華之選。主菜:- 香煎頂級紐西蘭肉眼牛扒配薯角伴紅酒牛仔汁：選擇 Medium Well，牛扒外焦內嫩，肉汁豐盈，薯角香脆不油膩，紅酒牛仔汁濃郁醇厚，完美提升牛肉風味。- 香煎日本帶子配三文魚籽及海膽醬意粉：帶子煎得金黃焦香，肉質厚實，三文魚籽爆汁鹹香，海膽醬滑而不膩，均勻地裹住意粉，每一啖都係海洋嘅精華。…查看更多

最近有個生蠔腦，周圍搵邊度有靚蠔食Search到Hysan原來有間專食愛爾蘭蠔呢度嘅蠔唔係用gram或者N來分等級而係用月份，36/45/54/60個月共分4個等級60個月即係5年🤯我地揀左45mths同60mths，兩款明顯大細有分別，味道亦有不同先講45mths大約係N2 size，好甜係已經好甜！ 蠔味唔係特別重，相信大眾都會喜歡，性價比高嘅一款。60mths N1-N0之間啲size, 呢款個後勁非常強，相對地蠔味同海水味都比45mths重！而且甜度更高！係超甜嘅水準！本身愛食生蠔又唔食熟蠔嘅我，對住呢款蠔真係一試愛上。Bar枱望住師傅開蠔，好新鮮真係～講完冷盤就到熟食主菜由於open kitchen，真係睇住師傅接一個order做一個order我哋點咗牛扒同埋龍蝦意粉。都係睇住師傅煎完再rest, 8安士牛扒配紅酒汁只係$189，完全無可挑剔……銅鑼灣地段我唔知講咩我要3成，有；要牛味，有。仲有個紅酒汁提鮮，又係性價比高之作！因為脂肪少，肉質偏實，咁呢個會係唯一可以評論嘅位，但只係$189 lol另外個蒜係好味，好淋！至於另一道$189嘅加拿大龍蝦汁扁意粉，同樣地無失望，首先係有半隻龍蝦吸睛，滿滿嘅醬汁堆住意粉。龍蝦肉爽.鮮.甜,分量合理；意粉掛醬十足，每條意粉都沾滿醬汁，龍蝦汁味道濃郁，出色招牌菜！…查看更多

🥂 這家位於銅鑼灣希慎廣場URBANHOOD地庫的Cooley Oysters ® The Fine Restaurant，主打新鮮生蠔和高品質西餐，整體體驗令人驚喜。### 🦪 生蠔體驗餐廳的**愛爾蘭Cooley Gold Oysters**是亮點，據稱是2024 Great Taste Awards的得獎食品。* **Cooley Gold Oysters® 54 months**：蠔身較長，肉質**爽口**，蠔味和海水味平衡得恰到好處，入口後有淡淡的回甘。* **Cooley Gold Oysters® 36 months**：外形相對更圓潤，口感**鮮甜清新**，海水味相對淡雅，更能凸顯蠔肉的嫩滑和本身的甜味。生蠔即叫即開，並用冰鎮保持鮮度，搭配檸檬和自製的豆瓣辣汁。餐廳有開蠔師傅駐場，處理得乾淨利落。### 🍽 主菜驚艷這裏的主菜同樣展現了廚房的功力。* **烤香草三黃雞伴牛油新薯牛肝菌汁**：這道菜頗受好評。雞肉烹製得當，外皮帶有香草烤製後的香氣，內裏肉質**鮮嫩多汁**。搭配的牛肝菌汁香氣濃郁，與嫩滑的雞肉和綿密的牛油新薯非常契合。* **香煎頂級紐西蘭肉眼牛排**：牛排火候掌握出色（建議五成熟），外層帶有誘人的焦香，內裏肉質**軟嫩多汁**，肉味香濃，甚至能品嚐到些許炭燒的風味。配菜的烤蒜、烤薯等也毫不馬虎。### 🌟 環境與服務餐廳採用**開放式廚房設計**，環境舒適，座位間隔寬敞。坐在吧檯位還能欣賞廚師們烹飪和開蠔的過程，頗有氛圍。服務方面，點餐後由服務員送上食物，較一般美食廣場更周到。### 💎 整體評價**Cooley Oysters ® The Fine Restaurant**提供了超出預期的用餐體驗。無論是核心的生蠔還是各款西式主菜，都體現了對食材品質和烹飪技巧的講究。加上方便的 location（港鐵銅鑼灣站F2出口直達）、舒適的環境和合理的定價 是一家性價比很高、適合特殊日子慶祝或犒賞自己的西餐廳。如果你追求高質的生蠔和精緻的西餐，這家店值得一試。…查看更多

希慎地庫有間開放式廚房嘅西餐廳，仲有生蠔食，感覺氣氛好chill ,同朋友嚟食個brunch,坐上吧枱位置感覺輕鬆，睇住廚師煮菜開生蠔，聞到好香嘅煮食味道很吸引🥰 亦有些人叫幾隻生蠔飲返杯白酒係到放鬆一番🥰點了主菜還多點了2款生蠔，即叫即開，冰鎮生蠔好夠涷，擺盆靚上枱已很吸引🤩 有兩款選擇時，我比較鍾意South African Oyster 的口感😋🔸️South African Oyster顏色偏黃，肉質鮮甜爽口有質感😍🔸️Australia Coffin Bay Oyster新鮮幼滑，海水味偏淡，加埋檸檬及醬汁更提鮮😋🔸️是日餐湯： 磨菇湯，滲有打碎的魔菇碎，足料香濃，連湯底帶蠔嘅鮮味😋🔸️香煎挪威三文魚伴香滑薯泥檸檬牛油汁外皮煎得香脆，落刀有脆皮聲，煎得恰到外脆內，中間剛熟，食出層次感，檸檬牛油醬汁減底了油膩感，薯蓉好香滑😋🔸️招牌菜戰斧烤豬佐意式青醬伴香滑薯泥戰斧豬煎得很香，外皮有少少焦脆，夾層肥肉香厚，內裡肉質厚實，點上青醬有很清新感覺😊露筍及小紅蘿蔔超鮮甜🤤地點超方便，銅鑼灣地鐵站接駁住希慎商場，完全唔洗受外面曬溶落雨嘅影響，坐吧枱有9折，仲要免加一服務費，性價比高，人均消費都係200蚊左右，下次去開銅鑼灣可同朋友再嚟過😊…查看更多

Cooley oyster @銅鑼灣銅鑼灣係美食集中地，今次又發現到又平又正嘅餐廳，位於希慎地庫，連接地鐵站F出口，就算大熱天時，大雨大風都方便到達。前菜叫了3款主打的生蠔，包括36，45，54個月的愛爾蘭cooley oyster, 原來是2024 great taste awards 得獎食品，味道蠔味鮮甜，creamy, 海水味不濃，略帶回甘，屬於甜味特別出又滑溜的口感，建議最少叫45個月的先食得夠暢快，品質夠新鮮，完全沒有腥味，亦沒有強烈海水咸味或金屬味，好適合溫和派的生蠔食客，食多幾隻都唔會膩，配上檸檬及cocktail 汁，可自行配搭。除左主力的cooley oyster, 仲有多款主菜可以選擇，我就叫左香煎日本帶子配三文魚籽及海膽意粉，仲有香煎頂級紐西蘭肉眼牛排，主菜份量好足，意粉醬有海膽同三文魚籽好鮮味而且濃郁，香煎帶子好厚肉，半熟程度而且鮮甜，加入帆立貝增鮮，意粉熟度剛好有咬勁。牛排好大塊，medium rare 剛剛好，肉質夠嫩，肉味香，有炭燒嘅風味，高質牛排，性價比高。餐湯蘑菇湯足料香濃，香桃梳打清新微甜，豐富用餐完整性。整體地點方便，食物質素高，款式多元化，人均約200多，性價比高，有機會會再幫襯。…查看更多

和朋友喺銅鑼灣希慎廣場行街，喺地庫發現一間可以食新鮮即開生蠔，坐bar枱位仲有9折，非常吸引，立即行動。午餐可以點主菜，另加$58起就有頭盤、湯/飲品，仲可以加錢點是日甜品。仲有每人可以點兩隻$10的生蠔，正！Ireland Oyster 精選愛爾蘭生蠔肉質爽脆，帶有淡淡的海水味，廚師現場即開即食好新鮮Set Appetizer 頭盤Salad-Italian Mini Mozzarella Cheese & Tomato沙律-意大利迷你馬蘇里拉芝士及蕃茄食材新鮮，沙律菜和蕃茄加Mozzarella作頭盤，健康又開胃Special Soup of The Day 當日特式湯Cauliflower Soup椰菜花濃湯口感濃郁綿密，帶有椰菜花的鮮甜Main Course 主菜🍝Pan-seared Diver Scallops with Spaghetti, Salmon Roe and Sea Urchin Veloute香煎帶子配三文魚籽及海膽醬意大利粉海膽醬汁香濃，煎過的帶子更香，肉質爽口，加上三文魚籽，脆卜卜口感一流🐟Pan-seared Norwegian Salmon Filet Served with Smooth Mashed Potatoes and Lemon Butter Sauce香煎挪威三文魚伴香滑薯泥檸檬牛油汁三文魚份量好足，香煎的三文魚皮好香脆，薯蓉軟滑🍧Tempting Dessert of The Day 當日特式甜品Mango Mochi with Matcha Ice Cream芒果糯米糍配抹茶雪糕糯米糍皮軟熟煙靭，抹茶雪糕好香濃，配上士多啤梨和藍莓，顏色配搭好吸眼球。餐廳有bar枱位和枱位，bar枱以各款酒瓶圍繞，我地覺得坐bar枱位更有vibes。…查看更多

體驗極之差，晏晝嚟食已經冇人，懷疑係餐廳落單係統超亂，加上唔夠人，加單嘅生蠔，根本就冇人留意到，要食食吓主菜先至候補上生蠔，仲要嘢飲係冇人整，出酒仲要出錯兩次先出得啱，每次同佢講跟單佢都會話嚟緊，但係都係冇人整😂😂，其實未食已經搞到唔想食。主菜就正常速度上咗，牛扒同個價錢成正比，意粉係好食嘅跟住臨尾再發生一次超炆憎嘅意外，就係明明追單變咗再order嘅單再收多一次錢，然之後個侍應解釋勁耐都唔明，都唔明佢唔明啲咩，好搞笑同佢哋講嘢成日都覺得自己係啱，要話返我哋轉頭咁，食到成肚氣…查看更多

估唔到喺希慎咁方便嘅位置有間咁出色的生蠔餐廳定位屬於輕奢路線價錢比平時的生蠔吧優惠主打愛爾蘭生蠔我哋都係即興去食揀咗兩個Dinner set 生蠔就有六折優惠 Cooley gold oyster 54 months蠔肉比較爽口，與海水的味道平衡恰到好處Aftertaste回甘出色！超出預期🩷-Cooley gold oyster 36 months 這一款的海水味，相對來說比較淡雅口感嫩滑 肉質也是同樣鮮甜Size 稍微細少許，但係依然好好食配上少許檸檬汁 味道更加清新-主菜方面，點了這款肉眼扒Prime rib肉質好好九安士 好夠食 而且配有火箭菜 百幾蚊嚟講真係好抵意粉同樣出色這款帶子三文魚子海膽醬意粉比起好多排隊店更加出色醬汁好香濃 再加上鹹香的三文魚子不只是生蠔 為了這個意粉 我要再來吃…查看更多

希慎廣場在地庫新開了比較高檔的Food Court，雲集中西日韓的美食，價錢相對上比樓上的Food Court貴一點今次選了在Food Court正中間的Cooley Oysters~餐廳可以選坐圍著開放式廚房的吧枱，還是旁邊的普通座位。午市坐吧枱免加一服務費之餘還有9折！只是吧枱的高椅子真的不好坐，很窄一張又斜…令到整頓都有點坐立不安餐具挺美的～主菜是$88-$158，套餐加$58連一款前菜跟一款湯/飲品，不算便宜，但看到食客們的菜品又想試一下。套餐本身可以選一隻生蠔加$10多可有一隻生蠔是蠻吸引的有點後悔點只加了一隻生蠔！最多加兩隻！生蠔雖然不是很大隻，但脹卜卜的，很鮮甜應該是鬼遮眼點了「西班牙戰斧烤豬佐意式青醬伴香滑薯泥」算了…就這樣吧…幸好這份豬排味道還可以，但有點過熟難咀嚼。而且差不多三分之一都是肥油膏，他們還說是招牌菜反而配菜是好吃的！薯蓉很creamy且奶味重。只能說不值$158…芒果梳打還好，不會太甜的二百蚊吃了頓一般的午餐有點失望！要提的是服務態度麻麻，看到隔離枱舉手很久了，都冇人回應他們！而且當我知道要到外面埋單，走到外面就站到那位服務員面前，他也好像看我不到一樣。。。很無語…查看更多

在吧枱上看見宣傳海報寫“選坐吧檯位獲9折全單折扣”，埋單時發現只是主菜9折。經查詢後，餐廳說是“主菜9折”，亦不作更改。是翻譯錯誤？還是刻意誤導？吃之前，真的要問清楚。…查看更多

Hysan Place food court 內竟有如此高質嘅 fine dining坐吧枱望住 open kitchen 嘆返個 lunch勁chill 嘅玩法🍹🦪感覺主菜比生蠔仲要吸引🤩尤其menu內註明人氣回歸嘅香煎帶子三文魚籽海膽意粉材料充足意粉入口好滑好creamy 肉眼扒medium rare 粉嫩夠牛香同火箭菜好夾又解膩🔸️Irish Cooley Gold 36 months oysters 🔸️香煎帶子配三文魚籽海膽醬意粉🔸️香煎紐西蘭肉眼牛排配薯角紅酒牛仔汁🔸️巨峰提子梳打🔸️Italian mini mozzarella cheese and tomato salad 🔸️Special soup of the day ........…查看更多

半殼生蠔 x 意式風情料理 | 香港商場隱藏美食發掘有驚喜生蠔，意粉和主菜，非常高質素生蠔海水味濃，肉質滿口感。餐廳提供多款生蠔，60個月生蠔和36個月生蠔養殖時間長度！60個月生蠔大隻，蠔身飽滿～入口淡淡海水香，之後蠔肉鮮甜，奶香口感，餘韻悠長36個月生蠔較細，肉質緊實，清甜風格，非常新鮮意大利卡邦尼意粉醬汁香中帶濃，煙肉咸香。卡邦尼意粉濃郁不膩！醬汁香，意粉掛滿芝士香，芝士碎味道濃，傳統意式風味，絕對棒！戰斧烤豬佐意式青醬伴香滑薯泥肉汁澎湃，薯蓉滑溜，戰斧滿有霸氣！豬扒微脆，滿滿肉汁流出～豬肉不乾柴，配上自家製意式青醬，清新中帶香草氣息主廚有質素，生蠔和主菜，質素有酒店水準，相對親民，寶藏餐廳…查看更多

呢間喺大商場內的海鮮餐廳，午市套餐只需$88起，加$58就有頭盤加例湯或飲品，追加$10/隻Cooley Gold 36個月生蠔，仲有9折坐吧檯優惠同免加一，超抵！！招牌菜有加拿大龍蝦意式扁意粉，龍蝦肉厚鮮甜，意粉掛滿香濃龍蝦汁，食落超滿足！另一必試係烤香草三黃雞配牛油新薯牛肝菌汁，雞皮香脆、雞肉嫩滑，醬汁濃郁，配埋新薯好滋味。生蠔方面，Cooley Gold 36個月生蠔，帶有淡淡奶油同海水味，口感厚實鮮甜。60個月生蠔口味較均衡、細緻，配酒仲有6折優惠！整體嚟講，靚環境配抵價海鮮，無論係chill住嘆一餐或者朋友輕鬆聚會都啱晒。…查看更多

銅鑼灣希慎商場樓下開咗個新food court，原來入邊有間CP值高既西式餐廳，仲係生蠔做主題 成間設計好開放式，廚房係open kitchen 一覽無遺 保證食物衛生😹座位設有吧枱圍住成個廚房房，除咗吧枱側邊仲有梳化位選擇呢度提供晚市套餐，可以加$68變做套餐包餐湯及前菜，而我哋另外加咗$55將前菜升級做香煎鵝肝配自家製草莓醬多士，鵝肝油份十足，佢有多士及酸甜嘅草莓醬解油膩愛爾蘭生蠔 🦪呢度主打係愛爾蘭生蠔，即使叫咗四隻都好有誠意用冰底上菜，生蠔厚身帶爽口，食落新鮮，冇腸味香煎帶子配三文魚籽海膽意粉🍝帶子煎得半生熟，意粉用左忌廉，配埋三文魚子同埋海膽嘅鮮味，令到意粉忌廉醬昇華紐西蘭野生大蜆扁意粉大蜆冇揸流攤，比一般意粉嘅蜆size大一倍，份量鋪滿碟底，意粉用咗蒜蓉辣椒炒香，加入大蜆，更有鮮味…查看更多

之前有晚喺food court見到呢間餐廳食物好似唔錯，但需要排隊，所以冇試到。 適逢去開銅鑼灣，所以心思思想試呢間餐廳，因為已經下午2點了，所以唔需要排隊。最後叫咗兩個午餐加生蠔。水牛芝士蕃茄沙律： 黑醋汁沙律菜算不錯，係全餐最好食嘅一款…生蠔： 跟餐可以加$10一隻生蠔（每個午餐可最多加兩隻），海水味重，金屬味重，爽口冇乜甜味，明白$10隻冇得要求啦，但唔知係咪因為呢個生蠔，搞到我屙咗成晚…肉眼扒： 個樣好靚，完全做到五成熟，但係比較韌及沒有牛味，應該係食材本身嘅問題，嗰幾嚿薯仔就好好食…龍蝦意粉： 意粉同龍蝦汁調味還可以，但主角龍蝦比較韌、冇味，完全唔知自己食緊乜…Ice Cappuccino ：個樣好靚，但只有少少奶味及一叮點咖啡味…Ice flat white : 一嚟到以為嚟錯嘢，飲落去仲差過一杯三合一咖啡，冇奶味、冇咖啡味，一杯淡而無味啡色嘅飲品…總結： 兩個人午餐食咗$462（免加一），食物及咖啡質素都幾失望，性價比超低，好唔明點解咁多好評，可能晚餐好啲啩，不過我應該唔會返兜了…查看更多