Coffganic

雖然依家只係10月中但基本上肯定Coffganic 會係25年去過最靚嘅Cafe （無之一）店家影容自己係瑞士風情但朋友仔都話新店裝潢令人聯想起西班牙國寶級建築師Gaudi 實在不能同意更多 拱型門窗、天花一整排曲線線條成熟沉穩又帶點童話Feel 相信好快就會成為城中大熱店🔖 卡邦尼扭扭粉伴自家豚五花肉Lunch Set 附是日餐湯 要讚吓塊Pork Belly 表層烤到有焦香扭扭粉比較碎、再硬身一點就Perfect目前供應8款Lunch Set HK108+有沙律、漢堡、意粉、牛扒、羊架都有！🔖 Latte 來自Smoky Shark 嘅呢款哥倫比亞豆配奶啡帶點士多啤梨風味感覺是平時補錢先可以飲到嘅質素呢度跟Lunch Set 仲有優惠價!（$22）必點！新店準備行朝啡夕酒模式佢哋咖啡師、調酒師來頭都唔少喔附近收工嘅大可去Happy Hour 聽講佢哋有個招牌雙皮奶雞蛋仔好利害搵日要再去試吓先得～…查看更多

見到近排社交平台好多人推介呢間洞穴餐廳我同朋友夾啱時間都即刻去咗試不過個用餐體驗都幾令人失望首先個排隊安排好唔清晰見到大門直入Counter有條隊落緊單我哋就以為喺嗰隊排隊就得不過其實都有啲奇怪未安排到枱就落單先呢個次序點知去到落單嗰下個店員先至問我哋坐邊我哋就勁奇怪因為仲未安排枱點知原來係喺餐廳嘅另一邊排隊入座我哋都已經覺得咁樣好奇怪不過見到已經嚟咗就等多一陣我哋算好都安排到叫做坐喺餐廳內嘅座位因為見到餐廳喺商場嘅走廊度都有加枱其實感覺都幾差然後雖然依家係試業階段但當日去到都好多嘢係冇牛排同Matcha都無其實已經少咗好多選擇Smashed Wagyu Beef Burger - $188Burger個包皮都幾香牛油味塊和牛漢堡唔算特別Juicy整體不過不失Abalone & Tiger Prawn Paella - $188飯粒有啲乾同硬個調味係超級鹹就算鼻塞都食到好鹹呢個就真係令人好失望☹️係有兩隻大鮑魚頂一頂好似會開心返少少希望個調味可以再做好啲餐湯湯 + 水完個味好分離--Espresso Tonic - $48正常發揮ChaGanic - $20Organic Jasmine GoldDragon 520正常發揮Double Layer Milk Egg Waffle - $45等嘅時候見到其他人食個樣又幾靚仔漲卜卜咁都忍唔住叫埋入邊個餡係幾好食嘅奶味幾香但係整體嚟講好淋連雞蛋仔側邊啲皮都唔脆呢下令人有啲失望。BTW可能藝術嘅嘢真係各花入各眼我同朋友都唔覺得啲裝修特別靚而且環境比想像中細同嘈吵咁嘅價錢唔Expect會獲得咁嘅食物質素同服務…查看更多

奴才一直期待位於合和商場3️⃣樓嘅coffganic開幕，因為對住小平台花園呢個位置實在太 dog friendly 喇🐾！週末終於約咗坐唔定嘅朋友仔一齊去，☕️咖啡唔錯，合格以上，奴才滿心期待想試嘅雙皮奶雞蛋仔🥚🧇可惜職員落錯單變咗普通雞蛋仔，仲要唔啱奴才口味😭，佢話外皮太脆，反而小小哋我乞求食咗一粒，我就覺得好好食。主食方面試咗🍝豬扒卡邦尼捲捲意粉，仲有職員席前削芝士🧀，又幾好味喎，個豬扒真係「保濕」，咬落好嫩又多汁😋。我哋嘅結論係，可以再去。…查看更多

「Coffganic」係近期其中一間人氣咖啡店，以藝術感既裝修吸引左一眾既Foodies前來打卡，每次經過都坐滿人，今日星期六更加唔例外Abalone & Barramundi Fillet Paella盲曹炸到脆身，有d似食緊炸魚皮既感覺，一口鮑魚都有兩隻，番茄味既paella飯帶點微硬，味道偏咸左少少Carbonara Fusilli Lunghi with Pork Belly每條捲捲粉都沾滿carbonara，佢個carbonara味道帶點微甜，我幾鍾意，個兩件pork belly味道重同好油膩，加上本身carbonara都較膩，所以好快已經停左手DirtyEspresso帶點fruity，同凍奶撞埋一齊，味道唔錯Cappuccino奶有點過熱，奶泡打得唔夠綿滑，整體口感唔算順滑，過熱有d影響埋奶本身既甜感Double Layer Milk Egg Waffle即叫即整既雞蛋仔，每粒入面都有雙皮奶餡，奶味都幾重，可能雙皮奶texture帶點濕軟，有d整腍左本身雞蛋仔脆身既口感環境都尚算寧靜，食物不過不失，杯cappuccino就真係有待改善，價錢偏貴，我暫時都未諗到要再黎既原因…查看更多

Soft opening嘅一間cafe 。因為呢幾日不斷喺IG見到廣告同搵咗好多cafe KOL去寫post，見大家都影得好靚就心思思想嚟睇吓有啲咩符fit一到達都見到室內外都已經有五檯坐喺到，飲緊食緊嘢，一切感覺都好好 。但入到去就被投閑置散，一直喺門口等帶位都冇人理 。直到見到有位男職員，我手勢2俾佢睇佢先有啲醒，話隨便坐 。算啦，而家請人都唔容易，個個都有做新人嘅時候 Settle好就去cashier，barista忙緊都幫我叫同事幫手。但冇攬圍裙嘅應該係經理一直忙緊帶新人冇理到店面，直到barista叫多次，經理先過嚟幫我落單 。落單真係有啲特別首先問咗經理「咁早有冇soup of today？」冇都好正常。但經理會同我講「嘢食都冇，廚房搞唔掂，只有嘢飲」，fine，我想order一杯Latte一杯Matcha Latte，經理話冇Matcha 。。。如是者，我都幫襯咗一杯Latte一杯Ice Americano。買好一轉身，原本喺到嗰啲食客飲嘅飲，食嘅食，心裡面不禁笑咗出嚟。坐低咗，新鋪生意唔錯，不斷都有客人幫襯，staffs都好正常咁遞menu同斟水。真係估唔到，我呢啲普通人去間cafe坐吓，一個朝早都可以學到咁多嘢獲益良多搞唔掂又做咁多宣傳，仲有，莫非到我走廚房都仲未搞掂？作為經理，冇聽過佢一句唔好意思，同埋唔識走嚟補飛。如果有一句「我哋廚房ready啦，你仲有冇興趣試吓我哋啲乜乜呀？」咁個心就即刻唔翳盛為10%服務費個人覺得佢Latte幾好，有陣朱古力味，有陣煙草嘅味道 。Ice Americano就偏酸，我個人比較喜歡nutty，呢到暫時未有得自己㨂咖啡豆嘅口味 。但如果你鍾意fruity就應該會鍾意 。鋪頭都多staff，陸續返工，逗留咗大約一個鐘 。…查看更多

最近去咗合和新開嘅咖啡店，驟眼睇裝修幾靚，現代感十足。由於試業緊，12點前到排咗一陣就入到去，但整體服務質素我覺得就有待改善。餐廳職員似乎未完全train好，服務上唔太helpful。雖然食物送到，但餐具都未洗好，等到嘢食都凍咗，感覺有啲混亂。希望他們能夠儘快理順這些問題。至於食物方面，咖啡的味道幾好，nutty 啲，跟餐仲減20蚊。然後試咗佢哋嘅carbonara，份量有啲少，味道普通(可能係我嘅期望太高?)。不過，薯餅係有啲驚喜。新鮮即焗嘅薯仔，加上蘑菇同cheese，仲有幾塊Parma ham同哈密瓜，口感幾出色。所以剩係試薯餅都OK。整體來講，雖然有啲小問題，但有潛力可供改善。加油啦☺️…查看更多

係社交媒體見到非常吸睛所以興緻勃勃去到，雖然要等位仍然堅持。終於入座，原來要自助在櫃檯點菜及自行倒水，原本都覺得無所謂，但見到每道菜式的價格都不是一般的價錢，突然覺得是否來錯地方。我點了一道卡邦尼扭扭粉配自家制的五花腩豚肉$158，等待20分鐘終於見到一盤我以為吃剩下的扭扭粉及一片薄如紙的煙肉放在上面，更別說有擺盤，簡直跌晒眼鏡🥲朋友點左虎蝦扭扭粉$198，只有一隻虎蝦及幾隻蝦仁，簡直不可以接受，完全對唔住價錢冇下次…查看更多