Coffganic

虽然依家只系10月中但基本上肯定Coffganic 会系25年去过最靓嘅Cafe （无之一）店家影容自己系瑞士风情但朋友仔都话新店装潢令人联想起西班牙国宝级建筑师Gaudi 实在不能同意更多 拱型门窗、天花一整排曲线线条成熟沉稳又带点童话Feel 相信好快就会成为城中大热店🔖 卡邦尼扭扭粉伴自家豚五花肉Lunch Set 附是日餐汤 要赞吓块Pork Belly 表层烤到有焦香扭扭粉比较碎、再硬身一点就Perfect目前供应8款Lunch Set HK108+有沙律、汉堡、意粉、牛扒、羊架都有！🔖 Latte 来自Smoky Shark 嘅呢款哥伦比亚豆配奶啡带点士多啤梨风味感觉是平时补钱先可以饮到嘅质素呢度跟Lunch Set 仲有优惠价!（$22）必点！新店准备行朝啡夕酒模式佢哋咖啡师、调酒师来头都唔少喔附近收工嘅大可去Happy Hour 听讲佢哋有个招牌双皮奶鸡蛋仔好利害揾日要再去试吓先得～…查看更多

见到近排社交平台好多人推介呢间洞穴餐厅我同朋友夹啱时间都即刻去咗试不过个用餐体验都几令人失望首先个排队安排好唔清晰见到大门直入Counter有条队落紧单我哋就以为喺𠮶队排队就得不过其实都有啲奇怪未安排到枱就落单先呢个次序点知去到落单𠮶下个店员先至问我哋坐边我哋就劲奇怪因为仲未安排枱点知原来系喺餐厅嘅另一边排队入座我哋都已经觉得咁样好奇怪不过见到已经嚟咗就等多一阵我哋算好都安排到叫做坐喺餐厅内嘅座位因为见到餐厅喺商场嘅走廊度都有加枱其实感觉都几差然后虽然依家系试业阶段但当日去到都好多嘢系冇牛排同Matcha都无其实已经少咗好多选择Smashed Wagyu Beef Burger - $188Burger个包皮都几香牛油味块和牛汉堡唔算特别Juicy整体不过不失Abalone & Tiger Prawn Paella - $188饭粒有啲干同硬个调味系超级咸就算鼻塞都食到好咸呢个就真系令人好失望☹️系有两只大鲍鱼顶一顶好似会开心返少少希望个调味可以再做好啲餐汤汤 + 水完个味好分离--Espresso Tonic - $48正常发挥ChaGanic - $20Organic Jasmine GoldDragon 520正常发挥Double Layer Milk Egg Waffle - $45等嘅时候见到其他人食个样又几靓仔涨卜卜咁都忍唔住叫埋入边个馅系几好食嘅奶味几香但系整体嚟讲好淋连鸡蛋仔侧边啲皮都唔脆呢下令人有啲失望。BTW可能艺术嘅嘢真系各花入各眼我同朋友都唔觉得啲装修特别靓而且环境比想像中细同嘈吵咁嘅价钱唔Expect会获得咁嘅食物质素同服务…查看更多

奴才一直期待位于合和商场3️⃣楼嘅coffganic开幕，因为对住小平台花园呢个位置实在太 dog friendly 喇🐾！周末终于约咗坐唔定嘅朋友仔一齐去，☕️咖啡唔错，合格以上，奴才满心期待想试嘅双皮奶鸡蛋仔🥚🧇可惜职员落错单变咗普通鸡蛋仔，仲要唔啱奴才口味😭，佢话外皮太脆，反而小小哋我乞求食咗一粒，我就觉得好好食。主食方面试咗🍝猪扒卡邦尼卷卷意粉，仲有职员席前削芝士🧀，又几好味㖞，个猪扒真系「保湿」，咬落好嫩又多汁😋。我哋嘅结论系，可以再去。…查看更多

「Coffganic」系近期其中一间人气咖啡店，以艺术感既装修吸引左一众既Foodies前来打卡，每次经过都坐满人，今日星期六更加唔例外Abalone & Barramundi Fillet Paella盲曹炸到脆身，有d似食紧炸鱼皮既感觉，一口鲍鱼都有两只，番茄味既paella饭带点微硬，味道偏咸左少少Carbonara Fusilli Lunghi with Pork Belly每条卷卷粉都沾满carbonara，佢个carbonara味道带点微甜，我几钟意，个两件pork belly味道重同好油腻，加上本身carbonara都较腻，所以好快已经停左手DirtyEspresso带点fruity，同冻奶撞埋一齐，味道唔错Cappuccino奶有点过热，奶泡打得唔够绵滑，整体口感唔算顺滑，过热有d影响埋奶本身既甜感Double Layer Milk Egg Waffle即叫即整既鸡蛋仔，每粒入面都有双皮奶馅，奶味都几重，可能双皮奶texture带点湿软，有d整腍左本身鸡蛋仔脆身既口感环境都尚算宁静，食物不过不失，杯cappuccino就真系有待改善，价钱偏贵，我暂时都未谂到要再黎既原因…查看更多

Soft opening嘅一间cafe 。因为呢几日不断喺IG见到广告同揾咗好多cafe KOL去写post，见大家都影得好靓就心思思想嚟睇吓有啲咩符fit一到达都见到室内外都已经有五台坐喺到，饮紧食紧嘢，一切感觉都好好 。但入到去就被投闲置散，一直喺门口等带位都冇人理 。直到见到有位男职员，我手势2俾佢睇佢先有啲醒，话随便坐 。算啦，而家请人都唔容易，个个都有做新人嘅时候 Settle好就去cashier，barista忙紧都帮我叫同事帮手。但冇揽围裙嘅应该系经理一直忙紧带新人冇理到店面，直到barista叫多次，经理先过嚟帮我落单 。落单真系有啲特别首先问咗经理「咁早有冇soup of today？」冇都好正常。但经理会同我讲「嘢食都冇，厨房搞唔掂，只有嘢饮」，fine，我想order一杯Latte一杯Matcha Latte，经理话冇Matcha 。。。如是者，我都帮衬咗一杯Latte一杯Ice Americano。买好一转身，原本喺到𠮶啲食客饮嘅饮，食嘅食，心里面不禁笑咗出嚟。坐低咗，新铺生意唔错，不断都有客人帮衬，staffs都好正常咁递menu同斟水。真系估唔到，我呢啲普通人去间cafe坐吓，一个朝早都可以学到咁多嘢获益良多搞唔掂又做咁多宣传，仲有，莫非到我走厨房都仲未搞掂？作为经理，冇听过佢一句唔好意思，同埋唔识走嚟补飞。如果有一句「我哋厨房ready啦，你仲有冇兴趣试吓我哋啲乜乜呀？」咁个心就即刻唔翳盛为10%服务费个人觉得佢Latte几好，有阵朱古力味，有阵烟草嘅味道 。Ice Americano就偏酸，我个人比较喜欢nutty，呢到暂时未有得自己㨂咖啡豆嘅口味 。但如果你钟意fruity就应该会钟意 。铺头都多staff，陆续返工，逗留咗大约一个钟 。…查看更多