Coffee Break (鴻輝大廈)

营业中

休息中

三人行coffee break食晚餐叫左波菜三文魚意粉、黑松露意粉及一隻烤雞(全隻同半隻只相差20蚊 份量不多味道好建議叫全隻 大家唔駛爭，雞肉鮮嫩，雞皮也色澤金黃、輕微脆口、不會太乾).波菜及黑松露汁相當濃郁，從顏色，氣味、質感都知屬真材實料，三文魚的生熟程度拿捏準確，剛煮到不再透明而又未完全發白變粗糙。廚師有一定功力。惟意粉麵條較少，三人每人兩啖食完。總結：烤雞最快清碟，有驚喜。意粉水準中上但與一般西餐館差不多。

這晚與朋友覓食，是很久不見的好友所以想找間悠閒的餐廳，可以談談生活近況。Coffee Break，這間Cafe好像可以讓我們悠閒的談天呢。挺温馨的感覺。室內也挺寬闊的。Set Dinner選擇很多呢，不同種類的Set Dinner都有。意大利粉、意大利燴飯、牛肉漢堡配薯條、烤、香煎，或是二人套餐都任君選擇。而我和朋友都選擇了意粉。+8$可有Daily Soup挺香蒜味的蜆的份量很足而且大蜆果然是大蜆呢挺Creamy的，煙三文魚的份量挺足呢，菠菜是健康之選套餐包一杯30$的飲品，或是補差價。咖啡有很多配搭，先選咖啡種類，Latte, Cappuccino, Mocha等，再選口味，雲喱拿、榛子、焦糖、薄荷、夏威夷果仁、提拉米蘇，而我則選擇了焦糖Latte。悠閒的晚餐，是一個好地方讓我和朋友談天

集coffee shop同餐廳於一身既Coffee Break，鋪頭裝修用左好多唔同素材，令到客人坐底有種放鬆既感覺，真係做到鋪名咁放一個coffee break都咪話唔break，連旅遊書，game都有得借，一路食飯一路plan行程，約埋三五知已開個party又得食野嚕~菠菜白汁三文魚意粉，夾雜咗三文魚同菇，意粉好濃，唔會太濕，濃濃嘅菠菜汁令意粉染上綠色，相當有睇頭自家制cheese burger配薯條，burger啖啖肉汁幾juice野味，牛肉唔會有根，超多沙律菜，而且特別用咗超甜厚切大蕃茄，層次升lv.，但薯條偏咸...蜜糖雞翼，甜絲絲小小香辣嘅感覺令人回味，雞翼都幾大隻幾厚肉，有6隻配沙律朱古力oreo真材實料，用咗oreo去打杯朱古力，好濃oreo味士多啤梨梳打，可以揀好多口味，例如荔枝，桃，檸檬...隆重推介特別服務差電座(可問職員借線)，剛好我電話就黎冇電，好貼心嘅服務

人來人往的旺角，由早到晚人群聚集在街頭在街上，有些拖喼，有些在掃街吃街頭小食，有時想行快兩步都心艱難。今天給我無意中發現一個城市綠洲，Coffee Break 位於女人街尾，近油麻地地鐵站A2 出口。它的面積有別於一般cafe, 甚至比一般的西餐廳面積更大，空間感十足，枱與枱之間的距離相當寬闊，相信在旺角區絕無僅有。Lunch 由三文冶至意粉一應俱全，假期當然吃得豐富一點。煙三文魚菠菜意粉用料簡單先用菠菜醬汁伴炒蒜末、洋蔥絲及蘑菇片，再放入意大利粉炒熟，最後將煙三文魚略炒。上抬時已被它的青青綠色吸引，Al Dente 意大利粉配上鹹香的煙三文魚，令人吃到停不下來。加$18 升cup 至大杯Cappuccino ，店員送到時真系嚇到我個心都離一離，因為真係好大杯，絕對夠兩個人分享。急不及待一口呷下，奶泡入口棉密細滑，濃郁的奶香下透出香而不苦的咖啡香，酸度亦不高，略帶回甘，令人喜出望外。窩心之處，餐廳還提供叉電和Wifi服務，享受一杯咖啡之餘，同時可以讓自己放空一下。

今日早收工去左旺角遊。行到累，入左coffee break 休息順道食個晚餐🤤時間尚早，可以慢食休息下。開放式水吧，一目了然。繽紛樂朱古力原條繽紛樂上🤤看到都覺得甜到入心。繽紛樂沾cream 食，出奇地配合。飲品內亦加了攪碎的繽紛樂增加口感，同時甜味再加倍，但亦不會太甜，剛剛好👍香辣芝士牛肉漢堡包配薯條一上枱，見到個size，完全值回票價。漢堡超高身，根本不能用手拿起PS 我外加了大烤菇$15由上而下：包、大烤菇、芝士、漢堡、新鮮番茄、生菜洋蔥、包太大件！切半食最perfect！可以見到內裡貨真價實。漢堡扒微微辣，厚度適中，吃時不容易散開，肉汁亦緊緊鎖在漢堡扒內。原件烤菇，極度鮮甜，菇味極濃，肉又夠厚，內裡充滿菇汗，沒有烤到乾水。真的有95分勉強用一手拿起，食完滿手都是醬汁🤡除了薯條，還有少量沙律，均衡飲食😂一個人吃完超飽超滿足。

旺角cafe多呢個事實就真係大家都知，通常都係要上樓既添，但宜家有一間地點方便，野食好食，價錢正常，環境舒服，店員服務好，又係係地鋪既cafe，你又會唔會試下先😛位於通菜街 (女人街) 近登打士街既佢，地點方便其實好方便，就係係新森林焗飯隔離，所以睇google map其實唔難。門口都放左個易拉架比人睇😊入到店內，時間係下午大約3點15分左右，人唔多，所以都坐得好舒服，好快入坐👍🏿店內既裝修都好靚，完全有cafe既感覺，好重文青味道🙈除左普通2人枱同4-6人果d order枱外，重有上圖中大約坐8人既bar枱，呢個位就好似屬於自己既一個corner禁，約埋三五知己傾野真係一流👍🏿再加埋呢期都幾hit既雲石枱面，成件事都真係幾靚🙈👍🏿 上圖係餐廳既menu，左邊係全日普通order既選擇，而右邊既係Tea set下午茶套餐👍🏿下午茶時間係3-6pm，所以餐廳於呢個指定時間内都有提供下午茶優惠，相比平時普通禁落order，係比d抵d既🙈重要都有唔少既套餐提供選擇👍🏿👍🏿野飲先到👍🏿呢杯係友人所點既cappuccino 配Tiramisu 味道😋友人表示呢個配搭唔錯，好易入口，唔會太甜，亦唔

走到旺角街頭找到這間咖啡店裏面人不多還比較寧靜所以選擇了這裡。雜莓乳酪像是甜品一般的甜，有啖啖草莓和藍莓肉。綠茶牛奶綠茶味香濃，配起奶很香滑大蝦意大利粉三重奏 108Shrimps, small shrimps, dried small shrimps, parmesan chesse.大蝦共有5件，爽口。還有櫻花蝦，味道不錯。大烤菇芝士牛肉漢堡配薯條 108portobello musroom, breef patty, chedxar chesse, tomato, lettuce,home made sauce我比較喜歡大烤菇，香而有口感

今晚去旺角買啲野，買完之後差唔多成八點個肚又餓咁當然要搵嘢食。行行下就行咗去女人街兩邊嗰一排食肆睇下有咩好食。行到去近住以前家樂坊果段，見到有間好似新開嘅西餐廳係再望下餐牌就入去試下。間餐廳個舖面好闊，半身高玻璃外牆睇得好清楚裏面。裝修好簡約，入到去有啲音樂聽下感覺好relaxing。我哋兩個人叫咗兩個餐，蒜香辣大蜆意粉同埋黑蒜蘆筍蟹肉燴意大利飯。等咗唔係好耐就上菜。跟餐既沙律菜好新鲜，配意大利黑醋份量啱啱好少少酸味好match d南瓜同番茄既甜味。個意粉炒得好乾身一啲油都冇，啲蜆好新鮮加上少少辣味有酒店嘅西餐水準。個意大利飯裏面有啲攪碎咗嘅蟹肉好香同埋好鮮味。畀其他嘅海鮮risotto好食，籚筍好鮮好嫩配埋落去啲risotto度個味道啱啱好。個餐仲包一杯30蚊樓下嘅飲品。我地叫左一杯Tiramisu chocolate另外加咗少少錢叫左一杯雜莓特飲。杯tiramisu chocolate有心心拉花，賣相好靚。嗜甜既朋友應該係你地杯茶。雜莓特飲用好幾種莓混合而成，味道好fresh好豐富同埋有助消化。呢間餐廳水差一d都唔差同埋一百鬆d就有一個沙律加個main course同一杯餐飲係幾超

食完拉麵之後，同兩個fd想再搵地方坐下飲野傾計，響旺角行下行下，就見到個'2奶架'介紹依間cafe，就入去坐底啦，實在太攰啦😪之後3個人叫左3款花茶，我叫左個洛神花茶，飲落都唔錯，酸酸底可以自行加糖漿，有最底消費每人一杯野飲，叫花茶都幾抵😋中途我地以為佢唔會幫我地加熱水，有叫佢俾杯熱水我地，點知傾傾下有服務員見到個fd果壺無水，都自動幫忙添熱水我地都覺得依間鋪頭唔錯，個fd見到d野食都覺得唔錯，下次可以試下，因為今次我地係食飽左再去，所以食唔落🤣

旺角潮流集中地，最近發現了一間裝潢簡約的cozy 咖啡店，店員全部年靑小夥子，充滿活力，自覺年輕不少。年少多好呢！價格定向親民，完全配合旺角形象。南瓜沙律清新開胃，用了醋汁。如果在醬汁方面加點心思就更完美。大蝦意大利粉三重奏名字改得多美，味道不少於三重感受。第一啖入口己感覺蝦味的濃鮮。麺條硬度適中，每條都被醬汁包裹著，豐厚的忌廉和粒粒蝦籽，惹味有口感，完全沒有膩感。蝦隻晶瑩，爽口弾牙，不錯的選擇。吃過主食甜品當然不可缺。 紐約芝士蛋糕，芝味不算太濃，淡淡的味道，最重要不過甜。店名跟coffee有關，無理由不選咖啡啫。原先點了杯cappuccino, 上枱的卻是Latte, 算吧！還有指明後上，途中己端上了，也算吧！這就是年輕人的不在意態度了。味道方面，奶味重於咖啡，略為失色。

每次到旺角都發覺有多餐廳,好多街邊美食。始終我都係喜歡坐定定舒服服嘆住冷氣用餐。朋友告知我有間餐廳可以去光顧一下。因為環境同食物都不錯。於是趁昨晚公司不用加班便和同事倆人一起去享受晚餐。餐廳不算難搵，只在女人街尾近栢裕大廈對出。餐廳環境裝修簡約，確實很舒服，冇侷促感。店員都殷勤招呼。看過餐牌后貼了2份晚餐。香煎三文魚配法式芥末子汁配沙律$148 還可免費選擇一杯$30 飲品。如要選擇其他飲料只需補回少少差價就可。飲品揀了荔枝梳打，味道不錯有濃郁荔枝味但賣相其實可以加一些裝飾就very good 喇。三文魚比我預期煎得外脆內軟及一d魚醒味都沒有。因為本人怕魚醒味。最值得一讚是個醬汁芥末子汁，酸酸的感覺但提升味蕾層次，帶出魚既鮮味。伴碟的沙律份量稍微少左d。- 香辣芝士牛肉漢堡包配薯條$108 還order 多一份香煎鵝肝 $40飲品同事揀了雜莓乳酪特飲$48 。所以此杯要補回$18蚊但值得👍🏻雜莓顏色很鮮豔及濃縮。甜甜酸酸好醒胃。配合份超大個burger 可減低油膩感。其實餐廳都有很多選擇也不用硬點set dinner. 還有2人套餐添。

一直覺得女人街既餐廳質素一般，今次行經，見到開左間Cafe,裝修簡約雅緻，又幾寬敞，感覺唔錯，又同朋友嚟試下！dinner set包$30以下既飲品，過左30補返差價就得啦！雜莓乳酪唔會好杰，偏向冰感，食得出好濃雜莓味，仲有啲益力多既乳酸味，都幾fresh!珍珠奶茶幾滑，奶味重，珍珠煙韌，都唔錯。沙律唔馬虎，有唔少南瓜粒，沙律菜爽脆無渣！野菌黑松露忌廉意大利飯菇菌味好濃，食到粒粒菇既爽，意大利飯亦煮得恰到好處，有咬口，忌廉量唔會太多，啱啱好掛住每粒飯，帶嚟一啲香滑，亦唔會好漏！burger一嚟到有少少嚇親，因為真系超大個！高到唔知點食好！包好鬆軟，牛肉有鮮味又多汁，大啡菇又香又滑，生菜都好新鮮，連埋芝士，簡直一流！薯圈外脆內軟，唔錯，不過個人偏好粗薯條。呢度仲有唔少board game玩，我同朋友最後玩左一盤象棋先走！總括嚟講，呢度食物環境都高質，仲有野玩，系個好適合hea既地方！

今次再跟朋友到旺角覓食，這是一間CAFE形式的餐廳，內有WIFI及BoardGame。由於是旺區，用餐時間大約為90分鐘。黑松露薯條剛端上枱時就已經覺得香噴噴了，薯條炸得香脆又乾身，沒有雪藏味，夠哂薯仔味，加上表面更灑了一層芝士粉，真是忍不住不停吃薯條。而且黑松露醬香味濃郁，結果吃甚麼都要沾上它來配襯。自家製芝士牛肉漢堡配薯條今次薯條轉了薯角，不過仍然是我愛吃食物之一。漢堡體質相當大，內有不同分層，包括生菜、蕃茄等。不過由於太多層關係，切開後很容易散開，要慢慢切開一小部份才行。牛肉肉質嫩滑適中，不會太鬆散，加上豐富多汁，而且肉香頗好，這個牛肉都不錯。而且漢堡包焗得香脆，咬下去不會乾乾的。野菌黑松露忌廉意大利燴飯黑松露香味濃郁，不時都會嗅到其香味，感覺非常好。而野菌份量非常多，平均散落到意大利燴飯之中，口感軟腍又入味，增加燴飯的口感。而且黑松露及忌廉香味很配襯，兩者香味溫和同時不搶對方的香味。整體來說，意大利燴飯口感Creamy又香噴噴，的確是不錯。水蜜桃果粒茶茶具裝飾不錯，而且另設蜜糖及茶杯，可以用家慢慢嘆茶及調配味道。而且水蜜桃味濃郁又甜香，更有果粒，令茶的質感更豐富。

My friend and I went to a cafe called "coffee break " located in Shop 4, G/F, Hung Fai Building, 2Q-2Z Tung Choi Street, Mong Kok(旺角通菜街2Q-2Z號鴻輝大廈地下4號舖).There is a huge window in the front side of the restaurant. Customers setting on the high seatings can watch what's going on in the street by seeing through it.Colorful mosaic tiles at the entrance of the restaurant.Board games, travel journals and electronic gadgets charging and WIFI services are provided without any additional charges.The resta

星期三晚，在旺角覓食，難得發現在通菜街有一間裝潢別緻的coffee shop，簡單灰色的牆身，一面大大的玻璃，店名不是大大隻的牌挂在餐廳頂，而是「Coffee Break」兩隻簡約的字體，風格stylish又輕鬆，一看就知道餐廳主理人的品味和個性。餐廳以木製的櫈和仿雲石枱為主，有一面牆是木板嬙，掛著黑框掛燈，輕鬆的氛圍令人坐得特別舒服。用餐是都見到不少後生仔女在談天說地。難得在旺角鬧市可以找到一個如此舒適的環境，今日可以缷下一天的疲勞。我和朋友點了兩個dinner sets，本身dinner set跟沙律，所以每人都有一個沙律。沙律是沒有選擇的，只有一款。這個沙律主要是胡蘿蔔和沙律菜加上沙律醋，味道酸酸的還挺開胃。沙律菜都好新鮮。大蝦意大利粉三重奏這個真的極力推薦！意粉不但煮得軟硬適中，入口煙韌，就連汁醬都煮得天衣無縫。那個汁如果要形容，一個字可以概括，就是「鮮」，每一口都食出蝦的鮮味，蝦膏的鮮甜味無可比擬，加上大蝦爽口彈牙，這個意粉真的無得頂！蒜香辣大蜆意粉賣相十分吸睛！用蜆排出如花形般的造形，中間擺著用蜆汁煮到完美的意粉。意粉同樣軟硬適中，入口彈牙。一碟十粒的蜆大大粒，蜆肉飽滿ju