Coffee Break (鴻輝大廈)

营业中

休息中

呢間餐廳已經黎過好幾次，因為太滿意啦🤤🤤所以有時朋友生日都會揀泥呢一間。一黎環境靚，靜靜地好岩傾計，二黎食物真心好味😊😊😊呢間餐廳有個特色，就係有一堆broadgame俾人玩，幾特別☺️野食都好好味，我嗌左個鵝肝牛肉漢堡同明太子意粉。漢堡好大個，伴碟既薯條都有好多，成份好巨型，望到都興奮！佢既鵝肝煎得好香，而且油脂好豐富，令個漢堡食落好juicy，牛肉好厚，亦重牛味，配搭埋半溶既芝士真係好好食。仲有之前食過大啡菇漢堡，冇咁惹味，但都係出色既！而明太子意粉就好creamy,醬既濃稠度岩岩好，每啖都充滿明太子，好好味呀😭沙冰外型特別😂😂好高😂😂😂😂味道都唔會話好假既糖漿味。

旺角好似都食到無咩好野, 行緊女人街, 見到呢間野都幾多人食飯, 就try try佢~d裝修都幾舒服~ 睇到職員沖野飲~佢仲有board games玩wor ~ 傾計傾到悶可以一齊玩^^set dinner~都好多款,仲有漢堡!set dinner有得簡要沙律/湯~ 我地就要左個沙律~ 佢都幾新鮮、水分足、唔會有苦味。再加上佢個黑醋汁、好開胃阿~黑蒜蘆筍蟹肉意大利飯! 首先出面比較小餐廳用黑蒜黎煮意大利飯, 因為成本都比較高。而呢個飯, 第一啖食落去,真係有滿滿既黑蒜味^^ 佢個種香味係重過一般白蒜頭好多, 而食食下就會食到蟹肉既味道, 雖然都係雪蟹, 但都食到一定既鮮味, 配合埋粒粒蘆筍, 有口感之餘, 味道仲好豐富~ 鵝肝芝士牛肉漢堡配薯條!薯條炸到脆卜卜, 好熱阿! 即叫即煮哦鵝肝煮到外脆內軟~牛肉就正正常常, 係略覺得小左D肉汁, 干左小小~ 但overall黎講都ok ~呢間野D職員都幾有禮貌, 又好後生, 埋單唔使300蚊~ 算係一間值得支持既本地小店!

一個地方滿足你兩個願望，又有手工啤飲，又有咖啡飲，去邊度揾！野菌黑松露忌廉意大利燴飯，好味，大烤菇芝士牛肉漢堡配薯條，又大份，又好味！肉汁夠多，烤菇唔會乾身，薯條新鮮炸起，perfect！最緊要係杯嘢飲，夏威夷果仁加繽紛樂朱古力嘅朱古力飲品，大滿足！（下次先再試個咖啡）環境舒適，氣氛一流，靜靜地享受咗一個超正晚餐，一定會再喺幫襯！

朋友大多在旺角和荔枝角工作，最近的朋友聚會都在旺角這中心點。這次輪到Coffee Break，一間你可以一邊食一邊玩的西餐廳。門口是一張張餐牌和一個大型下午茶餐牌。裡面的裝修真的很雅緻，光線柔和，有些座位較光亮，有些則較暗，迎合不同人的喜好。牆上的地圖增添年青的氣氛。另一邊廂是單人座，可看到街景。座位旁有充電位，適合攜帶手提電腦的人，一邊吃下午茶，一邊用電腦。黑蒜蘆荀蟹肉燴意大利飯($108)，以啡色為主，每一口飯都充滿蟹及黑蒜味，然而黑蒜味不會過濃蓋了蟹味，幾乎每一口都吃到蟹肉。飯也煮得剛剛好，黏而不軟，口感硬中帶稔，不會太軟太硬，是正宗意大利飯的硬度。.蒜香辣大蜆意粉($98) 微辣，大蜆飽滿鮮甜，大約有8-10隻，意粉炒過後蒜香味濃，帶香草味。食物加$18可配沙律或湯及$30飲品一杯。選南瓜湯真是沒有錯，濃濃的南瓜味，每一口都非常柔滑。喜歡飲這裡的凍檸茶，茶味較濃又不會太甜。這杯加$28的加大雜莓乳酪超級好飲。內有大量碎粒雜莓，酸酸甜甜，值得再過來多喝一杯。店內有旅遊書及桌上遊戲供人借閱在店內閱讀及玩，當天晚上也有人拿數本旅遊書閱讀。如想玩桌上遊戲及看書，下午茶過來會更適合。

終於有時間約朋友出黎食個飯relax，因為想坐得舒服啲，之前黎過覺得好舒服，所以今晚都book 咗呢間。上次好似係食burger 薯條好正！今日決定試下其他食物香煎紐西蘭羊架- 配烤雜菜及沙律有四件羊架，我本身唔食羊都遠遠聞到煎得好香，望落覺得好生咁，不過朋友話咁先正！我試食個蘆筍就覺得好似略為老咗少少，嚼咗好耐🙈 不過唔緊要，最重要我朋友話羊架好正！沙律就不過不失黑蒜蘆筍蟹肉燴意大利燴飯老實講個外貌相當唔吸引，不過食落原來都幾好食，啖啖蟹肉😍 而我呢份既蘆筍就好嫩好食✌🏻而意大飯就唔會好硬！湯有點酸😆是日甜品為辣椒朱古力蛋糕🍰，聽落怪怪的，不過加$28有件cake 又覺得試下都無妨！一件濃朱古力既外貌，完全睇唔到加咗辣椒🌶️，食落係香濃朱古力，而辣椒就唔係啃既辣，好似拮拮地咁，好過癮！不過朱古力味重， 所以都好好食！值得一試！

前日經旺角，想揾間好坐coffee shop飲杯咖啡。lunch set至三點，68起有set就試吓啦。叫左兩個set,一個温泉蛋Carbonara, 一個波菜雞肉意粉。出品都唔馬虎，仲幾好味㖭。下次去開可以encore。

食飽又出發去大商場嘆下冷氣行左陣就去Coffee Break食晚餐因為聽聞有唔少唔同既board games 可以食又可以玩 岩晒熱愛吃喝玩樂既我地食物方面 漢堡都還好 好高身 菇幾好食帶子意粉就麻麻 兩粒帶子同意粉比較乾身 仲有大量沙律跟餐 沙律醋一般所以淨係食少少飲品價格稍偏高 都係飲跟餐既Fruit Soda（peach and green apple)不過可以玩幾本where's Wally 都幾罕有既想玩既話 建議著長褲去比較好

叫左黑松露意大利飯同明太子意粉，分量略少，加埋杯嘢飲蜜桃梳打同朱古力繽紛樂就啱啱好，餐湯好一般好似唔記得放鹽，除此之外，主菜同嘢飲都好好食，上菜夠熱，嘢飲唔會攤到熔左。佢個意大利飯唔係外軟內硬嘅正宗煮法，係中間都熟曬，所以反而好啱香港人食，而且黑松露好香，成碟飯都好juicy。個意粉的醬汁好足料，唔會食到最尾冇曬汁。兩杯嘢飲都唔伏，朱古力嗰杯有埋朱古力碎係入面，好有誠意。兩人食左$231，都好滿意

行過通菜街，比呢間新裝修cafe 吸引咗入去晚餐。內裡格局悠閒，有小圓枱有高bar枱, 感覺有啲似韓國啲cafe 咁叫咗佢地兩份set dinner：沙律·黑蒜蘆筍蟹肉燴意大利飯·蜜桃花茶沙律🥗好豐富，菜比得很慷慨，黑醋撈埋一齊食酸酸甜甜好開胃蟹肉意大利飯好好味，佢texture係比較軟身，味覺偏creamy, 食到啲蟹肉係當中，讚～蜜桃茶係一壺咁上，倒落小杯子自己加糖醬，味道自己調較另外一個set係蒜香辣大蜆意粉，大蜆同樣好慷慨，大約有8-10隻，意粉炒得好香，微辣

同同事們食飯必到嘅女人街，基本上已成飯堂。加上最近女人街開左好多文青cafe, 完全岩哂舒解返工壓力嘅好地方！岩發掘到呢間，lunch set價錢中上（本人覺得lunch價錢黎講算小貴）嘅coffee break, 岩哂35知己 或同fd底同事黎食，吹下水，環境清幽，食物超好食～本人好中意食卡邦尼意粉，基本已經試過好多間嘅卡邦尼意粉，呢間味道好食，又唔會漏，份量適中，岩哂OL，再加隻溫泉蛋喺面，超開心！最中意溫泉蛋！加上，返工早起冇精神，呢間有埋多款咖啡同朱古力飲品，賣相一流，再加上品質都一流！好飲！

旺角女人街旺中帶勁旺，橫街小巷中存在了不少特色餐廳附近行街行到累累地，之前已經嚟過呢間架喇，不過只係試咗下午茶，今次再試埋晚餐黑醋青瓜雜菜沙律@食材新鮮，最有驚喜是蕃茄很鮮甜，完全不覺酸蒜香辣帶子意粉@很足份量的番茄醬，帶子剛好熟，意粉煙靭度適中，上枱時仍在出煙很好吃凍鮮奶咖啡@味道略淡，下次可能點熱咖啡較好難得在女人街找到環境寬敞舒適的cafe進餐，真好。不過早去有著數，較大機會坐到理想位置及環境靜一點😊 

前排經過女人街看見這間有文青feel嘅coffee break， 一直都想來這間cafe, 今日終於有機會來嘗試了。由於這間cafe位於喧鬧旺角的女人街， 當我和老公一進入這間cafe的時候，就有一種置身於世外桃源既感覺，這裏裝修簡潔，有歐陸feel ， 大部分客人都是斯斯文文的，細細聲說話，甚至有一兩張枱既顧客係外國人。cafe提供各類紙牌遊戲、圖版遊戲、多個國家嘅最新版本嘅旅遊書籍，甚至有免費wi-fi及充電服務，務求令客人有一個輕鬆時刻。看看餐牌，無論係食品同飲品，選擇多之餘,價格也不貴。我和老公各要一個dinner set , 另加$18可配精選沙律或餐湯及價值$30飲品一杯(如選擇其他價錢飲品，只需補回差額便可)。1.凍抹茶拿鐵(原價$42, 套餐補回差額$12) 第一眼看這杯飲品不是深綠色，還以為不夠抹茶粉，帶着失望既心情去飲，才發覺事情真的不要看表面，這杯拿鐵不但充滿抹茶既香氣，還有奶既幼滑，最重要係不是坊間死實實的甜。2.雜菜湯(套餐加$18) 喝下時，不會飲到有味精，完全係新鮮蔬菜淆製出來，酸甜味洽到適中，而且超多蔬菜粒粒，口感豐富。3. 櫻花蝦明太子忌廉汁

今日同朋友行完街街就入左女人街睇下有咩好食, 見到一間西餐廳好似幾特別咁, 我地一人叫左一個DINNET SET, +$18就有餐湯/沙律 & 飲品.我地選左湯, 今日餐湯係紫薯湯, 係我最鍾意既紫色呀, 哈哈……一飲就知無花無假, 濃濃的紫薯味, 口感CREAMY.我叫左個菠菜忌廉雞肉意粉$78, 開頭以為真係有菠菜, 哈哈…點知原來係將菠菜煮成蓉再加入忌廉煮成汁, 再煮意粉, 即好似墨汁意粉咁, 好有特式, 每一條意粉都被綠色包圍住, 食落依然有菠菜味帶點忌廉味道, 口感滑滑, 除左雞肉還配上了少少既菇增加味道既層次感.朋友叫左個黑蒜蘆筍蟹肉燴意大利燴飯$108, 呢個就啡色為主, 每一啖飯都充滿住蟹&黑蒜味, 而且每一啖必定會食到蟹肉, 飯也煮得剛好, 唔會太軟又唔會太硬, 呢個味道會較為重.仲有呢個芝士菠菜煙三文魚薄餅$98, 呢個堅正, 熱辣辣香噴噴, 滿滿的芝士下也佈滿了菠菜蓉, 煙三文魚份量也不少, 再加埋洋蔥既香味, 薄餅底香脆.最後飲品就叫左柸熱0水&凍0茶作了今餐的句號.

今日天跑步前找吃。其實我們都不太餓，因為午餐吃太多。但又不能不先吃點東西才去跑步。不然會沒有力跑。這店的裝修是很舒適的，給人可以坐久一點的感覺。 但旺角麻...其實味道都不太抱希望。不竟在這裹中伏太多了。我們點了波菜汁雞肉意粉和帶子意粉（這個合名我不太記得😅）加18蚊可以變餐會有餐湯或沙律 和餐飲（30蚊）。我們加了一個餐揀了餐湯和餐飲。餐湯是羅宋湯。不錯的，蔬菜切丁味道不會太咸。我先吃了波菜汁雞肉意粉， 這個味道很creamy 我很喜歡。而雞肉煮得適中不太乾也不太生。還有一點點的黑椒令這個意粉再加一點分。差點吃光沒有與先生分享。另外一個是帶子意粉，是茄汁的味道得惹味。而帶子也煮得十分好吃，它是用煎的，嫩嫩的質感。份量看上去有點少。但可能我們本身不太餓，所以剛好。

大年初二基本上除咗酒樓之外都比較難搵到餐廳食晚飯，好彩最後搵到呢間Coffee Break , 仲要質數同味道都唔差，亦有喜出望外添估唔到舖頭既設計幾有特色而且café 仲放在一大盆桃花，幾有Feel。現場仲有最新版各地旅遊書同遊戲，無論想靜靜地睇書還是成班朋友輕鬆下都無問題部份套餐會濃湯及＄30飲品一杯，其餘套餐加＄18就可以配送沙律／濃湯及＄30飲品一杯。濃湯濃湯顏色好金黃而且質感幾Creamy但可惜味道較淡，唔係好飲得出湯既味道沙律沙律份量好大份，用料都幾豐富而且沙律菜夠新鮮。鍾意餐廳用沙律醋做醬汁，減低膩既感覺，幾開胃香烤美國豬仔骨配薯條及沙律 （5-6骨）＄168上枱既時候，嚇咗嚇～因為份量真係好大碟，每條骨都好粗壯，完全無諗過呢間既豬仔骨會係咁～仲以為係OuX BXXK果D一字排開既豬肋骨～小妹見識太少喇仲要熱辣辣，即叫即製。味道方面個醬汁好好味，類似BBQ Source 加蜜糖～唔會過咸。最緊要係每枝骨都好厚肉仲要好Juicy，雖然等得耐少少，但真係值得蕃茄忌廉煙三文魚意粉 ＄78首先個醬汁，小妹覺得麻麻地～可應蕃茄味道唔係太突出Keep住都係嗅到煙三文魚少少腥腥地既味。