Coffee Break (鴻輝大廈)

营业中

休息中

啱啱係旺角買完野，見時間都差唔多，梗係要搵返間餐廳食下飯啦結果比我search到呢間coffee break ,睇落都幾吸引，於是入去試下先。一入到去個感覺好舒服，好文青既感覺，而且仲有啲board game 提供，幾開心首先叫左個菠菜忌廉雞肉意粉，份量唔算好多，菠菜汁幾香幾滑，雞肉嫩滑好食，整體唔錯我叫左個香煎紐西蘭羊架，佢無切開就上店，自己處理時比較麻煩，羊架唔算好特出，無乜香煎既感覺，有少少失色最後仲有個芝士黑松露薯條，份量幾多，薯條粗身幾好食，芝士黑松露醬好香，一流

其實我同老公已經唔記得第幾次去呢間Cafe 了😆呢間Cafe可以說是由他們新開張幫襯到而家，今天經過看到店內擴充了，打通埋隔離鋪位，係今時今日的香港，仲可以捱得到貴租而大展鴻圖的店一定有佢過人之處。的確佢每次都唔會令我地失望，呢間的咖啡☕️的確是很好飲，佢果杯Hazelnut Latte 永遠是我的No.1今天午餐叫了一個芝士肉醬意粉，一道看似簡單的菜，其實要煮得好吃也是很考功夫的，（我試過食過一間好難食的肉醬意粉，佢D汁好似湯咁😖）而呢度的意粉質地非常合我口味，總之每次食完都會有種的滿足感。老公今日就叫左三文魚三文治🥪，佢哋個三文治包都好好食呀，還配有少許新鮮的沙拉菜。

銷售員A和會計員M，今晚來到女人街揾食，女人街選擇頗多，每次經過coffee break 門外，都會有員工在門外極力推銷，今晚終有機會一試。未知是否原有相鄰鋪位有裝修工程進行中，故今晚餐廳內位置較為迫狹，如果確實想到來一個coffee break，相信要非晚餐時段較好。銷售員A的晚餐，頭盤黑醋蕃茄火箭菜沙律，味道屬水準之作。主菜為蕃茄蓉大蝦意大利燴飯，銷售員A一直對港產意大利燴飯不存厚望，但此意大利燴飯確實有驚喜，蕃茄味濃內有雜菇加強口厚，配以意大微硬的意大利飯，驚喜之作。會計員M的晚餐，芝士牛肉漢堡，芝士味濃，牛肉汁豐富，麵包略有脆皮，確實非美式快餐店之流。Coffee Break 屬於可以再次回頭之餐廳。

夜晚經過女人街見到呢間Cafe幾靚所以就入咗去試吓。叫咗一個番茄大蝦意大利飯同一個芝士牛肉漢堡配薯菜。個飯偏硬不過我自己個人都鍾意硬身嘅意大利飯所以覺得幾好味。不過就略嫌有啲過酸。個Burger好大份，味道唔錯。薯條外脆內軟好正。

以為旺角得樓上cafe，其實旺角行人專用區隔離都有一間地舖cafe。除左有Board Game、Wifi、叉電器，仲有旅遊書比客人。有Lunch Set價錢合理，想係旺角坐下同朋友傾下計，都係一個唔錯嘅選擇。----------😋蕃茄忌廉煙三文魚意粉 $68 (另設加一)蕃茄忌廉醬汁味道濃，醬汁係比較傑身，酸酸地幾開胃。煙三文魚嘅份量都多，除左面有一片，意粉入面都有。除左煙三文魚仲有洋蔥、紅椒、黃椒。不過份量唔算多，大食嘅就可能要加小食。另外，Lunch Set包一杯$30嘅飲品。😋烤意式煙鴨胸三文治 $58 (另設加一)除咗三文治仲有沙律，有蕃茄、芝士、羅馬菜加橄欖油，沙律普通唔係太新鮮。三文治入面有蕃茄、芝士、生菜，因為係即刻整所以三文治夠脆，唔想食飯或者意粉，三文治都係一個選擇。---------🔎Coffee Break🚩旺角通菜街2Q-2Z號鴻輝大廈地下4號舖

香港人工作繁忙，能夠係得一個鐘嘅lunch忙裡偷閒，回一回氣，鬧下老細，談下風月，賞心樂事😌菠菜忌廉雞肉意粉 $68>意粉幾爽，不腍不梅>菠菜忌廉汁幾香滑>雞肉不鞋，但無乜雞味==================推介指數 🌕🌕🌕🌘🌑巴馬火腿三文治 $68>擺碟頗有心思，如果可以餡對餡咁放到一個對稱嘅心形就仲好>panini包熱辣辣，脆卜卜，好新鮮>芝士都幾依慷慨，火腿惹味，不太鹹>伴菜沙律都不俗，黑醋甜味幾到位==================推介指數 🌕🌕🌕🌗🌑抺茶拿鐵 跟餐+$8>拉花幾靚，unexpected>綠茶味幾重，但不澀，不甜，好啱我==================推介指數 🌕🌕🌕🌗🌑朱古力 跟餐+$8>拉花令人心花怒放，望咗好耐都未捨得飲>朱古力味香濃順滑，可惜偏甜==================推介指數 🌕🌕🌕🌖🌑

今日約朋友去旺角傾旅行的行程,我們經過女人街發現這裡有間好吸引兼裝修不錯的餐廳,立即決定在這裡食晚餐兼傾行程!! 踏入餐廳門口左邊有一張Bar枱,行入少少有一張高枱和高椅,旁邊有個開放式水吧!裝修簡約以白色和啡色為主,配襯木製和雲石枱椅,猶如置身文青空間!餐牌有小食,沙律,Pizza, Panini和各種咖啡,果茶和花茶,晚上更有Dinner set,分別有意粉,意大利飯和漢堡選擇,那麼多款式,真係好難決定啊!!最後我們選擇了漢堡餐和意大利飯,這個可另加錢配沙律或湯!<菠菜薯仔湯> 薯仔打成薯蓉,質地較為濃稠和幼滑,每一啖都食到一粒粒薯蓉,十分有咬口,配上輕輕的菠菜香甜味,令到味道層次更豐富,絕不單調!!<鮮茄蓉大蝦意大利燴飯> 大蝦好多肉好新鮮,食到非常鮮甜的味道,餐廳好細心將蝦身切開,方便我們進食,肉質鮮嫩彈牙,十分好味!! 意大利飯每粒米都大大粒,全部粒粒分明,配上濃郁的鮮茄蓉好夠味,飯裡夾雜住番茄和各種菇菌,食起來口感非常好!<大烤菇芝士牛肉漢堡配薯條> 漢堡賣相十分吸引,有薯條又有沙律菜!!大大的漢堡包住著厚身的牛肉漢堡和大烤菇

行街行到攰，想搵個地方傾計chill下，原來旺角通菜街都有唔錯嘅選擇。地方唔算太大，但都算幾好坐，可以比幾個朋友坐低食個下午茶同傾下計，打發時間一流。當日因為一早食咗lunch，仲有啲飽肚，所以打算叫個蛋糕就算。見佢加飲品好似抵食啲，所以都叫咗杯拿鐵。「芝士蛋糕」蛋糕頗大件，入口有雪葩個種冰感，有驚喜。芝士濃度適中，配上輕盈滑溜忌廉，食完唔算太膩。「熱抹茶拿鐵」拉花整得幾靚，可惜抹茶味唔濃郁，甜度不足，奶香亦欠奉。有樣值得一讚，侍應會好主動斟水比客人，佢幫我地斟咗幾次水，服務好好。

搵食搵到黎旺角女人街，呢邊一向多小店，見哩間Cafe裝潢都幾靚，位置舒適唔會好逼，同其他樓上cafe比應該就坐得舒服好多喇。今次主菜叫左大蝦意大利粉三重奏，朋友個個係菠菜汁意粉（詳細係咩名唔記得了），另外加左份小食辣味雞中翼，飲品就有熱嘅matcha latte同朋友嘅繽紛樂朱古力。賣相好岩打卡，尤其係朋友杯繽紛樂朱古力，好邪惡好吸引人好彩枱面夠大，我哋叫咁多嘢都放得晒食物質素方面中中，唔算話好突出，都係正正常常嘅意大利粉。大蝦三重奏嘅蝦味反而唔夠濃郁，不過意粉好掛汁，食完唔會膩。雞翼份量都多，少少辣好入味，唔錯而整晚敗筆係杯matcha latte，只有濃濃苦澀味，飲左幾啖就無飲了

其實平時只會午餐或下午茶時段來呢度一直好念念不忘佢以前有係午餐時間供應但唔知係幾時變咗淨係晚市先有既Burger 🍔今晚難得約咗朋友喺旺角食飯，Coffee break通常唔需要等位，又可以坐好耐 所以我嚟啦🍔🍔🍔🍔😍😍😍佢地既burger 頗大份，正常女仔應該食唔晒（對我哋三個係冇難度😃）薯條好脆， 跟餐既沙律菜亦非常新鮮😋跟餐包一杯$30的飲品 （檸茶，檸水齋啡嗰啲普通飲品）我最後揀咗+$18 既洛神花茶 熱水可以refill 整體來講都係非常滿意😋😋😋Burger唔知點解好似冇記憶中咁好食不過回憶永遠是最好的😂有機會一定會再幫襯呢度嘅🍔🍔🍔😁

又是一班巴打一起聚會的時間，這次的情況比較複雜，因為有位巴打就唔想食啲熱氣同肥膩嘢，又另一位爸打就係咖啡師，又想飲咖啡，噉就頭痕喇，不過最後俾我哋搵到女人街有一間餐廳可以滿足曬佢哋嘅願望。首先望一望裝修，其實都幾文青，我幾鍾意呢度用木紋為主嘅格調，不過都係老問題啦，旺角寸金尺土，所以坐起嚟就比較逼啲。食物方面其實唔貴嘅，就算加埋套餐都係100蚊鬆啲，所以性價比都高。黑蒜蘆薈蟹肉燴意大利飯。呢個飯黑蒜味好突出，加上伴隨住蟹肉，意大利飯都夠creamy，朋友話都幾好食。大烤菇芝士牛肉漢堡。香辣芝士牛肉漢堡。非常推介佢嘅牛肉漢堡系列，因為真係平靚正。上菜嗰時好大份，份量多到一個男仔都食唔曬。漢堡牛肉充滿肉汁，加上軟熟嘅烤菇，同埋生菜番茄等等，感覺好rich，唔會話啲肉好薄食落冇口感嘅感覺。伴隨有沙律吃醋，呢個不過不失啦，仲有唔少厚薯條配茄汁，我食咗半份已經食唔落喇。青蘋果梳打。始終都係溝出嚟嘅飲品，糖水味比較出。香蕉奶昔。草莓奶昔。呢兩個係朋友叫嘅。佢哋覺得有果味都唔錯。仲有個黑咖啡，冇影到相，不過同行嘅咖啡師朋友都話唔錯，似乎佢哋都對得住個招牌喎。可惜到咗夜晚，自己都唔係咁習慣飲咖啡，如果

晚上的通菜街非常熱鬧，午飯時段相對之下比較寧靜，兩旁的店舖忙於開舖，人流較少，可慢慢逛。原來有好多特色食肆平時係不會留意到的。一間文青咖啡店吸引我目光了。有咖啡店竟然藏在繁華熱鬧的通菜街內，仿如發現新大陸。既然來到順道食個午餐吧！經典芝士肉醬意粉醬汁好有特色，蔬菜的清甜表露無遺，免治牛肉亦散發出肉香。意粉有韌度不過軟腍。補了差額點了一杯cappuccino ，咖啡品質好，苦澀中帶甘，餘韻持久，醒神好飲。

意大利飯的款式很多，我們選了兩種，飯粒軟硬適中，忌廉豐富，調味不重不會太咸。蕃茄大蝦意大利飯酸酸甜甜非常開胃，飯裡希蕃茄肉和菇菌，增添了口感，大蝦的膏幾多，飯都有吸了蝦的鮮甜味。黑蒜蘆筍蟹肉意大利飯較為惹味，黑蒜味濃郁，蘆筍爽脆吃不到殘渣，可以吃到一絲絲蟹肉，用料足。黑松露芝士薯條即叫即炸，附一碗黑椒粒和醬汁，薯條粗身，新鮮炸起，熱騰騰非常好吃，醬汁的黑松露香味濃郁，加上黑椒粒一起吃，好吃到停不了。

Coffee break這間餐廳提供不少board game，非常適合一大班人來，吃完後一年輕鬆一下👍🏻這次我和點了青醬帶子意粉（$98），友人點了個蒜香辣大蜆意粉（$98），味道都不錯☺️青醬非常掛面，面的口感也剛好，帶子亦很大顆，只是份量有些少，回家洗完澡就覺得餓了🙂感覺這裏適合一班人來，吃之餘還可以玩，但若只是兩個人不玩board Game 就有點不太划算😂而且環境有點吵🤔。。。/環境分：🌝🌝🌝🌗🌚味道分：🌝🌝🌝🌘🌚服務分：🌝🌝🌝🌘🌚回頭率：🌝🌝🌝🌚🌚必吃度：🌝🌝🌚🌚🌚平均分：🌝🌝🌝🌚🌚/IG: foodcityyy

窩夫與蝦子餅早前在旺角找地方吃晚飯，走進了位於女人街的Coffee Break。羊架餐送的精選濃湯，味道不錯，厚度適中，餅乾粒不夠香脆。主菜香煎紐西蘭羊架配烤雜菜及沙律($188)的賣相討好，味道有進步空間。點了大蝦意大利粉三重奏($108)，上面放了一隻大蝦，醬汁裡有些櫻花蝦，但找不到餐牌上寫的small shrimps，應該只能叫二重奏吧。