影片
港铁石门站 C 出口, 步行约2分钟
继续阅读
电话号码
95457292
营业时间
今日营业
12:00 - 21:30
星期一至六
12:00 - 21:30
星期日
全日休息
公众假期
12:00 - 21:30
公众假期前夕
12:00 - 21:30
以上资料只供参考，请与餐厅确认详情
食家推介
招牌菜
买左凯撒沙律番屋企食，都要$68，期望会系一个大圆碗咁装住，点知去拎既时候见到用个咁细既盒装，未俾钱已经后悔，觉得劲揾笨，有做左水鱼既感觉，点样睇都唔值$68吧？成日话香港而家市道唔好，生意难做，当人地想支持小店多啲既时候，个价钱同质量唔成正比，叫人点再帮衬呢？真系觉得嘥左钱既一餐，佢仲系同肉酱意粉同价，咁即系叫人食意粉唔好食佢。一盒令人失望既沙律令我要打咁多字出黎我都觉得好神奇，总之最好总结就系不再帮衬。
继续阅读
非常惊喜, 无意中发现又book到, 哩间绝对系值得大家珍惜同支嘅小店, 食得出餐厅厨师晌选材, 味道, 摆盘都花咗心思, 二人餐CP值高, 由头盘, 汤, pasta, 主菜去到甜品都好食, 连焗蒜, 薯蓉𠮶啲配菜都一丝不苟.最钟意羊架, 煎得非常之嫩滑又juicy, crème brûlée 甜度亦系啱啱好, 一定会再去食, 好想试哂餐牌上面嘅主菜.小店虽然人手唔多, 但出菜时间都配合得好, 坐得都舒服, ciao 绝对系去石门嘅好选择
继续阅读
呢间食过好几次，通常保持到水准，佢除左南瓜饭好食之外，就系卡邦尼意粉同蜜糖鸡亦。鸡亦今次食落有焦糖味，外皮脆脆地，肉就软。意粉d酱刚好浓得黎唔会苦，有次食落偏苦。
继续阅读
我几钟意去石门京瑞广场，因为入面都几多餐厅选择，好多小店经营但食物质素唔错㗎。其中一间我好钟意嘅，就系Ciao啦。.我之前都食过几次，外卖堂食都试过。佢外卖可以做到好高质，我搭车返到屋企啲食物仲系热辣辣的。而堂食就更加正啦！.今次同老公拍拖嚟堂食，舖位好细，座位目测大约16个。我哋去到已差不多满座，剩返最后一张2人台，真好彩！下次再嚟记得要book台先。.我哋叫了一个2人餐，有头盘、汤、意粉、主菜、甜品及饮品，好丰富呀！头盘 — 凯撒沙律，另加钱要烟三文鱼餐汤 — 南瓜忌廉汤意粉 — 黑松露野菌忌廉汁意粉而主菜我哋加钱要法式羊架，因为我好钟意食羊😍甜品 — 法式焦糖炖蛋饮品就可以喺drink menu任拣无酒精饮品，我拣咗杯mocha；我老公就饮latte.呢间餐厅有样要赞，系楼面会留意顾客进食的进度，食完一碟先会叫厨房准备煮下一碟👍🏻 我好怕有啲餐厅会一次过煮晒出嚟，食物易滩冻，台面又会好迫。..烟三文鱼凯撒沙律 —烟三文鱼有4大块，卷到花花咁，拉开原来每块都好长；沙律菜好新鲜、够爽口；沙律酱、面包粒同芝士粉都有好多。..南瓜忌廉汤 —呢度啲汤用杯仔装住，好搞笑😆 呢个汤好饮！好香南瓜味；而质感好滑，唔会好浠、但又唔会太杰，啱啱好！..黑松露野菌忌廉汁意粉 —好大碟！黑松露野菌都有超多，仲多过啲意粉呀！忌廉汁好creamy，每啖意粉都食到好多酱汁，口感好丰富。..法式羊架 —呢碟真系不得了！羊架肉好嫩滑，算系我食过其中最嫩滑嘅羊架之一！😍 伴碟的薯蓉亦做到非常滑溜，好香牛油味，系我好钟意嘅薯蓉口感😋 车厘茄亦好甜，连炸蒜头亦炸得好香口，食落唔觉系食紧蒜头。连我呢啲平时唔钟意食蒜头嘅人，都忍唔住食咗几粒！😆..法式焦糖炖蛋 —炖蛋好滑呀，表面块焦糖亦唔会好痴牙。伴碟的士多啤梨唔算好甜，但都唔酸，我觉得都正常，唔差。..Mocha & Latte —Mocha 同 Latte 都系正常味道，唔会太甜，无咩特别。.总结呢餐我哋都好满意，食到咁正嘅羊架令我特别开心❤️ 我一定会再嚟食过！
继续阅读
😎😎星期六晚上几个知己良朋出嚟聚吓，谂边间餐厅都谂到头都爆。😁又要坐得舒服，又要唔赶你走，又要好食，又要方便，选择真系唔系太多。沙田呢间好好味的Cafe小店🤩好多款式可以选择，样样都好好味。唔只主菜好食，连side dish都非常出色，回头率100%。油封鸭好有特色，其他地方唔系咁容易食到。pizza意粉样样都好掂。个人最最最喜欢side dish厚切牛脷，食落去好Juicy，味道啱啱好，真系非常出色。👍🏻👍🏻😋😋
继续阅读