Chilli Lime (形點 I)

营业中

休息中

朋友突然約食lunch, 又因為之後有事，只局限係形點搵食，商場裡面大多數都係連鎖餐飲，比較之下呢間食多國菜既餐廳評價都唔錯就去試下。佢既lunch set 都係由一百蚊起到百零蚊，包括頭盤，主菜同咖啡或奶茶，仲可以加錢加甜品。頭盤我地就點左越式雞肉沙律(張相係分左一半比朋友之後先記得影)，佢既汁就有d似平時食撈檬既汁，酸酸辣辣幾開胃又惹味，另外既薯仔沙律係炸左既薯餅加上生菜絲，汁係印度tandoori既口味都幾特別。主菜份量幾大，最後點左泰國鮮蝦炒米粉，好夠鑊氣，甜甜酸酸再加上花生碎同辣椒粉，真係好正。另一個主菜係雞肉咖哩黃飯配簿餅，黃飯係我鍾意既印度飯，咖喱味略嫌有d淡，雞肉可能係雞胸位有d乾，本來食完半份米粉已經有d飽，諗住只食一塊簿餅，點知一食不得了點咖哩食超級美味，結果食晒😂最後加左個香蕉簿餅甜品，其實就係同泰國既一樣，又係好味道。全部菜式都水準好高，除左飲品凍咖啡就太淡了，唔推薦之外，其他都可以一試，係一間CP值高既餐廳。

All I want in Christmas is～～食好西呀🎄🤪大西北四通八達🚗今次窮煮婦就殺入元朗Yoho Mall🍴同朋友選擇左 @chillilimehk享用特色印泰聖誕大餐🥂邊個話聖誕節淨係可以焗Pizza食火雞🍗 CHILLI LIME未到聖誕已經坐無虛席🥳 一定係特別好味‼️餐廳佈置古典舒適，十分適合優雅既朋友聚會吹水👭🏻⋯一齊睇睇窮煮婦今次試左咩好東西💁🏻‍♀️🎄Christmas Set for 2️⃣🎄🔸冬陰公海鮮湯🔸泰式蝦餅 👍🏼 🔸泰式香肉碎羅勒菜包 👍🏼👍🏼🔸泰式蝦金邊粉🔸芒果糯米飯 👍🏼#食譜 #港式料理 #簡易食譜 #簡單料理 #簡単レシピ #香港食譜 #家庭料理 #懶人食譜 #懶人料理 #hongkongrecipes #家常菜 #家常便飯 #晚餐 #晚餐吃什麼 #午餐 #午餐吃什麼 #快速料理 #元朗美食 #聖誕大餐 #泰國菜 #元朗 #形點 #yohomall #印度菜 #chillilime #香港美食 #泰式料理 #泰式打拋豬

記得呢個位之前係新麻蒲BBQ，而家已經變咗呢間食泰國、馬來西亞、印度嘅東南亞餐廳🙊可能我太耐冇嚟元朗。餐廳裝修好有馬來西亞嘅特色，氣氛都唔錯，幾有度假feel，仲有店員都係講英文嘅，我同朋友都有一刻覺得自己係泰國🤣講返嘢食，我哋嗌咗一個Set Lunch，一個蟹肉魚肚羹同埋芒果糯米飯。Set Lunch包前菜、主菜同飲品。我哋揀咗柚子豬肉碎沙律、牛油雞咖喱配黃飯和烤餅，另外加左個甜品，就揀咗泰式榛子朱古力醬班戟（加$38）柚子豬肉碎沙律，酸酸甜甜幾開胃，份量唔算少，豬肉碎好似豬肉絲咁，幾有口感牛油雞咖喱好香，一啲都唔辣，開頭仲驚食唔到，因為朋友唔食得辣。烤餅熱辣辣，幾煙靭唔錯！黃飯好乾身，好有口感，好食🤤榛子朱古力班戟就正常，唔會話好甜，但如果個皮再薄身啲咁就Perfect啦☝🏻蟹肉魚肚羹份量好足，裏面超多魚肚同蟹肉，我哋每人食咗兩碗🙊芒果糯米飯，我地係見到食評好多人推介，我哋先試嘅，賣相好靚，三隻色嘅糯米飯，軟硬度啱啱好，好濃郁嘅椰香🥥，唔算太甜，好食嘅😋整體唔錯，無論食物同環境都👍🏻可以再encore

平時成日去yoho mall,都比較少去第一期地方下嗰邊，原來嗰邊都好多餐廳。呢間chilli lime門面唔算大，但行到入去原來別有洞天，超大超靚，佢裝修好classy，樓底好高，中庭有個bar位勁grand勁勁，好似去左中環啲bar。一坐低，講英文既侍應就介紹8點前有happy hour飲品優惠，正價8折，都幾開心。我地今晚兩個人叫左： 🔶️串燒沙嗲6串 （$118，9.5／10）雞，牛，豬各兩串。比一般餐廳既串燒大份，啲肉大大舊，串燒有泰國+印度fusion既香料味道，超級超級好味！肉質焾同juicy，高水準之作！ 🔶️菠蘿海鮮炒飯（$138， 8／10） 外型好靚，原個菠蘿上。中意個炒飯有肉鬆，腰果同埋提子乾，好有口感。菠蘿肉亦都好甜好多汁。 🍹 Mocktail: Fruit Gloat（$48，9.5／10）好有夏日感覺！係mango+orange +pineapple+coconut cream. 酸酸甜甜好好味，仲要飲得出係用新鮮果肉汁去整！超級好飲！ 🍹 Mocktail: Refresh your mind（$48，9.5／10）叫呢杯野係俾佢個杯吸引！本身叫佢成份係f

今晚係Yoho食飯，見到呢間餐廳有世界盃直播，梗係唔洗諗即刻入去，一路睇住阿根廷一路食啦。餐廳都幾大，幾多位，裝修以亞洲風格為主，樓底都夠高，所以有個超大銀幕睇波。越式炸春卷春卷皮薄，裡面全部都係蔬菜，真正炸到外脆內軟，用生菜包住一齊食好夾。炭燒豬頸肉炭燒味好香，一上檯已經聞到，豬頸肉燒到外皮焦脆，肉質依然軟熟，再配上辣辣地既醬汁，非常惹味。牛油雞咖喱呢款牛油雞唔係度度有得食，估唔到呢度有，首先將雞肉以大量香料醃製，用印度牛油及大量蔬菜作為醬汁的材料，香濃惹味，配印度酥油薄餅就最適合不過。印度酥油薄餅酥油薄餅非常酥脆，撕開見到一層層，非常鬆軟，用黎配咖喱就最岩

放假同屋企人去yoho行街，見3點幾有啲肚餓就搵下商場有咩食，見呢間幾特別所以入去食個tea，無諗過餐廳入面幾大間，樓底非常高，環境好有古典歐陸feel。呢度既下午茶同一般吾同，食印度、泰國、東南亞菜為主，系元朗比較少見。牛油雞咖哩配蒜蓉薄餅 $68咖哩重香料味，類似印度咖哩，而且完全吾辣，雞肉亦有4-5件，配埋即烤蒜蓉薄餅幾正，薄餅帶微微蒜蓉香味，不過趁熱食最好，薄餅食到一半凍左會比較難咬。泰式雜錦拼盤 $78貌相吸引，有沙爹雞肉串、炸魚餅同牛油果米紙卷，份量就吾算多，但邊食邊傾計都幾正。沙爹醬汁有花生粒，好香沙爹香料味。魚餅同樣重香料同香茅味。印尼炒飯 $78炒飯以糯米同白米為主，所以較黐身，入面有雞肉同蝦仁，味道吾錯而且吾咸。旁邊仲有一串雞肉串同埋有隻太陽蛋撈飯一流！最後見到隔離枱叫左個芒果糯米飯好靚，我地又叫一碟。廚房好用心將芒果砌成心形，而且有3種顏色、3種味道既糯米飯，包括蝶豆花、紫糯米同原味。下午茶跟餐飲品可以揀茶或咖啡，味道都幾好。環境好有莊皇氣派，坐得好舒服，坐到吾想離開，哈哈。餐牌：

美美啲貓貓睇開個獸醫喺雞地😼成日都會經Yoho呢個出口行過去已經經過左呢間餐廳好幾次琴晚終於去左試喇😙📍𝑪𝒉𝒊𝒍𝒍𝒊 𝑳𝒊𝒎𝒆本身以為係食泰國野入到去先見到咁印度風嘅裝潢🇮🇳都幾特別原來佢係一間多國菜餐廳主打泰國 馬來西亞 同印度菜🇹🇭🇲🇾🇮🇳餐廳嘅職員係講英文但啲菜色係東南亞語言搞到美美order嗰時要this this this😂😂✅越式鮮蝦米紙卷 𝗣𝗼𝗿 𝗣𝗶𝗮 𝗦𝗼𝗱 𝗚𝗼𝗼𝗻𝗴 💰$98🦐✅香炸洋蔥秋葵絲 𝗢𝗻𝗶𝗼𝗻 𝗮𝗻𝗱 𝗢𝗸𝗿𝗮 𝗕𝗵𝗮𝗷𝗶 💰$118呢兩個頭盤一個好fresh一個好脆口 好開胃✅串燒沙爹 𝗦𝗮𝘁𝗲 𝗥𝘂𝗮𝗺 𝗠𝗶𝘁 💰$118呢個價錢有6串都好抵👍🏼✅泰式椰菜苗 𝗣𝗵𝗮𝗱 𝗞𝗮𝗻𝗮𝗲𝗻𝗴 𝗞𝗿𝗮 𝗧𝗵𝗶𝗮𝗺 💰$78🥬✅布吉椰盅南瓜黃咖哩魚椰 𝗚𝗮𝗲𝗻𝗴 𝗛𝗲𝗹𝘂𝘅𝗻𝗴 𝗣𝗵𝘂𝗸𝗲𝘁 💰$158🥘✅印度酥油薄餅 𝗥𝗼𝘁𝗶 𝗖𝗮𝗻𝗮𝗶 💰$28美美好鍾意食印度薄餅🤪原來有咁多款揀 有啲叫naan有啲叫roti有啲叫dosa有啲硬啲有啲脆啲我地就揀左呢隻比較軟嘅roti用黎點咖哩食真係好正🤤另外1664同Asahi都做緊買一送一💰$88我地都嗌左黎飲 超盡

呢間餐廳裝修勁靚樓底好高之餘仲有吊燈感覺又復古又華麗餐廳仲有波睇成個環境好有氣氛食物方面試咗個菠蘿海鮮炒飯（$138)有大量菠蘿🍍肉之餘海鮮配料都有好多有魷魚圈、大蝦、蟹柳等材料非常豐富串燒沙嗲（$118/6串）有齊雞肉、牛肉🐂同豬肉全部都燒得好香充滿炭香嘅味道而且肉質唔會太乾仲可以保留到肉汁沙嗲汁都好惹味另外仲試咗一份泰式蘆筍炒牛肉（$138)一大碟份量十足有好多蘆筍蘆筍非常翠綠幼嫩入口爽脆完全無渣而且用咗大量蒜蓉🧄去炒又香又夠入味整體餐廳環境好好食物質素都唔錯就算唔食正餐飲杯嘢傾吓計都相當唔錯

Yoho 呢間餐廳樓底高，坐得舒服岩曬我同朋友放工Hea 下🌞泰式焗黃咖喱釀蟹肉普利球$118咖喱甜度適中，即埸炸起既普利球卜卜脆，咖哩蟹肉勁夾，每件有有蟹肉係入面，絕對要趁熱食！馬來牛肉炒面牛肉勁香，而且厚身，炒面鑊氣十足！Man Poo Kao Pod $108香炸蟹肉粟米餅呢個真係覆大力推薦，蟹肉同粟米炸到金黃色，食落香口，配酸甜醬，搞到我同朋友都想再嗌一碟！最後仲有甜品，香蕉同埋炸薄脆杏仁炸得非常之香日，香蕉嘅甜味煮過之後帶出小小嘅酒味有驚喜

🐳喺元朗YOHO商場新開左一間東南亞餐廳，佢嘅裝修佢嘅格局比較似西餐廳，但其實係一間食越南或者泰國菜嘅餐廳。🐳好鍾意佢哋樓底好高，感覺好大好高尚，另外喺餐廳牆上掛滿咗好多大大幅嘅壁畫，好有特色。🐳今次我哋叫嘅所有嘢，都好好食，價錢又唔係好貴，可以下次再嚟食過。🐳烤餅-芝士💰28好多時食烤餅都會配咖喱，但係原來乜都唔配，齋食佢都好好食，而且$28就有咁大塊，好抵！🐳泰式柚子鮮蝦沙律💰88份量唔算好多，但係絕對夠兩個人食，柚子好甜，而且有幾隻大蝦，好多時黎食泰國菜，都會叫呢個沙律。🐳鑊仔炒雜菜💰78非常之有鑊氣，每條菜都好翠綠，又爽又甜。🐳印尼炒飯💰128炒飯旁邊有條雞肉串燒，出奇地非常好食，好食到唔知點形容。個炒飯就正正常常，份量幾多，而且賣相都好吸引。

今日係老公選擇食乜嘢晚餐，佢就揀咗呢間東南亞嘢食嘅西餐廳，可以話係大包😂😂😂因為佢成日話佢諗咗食乜，我都話唔好，終於搵到一間係有齊晒東南亞各地美食嘅餐廳👍🏻裏面有泰國菜，越南菜，印度菜，中菜，星馬菜等等餐廳氣氛環境唔錯，坐得好舒服，所有侍應都唔係本地人，令到我好似置身海外一樣🤩Menu上面好多款式可以揀，真係搞到我樣樣都想食越式炸春卷$88老公話想食炸春卷，就叫咗呢個越式炸春卷，勁驚喜，因為裏面超大嚿肉，平時喺出邊食開嗰啲裏便係雜菜多過肉，今次佢哋包呢個春卷裏便肉既份量真係Over有突😲仲要每一條春卷都唔細👍🏻👍🏻味道好好味印度烤雞肉$138呢個烤雞肉又係老公話想食，嚟到之後見佢鐵板上勁有誠意，因為補暖效果可以好好，令到啲雞肉唔會好快凍，有六舊，以為唔多，但係食下食下都覺得其實都好多吓，因為佢每一舊都好大舊，味道真係超級印度feel，勁好味，有熱辣辣，再配埋個醬汁簡直一流👍🏻👍🏻👍🏻印式椰香牛肉$148呢個可以話係叫做咖喱牛肉，超級香椰香味🙈牛肉份量竟然多到食唔晒，平時出邊係咖喱汁多過牛肉，但係佢哋牛肉多過咖喱汁😂😂又係非常之有印度風味，令我有少少覺得佢哋連廚房嘅廚師都請咗世界唔同各地

假期形點周圍都好多人，今日同朋友簡左嚟呢間餐廳食， 見佢環境佈置氣氛都唔錯， 好有東南亞風情，門口都幾多人排隊。今日被安排坐喺玻璃窗位置，但因為正值中午，所以都幾曬下有少少熱。 嘢食方面味道唔錯， 飲品方面就都有啲普通。 當日唔知係咪人手唔夠， 係收碟同點餐方面要等比較耐時間。 另外有啲吉枱冇人清潔， 所以需要較多時間等位。 最後諗住埋單，等咗15分鐘都冇店員得閒， 唯有自己行出去，自己搵服務員招待收款。 另外， 我地點咗一碟雞串燒， 食落去嘅時候d肉唔係太熟， 向店員反映之後， 店家重新換過一碟串燒比我地 。

一間多國菜餐廳，主打泰國，馬來西亞同印度菜，對我嚟講再加埋一個清甜無比㗎新鮮椰青，咁就非常之happy啦。有戶外園林🏡座位係佢嘅優勝之處，不過我都係選擇室內舒適的梳化位😊😊嗌咗两個lunch set，有2個前菜，一個係冬蔭蝦湯配脆炸雲吞，另一個係越式雞肉沙律，內有雞肉，黑胡椒，芫荽和洋葱，酸酸哋好吸引，冬蔭湯細細碗竟然有3隻蝦，真係唔錯。主菜係橄欖海鮮炒飯，另一個係蟹肉奄列飯，海鮮飯有魷魚圈，有蝦，有青口，又有黑胡椒，因此有少少辣，蟹肉飯表面睇嚟平平無奇，但好好味，點解呢？因為有好多蟹肉係奄列入面，蛋香和蟹肉，my favourite 。

平時好少食東南亞菜式，但呢間真係好好食！！所以朋友生日都決定食呢間慶祝🥰我地有提早book佐位先，去到就可以直接入座👍🏻仲買佐個生日蛋糕諗住食完野就食，切餅費係$50，好合理唔算貴👍🏻我地一行三人總共叫佐三道菜，串燒沙爹 (雞肉/牛肉/豬肉) 六串,、炭燒豬頸肉同印度薄餅，份量雖然唔多，但係加埋個蛋糕就啱啱好😋😋串燒沙爹係必叫！！燒得好好🥰個沙爹醬都好正，豬頸肉冇得輸，香脆彈牙🥰薄餅加埋啲醬料，味道好夾，好喜歡😍😍當晚都好多人慶祝生日，呢個餐廳好特別既係啲職員會突然播好大聲既生日歌，大聲到成間餐廳都聽到😂😂原本諗住俾朋友驚喜，但每次播生日歌朋友都嚇一嚇以為到佢😂但有少少唔滿意既係，有個職員無啦啦行過來當住我地包括主角問，「你地係咪有個蛋糕要係度食?」😅 真係非常之掃興，如果佢地識做啲就好啦😅好彩朋友都開心既有生日蛋糕食～整體來講環境、食物質素都算幾好，只係個別職員的小問題，下次都係會再幫襯👍🏻

行完形點食個tea，呢間主打印度、泰國同馬來西亞菜，裝修好靚呀。侍應都係外籍人士為主，招呼周到。Tea Set 價錢包一杯餐飲，份量又夠，好推介👍🏻💯印尼炒飯呢個炒飯質感有啲特別，介乎白飯同糯米飯中間，少少煙煙韌韌。炒飯顏色深但係唔會太重口味，撈埋少少流心嘅蛋黃更加好食。牛油咖喱雞配蒜蓉烤餅新鮮焗好嘅蒜蓉烤餅好正呀，有口感又香口，點汁食一流，一份有四大塊好足夠。我哋仲叫左份印度酥油薄餅，點埋個咖喱汁，輕鬆KO一大塊薄餅😋雞翼係生炸無咩粉漿果隻，配甜辣醬好開胃！最後食埋芒果糯米飯做甜品，好好彩芒果好甜🥰甜椰漿都好足夠，糯米飯軟熟暖暖地，好鬼正。