平日放假，同狗狗出街食饭。以前去过将军澳Chilli Lime，食物啱口味但欠特色，途经Yoho Mall分店，见布置优雅带古典风，又有室外用餐区，主人可以同宠物坐低开餐。平日午市套餐定价$100-120，价钱视乎主菜而定。套餐包前菜(3选1)、主菜同饮品，跟餐+$30可享用甜品(芒果糯米饭/香蕉煎饼)。泰式青木瓜咸蛋沙律：前菜；配料多而「特别」，除咗一般常见的青木瓜、甘笋、车厘茄同花生外，佢仲加埋虾、鱿鱼、咸蛋同粟米，食材丰富、颜色吸引但偏离正宗；味道唔系传统泰式青木瓜沙律的重酸、重辣，而系异常温和，如果唔执著系咪正宗泰国口味，其实佢相当适合香港人印式芝士烩菠菜连烤饼及印度黄饭：主菜；系餐厅特别提供的选项；午市套餐冇素食主菜，我同带位的侍应了解系咪可以提供素食选择，佢好快回覆可以俾我喺餐牌的蔬菜类中拣选一个项目，而套餐就跟主菜的正价收费，+$10包烤饼同印度黄饭；欣赏餐厅有弹性处理食客的特别饮食要求，而餐牌中亦有唔少素食选择印式芝士烩菠菜：浓稠，同烤饼、黄饭好夹；菠菜蓉有淡淡香料味；芝士比外面食到的大粒，佢无论味道定质感都好似硬豆腐；虽然只系一细碗，但绝对够食，食完亦唔漏；呢个素食主菜系餐厅的推荐项目，值得一试烤饼(正宗)：菜名中的「正宗」系指原味；烤饼带油份，有2件，食晒一定饱；fluffy，口感烟韧，几好食印度黄饭：饭量唔多，~100克；钟意印度米干身同低碳，食落清爽，最啱夹埋咖喱/其他多酱汁的菜式一齐食热咖啡：点餐后好快送到；细杯，似double shot espresso，唔肯定系咪espresso(侍应冇俾奶，只俾黄糖）；饮落好苦，麻麻哋，最后要咗奶，不过整体都系唔好饮狗狗食评🐕📝：食物🍽️：妈妈带定食物俾我，不过，原来我都分到嘢食，包括青木瓜沙律入面的大虾、鱿鱼、粟米同车厘茄；见到妈妈剪虾虾时，我都感觉到佢好新鲜、弹牙；平时我冇得食青木瓜沙律，因为太重口味，但呢度的青木瓜汁水唔多、唔辣，我都食得呀环境🌳🪑：户外座位范围好大，仲连住商场的宠物室外友善空间，有放狗便便的垃圾桶，又有宠物相关的设计，行前啲仲有我同类(狗狗)的星光大道添；用餐区有帐蓬，餐台椅够大张，台面高度又适合用餐，环境好啱我嚟chill下宠物友善度💖：宠物设施就冇喇，而侍应对我都唔热情，不过，侍应听妈妈话要带埋我食嘢，都系欢迎既；侍应上餐时，特别问妈妈我系咪「ok」(应该怕我袭击佢)，咁样问一下系好正确架，起码佢有意识上餐时可能要小心啲。当然我要澄清，我攻击的对象从来都只系食物㗎咋~…查看更多
首先系头盘木瓜沙津，酸酸甜甜而且微辣好惹味，作为开胃菜真系一流，而且仲有大大只虾肉，真系诚意爆棚 ！然后就到串烧同虾饼，鸡肉串烧烤得恰到好处，有烤味之余内里仲保留到鸡肉嘅鲜嫩，加上自家沙嗲酱超好食。虾饼就炸得好酥脆，而里面就好扎实饱满，咬落去好满足! 
饮品方面就点咗Yellow Sky，系东南亚水果口味嘅cocktail，配上成餐东南亚风味嘅菜式真系大满足。
