CHICKEN FACTORY (御海灣商場)

燒雞多汁嫩滑😋加埋雞皮都好夠味！雖然佢有比多一個汁，但唔洗淋都好好食！熱辣辣仲要有雞油出！！仲叫佐四式雞翼😋有孜然香辣、柚子蜜糖、韓式甜辣同點點芝士🧀。最好食係柚子！炸到都唔會好油加埋柚子蜜糖甜甜地！包裝好好！特別係燒雞個紙袋勁好，唔會搞到食完張枱都油淰淰👍🏻👍🏻…查看更多

首先隻雞係霉既，雞皮完全無彈性，而且份量唔多，呢個價位出返去買海南雞大把質素好過佢。其次個雞飯係爛既，糊到不得了，好似小朋友粥仔咁，食泥咁既感覺，而且最重要既雞油香味同其他調味係欠奉，配搭既醬汁同醃菜只能講不過不失。椰子雞湯反而合格，但要加錢，細細碗但入邊都算足料，有兩舊雞髀肉同大量椰子片。入口偏鹹少少但湯底算係濃厚，少少稠（杰）總之總括而言，個飯$49完全唔值，個湯又要另外加錢，其實去好幾間出名嘅海南雞店，差唔多嘅價錢都已經包埋碗湯。…查看更多

一直都怕食烤雞，因為好怕肉質會好乾好鞋。可是見一直多人買，今日卒之試左4份1件雞(指定脾)牛肝菌汁，加焗薯和烤雜菜。結果都幾喜出望外😀雞件似慢煮個隻軟身又未去到好冧，「好好味呀」就肯定未去到，但肯定唔會鞋口。個汁濃味，所以夾埋一齊都唔錯。配菜恰如其分，特別係薯仔，入味。配冷泡茶好合適，夠大支又可以消消油膩感。…查看更多

🌟皇牌滋味二人餐 $128 (全隻烤雞/半隻海南雞+ 瑞士汁雞翼3隻 + 焗薯 + 雞湯油飯/蘑菇飯2客 + 可樂2罐)收工繼續喺屯門搵食既我地，喺風雨飄搖既晚上試左呢間餐廳既二人餐🌧本身諗住食完休息一陣去做下gym🏋🏻‍♀️結果因為太飽冇做到~(偷懶的me🤣)我地揀左全隻烤雞，隻雞幾惹味，不過可能啲鹽未搽勻，有啲位置鹹左小小🤣，同埋佢冇主動提供即棄手套，所以我地食既時候有小小論盡😛另外雞翼、焗薯🥔同飯都幾好味🤤雖然講唔上好出色，但以呢個價錢同份量，性格比算係好高🌟😋有成隻烤雞食之餘仲有其他野食，我地唔算細食都覺得好飽🤣細食既話三個人都夠🤩野飲方面我地加6蚊轉左低糖檸檬薏米水同埋無糖烏龍茶。無糖烏龍茶飲落都幾清，🍋檸檬薏米水就小小甜，幾好飲😋呢間餐廳主打外賣，疫情期間放工趕唔切煮飯既兩口仔可以考慮下黎呢間餐廳試下個二人餐～遲啲有機會我地都想試埋個海南雞😎😎😎…查看更多

又係外賣之夜，今次叫左個二人餐，睇落好似好小野食但食落又好夠飽。二人餐有半隻海南雞、兩碗飯（可以揀油飯或蘑菇飯）、焗薯、三隻瑞士雞翼同兩罐飲品。海南雞係已經起曬骨，肉都幾滑但隻雞都幾肥同厚皮，如果可以瘦啲既話就好啲。焗薯幾有驚喜，好食。瑞士雞翼都入味。百幾蚊二人餐都算係咁。…查看更多

收工行行下👣👣去左鄰近新屋苑，這間店裝修特別，應該疫情關係，暫時只有外賣提供，人流都多，所以決定今晚食佢😂🤣😂款式以雞為主，有燒雞，海南雞…🐓🐓🐓「海南雞飯」雞肉略欠味道，但算滑身，配上油飯👍🏻 最為欣賞是配菜的酸羅白，好野味，而且開胃，送飯好味😋另外會附上羅白紫菜湯，外貌吸引，但係…完全無味👎🏼👎🏼備註：🔺價錢合理👍🏻🔺自助形式，自提餐具🤭🔺品牌性包裝，有規模感😊…查看更多

呢間Chicken Factory明明間舖舖面裝飾到好似係一間西式烤雞專門店，但賣嘅食物組合同價錢，都幾似茶餐廳餐牌上見到的。可能堂食冇乜位坐，主打做外賣，價錢都比同區食肆平，但味道有驚喜，好味過茶記！半隻皇牌烤雞餐 ($50)配麻辣醬+烤雜菜+焗薯+檸檬洛神花冷泡茶每樣食物都份量好足，味道都好好。估唔到麻辣醬配烤雞味道係咁夾，麻辣醬估計係用現成醬料，但隻醬比市面一般嘅現成醬料好味。另外雜菜同烤薯份量都好足，同調味足夠，唔係一般冇乜味嘅裝飾配菜，而係整份餐嘅主角之一。仲要套餐包埋一支大大支嘅冷泡茶，我揀咗檸檬洛神花冷泡茶，見到靚靚茶心情好，開胃又解渴。買外賣返去慢慢嘆，咁嘅價錢好味又飽肚，唔講仲以為食緊靚靚西餐廳嘅食物，真係超值！…查看更多

之前睇過啲屯門牛推介chicken factory 嘅海南雞飯，一直都想試下係咪真係咁正，今日竟然見外賣自取app額外有折，咁抵無理由唔試架😂😂揀左招牌海南雞飯套餐同牛肝菌烤雞餐，海南雞係去左骨嘅，有酸配菜加薑蓉，飯是雞油飯，跟一碗白蘿蔔湯及飲品，飯有雞油味，但略嫌飯濕了點，個人口味比較鐘意乾爽一點的飯沾滿雞油嘅果一種，至於雞就有啲鞋口，冇網友講得咁好食，蘿蔔湯味道普普通通，反而牛肝菌烤雞就不錯，一打開外賣盒已經聞到好重香料味，醬汁味道ok，雞亦烤得剛好，套餐可以揀飯、薯仔或什菜其中兩款，最後揀左薯仔同什菜，薯仔好食，什菜一般般，飲品試左手工咖啡、黑豆漿同檸檬洛神花茶，咖啡同豆漿出色，花茶味道唔夠出，總共三個餐只係$140幾，呢個價錢有咁嘅質數其實算好好，下次會再試下其他款式👍🏻👍🏻…查看更多

新鮮出爐香草燒雞，外賣買返屋企食，一路行一路聞到烤雞香味🤣出爐時段還有特價優惠，只需48蚊，加6蚊可配一支飲品，我揀了檸檬洛神花茶（550ml好大支抵飲😁）亦可加12蚊加配焗薯或烤雜菜。烤雞外皮燒得夠乾身，口感夠晒香脆，然而內裏雞肉不會太乾，切開烤雞會見到肉汁流出，烤雞肉質嫩滑，有淡淡香草味，夠入味和好好食但略嫌有點咸。檸檬洛神花冷泡茶 （但樽上貼錯了另一標籤😅)酸酸地夠晒開胃，食完雞可以用來解渴岩晒…查看更多

在屯門有不少新落成的私人屋苑，在地下一層亦相應新開張了不少食店，我和朋友相約其中一間，而且在晚上五、六、七時正有優惠，原隻燒春雞$68，在以上時段有減20元優惠，我們當然不放過了。位置：在屯門泳池輕鐵站旁的商場，牛奶冰室旁邊。環境：店舖面積較小，但設備齊全，呈長方形，店內盡頭是垃圾桶和洗手機，旁邊是出菜櫃位，可以看到燒雞新鮮出爐的樣貌和香氣，並設有飲品櫃，點餐後，其他餐具和飲品都自取。服務：主打外賣，亦提供堂食，但需要自己收拾和清潔。晚市：我們兩個人分享一隻燒春雞，另加$12配雜菜。另一對朋友點叫了多一個焗薯，我們亦試吃了一塊。焗薯比雜菜更好吃，雜菜灑了太多七味粉和醬料，有點過鹹，反而薯仔的鹹味剛好，而且連皮焗，帶點脆皮效果，質感軟綿，薯仔比雜菜更好吃。我們帶了手套來撕雞肉，這種吃法更添風味，雞皮非常脆而薄，帶有醬料的味道，反而是雞肉沒有醃過，雖肉質細嫩，但沒什麼味道，點了醬汁會更好吃。整體來講，原隻焗雞是相當不錯，用來晚餐加菜比自己煮來得更抵食！…查看更多

ChickensFactory🐓🐥🐓🐥隨新樓盤落成 御海灣開咗好多新餐廳終於唔洗食富臨🙂今次要介紹係性價比極高嘅燒雞🐥逢係搭正 姐係4p 5p 6p 7p …做優惠$48/隻 （原價$68）我同朋友兩個人食一隻雞🐓再加$12 雜菜 🥗有蘿蔔 四季豆 椰菜花隻雞一啲都唔肥 雞皮好似紙咁薄我唔食雞皮嘅人 都忍唔住食埋雞髀🍗位置燒得好滑 已經覺得好飽Total:$60/2個人 （🌟真係超級抵🌟)可以再加$12 叫埋薯仔🥔（其他朋友仔叫嘅）薯仔係連皮焗 加上孜然粉 其實 簡簡單單咁煮已經好好味都有好多人買返屋企食 當到會又得✅…查看更多

今日又係御海灣附近覓食，發現指定嘅時間食全雞只需要$48，我就揀咗六點呢個時段去食，而且仲有下午茶餐。-1.烤雞首先佢係焗爐新鮮出嚟，不過唔知係咪放咗一陣所以變到有少少暖，不過都唔影響肉質嘅，雞肉外皮香脆，而且好有肉汁，雞香味亦都好重，醃料唔算太多，都係基本調味，不過雞胸就有少少老，不過其他部份都幾嫩，唔會韌，呢個價錢算係唔錯嘅。2.酸辣粉同埋海南雞飯（下午茶餐）酸辣粉就普通，因為米線軟爛，沒有咬口，不過個湯底就幾香辣，海南雞都幾滑，而且配合脆蒜以及香蔥，醬汁都幾惹味，而且有酸蘿蔔，酸酸味味好開胃。3.烏龍冷泡茶有茶包浸住，淡淡嘅茶香味，不算太濃。總括來講都幾抵食嘅，而且坐係出面嘅枱好舒服，經開不妨一試。❤️…查看更多

今時今日$48有野食仲有野飲，簡直係抵到爛。一人餐有半隻雞（麻辣汁/咖喱汁/香菌汁），三揀二（薯仔/雜菜/飯），飲品（冷泡烏龍茶/冷泡洛神花茶 呢兩款免費）（豆漿+$2）（咖啡/奶茶+$6）性價比都高既，但整體有啲咸，我哋叫左三份，每隻汁都試左，最好食嘅係香菌汁，麻辣都ok,咖哩就唔係好襯。如果佢無咁咸更好！…查看更多

放假1850 Walk in等燒雞出爐，等左10分鍾店員準時出黎派籌，10分鍾已經有8-10人派隊，留意到條隊較後位置嘅攞唔到。餐廳門面好細，夏天都要坐出去，所以簡左外賣番屋企食。不過因為新開，店面都好光鮮好新淨，感覺都有D新派。店員做野相對唔嚴謹，出面個攞餐嘅提示牌冇update過，我地落嘅order亦俾人攞走左。但值得讚嘅係佢地補救速度都快。叫左個燒雞餐，可以加嘅配料都加哂。1.燒雞由店面攞到番屋企都係5分鍾，都仲係好新鮮，夠味嘅。但最最最大重點係佢成隻雞係超多汁，雞胸極滑，好出色!!2.焗薯好食嘅，焗得唔會話好乾，但係落鹽落都唔平均，有D位死咸左。3. 焗雜菜好食，因為有汁，D調味更容易平均，但都有D咸4.油飯完全冇特別，少貴，唔太中意carbo可以唔叫。老實講，份量真係好多，而且咁嘅價錢黎講真係好出色。始終呢間係新分店，一開始總有少少甩漏，好正常，期待佢進步!!…查看更多