CHICKEN FACTORY (海富商場)

嗰日喺海富商場做嘢，又冇食早餐，行過見到Chicken Factory半隻雞只係$75，即刻揀佢做lunch ！佢有好多種雞選擇，有海南雞又有焗雞嗰啲，但係因為我本身自己唔鍾意食骨又想惹味啲，所以就揀咗無骨沙薑雞。另外仲叫咗做碗油飯，唔使淨係食餸咁寡。隻雞肉質都過得去，雞味都合格嘅，但係砂礓就少咗啲。最吸引嘅地方就係$75就可以爆曬protein，啱晒啲gym巴💪🏻!雖然抵食，但係服務態度就真係麻麻。本身送咗個湯，我落單嗰陣明明揀咗蘑菇湯，攞嘢食嗰陣佢就俾咗個豆腐湯我。我比張單個阿姐睇同佢講話我落咗蘑菇湯，佢就淨係話俾我聽呢個係豆腐湯，仲好似好唔耐煩咁。我食緊嘢嗰陣個阿姐啱啱放飯，有個老人家埋去叫佢請啲雞佢食，個阿姐又好唔耐煩咁叫人哋走，我見嗰日咁凍，就叫個老人家過嚟俾埋我其餘嗰啲雞俾佢食。…查看更多

開放式廚房散發街頭美食風情，適合快速用餐或外帶。🈺空間稍小，座位有限，但服務快捷，店員友善，氛圍輕鬆。😊🌶️ 麻辣無骨海南雞飯（HK$56）份量驚喜麻辣無骨海南雞飯賣相誘人，雞肉無骨切塊，鋪滿香噴噴油飯，配酸菜與青瓜絲，視覺清新。🍚雞肉嫩滑，入口鮮香，麻辣醬汁微嗆惹味，辣度適中，與海南雞的清甜平衡，令人回味。😋油飯粒粒分明，帶雞油香，份量十足，適合大食量人士。惟麻辣醬偶爾偏鹹，建議要求少醬或搭配清湯中和。隨餐附送的紫菜豆腐雞湯清甜，惟湯味稍淡，略欠深度。🥄整體而言，HK$56的價格帶來如此份量與風味，性價比極高。🌟🏙️ 環境與性價比餐廳位於海富中心，適合街坊或上班族，惟堂食空間簡單，旺時需外帶。📍人均約HK$50-100，麻辣無骨海南雞飯以HK$56提供大份量與新鮮食材，堪稱抵食之選。環境雖簡約，但食材用心，製作過程乾淨衞生。Chicken Factory以創意雞肉料理與親民價格，帶來正宗街頭美食體驗，值得一試！😍…查看更多

份量一般。嗌咗個椒鹽炸雞配柚子檸檬醬， 但係唔覺有椒鹽做過。 另外嗰杯碗仔翅真有啲細。 兩樣嘢盛惠51蚊。比想像中有啲落差。兼且同其他 食評朋友一樣同感，員工 啲態度真係麻麻…查看更多

在大角咀上課，下課後很肚餓要覓食，與同學來到海富苑的商場地下，見到Chicken Factory，二話不說就要開動了。淨餃子八粒$42，選了湯餃，浸在湯裏，吸收湯裡的精華。雞骨淆出來的雞白湯，配有蔥花、乾蔥頭、蒜蓉、腐竹等，煮出來很鮮甜。餃子一隻一口剛好，肉質結實，木耳絲爽口，又有菠菜香。升級樽裝咖啡加$7，咖啡味道香，濃淡適中，不會苦澀，晚飯來一口，醒神又放鬆。百里香烤春雞半隻，配粟米條和雜菜$58，選了麻辣醬口味，想不到麻辣醬其實只是小辣，帶鹹味得來很香口，有點像現場燒烤的感覺，切開春雞見到黃油慢慢流出，已經在流口水了！吃下雞肉嫩滑，仍然保持水份不會太乾，非常好吃！雜菜烤過，咬下還很爽口，灑上椒鹽味道，像吃串燒呢！雖然這裏是快餐形式，用的都是即棄餐具，自助取餐和回收，但價錢十分經濟，食物水準超預期，十分欣賞呢！一定再光顧！…查看更多

因為小妹唔小心整晤見左張飛亦唔記得左個number，於是係發現後就同個阿姨講返（大概5-10分鐘內）。當時要d阿姨幫我check返我個餐。雖然個阿姨話ok但一直都扮忙，完全無check到。後尾俾我地吹左好多次先check。發現我個餐已經俾人攞左。想叫佢幫我地睇一睇個cctv，想睇下究竟係邊一個攞走我個飯，佢地都唔肯check。試問個cctv係裝黎做咩？？？我都明整晤見左張單係我嘅問題，但d阿姨態度又唔好，左吹又吹先去check。超級晤建議去食！！！…查看更多

員工態度不好，服務質素低我站在收銀枱等點餐的時候，我以為他們忙，所以我耐心地等待，但發現他們完成其他外賣後，完全沒有理會我的意思，做一些完全不忙碌的東西eg:醬料的角度排齊，甚至有一個是企在收銀旁邊的，反正就是在扮忙，的直到我出聲才幫我下單。其實我都沒有所謂。但最後一個女同事問另外一個扮忙的男同事，為什麼不幫我落單？然後他很大聲語氣不好當着我面地說：佢又唔出聲，我咪以為佢拎外賣囉。我瞬間嬲咗。我拎住張$50，企起個收銀枱前面你覺得我係拎外賣！？正常就算麥當勞都知道有人企喺個收銀枱前面，即係有人想落單啦。呢啲其實都係好基本嘅餐廳服務，我只係要求佢嘅服務態度同麥當勞差唔多，佢仲要用咁嘅語氣喺我面前講，扮公就扮公啦。我下次依然都會唔出聲，企喺收銀枱前面。如果佢哋仲係咁嘅話，我會直接鬧。…查看更多

啲烤雞都幾大隻，肉質唔錯，薯仔幾好食，但係菜太多油，好似灌油落肚咁。成個餐配埋飲品嘅話，價錢尚可。不過堂食就冇咩位，舖頭比較細，座位少，枱同枱之間好近，郁一郁好易撞到隔離枱嘅客。lunch time時間多學生幫襯，等餐時間長，有排等，lunch就唔建議去呢間食。另外，衛生情況十分需要改善，啲枱長期有食物殘渣，根本冇人清潔。員工態度都麻麻地，不過食物價錢唔貴就由佢服務態度差。可以考慮下次再幫襯，但只限於外賣。…查看更多

今天午餐與朋友來吃，有兩位中年婦女員工態度十分惡劣，會大聲責罵客人。不明白貴公司為何招聘這樣的員工，完全是倒米。如果在未來沒有看到他們態度有改善，我會提醒我的朋友、員工不要來吃，以及會幫你們網上…查看更多

早前午市係度食，見到有兩個客仔投訴，原來係食左幾啖已經發現啲雞未熟，仲要係凍冰冰既。咁果兩個客仔其實態度都冇乜野，只係想睇下點解決，點知個阿姐愛理不理，仲串串貢，終於迫到其中一個客仔揚言話要打電話去總公司投訴啦。去到呢個時候，啲職員先開始識驚，拿拿淋諗住拎返啲雞入個焗爐（定蒸焗）度，諗住整返熟佢，但呢下又搞到個2位客仔好驚訝。事關啲雞係食過架，係掂過口水架，你就咁拎返入去，咪啫係個爐入面 d 口水/細菌/DNA 不斷內循環？！後尾個阿姐有冇比返啲新食物果兩個客，定係賠錢，我已經唔清楚。但最好笑既係，其中有個老職員，喺成件事開頭既時候，係一粒聲都冇出過，直至到果位阿姐一錯再錯，迫到個客打去總部既時候，佢竟然就挺身而出，講左以下咁發人深省既說話～～～「做人呢～就唔好太過份～！」我即刻當頭棒喝！1. 唔知係邊個收人錢財，喺度返工負責食物，但係做野求求其其，得過且過，令到啲食物連最基本既 熟、熱都做唔到既呢？2. 當食客發現問題，好聲好氣，純粹想睇下點解決件事既時候，又係邊個串串貢，當人西客，然後耍手擰頭，想大事化小，小事化無，不了了之既呢？3. 當食客對接二連三既問題感到忍無可忍，揚言要打去總部投訴果時，又係邊個求求其其，戇戇居居，毫無衛生意識咁亂咁補鑊既呢？4. 好喇，最後，食客卒之真係打去總部，你卒之知道事態嚴重，就竟然就識得話人「做人唔洗咁過份掛？」過分既，其實係咪你地呢班職員呢？…查看更多

職員態度超差，呢間啲員工態度差到爆炸今日收咗我錢，因為網唔好冇顯示有單出，然後話收我現金。到時候支付寶冇退錢，佢哋話會還返錢俾我（我仲確認咗好多次）並且叫佢哋寫喺張單度如冇收到支付寶退錢會還返錢俾我，但是他們一直推卸責任，不願意寫，說這間舖頭就在這裏不會騙你的。點知我放學嘅時候去問，佢話冇收到錢，所以唔還返錢俾我，叫佢俾經理老闆電話，佢哋都唔理，完全無視我哋，之後報咗警，有一個員工先開始話打俾經理，問點處理。啲員工全程態度超差，唔知佢哋係真係忙定係點完全唔笞我哋嘅說話。我唔知其他分店係點，反正呢一間處理事情十分差，並且這間店的員工說這些事情已發生過很多次，但為什麼還不會處理？而係無視客人？…查看更多

其實我本身真係想食清淡啲⋯🥲例如蒸魚飯🐟但係冇位經過見到呢間Chicken Factory記得佢有好多間分店不過我都未試過有位就試吓快餐來講，叫嘢食之後都等得幾耐可能因為我叫烤雞🍗海南雞嗰啲就快啲下次都可以試吓外賣感覺質素都保持到反正佢堂食都係用外賣盒HK$46超抵 有埋嘢飲、2個配菜¼隻雞已經好飽如果想食½隻雞，叫HK$5x烤雞餐都抵全日都有供應烤雞HK$88/隻細隻啲就HK$58可以買返去做餸！尤其係屋企冇焗爐食烤嘅嘢特別滋味😋餐廳環境好似學校啲枱櫈咁食完要自己擺盤去回收枱有洗手盤可以洗手，幾好👍🏻都可以問佢拎手套食烤雞，乾淨啲！下次試下雞米線 / 雞湯 / 雞飯先 😻😻…查看更多

今晚收工去叫左個外賣海南雞飯。返到屋企去打開個飯盒滿心期待之下就發現，冇咗啲配料，都唔緊要嘅。但係連啲醬汁都無比。咁就真係有點兒令人失望…..BTW 啲雞係唔錯既，都值得一試既。…查看更多

想去呢間Chicken Factory 食烤雞脾，收銀亞姐做完前面個客，就行來行去以為佢好忙，點知佢傾喺到同人傾計都唔行番埋位，完全當我透明，我好有耐性企咗2分鐘，佢完全冇意慾返埋位，我唯有走，係咪老闆刻薄佢專登趕客?其實成日客已經唔多，仲唔想做，不如收檔好過…查看更多

第一次食呢間，買雞飯送湯，紫菜湯幾清甜，雞飯入面有酸用黎開下胃，同埋有薑蓉汁，另外飯都好大粒同粒粒分明，口感好掂，美中不足係可能冇晒海南雞？換左油雞俾我（雖然味道都5錯）會再幫襯。…查看更多

成日係海富呢邊經過，聽朋友講過呢度既烤雞好抵食，就一於試下。今日點左個$48既烤雞餐，有1/4隻大雞，自選兩款配料加個嘢飲。由於本人對奶茶都有一定研究，就叫左個要+$6既樽仔奶茶。配料就選擇左雞湯油飯同烤雜菜。先講一講個飯，口感可以接受，唔會太冧亦唔會太硬。雞油味唔重，取而代之既係雞湯味。可能因為佢係「雞湯油飯」而唔係「雞油飯」🤣味道就係平時超市買到史雲生雞湯既味。雜菜就有少少燶，依然有啲菜青味，但唔會太生太硬入唔到口，一般般。主角-烤雞就有少少鞋，可能因為佢係大雞，驚鞋會推薦嗌翻細雞。配埋麻辣汁食落都幾惹味。份量絕對唔細，一定夠飽。最後奶茶飲落幾滑，夠奶味同口感唔會太薄。美中不足既係茶味唔夠，不過同茶記比絕對係會差啲。埋單52蚊都算抵食，有機會會再食。…查看更多