Chicken & Co

賣烤雞,但烤雞唔好食主打烤雞,但烤雞竟然唔好食.......你味道比KFC重差,都敢賣......而且旁邊就係KFC........賣烤雞,烤雞又唔熱烤雞又乾,似雞肉乾多......調味又唔得...........又唔香10分滿分3/10反而炸雞比較好食炸雞話就話比較好食,但又係唔熱而且同KFC的質素差唔多.....KFC係咩質素?我唔食的質素間野完全無賣點旁邊就係KFC.......重要KFC較抵食.......10分滿分5/10炸蘑菇第一次試.......真係第一次後....就唔會再試果種.......炸蘑菇好難食......蘑菇好食,但佢地都可以整得難食.....................定係炸蘑菇本身就係難食呢?我真係唔知,因為我只食過這一間10分滿分2/10炸洋蔥炸洋蔥又係唔好食........炸洋蔥好難整得難食,但佢地都可以整到唔好食........個炸洋蔥得個樣.......炸洋蔥得個樣叫睇得,得個大字........炸洋蔥都難食........10分滿分3/10重有個唔知咩雞翼因為好耐之前食,所以唔記得個名了好辣,又唔好食......雞翼咁簡單都煮到咁.......雞翼差過KFC本身就好高難度,但佢地做到了,佢地真係做得差過KFC10分滿分3/10又貴,又唔好食,得個樣員工問咩都唔知10分滿分食物:2服務:1環境:3外觀:6抵食度:0…Read More

雖然炸雞食店「Chicken & Co」所在的商場「元州商場」，不是位於深水埗工廠區裡面，但是當時我看見「Chicken & Co」食店內部裝修和擺設，我的直覺立刻告訴我自己，「Chicken & Co」真的很像工廈食店。因為「Chicken & Co」裡面的檯櫈擺設佈局，都是偏向立食為主，「Chicken & Co」雖然都有座位提供，結果我還是比較喜歡，站着享用「Chicken & Co」的炸雞套餐多一點。另一方面，「Chicken & Co」的雞類食品，原來還包括了「炸雞」跟「烤雞」兩種煮法的雞食品。本來我個人還是比較喜歡食「烤雞」，但是我怕食「烤雞」可能會弄髒檯櫈，所以我還是選擇了「炸雞」。「Chicken & Co」裡面價錢最便宜的炸雞套餐，包括有炸雞粒和烤粟米等小食食品，但是我在個人貪小便宜，怕吃虧的心態作崇之下，最後還是選擇了包括炸半隻雞，以及炸薯餅小食的套餐。我之所以選擇了「炸薯餅」作為我的「Chicken & Co」套餐的跟餐小食，其實純粹因為不想煩，不想花時間逐條逐條享用炸薯條，所以「Chicken & Co」難得有如快餐店一般的「炸薯餅」，我二話不說就選擇它。或許我就是因為有炸薯餅食，所以最後才在「炸薯餅」、「炸薯粒」和「牛油粟米粒」裡面，選擇「炸薯餅」作為我的「Chicken & Co」炸春雞套餐裡面的跟餐小食。「Chicken & Co」的炸雞套餐，除了有炸雞、薯餅、薯條、薯粒等等食品之外，還會另外附送一杯飲品，飲品不限冷熱，也不需要另外加錢，反而選擇「熱花茶」飲品要另加港幣兩元。我最後避開了不飲「熱花茶」，只是選擇了一杯簡單的杯裝汽水就算數好了。我最初還擔心「Chicken & Co」炸雞套餐的炸雞份量未必夠大，但是實際套餐製成品的份量，有點教我出乎意料之外。原來「Chicken & Co」廚房認真處理套餐食品，真的有把半隻份量的炸春雞，作為我的套餐炸雞主角。我一看到套餐裡面的炸雞，有大半隻炸雞和炸漿表層，我曾經懷疑自己食不食得完半隻的炸雞。反而食「Chicken & Co」的炸薯餅過程就簡單得多了，就好像我們平日在某大型連鎖快餐店裡面食早餐一樣，直接把原塊炸薯餅吃掉，就可以解決問題了。不過「Chicken & Co」的「炸薯餅」實際製成品雖然也是長條形，但是炸薯餅的體積巨大的程度，比大型連鎖快餐店同類型「炸薯餅」巨大得多了。至於「Chicken & Co」的炸春雞，炸春雞份量也是比我預計之中來得大，加上炸雞表層有大量粉漿做炸雞的表層，所以炸雞實際製成品變得比我想像之中更巨大更厚肉，我的手隔着手套撕下一條條，肉質口感不算韌的雞肉。而且「Chicken & Co」套餐裡面的炸「脆雞」，「脆雞」除了擁有香脆的粉漿脆皮外表，裡面的雞肉味道原來是偏向鹹味，屬於「鹹雞類」的炸雞食品，基本上連點醬也可以省掉。雖然「Chicken & Co」套餐的炸雞，至少屬於有半隻以上份量的「炸春雞」，所以「炸春雞」裡面左所難免地，雞隻內部會有自己的骨架骨骼，享用時需要吐骨頭是在所難免的事。幸好「Chicken & Co」「炸春雞」骨頭稱不上算是很多，而且「Chicken & Co.」還有貼心的用餐安排，會為每份的炸雞附上至少一隻手套。「Chicken & Co.」除了送即用即棄塑膠手套之外，還另外附送一個印有餐廳品牌，沒有實際用途的襟章一個。當然，如果「Chicken & Co」能夠以洗手機器或者潔手盆代替手套的話，或許可能造得更環保。至於「Chicken & Co」有關套餐炸雞，炸雞雖然是有味道，而且是適量的鹹味。但是炸雞的口感會稍嫌乾了一點點，稍為欠缺了雞肉內在應有的肉汁，是「Chicken & Co」炸雞稍為需要扣分的地方。至於「Chicken & Co」套餐裡面的加大版本「炸薯餅」，「炸薯餅」製成品實際的口感十分暖熱，還有從油鍋裡面新鮮炸起，但是又被適量隔油，所以「炸薯餅」口感香脆的同時又不會燙嘴。「Chicken & Co」的即用即棄手套，驅使我能夠一個人，一邊雙手在沒有任何餐具輔助之下，一手抓着炸雞，一邊用口和牙齒嚙炸雞，一大口撕開雞肉。從整體的味道、口感，以及性價比角度去看「Chicken & Co」的炸雞套餐，炸雞肉質口感雖然偏向乾燥無汁，但是炸雞味道有鹹味，不會落得淡而無味的結果。至於「Chicken & Co」套餐裡面的杯裝汽水，就只是一般品牌的青檸味汽水，汽水除了有甜味和少許酸味之外就不值一提，無話可說了。至於「Chicken & Co」炸雞套餐的價錢方面，港幣四十八元價錢幾乎全部用在鹹味炸雞身上，除此之外無什麼食品值得推薦，亦不算最抵食的炸雞套餐食品。…Read More

話說岩岩想食午餐嘅時候，有兩個女仔派左張傳單俾我同我講「好好食架」！我就問呢間野嘅地址...然後就嚟左呢到食野啦起初嚟到發覺冇人...心諗到底好唔好食呢...🤔結果我都係留底試下啦！好采冇令我失望😍😍除左薯餅有油左啲之外，其他都好好👍👍👍可惜一個人食唔到太多野，想食佢嘅雞都冇order 到...怕食唔晒😅不過下次我會再嚟的，因為想食下佢啲雞🐣今次order 左B1意粉套餐，選左卡邦尼意粉+薯餅、+$2要左杯玫瑰花茶、+$12追加左個忌廉蘑菇湯、仲有傳單上嘅coupon 送烤薯粒整體嚟講均屬好評…Read More

フライドチキンとローストチキン、とにかく美味しい！サイドメニューのパスタやオニオンリングも最高！値段も安いので毎週通います！ちなみに、内装も天井が高くオシャレです。…Read More

近年香港開咗好多間炸雞店，而呢間炸雞店咁啱就係我屋企附近，今晚咁岩撞正落大雨，唔想行到太遠食飯，所以嚟咗呢間炸雞餐廳佢都算幾開放式，可以見到店員點樣處理啲食物，見到店員乾淨又細心，食嘅時候都部覺安心我同男朋友叫咗一個餐再加多幾件炸雞，店員裝埋同一個盒入邊，可以堂食之餘又方便我哋拎走唔好見我哋個盒咁細，拎晒啲嘢食出嚟都好多下架首先呢個係B2餐嘅辣肉腸茄汁意粉，佢既辣味啱啱好，唔會辣到喉嚨痛，配菜都算多，唔錯呢個都係跟餐嘅煙三文魚凱撒沙律，啲三文魚好正呀，如果啲麵包再多多幾粒就好啦 B2餐加埋一杯菠蘿特飲都係$56 ，都算幾抵食呢個係跟A2餐嘅脆蘑菇，呢味菜係我全餐最鍾意嘅，炸左既蘑菇卜卜脆，又唔會太乾，好想食完再食呢個都係跟A2餐嘅蜜糖牛油烤雞，成隻雞都好香，入口香甜，唔錯呢隻係我哋另外點嘅香辣烤雞，雖然乾咗少少，但係佢嘅辣味都好香好入口，下次真係想試埋原嘅烤雞同埋炸雞最後兩個人都係食咗百零蚊，已經食到好飽…Read More

周未和朋友食過午飯後, 行了一會兒又覺得肚餓了><" 而且天又在下雨, 也是時候去找間店子醫肚和避雨 在長沙灣附近行着行着, 發現了Chicken & Co的影踪 之前和朋友吃過一次, 覺得炸雞好好吃, 而且意粉都不錯 所以就提議來這裡吃個飯和hea一會兒了~ Chicken & Co 在元州商場內, 雖然位置比較開揚, 但反而坐得挺舒服~ 而且這裡是自助形式,就更少了佝促感了~ 坐下來沒有侷促的感覺, 而且落地玻璃窗又可以看到街景, 滿寫意的~ 裝修方面用上木製傢具地板, 地方乾淨雅潔~ 食物方面, 選擇都不少, 有基本的炸雞烤雞 (另外它們還有幾個口味可選, 如蜜糖牛油﹕蒜香等等等)、意粉 (2款- 卡邦尼、肉醬)、沙律、好多款小吃(如洋蔥圈、炸蘑菇), 飲品汔水等等... 不能不提還有燒春雞!!!! 那麼堂食完就可以買份回家了~ 除了可以算套餐外,還可以單點~ 不過個人覺得套餐都好抵食, 價位約幾十元就有雞, 意粉和飲品, 相當優惠~ 我和朋友點了二個套餐, 另外還點了春雞半隻(即二件雞, 可選炸雞或烤雞)~~ 每份套餐包括意粉一客+ 小食(可選薯餅/洋蔥圈/粟米粒) + 飲品 肉醬意粉(上) 、 卡邦尼意粉(下)兩款都好好吃! 肉醬意粉口感不會太酸, 而且不會水洋洋, 食落去比較乾爽, 肉醬蕃茄有口感又夠香, 而且意粉都好煙韌, 再加上份量頗大, 一個人食完都飽了~卡邦尼意粉同樣好吃! 食落去唔會太多汁漿住咀吧, 材料都不算太少, 火腿, 蘑菇夠香又惹味! 小食我們選了健康的粟米粒, 甜甜地爽爽地, 幾好味! 汔水我們選了可樂和雀檸! 有雀檸可選是一大驚喜!!! 而且飲落去都冇加過水, 維持原味, 正! 最後食春雞了! 朋友選烤雞 -蜜糖牛油味~ 皮烤得好脆好脆!! 微微烤焦就更惹味香脆~ 雞肉相當嫩滑和juicy!!! 雞件比坊間的炸雞為大, 再加上用上塗上蜜糖牛油來烤, 令到整隻雞充滿了牛油和蜜糖的香甜味, 更加美味! yummy! 為食的我選了炸雞, 要蒜香味~打開包裝紙, 令人垂涎的蒜香味就不住的飄出來了!!!雞炸得香噴噴卜卜脆, 內面的雞肉真的不得了, 很滑很滑喔!!! 而且咬落去充滿肉汁,相當嫩滑又好味!!! 味道調得很好, 一啲都唔會太重味太咸,完全食到雞肉的味道,個人覺得好食呀!! 這餐吃了HKD 146, 由朋友請客, Thanks^^ Chicken & Co 長沙灣元州街303號元州商場地下G01舖 34686990…Read More

Chicken&Co好健康嘅快餐行經長沙灣，發現左呢間好健康嘅快餐店裝修好有美式風格仲要標榜無激素，非基因改造等等心諗可以食美食又食得健康於是就同朋友仔衝左入去入面嘅選擇都幾多好似kfc同pizza hut 既混合版我叫咗半隻烤雞同一個餐首先食咗個沙律先蔬菜新鮮爽甜，沙律醬汁酸味味幫我開胃之後入邊有呢個炸蘑菇外面香脆，入面多汁，正！呢半隻烤雞店員好細心咁幫我分成兩件剛好同朋友一人一隻而且有錫紙包住食得好方便烤雞我揀咗蜜糖牛油味，好香甜多汁食食下，想飲下野介紹番我叫咗菠蘿特飲同檸檬茶菠蘿特飲入邊有一大片菠蘿而抵讚嘅係呢度既飲品比出邊多好多選擇唔一定只揀汽水再嚟就係蕃茄辣肉腸意粉意粉軟硬適中配料有紅椒蕃茄辣肉腸黑椒，好野味好欣賞佢竟然有蛋黃醬，驚喜食完完全冇一般食完快餐後嘅罪惡咁覺得健康又美味一定會再黎…Read More

平時經過商場嘅時候，都會見到呢間炸雞店，今日終於的起心肝買兩個外賣套餐同屋企人一齊食❤️❤️我地揀左兩個set A3，包左三款嘢食同埋一杯飲品🤤👍🏻原來入面放埋手套同埋濕紙巾，我覺得幾細心牛油粟米粒粒飽滿同埋好香甜👍🏻一個係雞肉田園沙律，另一個係煙三文魚凱撒沙律，沙律味道清新，可以減輕食炸雞既油膩感，感覺會健康啲😋雖然洋蔥圈炸粉好薄，不過炸粉同洋蔥已經分離，同埋有啲油！🙈蒜香炸雞非常之大隻，而且真的皮脆肉嫩，上面灑上一啲香蒜調味粒，非常惹味！！入面啖啖肉，而且10分juicy，平時唔識P嘅話，都食左大部份嘅皮，因為真係好香脆🤣🤣呢款係蜜糖烤雞，比起脆雞感覺就健康啲，食落好多汁，但比起炸雞，烤雞既肉有點鞋～～整體味道係唔錯，但位於長沙灣黎講，價錢有Ｄ貴，同埋食完唔係太飽～～…Read More

黐住長沙灣地鐵站有個公共屋邨元州邨，配套左個屋邨商場，估唔到同一個商場已經有兩間專門食雞嘅餐廳，鍾意食野嘅，梗係要試新野。最吸引我嘅係五大賣點，大大隻字寫清楚﹕人道飼養、全穀飼、非基因改造、無激素、法國飼養，食都食得安心啲！同朋友不約而同揀左A3餐$64，一件雞加兩個小食仲有一杯飲品。烤雞蜜糖牛油用錫紙包住保持溫度，除左蜜糖牛油味，仲用左百里香提味，估唔到又幾夾。脆雞(檸檬百里香味)檸檬味唔太出，但百里香味幾香。雞肉質素唔錯，夠厚肉彈牙。突然醒起我應該要叫雞脾位，會滑啲(食完去問店員其實可唔可以要求雞脾位，原來係可以，會盡量安排架)。而家兩件雞翼連雞胸位，就健康啲少脂肪啲囉。煙三文魚凱撒沙律同牛油粟米粒就正常味道。脆磨菇第一次食，好大驚喜喎，外脆內軟又好有磨菇味，而且炸完都仲好多汁，推介！飲品可以加錢轉野飲，加$6轉左菠蘿蜜桃梳打，有一片菠蘿，低甜。大食朋友仲加個脆雞粒$18，配左個秘製千島海鮮醬，味道有啲似BBQ醬，幾滋味。整體味道唔錯，最緊要食得安心。 堂食、外賣都得，我就鍾意堂食，餐廳樓底高，玻璃外牆採光度又高，感覺好舒服。…Read More

呢間炸雞價錢雖然唔算好平，不過都有佢可取之處。睇下今晚叫咗啲咩食先同朋友兩個人叫咗都幾多野食總共兩個餐再加一個小食，仲要配埋野飲每個餐都有一件雞，一個意粉/沙津，再加一個小食份量都幾充足，呢間餐廳的選擇多，唔單只供應炸雞，直得一讚！正好比女朋友多啲選擇，今晚夜咗黎，無哂烤雞！唯有要炸雞啦，講開又講，原來呢到嘅雞係無激素、非基因改造，為著健康著想，貴少少都無問題嘅。炸雞之外嘅食物以下呢啲：煙肉磨菇卡邦尼、煙三文魚凱撒沙律、脆磨菇、洋蔥圈卡邦尼同沙律都係正正常常啦！但佢嘅小食店真係唔錯😋洋蔥圈 - 厚肉，仲帶少少甜味，香脆可口最快就係清咗佢脆磨菇 - 以為會好奇怪，點知又幾好味喎，外脆內軟，一咬開啲磨菇汁即刻湧出黎，幾好幾好！呢間餐廳都值得一試！ 大家可以試試。…Read More

偶然行過想食下雞，每個餐都有幾個選擇細分，任你揀。叫左A3同B3加半隻烤雞。餐廳採用比較自助既形式，堂食都係用靚靚紙兜裝住。炸蘑菇咬落去就已經覺得好juicy,蘑菇入面既水份都KEEP到。炸薯餅表面香脆，熱辣辣，薯味十足。雞肉沙律醬汁夠味，作為開胃菜一流。卡邦尼意粉份量適中，一入口蛋黃，芝士，奶油嘅味道就一一呈現。炸雞口味都有得揀，揀左檸檬百里香呢個比較特別既，檸檬味俾到好FRESH嘅感覺，值得一試。烤雞烤完出黎既皮好香，本身抗拒雞皮既都要犯下禁，表面仲有蜜糖香。店方將手套包裝好成精美既細細塊，令我本身以為係紙巾。最後食完記得自己清潔番台面，因為店方係自助形式經營。…Read More

我每餐9成要食雞，因為健康又鍾情，所以與朋友吃飯，大家都必定會為我叫雞XP經朋友特別推薦，知道這間Chicken & Co，而男友都是雞控，我們當然一定要來朝聖。這裡長沙灣站，幾分鐘路程就到。一到了果然全部都係雞XD 經過一番嚴選，終於挑選了...Set A1 - 脆雞原味 + 脆薯餅 + 七喜 （$48）；烤雞意粉餐 - 烤雞脾香辣 + 辣肉腸茄汁意粉 + 加配菠蘿蜜桃梳打 （$58+6）；傳統法式春雞 烤雞香草 半隻 （$60）。Set A1 - 脆雞原味 + 脆薯餅 + 七喜脆雞皮脆內軟是常識吧！感覺要早餐才吃到薯餅，現在隨時可吃到，真幸福。 烤雞意粉餐 - 烤雞脾香辣 + 辣肉腸茄汁意粉 + 加配菠蘿蜜桃梳打烤雞脾微辣肉鮮嫩，有驚喜，意粉真係辣架XD配梳打爽，而我以為相只作參考，點知真係有一大片菠蘿，真感動！！！ 傳統法式春雞 烤雞香草 半隻春雞比想像中大隻，唔只皮有香草味，肉都有架！ 總括而言，有驚喜超滿足，雞控必到之處。 Chicken & Co 長沙灣元州街303號元州商場地下G01舖…Read More

長沙灣區都算小弟半個主場，因為，多親戚住呢頭，加上呢區買嘢平，不時都會順道過嚟逛吓。今日，就打算過嚟食晏，之後再去剪髮。晌元州商場就開咗家法式烤雞店「Chicken & Co」，主打全榖飼成長、非基因改造、不含激素嘅法國春雞，佢就喺同老婆嚟食晏嘅地點。餐廳開晌商場一邊地下入口位，採開放形式，一眼就望晒成個鋪面，佢哋樓底高，加上鋪面對住就喺商場嘅落地大玻璃，空間感開揚，而鋪前有數組枱櫈供堂食之用，不過，目測唔少客都喺以外賣為主。晌廚櫃擺放多款美食，用上法國銅鍋盛載，打晒燈，份外吸引。雖然話喺法式烤雞店，但都未算喺獨沽一味，就介紹吓有乜嘢美食先啦。一大張美味單點餐牌，就印整店家所有出品，包括小食、沙律、意粉、飲品，另一張就印住主打嘅傳統法式春雞原隻、半隻、一件），揀烤雞又得，炸雞都得，同時備有4人分享餐同6人分享餐。人少又想食得划算啲，兩組套餐就啱晒嘞，分別喺「烤雞套餐」（Set A1、A2、A3），烤雞或炸雞，配小食及飲品，定價$48-$64；「意粉套餐」（Set B1、B2、B3），意粉，配小食及飲品，定價$43-$60。如果一個人嚟到，又想同時食到烤雞及意粉嘅話，無問題，我仲見佢哋有款「烤雞意粉餐」，都只哋賣$58啫。晌收銀櫃落好單，等叫飛就可以喇。餐飲只包普通嘅百事、七喜……，不過，想轉飲伊藤園綠茶、玄米茶或Meko椰青水，都可以加錢轉配嘅。研究咗一大輪，最後我哋揀咗兩個Set A3，因為今次目的喺想食烤雞，而A3就可以揀兩客小食或沙律，咁就可以同一時間試到多啲嘢。咁多嘢食，一個大紙盒裝起晒，當然，要打開晒佢，晒吓冷啦！正所謂工欲事其善，必先利其器，膠叉、膠手套、紙巾、濕紙巾……一一俱備。煙三文魚凱撒沙律雖然跟正宗嘅凱撒沙律有啲距離，但味道方面又算唔錯，啲羅馬生菜夠爽脆，咬落「索索聲」，個醬汁明顯喺「亨氏」嘅現成貨，難得唔差喎，而塊煙三文好大塊，唔會碎濕濕，亦無過鹹嘅問題，用料不賴，唯啲麵包粒再烘乾啲就更加脆。脆薯餅香口嘅炸嘢人人都鍾意食，不過，多食無益，但擺晌眼前又實在難忍口。幾款炸嘢，薯餅老婆就最鍾意，炸得香脆唔油，又幾有薯味。依家少落麥記，所以，既然小食有得揀薯餅，佢就一定會揀啦。洋蔥圈同樣都做得唔錯，外層嘅粉漿薄，唔會咬落一口粉，而洋蔥爽口清甜，無乜生辣味。襯啤酒、汽水固然絕配，但夾凍檸茶都唔錯吖，有種去膩感添。脆蘑菇搵蘑菇嚟炸比較少食，無刻意數，印象大概6、7粒左右，炸得酥香，但估唔到口感卻喺爽爽哋，又好多汁，有啲驚喜喎，喺好值得一試嘅小食嚟。原味烤雞原味唔喺代表無味，而喺基本嘅香草味，隻烤雞燒得金香，雖然喺翼位加雞胸，但一樣食起嚟皮脆肉嫩，兼且皮下脂肪少，唔會一口油，啲香草好入味，真喺交足貨。蜜糖牛油烤雞另一款就試試蜜糖牛油口味，但對比之下，感覺就無原味咁好食，大概因為香草較為惹味啲，醃得又較入味，而呢一款嘅味道則比較溫和，但仍嗒得出蜜糖嘅清甜味，但就欠牛油香。而部位俾咗脾位，肉質就更嫩滑。凍檸茶、Meko椰青水 +$10小弟慳番啲就唔改其他嘢飲，飲杯凍檸茶清爽吓就OK；老婆就要咗椰青水，一來感覺健康清新啲，二來佢都有飲開，都幾鍾意椰青水，不過，佢話Meko嘅就稍稍偏甜，但椰青味就幾清香。離開時，見啲店員都好進取，將啲炸嘢剪成細細件晌商場門口俾人試食，希望吸客收宣傳之效，而最多人走埋嚟就喺啲細路仔。晌香草主打烤雞嘅店子唔算好多，以法國春雞作招徠就更加唔多，難得晌平民商場賣法式烤雞，可能你覺得50、60蚊個餐唔平，但以貨論價，其實算相宜，走上電梯晌一樓嘅大家樂食個餐都差唔多啦。…Read More

今日放工之後，剛好見到一間賣雞的快餐店，開揚的餐廳設計，食物在透明的櫃內看來不錯，再細心一看，發現這裡的雞都在法國全榖飼成長，非基因改造又不含激素，好健康的，而且不只有雞，還有意粉、沙拉等。這個餐廳的雞雖然是法國全榖飼成長，但價錢合理，不是太貴的！而且是採開放式設計及自助購票形式，約$60元左右即有一個套餐，有齊小食、主菜和飲品，法國雞賣這個價錢，不貴。點餐紙看得我眼花撩亂，我今次就選擇左Set B3（$60），辣肉腸茄汁意粉、煙三文魚凱撒沙律以及洋蔥圈（中）配花茶（加$2，而當日的花茶是薰衣草綠茶）。另外還加配左個脆雞粒（$26）。餐廳使用紙盒去裝我所點的食物，方便外賣或堂食。首先無諗過係專門賣炸雞的店會有意粉可選，而且意粉確實入味，加上豐富的材料，唯一可以挑剔的是，我較喜歡硬的意粉，但店內的是比較軟身的，或者是為了讓意粉入味所以煮得有點耐，但整體都是好食的！沙拉方面，就是普通的沙拉，沒有太大分別，只是煙三文魚較大！十分可口！洋蔥圈是較為粗的，但是炸得有咬口，不會太多炸粉或者太少。到個脆雞粒配酸辣醬，絕對好吃！品嚐過後有點後悔沒有叫以炸雞為主的套餐！到最後，就是個花茶了，他能夠成為介油的飲品，而且味道一留充滿著薰衣草的味道。基本上你叫一個餐，就可以滿足晒你所有嘅期望，有前菜，主菜，飲品，再叫多個小食就有點過飽了，建議2個人分享喔！…Read More

今日收工同朋友去長沙灣做運動，做運動前仲有少少時間去食個快飯， 所以揀左呢間食雞嘅快餐店。 我同朋友一人叫左一個chicken set，可以揀烤雞或脆雞，每款仲各有三隻味揀，一定揀到一款岩心水！ 我就揀左蜜糖牛油味烤雞，件雞有成四分一隻雞，好大件！ 我叫嗰時咁岩新鮮岀爐熱辣辣，蜜糖同雞翼好有BBQ嘅味道！ 朋友就叫左檸檬百里香味脆雞，外皮香脆，雞肉嫩滑多汁， 唔會炸到乾曬，咬落去有淡淡嘅檸檬味，抵讚嘅係餐廳仲好貼心咁提供手套同濕紙巾。 每個餐仲跟兩個小食，我最推薦炸磨菇，原隻炸好脆好juicy，分量仲要好多有成6隻！ 炸洋蔥圈都係大大塊，好脆又唔會炸到好乾好似柴咁。 粟米粒粒都好飽滿又甜，而沙津嘅煙三文魚同菜都好新鮮！ 飲品方面，朋友就點左個花茶，有好清新嘅茉莉花香味， 但係我就覺得炸雞配汽水呢個組合真係無得輸！ ​…Read More