Chatterbox Café (AIRSIDE)

营业中

休息中

朋友新屋入夥，過開嚟啟德Airside商場食飯，見到呢度有「Chatterbox Café」緊係食我最愛嘅海南雞飯🤗～文華海南雞飯$138 無骨的海南雞飯，啖啖肉，雞肉嫩滑，雞皮爽脆，配上油飯，蘸上醬汁，就係我愛的口味。～手製芝麻鮮蝦多士2件$48 使用新鮮的蝦膠塗在香脆的多士上面，外層脆卜卜，搭上芝麻香氣，美味嘅開胃菜。～咸蛋雞翼- 4隻$72 金黃的咸蛋黃包住炸得香脆的雞翼外層，每一口都充滿濃郁的咸蛋味，外脆內嫩，好惹味。～夏日刨冰配雪糕$68 刨冰上有雲呢拿雪糕，粟米粒、紅豆、花生碎、涼粉條，口感豐富，冰涼又解暑。

叫咗個二人餐其實都偏貴叫咗個貴刁，同埋另外加咗$40叫個喇沙我覺得個貴刁係好食嘅，但係真係唔值咁貴我內心令我再加$40其實真係好貴好貴小食春卷同埋菜就普通level 我之前都食過佢哋嘅海南雞飯，但係都係覺得一般今次俾多次機會佢都係咁拜拜

位於啟德站 Airside 的 Chatterbox Cafe，無疑是一個讓人耳目一新的用餐選擇。這裡的環境清新自然，融合了森林風的設計，讓人一踏入就感受到一種悠閒與放鬆的氛圍。綠意盎然的裝潢和自然光線的引入，讓整個用餐體驗愈加愉悅。在這裡，你絕不能錯過他們的 二人滋味套餐 ，特別是在平日的時候，只需 $348，便可以享受一頓豐盛的美食。這套餐的內容相當豐富，包括香脆薄餅四件配咖喱汁及新鮮蔬菜條，口感酥脆，搭配濃郁的咖喱汁，讓人一試成主顧。接下來是文華海南雞，配上香米飯，雞肉嫩滑，飯香四溢，簡直是絕配。而香炒河粉燴牛肉則是另一個亮點，河粉滑溜，牛肉鮮嫩，滋味十足。最後，醬油生菜的清新口感，讓整頓餐更顯均衡。不可不提的是，搭配的錫蘭奶茶，香醇可口，為這頓美食畫上完美的句號。食物的高質量與足夠的份量，絕對讓人感到物超所值。無論是與友人聚餐，還是與家人共享，Chatterbox Cafe 都是一個值得一試的好地方。若你在啟德站附近，不妨親自前來體驗一下這份獨特的美食盛宴！

近月久不久也會到Airside午餐，因為天氣太熱🥵，而Airside的冷氣相當充足，有時甚至乎要帶多件風褸擋冷氣啊😂！某天經過這家「Chatterbox Café」，看到餐廳面向門外的大餐牌，被放在大餐牌首位的："文華海南雞飯" 所吸引🤩，於是今天特意到來一試虛實。Airside平日中午午餐時間最多客人的是在五樓的Foodmuse，其他餐廳很少會full house，我們並沒有預先訂位，入座時間大約1:30左右，餐廳座位闊落，枱與枱之間也不覺得擠迫（感覺Airside內大部份餐廳的地方都比其他商場的餐廳面積較為闊大）。兩份午餐：~ 文華海南雞飯🐓(雞髀位🍗+$10)($148)套餐上枱，餐廳採用了胡桃色木盤，感覺高級。 肉眼所見，雞的份量也不少，油飯/湯/三款蘸料(辣椒醬，薑蓉，黑醬油)睇落亦靚靚仔仔。雞髀肉全去骨，大約有10到11件，肉質嫩滑，雞味不太濃，雞皮部份帶有肥膏，未能做到入口感覺爽滑的口感；油飯粒粒分明，入口有嚼勁，口感不錯，但略嫌過油，吃到尾聲會有膩感；清雞湯夠熱，味道亦清甜，而且湯內還有一片滑豆腐，值得加分；三款蘸料味道亦不俗。餐廳打正旗號賣文華海南雞飯，而本人多年前需

難得跟舊同事聚舊，我們係airside 食飯見到chatterbox cafe 有二人套餐覺得唔錯就入去食特色鹹蛋雞翼這是雞全翼，外層是沾滿咸香十足的咸蛋醬，仲要起砂的。雞翼真係要熱辣辣先好食，咬開仲有肉汁流出呢。文華海南雞飯雞肉鮮嫩多汁，即使係雞胸肉都一樣保持嫩滑，原來餐廳用咗慢煮方式烹調雞隻。雞肉已經拆骨，方便食用。香米飯非常軟熟，唔會太油膩。仲有清香嘅豆腐雞湯。雞肉可以蘸上秘製辣椒油，黑醬油，薑蓉，更顯風味。星洲海鮮炒貴刁鑊氣十足，海鮮有帆立貝，魷魚圈，大蝦，用上馬拉盞，甜醬油，非常入味。麵條沾滿醬油，食起嚟非常香滑。醬油生菜新鮮生菜，嫩綠脆口，仲有醬油及炸蒜，唔錯朋友飲凍檸茶，茶味香濃，我飲有機雜莓茶，勁香莓果味，食完飯飲杯開胃的熱茶都唔錯。

今日專登嚟到Airside聽講進軍了好多食肆，而且消費仲有美食券回贈，商場亦有好多打卡點，附近開了一間文華大廚處理嘅星加坡菜Chatterbox Cafe, 等我排隊攞位先，餐牌有單點重有二人同埋四人套餐, 價錢算底食在啟德 Airside 我選了二人滋味套餐，黑醬油炒蘿蔔糕，文華海南雞飯配香米飯，白胡椒肉骨茶配白飯，蠔油小棠菜，重包括兩個餐飲。黑醬油炒蘿蔔糕：蘿蔔糕好惹味嫩滑，佢用黑醬油炒感覺唔錯，不辣但惹味。文華海南雞飯：鎮店之寶，雞肉嫩滑多汁雞皮爽滑亦不肥膩，油香飯非常美味，配上三款特製嘅醬汁，味道一流。白胡椒肉骨茶配白飯：湯底濃郁，胡椒味道適中，肉骨煮得唔軟爛有咬口，肥瘦適中，配上油條浸湯鬆脆可口，非常滿足。蠔油小棠菜：亦是健康配搭餐飲方面：我地選擇了有機雜梅紅茶和錫蘭紅茶都係增添獨特風味。雖然今次未能試佢的雪糕和甜品，因為已經好飽了，下次再幫襯。環境方面，餐廳設計優雅，座位舒適，燈光柔和。乾淨整潔，Chatterbox Café 絕對值得一試，無論是品質還是口味都絕對不會讓您失望。

chatterbox午市套餐由$88起，今日品嚐了：海南雞🐔飯 ～ 味道OK， $138性價比唔算高白胡椒肉骨茶配麵線 🍲～ 白胡椒肉骨茶湯配油炸鬼份量足，吃飽想瞓💤芽籠黑醬油海鮮🦐福建麵 ～ 略甜套餐可自選免費餐飲或加費特飲☕️Oxfarm紅莓茶🍒清新消膩即磨咖啡🫘香濃奶茶☕️沒有驚喜午餐時間人手不足，如果沒有訂位要預留時間等位🌟食評指數：7/10💁🏻‍♀️人均消費～HKD150 (lunch)🗺️ 地址：B1, Airside

二人套餐其實都幾抵食，有哂最出名既菜式而且份量又唔會突登少左!黑醬油炒蘿蔔糕、薄餅配咖哩汁前菜叫左蘿蔔糕另外再加28蚊有薄餅，蘿蔔糕本身都好香濃而且佢既黑醬油真係濃味又唔會好咸，食落真係可以帶起食物既鮮味! 另外呢個薄餅都熱辣辣幾好食，咖哩汁係微辣既，食落同薄餅好夾，始終咖哩真係要少少辣先好食!Fruit Rojak另一個我地認為好特色既食物，酸甜既醬汁配合唔同既生果同埋油炸鬼，食落口感好豐富而且味道好開胃又唔會太滯!海南雞飯雞肉真係好嫩滑同埋最鍾意佢既雞已經幫你片走肥膏，連埋皮食真係零負擔而且雞味好香，加埋佢地既醬汁同辣醬一齊食真係好夾。雞油飯本身都唔會好油膩，食落有雞肉既香味又唔會好肥，真心推介!海鮮炒貴刁呢個都係幾正宗既炒法而且味道好突出又唔會好咸，海鮮係真海鮮，有大蝦、帶子同埋魷魚，絕對唔係普通急凍雜錦海鮮，食落真係幾正同埋即叫即炒，熱辣辣基本上冇得輸。班蘭蛋糕配椰子雪糕另一個每次都必食既甜品，班蘭蛋糕好出色，味道突出又唔係死甜個種，蛋糕口感幼細又彈牙，加埋椰子雪糕真係食到有椰絲，椰子味勁濃!其實佢杯奶茶都幾好飲，茶同奶比例幾岩，飲落幾順又香。

Chatterbox Cafe上次去K11食過的星加坡菜吾錯,今次來啟德再食過,餐廳延續星加坡大酒店Chatterbox 的傳奇和正宗地道嘅星加坡菜,餐廳位於九龍城啟德協調道2號Airside B1樓,餐廳裝修以藤器木系為主調,環境光猛,座位寬闊,坐得舒適,餐廳主打星加坡菜,服務員招乎客人態度熱誠有禮。熱椰子美祿餐廳九月份期間限定新出飲品,熱飲有香濃嘅椰子味的美祿,味道唔錯。熱檸水熱檸水檸檬好新鮮,香濃嘅檸檬酸酸地,飲落好醒胃。海鮮福建麵粗身的芽籠黑醬油福建麵配料有椰菜絲,韭菜,豬油渣,海蝦,魷魚和香茜等,材料非常豐富,魷魚和海蝦爽口兼彈牙,。海南炸豬扒配香米飯豬扒香米飯配有車厘茄,洋蔥,青瓜和青豆等,廚師將豬扒炸到金黃色,食落鬆化香脆,香米飯入口好軟糯。炸素春卷炸素春卷配有泰式甜辣醬,春卷食落皮脆,餡內素菜新鮮多汁。雙球椰子雪糕薄荷葉作點綴,椰子雪糕入口有香濃椰子味.雪糕食落有椰子絲的口感。

啟德Airside進駐咗唔少新餐廳，新加坡知名餐廳Chatterbox Café亦喺到開咗分店😋不得不提佢地嘅文華海南雞飯，嚟自新加坡文華大酒店，有最佳海南雞飯嘅美譽🌟店內光線明亮，座位寬敞闊落，配搭綠色植物，感覺溫馨舒適🪴🐥文華海南雞飯 ($138) (+$10可轉雞髀)當然要試下呢度嘅招牌！去咗骨嘅海南雞啖啖肉，特登加錢轉雞髀試下，肉質鮮嫩爽滑😍香噴噴嘅油飯口感軟糯、粒粒分明，配上經典三色醬：黑醬油、薑蓉、酸辣醬，好快就食晒成碗飯🤩雞湯內有生菜同豆腐，唔會過鹹味道不錯～🍜招牌雞肉喇沙 ($128)呢度嘅雞肉喇沙都做得非常出色，喇沙湯底香濃，充滿椰香，雞肉亦非常嫩滑🤤米線掛滿喇沙湯汁，加埋魚片、烚蛋、索晒湯汁嘅豆卜，非常滋味😆🥥椰子雪糕番石榴梳打 ($54)飲之前可以食啖椰子雪糕先！呢杯特飲清甜不膩， 椰子味濃郁，配番石榴梳打酸酸甜甜好開胃，食完主菜飲返啖中和油膩就啱晒🥰總結：店員服務周到，用餐體驗不錯～海南雞有水準👍🏻絕對會回頭再訪！

Chatterbox Café呢間新加坡菜餐廳已經係我wish list 入面好耐，知道屋企附近Airside開左一段時間，近近地仲唔立即安排！.餐廳既環境好寬敞，四周放有唔少綠植，令人心情愉悅，座位闊落坐得好舒服，枱與枱之間隔得遠，私隱度高，好適合情侶朋友傾計聚會。🔹文華海南雞飯🔹呢到既名物點可以唔叫，雞肉我特意轉雞胸。價錢唔平架，但雞肉份量好多，係平時既1倍。雞肉已去骨，而且厚身。雞胸肉居然咬落去非常嫩滑，完全唔會柴。黑醬油、鮮薑蓉及酸辣汁呢個標準配搭當然唔少得。雞油飯望落淡色，但味道香而且飯粒粒分明，又有咬口。隨餐仲有一碗鮮甜既豆腐湯，非常滿足，$138 係值得。🔹海鮮炒貴刁🔹有驚喜！首先海鮮係足料，有大蝦、魷魚、大大隻刺身級帶子，非常高質同有誠意。其次，上菜既時候仲係熱辣辣新鮮炒起，食到鑊氣十足，然後麵條唔油又鹹度適中，十分推介。

Chatterbox Café (AIRSIDE)••••••••••••••••••••••••••••••✄( •8• )✄( •8• )✄( •8• )✄( •8• )♥️餐點：•文華海南雞飯 $138•白胡椒肉骨茶配飯 $118另收加一服務費••••••••••••••••••••••••••••••♥️食評：呢間Chatterbox Café之前喺K11 Musea見到就已經想試吓，今次嚟到Airside見環境好靚，就試吓啦～入到去餐廳裝修好靚，睇得出有用心佈置，無諗過食新加坡菜嘅餐廳都有打卡位，枱與枱之間好多空間，坐得好舒服。而且當日所有員工嘅態度都好好，非常有禮貌，未食嘢已經好加分！今次試晒兩樣我自己最鍾意嘅新加坡菜式，分別係海南雞飯同肉骨茶。海南雞飯加$10可轉雞髀，今次雖然無轉但雞肉已經非常嫩滑，雞肉份量較其他餐廳多，而且好有雞味，肉同皮之間無肥膏，唔會有肥膩嘅感覺，但同時保留到雞皮香氣，亦夠爽彈。飯唔會油，有調味，夠香口。醬汁有三款，亦有一碗湯，湯清淡，成個餐都幾好味。肉骨茶則有三至四塊肉，配菜有蒜頭金菇豆卜及油炸鬼，跟一碗白麵。份量絕對夠一位男士享用，肉一啲都唔柴，湯

Chatterbox Café 進駐啟德airside，附近返工嘅我，食飯又多咗個選擇。店面環境充滿南洋氣息，用咗好多綠色植物做裝飾，色彩繽紛嘅壁畫都系打卡嘅好去處。中午套餐抵食，加錢就可以食到甜品、小食同嘢飲。一如既往，最鐘意佢哋個招牌大蝦喇沙有成三隻大蝦，而且蝦肉彈牙飽滿，啖啖肉，充滿鮮甜味，質素好高！喇沙湯底充滿椰子香味，是非常正宗嘅南洋風味！粗米線有口感，掛汁入味，再配上魚腐片，豆卜、雞蛋，真係超好味！甜品加咗斑斕蛋糕配椰子雪糕，賣相吸引，斑斕蛋糕鬆軟充滿斑斕香味，同椰子雪糕好夾！

下午因為需要到附近開會，去到Airside選了這個餐廳，去的時候還沒有下午茶餐，所以挑選了一份平時最喜歡吃的海鮮麵午餐試試，餐廳裝修時尚新淨，但是他們人手可能也不太夠，有些客人已經吃完離開了，也要很久才有人去收拾剩下的餐具。先上來的是餐飲斑蘭奶茶，不愛甜的我放上了一顆方糖，味道挺不錯的，主食甜鼓油滷麵，過了15分鐘才來，分量超級足，海鮮有2隻蝦，10條尤魚條，但是裡面的海鮮一試，就知道不新鮮。想在也沒事啊，問題不太大，反正就是簡簡單單的一個午餐。吃完一個小時之後，在會議期間因為肚痛，不斷地需要跑動去洗手間，這就肯定了海鮮不新鮮引起，其實餐廳所有東西都挺好，就是差這個最要重要的衛生環節，希望店家要注意！

位置方便的啟德站Airside商場，自開幕以嚟都成日會過來，除了買日常生活用品同入戲院之外，都會喺呢度搵埋嘢食。B1層嘅chatterbox，係我每次想食海南雞飯嘅回頭餐廳之一。文華海南雞飯（$138）配上秘制醬汁同油飯，一個人每次都不經不覺食晒成碗飯。鹹蛋雞翼（$72）一份有四隻鹹蛋雞翼，每一隻雞翼都沾滿鹹蛋醬汁，非常惹味同香口。黑醬油炒鮮蝦蘿蔔糕（$96）充滿新加坡特色嘅炒蘿蔔糕，配上香甜嘅黑醬油，味道鹹鹹甜甜，個人意見如果蘿蔔糕大粒啲就冇咁容易散開，口感會更好。總結來說，chatterbox係我嚟親呢度呢個商場一定會回頭encore嘅餐廳。呢度仲係pet friendly架，帶狗狗可坐門口位置。