Charcoal Bar

Dinner here was delicious. Several of their main courses were quite impressive though it started a bit weak.The taste of the clam with fish broth was good but there is too little bread for us to enjoy the broth/sauce. We initially thought there would be complimentary bread but it wasn't served. Initially they stated they can only serve their grilled bread with a price but later they did serve a very simple bread so we didn't need to waste the sauce.This kind of set a less welcoming atmosphere but then subsequently the main courses were amazing. The wagyu beef cheek was really tender and the baked amadai had a lovely crunch yet remained juicy and succulent. The pasta was also al dente.For the dessert, the most impressive was definitely the charred pineapple.  The pineapple and coconut gelato and cream definitely gave a tropical vibe and the white rum in flames was definitely memorable in terms of the aroma and aesthetic.Hope they start serving complimentary bread or at least more bread if you order the clam dish. I still gave 5 stars they did serve a bit of extra bread for free but I felt this should be a complimentary without the need to ask for it.…查看更多

第一次嬲到要寫食評預約了餐廳慶祝朋友生日，book位時註明甜品碟寫Happy birthday及蠟燭。Order食物後5分鐘，待應上左個甜品！上面冇happy birthday及蠟燭，搞到我地要問佢唔係應該最後上同有蠟燭咩？咩驚喜都冇哂！待應哦一聲就拎走個甜品，極冇禮貌！用餐途中待應留意到冇水就不停斟水，服務非常殷勤。但是！他將水倒左我電話上後走左去！另外，待應上錯幾次隔離枱食物，懷疑員工是否訓練不足還是炒散？食物冇太大問題，偏貴，但該服務態度永不光顧Lubud’s旗下任何餐廳。…查看更多

又係我啦。朋友生日指定呢間餐廳，因為9月份曾經想walk in但係full booking. 見到餐牌好吸引，所以點都要嚟試試。星期四既餐廳，坐滿8成啦，我地安排左近窗口位，係外面望入去，以為係比較優静地方，原來餐廳係播好rock既歌，可能因為餐廳名字吧，同埋音樂都幾大聲。入正題先，生蠔同焗蠔真係好新鮮，焗蠔可能因為有牛油蒜蓉，所以食起上好入味，同埋焗蠔唔會焗得好熟，剛剛好。 澳洲肉眼扒，5成熟，肉味不太濃但肉質剛好。炭燒白鱔，香脆肉嫩，我覺得比肉眼扒更好食。 千層面都係另一驚喜，滿滿肉同醬，口感豐富。 另外焗薯同薯餅各有特色，蟹餅啖啖肉，好食。最後仲有焗鯛魚，可能前面食左太多濃味既食物，所以覺得略為淡味 肉質係嫩既，但比較其他就遜色左少少。下次想食就應該掉轉次序好d.整體，好滿意既一餐，無論食物水準，餐廳服務。我既餐廳列表可以再多一個選擇。…查看更多

朋友回港，我地就來到 #海港城 Charcoal Bar 食個豐富晚餐💕💕 一行5人，餐廳經理帶咗我地近窗邊嘅座位，呢度個景真係超正，睇哂成個「香港」，因為個view 係香港地標。 首先來個 #happyhour 🤭 飲返杯黑啤養養生😅 仲叫咗2款小食，其中一款叫Padron Pepper，好香辣椒味，但原來完全唔辣，爽脆口感。Lobster bisque: 鮮甜又夠濃，當然有龍蝦🦞肉係入面啦！Charcoal-grilled squid: 微微香辣調味，保留到魷魚鮮味，再配埋特色醬汁，墨汁tartare sauce / 青辣椒汁 令魷魚更香甜Josper Grilled Yellow Chicken: 外皮香脆，肉質嫩口，好juicy Australian Kobe Ribeye (Charcoal grilled beef) : 好香牛味，咬落仲好有肉汁，唔會因為charcoal grill 而乾哂。甜品我地揀咗Lemon Tart : 甜酸平衡，解膩又可以滿足到食甜品嘅感覺Chocolate Two Ways：甜中帶朱古力嘅苦，多重texture, 很有趣的甜品…查看更多

平時真係好少同老公食好嘢，今次係因為結婚周年紀念就到至有mood出嚟行吓街。行海港城行行吓突然之間落大雨，有冇帶遮𡃓，所以就決定留返喺個商場度消費😂咁啱見到呢間餐廳喺地下，有靚景望住（雖然落大雨）但一樣有氣氛。同埋見到個餐牌上面餐廳主打係炭烤嘅肉類，我哋兩個都超鍾意呢個style😍所以就揀咗佢😜我地好貪心，要咗一個牛扒嘅拼盤 Charcoal Grilled Selection 入邊一共有三種唔同嘅牛扒部位，當然全部都係炭烤啦！入邊包含菲力牛扒、西冷同埋和牛腰肉，超級豐富！其實放埋一齊都唔算話食得出好大分別 腰肉會硬身少少，菲力我覺得最balance同埋最有肉味。有肉當然唔少得有菜啦佢連啲菜都屬於炭烤嘅有烤粟米同埋西蘭花，但最好食都係個烤薯仔！脆卜卜，老公難得闊綽開埋支紅酒飲🤩好耐冇試過咁盡興。…查看更多

尖沙咀扒房 #charcoalbar 落地玻璃對住個海，幾有feel，個景好浪漫🌹，裝修有格調，幾岩約會‼️主打幾款扒類同意粉/飯，餐牌簡單，味道不錯，牛扒會想再encore👅，店員會主動介紹菜式/甜品，服務都親切，提示呢間定價較高🫡～-1️⃣「安格斯牛柳🥩($688)」叫左三成熟，煮得好淋，好juicy!! 而牛柳表面有足夠封煎，有牛肉香氣，同時都有香草同牛油香，係定價較高～Filet Mignon, Angus👍🏻-2️⃣「香脆飯焦配芝士及臘腸🧀($188)」表面有芝士金寶脆脆🧀，底下有飯焦嘅咬口，比較乾身，食落重有臘腸油香~Crispy rice cake-3️⃣「法國香草薯仔🥔🌿🇫🇷(+$88)」第一次試呢款薯仔🥔（仲俾某foodie話佢似舊屎/jer jer!! 太壞了你地）佢好好食🤤，有保留到皮，中間好淋好綿，有重焦化牛油🧈(brown butter)嘅香味，幾飽肚，一定要加～Ratte potato 👍🏻…查看更多

啱啱澳洲返嚟，朋友介紹咗我去尖沙咀呢間Charcoal bar，果然冇令我失望😍我哋3個人叫咗2個主菜加幾個小食。小食想健康啲，食少啲肉，所以揀咗燒粟米🌽、燒茄子、西蘭花苗🥦同青椒。燒茄子🍆好味好香口，點埋汁仲好食好多，平時唔係特別食茄子都覺得好食，個人覺得茄子同青椒🫑最出色😋主菜一個叫咗牛扒，我同另外個friend就share燒雞🍗。燒雞入面放咗辣肉腸，辣辣地幾惹味，雞皮燒得好脆唔油。雖然我唔食牛，但牛扒一上枱，就聞到超香嘅炭燒味，朋友話牛肉質好juicy 好嫩～最後點少得甜品：Apple crumble🥧 加vanilla ice-cream，份量好大，crumble 好香好脆，好好食😋Chocolate cake 中間有流心朱古力，又唔係好甜，啱晒香港人口味😙呢度嘅 service都好好，所有 staff 都好 nice，特別係Leo（希望冇記錯）好有耐性咁介紹嘢食比我哋。下次返香港一定再嚟👍…查看更多

父親節揀咗海港城呢間餐廳慶祝🎉分別叫咗4個lunch set~Australian Black Angus Sirloin🥩最鍾意呢道菜🫶🏻西冷牛排煮得恰到好處，有好香炭燒味😍肉汁豐富，味道濃郁！Beer Braised Beef Cheek🐮牛頰肉煮得非常嫩滑，而且好入味，值得一試～Wild Mushroom Rigatoni 🍄‍🟫香濃奶油味🧈粗管通粉可以完全包住醬汁，味道非常濃郁，不過略嫌鹹咗少少🤏🏻蘑菇用炸嘅方式呈現🍄‍🟫比較特別🤭但唔係我鍾意嘅質感Crab claw Linguine🍝本身係阿根廷紅蝦闊麵，不過果日無紅蝦，改咗蟹鉗🦀味道正常唔特別Apple Crumble🍎蘋果金寶味道不錯👍🏻上菜時焗盤是熱的🔥帶香料味嘅蘋果，配上香脆crumble，外脆內軟，好味😋*･゜ﾟ･*:.｡.☻.｡.:*･☆･*:.｡. ☻.｡.:*･゜ﾟ･*😋#kellydiscovery_food 🫶🏻#kd_food_tst🫶🏻#kd_food_尖沙咀#尖沙咀美食 #尖沙咀打卡 #尖沙咀餐廳#海港城 #harbourcity #尖沙咀西餐 #charcoalbar …查看更多

𝙲𝙷𝙰𝚁𝙲𝙾𝙰𝙻 𝙱𝙰𝚁🥂𝙷𝚊𝚛𝚋𝚘𝚞𝚛𝙲𝚒𝚝𝚢 𝚃𝚂𝚃📍行行下街見到佢地個𝙷𝚊𝚙𝚙𝚢 𝙷𝚘𝚞𝚛 幾抵所以走左入去，環境幾闊落同埋應該係新開，所以感覺好新淨，裝修都幾靚！廚房嘅裝修係採用在開放式廚房🧑‍🍳🧑‍🍳有室外嘅位置，但係當日我就坐咗喺室內飲杯嘢，吹吓水，食少少小食都幾𝚌𝚑𝚒𝚕𝚕，飲完繼續行街🥹🥹𝙷𝚊𝚙𝚙𝚢 𝙷𝚘𝚞𝚛 $𝟷𝟹𝟾 𝚙𝚎𝚛 𝚙𝚎𝚛𝚜𝚘𝚗𝙼𝚘𝚗𝚍𝚊𝚢 𝚝𝚘 𝙵𝚛𝚒𝚍𝚊𝚢 𝟷𝟻:𝟶𝟶-𝟷𝟾:𝟶𝟶𝙱𝚞𝚢 𝚘𝚗𝚎 𝚐𝚎𝚝 𝚘𝚗𝚎 𝚏𝚛𝚎𝚎 𝚍𝚛𝚒𝚗𝚔 𝚊𝚗𝚍 𝚌𝚘𝚖𝚎 𝚠𝚒𝚝𝚑 𝚘𝚗𝚎 𝚜𝚗𝚊𝚌𝚔𝚆𝚒𝚗𝚎 𝚂𝚎𝚕𝚎𝚌𝚝𝚒𝚘𝚗: 🥂𝚂𝚙𝚊𝚛𝚔𝚕𝚒𝚗𝚐 𝚆𝚒𝚗𝚎𝚆𝚑𝚒𝚝𝚎 𝚆𝚒𝚗𝚎 𝙲𝚑𝚊𝚛𝚍𝚘𝚗𝚗𝚊𝚢𝚁𝚎𝚍 𝚆𝚒𝚗𝚎 𝙲𝚊𝚋𝚎𝚛𝚗𝚎𝚝 𝚂𝚊𝚞𝚟𝚒𝚐𝚗𝚘𝚗𝙲𝚘𝚌𝚔𝚝𝚊𝚒𝚕 𝚂𝚎𝚕𝚎𝚌𝚛𝚒𝚘𝚗: 🍹𝙰𝚙𝚎𝚛𝚘𝚕 𝚂𝚙𝚛𝚒𝚝𝚣 / 𝙷𝚒𝚐𝚑𝚋𝚊𝚕𝚕 / 𝙽𝚎𝚐𝚛𝚘𝚗𝚒𝚂𝚗𝚊𝚌𝚔 𝚂𝚎𝚕𝚎𝚌𝚝𝚒𝚘𝚗: 🍟🧀🍔🍗𝙲 𝙱 𝙵𝚛𝚒𝚎𝚍 𝙲𝚑𝚒𝚌𝚔𝚎𝚗 🐔𝙲𝚛𝚒𝚜𝚙𝚢 𝙼𝚊𝚒𝚝𝚊𝚔𝚒 𝙼𝚞𝚜𝚑𝚛𝚘𝚘𝚖 🍄‍🟫𝙲𝚕𝚊𝚜𝚜𝚒𝚌 𝙼𝚒𝚗𝚒 𝙱𝚞𝚛𝚐𝚎𝚛 🍔𝚂𝚎𝚊𝚜𝚘𝚗𝚊𝚕 𝙼𝚒𝚗𝚒 𝙱𝚞𝚛𝚐𝚎𝚛 🍔𝙵𝚛𝚒𝚎𝚜 🍟𝙿𝚎𝚙𝚙𝚎𝚛 𝙰𝚗𝚍 𝙶𝚊𝚛𝚕𝚒𝚌 𝚂𝚚𝚞𝚒𝚍 𝚃𝚎𝚗𝚝𝚊𝚌𝚕𝚎𝚜 🦑𝚂𝚊𝚕𝚖𝚘𝚗 𝚃𝚊𝚛𝚝𝚊𝚛𝚎, 𝙲𝚛𝚎𝚊𝚖 𝙲𝚑𝚎𝚎𝚜𝚎 𝚃𝚊𝚙𝚊𝚜 🐟𝙿𝚘𝚝𝚊𝚝𝚘 𝙲𝚑𝚞𝚛𝚛𝚘 🥔小食既選擇都算多，我就揀咗薯條同埋炸雞，正正常常，幾鐘意薯條係落𝙲𝚊𝚓𝚞𝚗 粉，辣辣地😋😋留意返，每人最少要𝚘𝚛𝚍𝚎𝚛一個套餐( ˘ ³˘)♥︎…查看更多

⁂⁎◝#尖沙咀🇭🇰 主打木炭燒烤海景餐廳🍴⁎◜⁂.今年生日想簡單食餐飯就黎左海港城呢間有海景 主打木炭燒烤既餐廳其實呢間餐廳都bookmark左好耐佢地個海膽和牛多士好吸引🤩.✧Uni toast $𝟏𝟐𝟖/𝐩𝐜𝐬絕對係為左呢個海膽和牛多士而黎😬超嫩既和牛+creamy海膽+脆炸多士 成個口感好夾👍🏻係全晚最好食既一樣野😂 為左個多士而黎食既一餐飯 好彩都無失望😗但望返個價錢都有啲肉赤⋯⋯.✧Spring chicken $𝟐𝟖𝟖燒春雞做到皮脆肉嫩 雞肉都keep到多汁 好易切開配埋香草烹調令到雞肉更香.✧Potato churro $𝟖𝟖通常churros都係甜既呢個potato churro幾特別 口感煙煙韌韌就係唔甜既薯仔churro本身都鍾意食churros既我就覺得幾好食😗點埋蛋黃醬基本上無得輸.✧Charred pineapple $𝟏𝟒𝟖呢個甜品完全唔岩我地口味🙅🏻‍♀️🙅🏻‍♂️Rum酒太多 成個菠蘿都重rum味 似消毒酒精味面頭個層cream都超厚 又太甜基本上成個甜品 淨係食左兩啖🥲而且慶祝影相好唔靚 因為要淋啲酒係上面做個火焰效果所以另外俾左一個大碟我地寫上happy birthday影相但唔好睇☹️.✧Mango Squash $𝟔𝟖✧Violet Delight $𝟔𝟖叫左兩杯mocktail 覺得mango squash好飲啲係mango + orange 好fresh既味道..*･゜ﾟ･*:.｡..｡.:..｡. .｡.:*･゜ﾟ･*𝘙𝘢𝘵𝘪𝘯𝘨: 3/5𝘙𝘦𝘷𝘪𝘴𝘪𝘵: maybe*･゜ﾟ･*:.｡..｡.:..｡. .｡.:*･゜ﾟ･*𝘍𝘰𝘳 𝘮𝘰𝘳𝘦 𝘪𝘯𝘧𝘰𝘳𝘮𝘢𝘵𝘪𝘰𝘯:📍Charcoal Bar🗺️尖沙咀廣東道3-27號海港城海運大廈OTG62號舖..#mytaste_尖沙咀…查看更多

平日5點happy hour ，海旁路過想飲野，附近冇太多選擇，所以見到有128 happy hour package就入左黎。一請侍應過黎點餐，就出問題。態度好寸好差好負氣，兩款mocktail，一杯叫violet 什麼，一杯叫pink fizz，問佢分別咩味。一句好負氣：“甜嘅酸嘅”，四隻字，真係精簡。點完餐，收餐牌係搶嘅。我叫左pink fizz，係raspberry soda，和薯條。朋友叫左white wine and churros。然後個侍應都可以兩分鐘後番黎，又飛一句過黎：“紅定白話？”真係有趣嘅服務。飲品食品係ok的，合格以上啦。起碼薯條係熱住上嘅。…查看更多

想食個靚少少嘅便飯😂於是喺OpenRice$201-$400入面揾LUBUDS某啲餐廳都唔錯 又望到海景 所以最後決定試呢間有米芝蓮星級廚師嘅加持 主打用木炭燒烤肉類同海鮮🤍海膽多士($128/件) | Rating: 8.8/10冇諗過成餐飯最好食就係我嘅第一啖😂其實佢好細件 望翻個價錢係有少少肉赤超級軟嫩嘅和牛片同埋creamy嘅海膽 放喺香脆多士上面入口第一下係炙燒過嘅和牛脂香 之後先到海膽海膽唔係超級鮮甜但都足夠 成個口感都好夾🤍炭燒西班牙八爪魚($268) | Rating: 7/10呢個係Half嘅價錢 兩個人食已經相當足夠外面會有少少焦脆 但可能呢種size嘅八爪魚口感上會冇咁彈牙所以覺得差咁啲 正常唔一定要嗌嘅一碟🤍荔枝木煙燻阿根廷安格斯菲力牛扒($388)| Rating: 8/10呢個係200g嘅價錢 應該只係夠兩個女仔食菲力牛扒嘅油香唔會多 不過牛味ok 肉質都尚算軟腍未到話超級重煙燻木嘅味 不過都食到比較加分嘅係個醬!嗌咗焦糖牛油醬 超級香但都超邪惡同牛扒會好夾 重蒜味 不過搽太多會膩🤍炭烤菠蘿($148) | Rating: 7/10Menu寫係兩人份 我覺得三個人食都仲得 半個菠蘿嘅肉 仲有啲椰子雪糕同椰子忌廉 同菠蘿好夾但扣分位係上面嘅蛋白霜(?)有啲太多太甜 冧酒都覺得有啲太多 會破壞咗椰子菠蘿本身嗰種清甜最後埋單人均$600幾 比我想像中貴😂位置喺海港城嚟講又唔算係靚嘅海景 枱同枱之間會有啲近見網上啲人話服務態度好差 不過我就冇呢個感覺但整體而言食物雖然唔算差 但呢個價錢有更好嘅選擇…查看更多

食晚餐，嗌完嘢食幫手落單嘅香港男侍應問：「想飲有氣水定冇氣水？」我：「冇氣水。」佢攞咗一樽水過嚟，斟咗兩杯，之後擺低咗樽水。食食下樽水飲曬，外藉女經理見狀就問：「Do you need more water？」我：「yes」飲飽食醉埋單，張單上寫咗兩項「Acqua Panna」，每項收費$68問外藉女經理係咩嚟，佢話係頭先嘅兩支樽裝水，於是用英文同佢理論：我：「頭先男侍應冇講水要收錢，更何況你餐牌上冇『樽裝水』，亦冇寫價錢」佢：「我最多只能幫你取消一支樽裝水嘅價錢」叫咗個香港男經理嚟，佢同我講：「去餐廳食飯樽裝水要收錢係common sense，唔會喺餐牌上寫明，如果你唔想比錢嘅話一開始應該話要tap water。」收錢唔係問題，但啲員工由始至終都冇講過樽裝水要收錢，甚至連餐牌都冇寫有「樽裝水」呢個項目，亦冇寫明「水」嘅收費，呢個先係問題。更何況當刻香港男侍應只係問我飲有氣水定冇氣水，我唔會知道自己有第三個選擇叫tap water。同香港男經理理論嘅時候feel到佢好唔想處理件事，淨係識「最多我兩支都free比你」，諗住快快手趕個客走就算，但問題不在你，亦不在樽裝水，係在於你餐牌冇寫明樽裝水要收錢同收幾多錢，同埋一開始埋嚟落單嘅員工完全冇提及過樽水要收錢。最後想提醒各位會去幫襯嘅，要小心呢間餐廳甚至同集團所有餐廳嘅不良營銷手法，如果我唔check單，我就呢一世都唔會知道自己枱面飲緊嗰支水被收咗錢。…查看更多

📍Charcoal Bar 尖沙咀廣東道3-27號海港城海運大廈OTG62號舖Charcoal Bar主打木炭燒烤的熟成肉食🍖和海鮮🦑，並由米芝蓮二星行政總廚Bjoern Alexander主理，今次終於有機會一試~🍽首先試咗必食嘅✨「海膽多士」✨，海膽鮮甜，配埋嫩生牛肉片同黑松露沙律醬，份量少少但味道值！😋 另外「炭烤白鱔」都十分驚喜，肉厚兼彈牙鮮嫩，充滿炭燒味，燒得啱啱好！😍💯 「炭烤魷魚筒」都爽口彈牙，香料調味一流🦑「美國Brandt Beef 西冷牛扒」🥩，有少少乾🤏🏻肉質都幾鞋🙅🏻‍♀唔推薦;「香濃龍蝦意粉」「青口」同「炭烤西班牙伊比利亞豬鞍架」表現正常 甜品「炭烤菠蘿」🍍上枱時會用Rum喺蛋白霜上輕輕一燒，可以打卡🤣椰子雲呢拿雪糕唔會太甜，菠蘿粒多汁有咬口，味道好清新❤ 整體嚟講，食物質素唔錯，炭燒風味出色，價錢稍貴配埋海景物有所值！😋 另外要讚一讚服務態度，waiter有一直睇住上菜進度，有甩漏都即時補返comped dish，好細心👍🏻 💰人均~$500😋總評分: 7/10  #foodlab尖沙咀 #foodlab節日慶祝…查看更多

🍴Dinner Menu $398 / 4 Course是日餐湯忌廉椰菜花，幾重椰菜花味！紅菜頭腌制三文魚煙燻乳酪、蒔蘿、醃製茴香、香脆酸豆紅菜頭意外酸酸地勁開胃，三文魚 味煙燻味道好香焗西班牙蒜蝦飯 阿根廷紅蝦、頂級意大利陳年米、紅椒冇諗過咁好食，個飯非常之香脆有香蒜味同埋蝦餃味道，個龍蝦就比較熟少少，但係食落去都鮮甜嗰蝦膏好好食好香濃。美國極級西冷牛排 薯條 +$158牛扒都係冇諗過咁好食食落去軟腍腍又有肉味。提拉米蘇咖啡、巧克力、馬斯卡彭芝士好香濃嘅酒味好Creamy，個餅係脆嘅都幾好食！檸檬塔柚子、蛋白霜個撻好香牛油味，唔會太厚都幾香脆，入邊係好多cream，酸酸甜甜非常之解膩凍檸茶正常推薦指數: 8.5/10記得mark坐窗口位，望到海景靚好多！…查看更多