CHAGEE 霸王茶姬 (利東街)

放假飲完茶，之後想找間cafe坐下，經過此處新開，地下好旺埸，走上2樓， 嘩一聲，空間好大，茶吧又長，6人温書室，梳化温馨房，4人會議室，6人工作枱，大量2人對座梳化，未見過連鎖店咁寬闊。點閠北松煙小種$50，福建紅茶，熱泡茶，白白淨淨靚小妹妹服務員，詩詩文文慢慢從櫃取出茶葉，放入茶泡機， 渣渣聲甘露出來，放入透明玻璃瓶， 再用木托盤同埋玻璃杯仔， 好有儀式感同埋自覺有品味，當時無人飲熱茶，專人服侍，静觀制茶，自得其樂，座位望住修頓球場，電車來來往往，動畫， 一番景致。茶有松煙薰味，令我想起威士忌煙燻味，味甘甜-桂圓，茶滑，色清透亮；再來一個小點- 茶倉吐司-紅糖肉桂麻薯味$34，吐司外型似倉庫，質幼滑綿密，似蛋糕，内裏麻薯， 黏黏糯糯，帶肉桂糖，送茶very good，無芝士咁膩咁重口味。嘆完， 灰姑娘要回家， 回味又有點失落！…查看更多

灣仔依間霸王茶姬 樓高兩層係一個全新嘅概念店地下主要係賣一啲唔同種類嘅嘢飲，設有露天茶座的空間上層主要係賣精緻茶飲，裝潢精美的區域，擺放藝術裝飾和展示茶飲發展。仲陳列咗佢哋唔同嘅產品，包括杯同香薰蠟燭。 我哋叫咗兩杯嘢飲，包括係陳皮六堡茶 同 碧山末茶拿鐵。陳皮六保茶，員工考慮到嘢飲過熱嘅話陳皮味會好重。未必會個個接受到。 因此依杯嘢飲係溫既。飲落帶有點陳皮嘅香味又唔會太苦。餘味仲有啲甘香添。 吾太難接受既。碧山末茶拿鐵。 熱飲杯綠茶好香，好濃郁。加左奶好好飲。 但因為太多人點餐，要等20-30分鐘。 如果想飲，可以先用手機落單再拎。 拎完可以係店中休息品嘗飲品。但飲品略為貴…查看更多

最近去咗灣仔新開嘅霸王茶姬旗艦店，試咗佢哋嘅招牌茶飲伯牙絕弦🧋，揀咗少甜少冰，真係啱晒我口味！茶底用咗茉莉雪芽，茶香清新自然，入口有淡淡花香🌸，唔會苦澀，反而回甘得嚟好順喉。茶底配上優質牛乳🥛，奶香濃郁但唔會搶味，整體層次分明，飲落去有種靜靜地享受嘅感覺。少甜版本甜度啱啱好，唔會蓋過茶味，少冰又保留咗茶香同口感，真係飲得出誠意。新店環境寬敞舒適，裝潢走文青風，仲有雙層設計，打卡一流📸。灣仔一帶相比之下唔算多茶飲店，霸王茶姬係灣仔插旗真係岩曬係灣仔返工嘅上班族👩‍💼 Lunch time去買返杯飲下提下神🤩 不過真係好多人，最好預返少少等候時間，咁就唔使咁頻撲啦🤗…查看更多