Cafe Paradise (東寶大廈) (已結業)

上次食咗一個唔係太飽嘅雞扒餐，今日試豬扒餐。雖然佢寫厚切，不過都係冇乜期望。一上碟嘅時候嚇親，豬扒厚雞扒四五倍都有。去圖：再黎張特寫不過要留意番，因為好嘅豬扒都比較難煮，我見佢大概八成熟左右，唔會太過銀，切落利落。本身我都唔鍾意啲肉太熟，所以都幾滿意。不過需要全熟既朋友記得同佢講聲。佢餐湯本身可以轉沙律，因為之前飲過佢嘅餐湯都幾一般，今次就轉沙律。沙律都比想像中大，所以今餐比起上次嚟講係飽咗好多，以$68嚟講，係好高性價比。星期六午市比起平日少人，如果約朋友嘅話，呢度的確係一個好選擇，食完可以坐喺度慢慢傾陣計都冇問題。…查看更多

晚市開返之後，餐廳都開始多人，路過見到仲有位，同朋友可以坐得舒服，所以就坐低咗食。午餐依然可以50幾蚊有交易，今日食烤蜜糖雞扒飯。雞扒比想像中薄，不過烤蜜糖烤得幾好食，有啲似大家樂早餐嘅雞扒，份量來講就少咗啲，不過有餐湯同餐飲搭救，飯今日就比較濕，希望之後會有啲改善。整體來講，雖然質素唔算好好，因為價錢關係，性價比都比較高，我仍然會之後繼續試吓食其他飯。食完出門口見到下午茶餐都幾平，如果大家係午餐時間食唔到飯，可以考慮下午茶。…查看更多

因為今天星期日不想煮飯，疫情期間又不能出去吃所以叫了外賣，本來想吃好一點，所以就不買兩大連鎖快餐店和兩餸飯，沒想到結果令我大失所望，更沒想到一間貴少少的餐廳，質素會這麼的差，不但食物極之難吃沒有味道，而且又凍又硬又不新鮮，明顯是翻整再翻整出來的，不論是薄餅，意粉或炸物，無一例外（相比之下，原來Pizza Hut 的薄餅，意粉，雞翼，薯條已經是米芝連級數了！）這餐廳用的食材也很不新鮮，食物有些肯定也不是即整的，真的太令人失望！劣評！…查看更多

估不到第一篇食評是寫投訴😤今日因為趕時間，剛剛12點半第一次幫襯左Cafe Paradise買外賣，問過經理個海鮮飯會有蝦，蜆，魷魚，最後叫左一個和紅酒牛肋肉意粉，但足足等左20+分鐘才拿到😏 番到屋企一開個海鮮飯，發覺啲配料少得可憐，只得魷魚條和咖菇，真係貨不對辦👎🏻👎🏻👎🏻，個牛肋肉又好乾難食，午市特價飯盒真係呃人時間和金錢，以后都唔會再幫襯呢間食店💩💩💩…查看更多

今日收工之後係北角既哩間cafe食午餐。Cafe裝修花心思，兩邊牆身係兩種唔同風格：工業風同少女風，而且係沙發凳，所以都坐得幾舒服。餐牌上有多款午餐及下午茶餐可以選擇，而且價錢實惠，仲包餐湯同飲品。🥩石燒 200g 紐西蘭一超牛板健 $108午餐配有餐湯，今日係蕃茄忌廉湯。哩到既石燒牛可以選配飯、意大利粉或薯菜。一送到後，店員會好細心地提醒唔好將餐具同醬汁放落石頭上面，唔係好容易燙親。估唔到石燒牛既質素唔錯，牛板健厚身，入口有肉汁，而且可以自己控制熟度，配有黑椒同蒜蓉汁，性價比都幾高。🌹玫瑰鮮奶咖啡 跟餐加$10鮮奶咖啡面層有些許玫瑰花碎，入口順滑，更有少少回甘，亦有淡淡既玫瑰味。🍫朱古力心太軟 $48心太軟朱古力味超香濃，流心效果亦做得唔錯，配有雲呢拿雪糕、cream同朱古力醬。整體黎講，餐廳食物價錢實惠，性價比高，過開哩邊都可以試下。…查看更多

一間西餐廳，冇咗晚市之後，就當飯盒咁賣，仲要賣得超平。本身嗰度想食焗飯嘅，不過見到餐牌嗰度有pizza揀，心諗咩料，所以揀咗pizza試一試佢。我唔可以話塊Pizza好好食，佢真係薄餅上面加咗芝士同埋雞肉同埋醬，可以睇睇幅相。薄批，脆口，芝士唔算濃味，雞肉可以多少少會更好。不過做人要公平啲，佢價錢只係$58 ，仲會有汽水或者餐湯餸。喺每日不停重複嘅兩餸飯日子入面，有個Pizza可以選擇，我覺得大家都可以試試…查看更多

今日尼開港島區，咁啱經過尼間餐廳，見到價錢又唔貴，就入咗去了～本身期望真係唔高，因為覺得個價錢都係$60-$70就已經有一個意大利飯或者意大利粉，心諗仲點樣要求太多🙈點知真係好有驚喜 ！首先叫咗佢個凱撒沙律🥰可能因為最近食得太少菜，所以就想叫個沙律食咗先！沙律嘅菜非常新鮮👍🏻同埋配搭佢哋自己調製嘅沙律醬～酸酸地非常之清新🥰 配搭小小嘅麵包糠～食落就更加有豐富嘅口感👍🏻👍🏻👍🏻👍🏻👍🏻之後叫咗個意大利飯😍意大利飯嘅質感係偏硬身～比較似正宗嘅意大利飯🙈所以如果唔習慣食硬身飯嘅大家 就要留意了！但係黑松露嘅味非常之濃郁！自己個人係非常鍾意嘅👍🏻👍🏻👍🏻❤️❤️之後就到意大利粉～味道好好❤️而且仲有幾塊煙三文魚 材料真係一啲都唔吝嗇 但係意粉嘅汁偏乾身 如果有多啲汁就更加好了！但整體來說真係非常之滿意❤️❤️❤️👍🏻👍🏻…查看更多

朋友介紹，重要事講三次佢提左我一定要飲呢到咖啡今次係北角做野就同同事去試下呢間Cafe paradise 🤩門口裝修幾精緻我地叫左 日式西京燒比目魚同西冷牛扒簡簡單單但味道都唔錯架比目魚，肉滑帶甜汁，有少少沙律配意粉，意粉唔會乾爭爭👍🏻朋友就食牛 ，價錢質素來說好合理👍🏻之後當然要加$10飲咖啡啦Wow 原來係有拉花，好有心餐廳人頭$100 有魚有牛仲有杯拉花coffee 係几唔錯😆（純粹自己諗法）…查看更多

第二次來，上次來覺得幾好，所以再來。今次唔知點解Order嘢，要考耐性。叫左一個意大利飯，一個天使麵，pizza，一個stone grill和黑椒一口牛飯。前面三樣個左沙律和飲湯就到，後面等左差唔多半個鐘，隔離檯遲來先食，追至到。stone grill牛無上次咁好，比較有咬口。其他嘢都ok但相隔時間太耐，食飯和天使麵的家人落隔了，都未有得食。有少少唔開心，主菜等完，甜品和飲品又等，可能今晚外賣比較多吧。其實各人的主菜可以差唔多來會比較好，唔駛半個鐘前開始食的等到瞓左，應該要等一排至會再幫親。…查看更多

之前行過見到呢對翼，都見到唔少人喺度打卡，已經覺得有機會要黎試，今晚終於機會嚟啦。黑椒牛肉飯 呢個好有Pepper Lunch風味，個燒汁味道岩岩好，鍾意辣少少嘅朋友可以自己再加多啲黑椒。而且啲牛肉質素都唔錯。石燒紐西蘭牛柳 一班朋友share食，可以自己控制幾多成熟，咁就唔怕有啲想食生啲，有啲想食熟啲。烤美國豬鞍配黑莓蜜糖汁個豬又有嫩滑喎！配埋黑莓汁酸酸甜甜幾開胃。雞翼拼盤，一次過試晒四隻味，每隻味都唔錯。價錢親民啱晒食肉獸！！ …查看更多

平日夜晚約好耐冇見嘅朋友係北角食飯，咁岩經過呢間cafe，覺得佢出面嘅裝修好靚，比佢吸引左，就決定行入去試下，位置好近地鐵站，食完離開果陣超級方便出面有好多好靚嘅螢光燈，仲有聖誕樹同其他聖誕佈置，好有節日氣氛，而且門口已經有擺放餐牌，方便預先望望餐牌先決定入唔入去入到去仍有螢光棒裝飾，而且環境好乾淨，餐具擺放整齊，仲坐得好舒服，唔會坐到好逼。而餐牌有幾份，選擇十分多👍🏻👍🏻👍🏻同朋友討論完決定一共叫三樣野😋煙三文魚蜆肉天使麵 ($73)味道岩岩好，啲蜆肉同三文魚嘅味道好夾，天使麵軟硬適中，加埋啲忌廉汁，配搭一流👍🏻煙三文魚黑松露海蝦意大利寬條麵 ($78)呢碟啲煙三文魚同樣味道調節十分好，唔會太咸，黑松露個味好出，每啖都有黑松露香味，而海蝦亦都好大隻👍🏻👍🏻值得一試蜜糖烤雞翼4隻 ($38)呢個十分好味同堆介👍🏻👍🏻👍🏻👍🏻四隻雞翼全部好入味，食到好豐富蜜糖味，而且外層煎得十分香脆，但入面啲雞肉好嫩，咬落去肉汁好鮮甜…查看更多

嗰日同屋企人去開北角嗰邊，想食下牛扒嗰啲，就搵吓附近有咩好食。見到呢間餐廳啲價錢好似好抵食，所以就入去試吓。我哋嗌左一份美國豬胺配黑莓蜜糖汁，啲豬肉勁嫩而個汁酸酸甜甜好開胃。另外帶咗份石燒牛扒，上菜嘅時候五成熟，之後可以因應自己嘅喜好再燒熟啲嚟食，個牛味勁重好好食。跟住嗌咗份黑椒鐵板牛肉飯，呢個勁香好惹味。跟住仲嗌咗份四色雞翼配薯條，四款雞翼都有各自特色幾好食。跟餐嗌左杯榛子牛奶同埋有甜品啫喱。咁樣加埋每人都係百幾蚊好抵食，下次都會嚟試吓其他嘢食！…查看更多

捐窿捐罅搵食，今日嚟到北角，睇到門面光鮮，環境舒適，而且食物選擇多，又想試吓西餐，所以就決定咗呢間啦.估唔到呢一個價錢可以食到呢一個質素👍🏽.百里香白酒忌廉煮藍青口$78份量都唔少，一整兜全部都係滿嘅，而且佢嘅白酒忌廉汁加埋百里香同青口好夾.龍蝦汁海鮮意大利飯$83上到來，個擺盤好有心思，而且佢嘅料都幾多，而且食得出海鮮烹調嘅時候唔馬虎，好怕食西餐嘅海鮮係太熟好’un’，呢度嘅海鮮整體上火候嘅控製非常之好！.轉餐+$30入到去準備叫野嘅時候諗住加錢原價叫飲品，員工即刻好友善地話我知，原價叫飲品嘅價錢同包沙律，餐湯，餐飲，甜品竟然差唔多，Omg 太體貼了吧😍😍餐湯係西蘭花忌廉湯，好多時西湯最驚佢就係好濃或者好稠，但佢就做得啱啱好而且個沙律都好新鮮，冇將貨就價👍🏽，另外甜品今日係黑加侖子味啫喱.Cp 值及夠飽: 我哋兩個人食咗$200,價錢以西餐來講優惠而且我哋嗌左唔多野但係都好飽，CP值高，讚👍🏽.翻啅:會再去☺️ 我見到佢有水牛城雞翼，下次堂食要試埋，再加埋外賣好似都幾抵，$50有1個飯包湯加嘢飲，經過要可以買埋佢個外賣😂…查看更多

今日黎到北角搵食，比呢間天堂Cafe門口對天使翼吸引左👀。餐廳座位闊落，坐得舒適。打開餐牌發覺原來都幾多選擇😳👀，有石板燒、意粉、意飯、寬條麵、焗飯、白咖哩、鐵板同pizza等等。我地點左個石燒美國頂級牛下肩眼肉同芝士奄列黑椒牛肉飯。🌟石燒美國頂級牛下肩眼肉 🥩💲8️⃣8️⃣ 💠+$30 升級套餐 （餐湯、沙律、飲品、甜品）牛肉送上黎已經係切粒，脂肪比例岩岩好，方便易煎👍🏻，200g牛肉份量都幾多，店員話煎到5成熟就最好食。另外會提供鹽同黑椒自行調味。可以自己煎牛肉都真係幾過癮🤣🤪可簡意粉、飯或薯條。餐湯係蘑菇湯，味道超濃郁，勁香蘑菇味，又creamy🤤😛。甜品係啫哩，杯上面仲有cream,好味道🤩😋🌟芝士奄列黑椒牛肉飯 🥓🍳💲6️⃣9️⃣鐵板好夠熱，奄列超大，食落有超香濃芝士味，味道好特別，好好食，黑椒牛肉飯好香，仲有粟米都好甜，加埋燒汁，成個飯一送上黎已經聞到香噴噴嘅味道😛😝📍Cafe Paradise (東寶大廈) (北角)北角英皇道483-497號東寶大廈地下C-D號…查看更多

1士多啤梨一口芝士蛋糕38 hkd3蜜糖烤雞翼38 hkd7 鐵蛋蒜香牛肉飯 53hkd 連湯及飲品6 茄汁海鮮意大利粉 40hkd 連湯及飲品加一服務費Set 連湯難得星期五同bb，老公一齊 ， 今日又去 cafe paradise relax ，食個tea，呢間餐廳性比價高，抵，如果想平，食個意粉，飲杯野都係50蚊有找，想搵餐廳同朋友食件cake飲杯野，呢到都係首選，地址近地鐵， 交通方便， 餐廳坐位闊落， 服務員態度極好，成日都唔洗出聲搵佢地已經好快手幫你收起碗碟，替換餐具， 職員見到我哋個bb又會好開心同佢打招呼， 佢哋仲私人醒咗支益力多都畀佢， 隔咗陣又送咗一杯窩夫過嚟， 真係好有愛。士多啤梨一口芝士蛋糕 38hkd軟綿，入口濃香芝士味。賣相的式吸引，BB都食左一粒，薄荷葉夠香。蜜糖烤雞翼 38hkd雞翼唔會烤過龍，甜味剛好，肉質keep到鮮嫩多汁，外皮有咬口又香，配埋菜和番肉氣。兩者加作為afternoon tea arm arm 好。最緊要係我家食神認証唔抗拒，說明夠好味鐵蛋蒜香牛肉飯 53hkd鐵板keep住啲飯，溫度保持得好熱，由飯前到飯後都可以keep住熱食， 黑椒蒜味濃， 頂頭有粒溫泉蛋，牛肉骨切片，雖食果時要吐骨，但勝在牛肉重，煎左一段時間後，後半煎過既肉煎得金黃而不會結焦。茄汁海鮮意大利粉 40hkd4隻好彈牙大蝦，要讚! 雖然係急凍大蝦，但煮得好好食， BB都食左1大隻，冇辣味，係番茄汁底，估計係番茄汁等配料洋蔥香氣夠吸引，份量適中，唔多唔少，寛條面有口感。臨出門口嘅時候擺咗個烏龍，唔記得拎走bb餐具， 職員飛出嚟， 喺我哋面前幫我抹好餐具， 遞上! Many thanks!!!我都祝各位職員，聖誕快樂，Merry christmas，寫到呢到，好想寄張聖誕卡比佢地。…查看更多