Café East

今晚享用的自助晚餐確實物有所值，正好趕上「買二送一」的優惠，折算下來每位$578。餐廳提供的菜式十分多元化，冷海鮮區相當豐富，有長腳蟹、龍蝦、蟹鉗、大蝦、青口、小龍蝦及煙三文魚，刺身和壽司也頗為新鮮。熱食方面可謂中西日匯聚，日式串燒包括燒蝦、秋葵、牛肉和多春魚，另有即燒生蠔、龍蝦及螺肉。中式熱葷有鮑魚鵝掌、清蒸石斑、燒乳鴿、酥炸蠔、蜜豆蝦仁、炒飯和時蔬。西式部分則有現煎羊架、香煎鵝肝、牛扒、即切肉眼，還有香氣四溢的西班牙乳豬焗飯。此外還有印度咖喱、即煮粉麵檔和滋補燉湯。甜品區選擇不少，包括楊枝甘露、焦糖燉蛋、多種迷你布丁和小蛋糕，更有即叫即製的梳乎厘和流心朱古力心太軟，為這一餐畫上完美句號。整體來說，食物種類豐富，水準中規中矩，以這個價錢來說算是合理之選。…查看更多

今晚同屋企人去咗尖沙咀千禧新世界酒店食自助晚餐，其實已經有10多年無响香港食過自助晚餐，一來自己唔多好生冷嘢，二來自己又食得唔多，本來冇抱太大期望，但結果完全被驚艷到！由食物質素到服務，樣樣都超出預期，絕對係一間值得推介既酒店自助餐！🌟食物水準：極高！每道菜都很到位一入到去就見到超豐富嘅食物選擇，由海鮮、刺身、熱葷（強推）、燒烤到甜品，應有盡有，而且質素絕對唔馬虎！🦀海鮮同🍣刺身區：新鮮到爆！基本自助餐的長腳蟹、青口、凍蝦全部都有，鮮甜冇雪藏味，我encore咗兩round! 刺身選擇唔多，但全部都好新鮮，三文魚肥美、吞拿魚鮮嫩，仲有八爪魚同北寄貝🔥熱葷&🍢燒烤：驚喜不斷(全晚主打兼至愛)🦞半隻芝士焗龍蝦任拎任食，重點係啲肉一啲都唔會(梅)非常彈牙，好快回本🤣羊架juicy完全冇羶味、燒牛肉medium rare啱啱好，任食鵝掌炆鮑魚，仲有乳豬同各種精緻串燒(真心超好味🤤），大蝦爐端燒，師傅即場燒，熱辣辣超正！真係超級超級好好味，以前食自助餐都唔會點掂d熟食，自助餐食咁多熱葷都係第一次😅🍰甜品：可能係全港酒店自助餐最Top呢度嘅甜品真係無得輸！！！每晚款式都會轉，而且大部分係即叫即製，唔係擺到乾晒嗰種！好想試即焗榴槤，但好多人排隊搶吾到😣即製心太軟，流心完美，配雲呢拿雪糕，冰火口感！每晚限定，所以一定要校鬧鐘去排隊焦糖燉蛋，表面脆脆，蛋香濃郁！仲有馬卡龍、Tiramisu、日式芝麻布甸，豆腐花，榴槤pancake，重點係全部都好高級，好精緻！！！！！🍦雪糕：有軟雪糕，Haagen-Dazs 同 Movenpick任拎真心係我食過咁多間酒店自助餐裏面，甜品最有水準嘅一間！服務：殷勤周到侍應收碟快，笑容滿面，仲會主動問需唔需要飲品,完全冇hea做感覺！ ✅ 總結：必推比家人朋友！今餐真係食到超滿足，無論係食物種類、新鮮度、味道、甜品質素同服務,全部都好出色！絕對會再encore，亦會推薦比身邊嘅人！ 📌 回頭指數：⭐️⭐️⭐️⭐️⭐️ (5/5) 💰 性價比：高！值得這個價錢…查看更多

享用了自助晚餐（買2送1，折後每位$578）食物選擇豐富，有冷海鮮（長腳蟹、龍蝦、蟹鉗、蝦、青口、小龍蝦、煙三文魚）、刺身、壽司。有日式串燒（蝦、秋葵、牛肉、多春魚）、燒蠔、燒龍蝦、螺肉。中式熱葷包括鮑魚鵝掌、蒸石斑、燒乳鴿、炸蠔、蜜豆蝦仁、炒飯、炒菜。西式有即煎羊架、鵝肝、煎牛扒、即切肉眼、西班牙乳豬焗飯。另外有印度咖哩、即煮粉麵、燉湯。甜品方面，有楊枝甘露、焦糖燉蛋、各類迷你布丁、蛋糕仔，亦有即造梳乎厘及朱古力心太軟。味道方面，鮑魚鵝掌入味，鮑魚軟腍，鵝掌有骨膠原口感醬汁的調味恰到好處。蒸石斑軟滑魚味濃，鮮蝦和青口爽口，燒乳鴿脆身開胃。芝士焗龍蝦肉質彈牙，芝士汁入味。焗蠔鮮甜濕潤，燒牛肉串腍身肉汁香濃，串燒蝦爽口鮮甜。花膠雞腳燉湯用料豐富，有一條花膠及一隻雞腳，花膠軟滑、骨膠原充足，雞腳腍身，雞湯清醇。海鮮冷盤亦質素佳，煙三文魚滑不溜口；長腳蟹充滿海水味，新鮮而肉質一梳梳的。蟹鉗啖啖肉，口感極佳，使人滿足；小龍蝦肉質煙韌。再點了一塊肉眼扒，肉質細嫰肉味濃郁。燒銀雪魚甜美，輕輕咀嚼已可咬開。青酒煮蜆清甜入味。牛肉炒烏冬醬汁味道極佳，充滿日式風味。甜品亦用心製造，一絲不苟。焦糖燉蛋外表糖衣香脆，蛋漿味濃滑溜。楊枝甘露簡直是人間滋味，絕對值得一試。即造梳乎厘軟滑微甜，帶來幸福感。其他甜品亦手功精緻，味道不俗。整體食飯質素極佳，喜出望外。服務方面，每位服務員都充滿笑容，細心有禮。環境方面，裝修優雅舒適。…查看更多

千禧嘅buffet, 我食咗十年，每次家庭聚會想食buffet, 一定㨂千禧。首先坐得舒服，枱同枱空間夠，唔會迫夾。嘢食咁多年都好穩定，貴精不貴多，每樣都有返咁上下水準。服務到位，夜晚仲可以聽到有live band, 好正😊我最鐘意係熱食，每一樣都好好味，串燒看似普通，但每一樣都係有唔同味，燒得出色。帶子好大粒，龍蝦refill好快，唔會話大排長龍，大家都食得好舒服，唔洗左排又排。甜品都好出色，款式多，賣相吸引，同好食。…查看更多

（午市）第一次食buffet，食熟食，放棄食刺身，呢度熟食真係好多款，款款都唔hea, 好味到忘記行去刺身區😅，佢哋甜品都一樣好味到不得了，坐位舒服，收碟又快，服務佳。…查看更多

三月頭同友人相試優惠6折自助餐首先食三文魚刺身,有希靈魚和綢魚揀.跟住食長腳蟹。熱葷有好幾樣選擇:牛肉,羊架.有片皮鴨,雞,鵝.等等件件食.甜品有好幾樣:燉奶,焦糖燉蛋.有豆腐花有芝麻糊仲有雪糕。食物都可以,抵…查看更多

同家人去食過咁多間自助餐，呢間算性價比幾高海鮮種類唔算超多，但refill得快同算新鮮，有麵包蟹、蝦、青口、小龍蝦，最緊要有長腳蟹！又有cheese platter、刺身熟食種類都算多，最中意佢個燒乳豬，燒到好乾身，係葡式嗰隻，無晒皮下脂肪豬仔腳超嫩滑又有芝士焗龍蝦、日式串燒、即淥粉麵、印度咖哩等等等等十分之中意佢個甜品櫃，樣樣都的的色色又精緻，細細件又可以樣樣試下仲有哈根大師雪糕，同自己擠既frozen yoghurt佢個蜂蜜蛋糕勁好味、花生麻糬又正，上面係花生忌廉好特別…整體上都好食又精美生日仲有送生日蛋糕慶祝~如果係會員的話總結一下，款式夠，總體幾精緻，性價比不俗…查看更多

自助餐人人喜愛，但是市面上店舖太多價錢亦有很多選擇，今天來到這一間價錢非常便宜，而且食物選擇也很多，就算午市也有很多好吃的，壽司長腳蟹等通通都有，這個價錢真心值得推介！…查看更多

好笑，去錯酒店。。望到堆字就入咗去，上到一樓感覺怪怪，再睇下升降機指示牌，先知道入錯酒店 😂。走返出黎，前面有對夫婦同樣問題都係入錯，大家都姓賴 😅由於去錯酒店，嚟到餐廳自助餐已經開始了。可能星期日的關係，人都比較多，有啲明明係唔洗排隊嘅嘢大家都潮著方向去排，感覺很多餘 😂我都係第一次揀星期日，知錯了 😂圖一：乳鴿，夠肉味，但口u不嫩滑。圖二：人蔘花膠雞腳湯，湯屬厚身，雞腳夠腍，人蔘味不明顯。圖三：印度咖喱牛腩？！咖哩帶辣但偏甜，質感似辣椒籽還是蕃茄籽在內，一粒粒的。。圖四：合味道的冷盤。圖八：串燒都頗乾，就是被懷疑的那帶子 😅圖九：好吃的鐵板燒蝦。圖十：放腍咗的甜點，椰絲花生，漏漏的。假設即叫即整會好食得多？！圖十一：滑滑的焦糖燉蛋。圖十二：木瓜蘆薈，目測花時間，可惜木瓜唔甜且有渣，換著煲傳統糖水可能較適合。一直咁食，我食到中段感覺身體不適，於是去“卸貨”，返黎諗住再食點知無晒胃口，我唔肯定係食物問題還是其他原因。。想回來，可能係中段那隻燒帶子，我記得係“卸貨”前吃的，咬了覺得不對勁沒有吃下去。。“卸貨”後我第一啖吃榴槤糯米糍？！已經唔記得咩名，當時還在不適狀態 😂濃郁榴槤味，但我沒有興趣吃下去。。等用餐時間完結便離開了，實際起因沒有再深究，可能只是個別例子。。服務員都傾向有禮 ❤️隔離枱 $2.9 男女，攞咗麵包蟹蓋又唔食又唔俾收，最後侍應建議不如唔好要先俾收，咪又係浪費，賤X。我想攞都無 😒…查看更多

成日都見到好多人推薦，今次聚餐即刻試吓。一去到都已經差唔多滿座。熱食都有好多選擇！整體味道賣相都非常唔錯!任食芝士焗龍蝦，肉質彈牙、蒜蓉蒸扇貝肥美大粒、鮑魚鵝掌好好味、燉湯滋潤清甜,仲有多款串燒選擇牛舌、虎蝦,牛柳,雞翼...特別 推薦師傅現場即煎鐵板三文魚、羊架、大蝦，勁香好有鐵板燒嘅感覺。另外,肉眼牛扒牛味濃郁,肉質柔軟有彈性, 葡式烤乳豬皮脆肉嫩,其餘炸物亦非常香口。凍海鮮、刺身、冷盤區凍海鮮整體鮮甜不錯,款式亦夠多,有麵包蟹、蟹 腳、蟹鉗、青口。每樣都好新鮮，又唔會太重海水味。甜品區特別推薦甜品區!每次最期待嘅區。每一款甜品都整得好靚。而且,有近半百款選擇任你 揀!芝士蛋糕、Brownies、Tiramisù、Crème brûlée、西瓜盅、各式各樣嘅mousse cake、 tarts、 pudding等等,仲有唔同口味嘅自家製 乳酪雪糕、Häagen-Dazs雪糕/脆皮雪條。完全係五星級酒店嘅水準👍👍環境和服務酒店環境同坐位都好舒適，又好新淨。而且佢哋嘅服務態度亦 要高度讚賞!收碗碟速度快,而且服務員更會主動幫refill汽水啤酒果汁。~~~~~…查看更多

嘩😍～很久沒試過對一間酒店自助餐讚不絕口啦(≧▽≦)/ 原來尖沙咀🇭🇰千禧新世界香港酒店𝐍𝐞𝐰 𝐖𝐨𝐫𝐥𝐝 𝐌𝐢𝐥𝐥𝐞𝐧𝐧𝐢𝐮𝐦𝐡𝐨𝐭𝐞𝐥的自助餐，非～常高質!!! 難怪餐廳全院滿座，真的很後悔現在才知道呀🥹🤣~即日起至𝟕月𝟏𝟒日,餐廳推出以 「嚐味越南」為主題的晚市自助餐😚，邀請到來自🇻🇳會安南岸新世界海灘度假酒店的助理行政總廚𝐐𝐮𝐚𝐧𝐠 𝐋𝐞駐場，食物質素當然有保證啦!! 自從去過一次越南玩，我超愛吃越南菜的😌，自助餐每道菜都很好吃又地道～☆ 嚐味越南•自助晚餐🥢⏰^晚上𝟎𝟔:𝟑𝟎-𝟎𝟗:𝟑𝟎💰👨🏻👩🏻 $𝟕𝟑𝟖-𝟕𝟖𝟖👦🏻👧🏻$𝟓𝟏𝟖-𝟓𝟒𝟖☆ 主題美食: 越式米紙卷、越南傳統煎蛋餅🥚、傳統燴魚鍋、蠔皇燈籠椒炒牛柳粒、經典越南法包🥖、酸湯煮蜆、甜豆糖水、香蕉糯米卷🍉、芝麻糕配脆綠豆邊。當中我最推介米紙卷，清爽酸甜，好適合夏天吃～☆ 冷盤海鮮: 波士頓龍蝦🦞、麵包蟹、小龍蝦、海蝦及青口。款式多，又新鮮。☆ 刺身及壽司: 刺身有三文魚、吞拿魚、油甘，有各種特色卷物和壽司🍣。☆ 熟食: 招牌乳豬😍、燒牛排🥩、芝士焗龍蝦🦞、蒜蓉生蠔、乳鴿、鮑魚鵝掌、清蒸鮮魚🐟、壽喜燒、各種天婦羅🍤、多款串燒。乳豬燒得外脆內軟，鹹香十足，肉質超腍超嫩，大推介呀～☆ 甜品: 甜品款式一樣豐富，有多款哈根達斯雪糕🍦、即製薄餅、多款蛋糕、焗榴蓮及榴蓮麻糬等等。每款都不錯，吃得好飽呀～即日起，下載嘗薈𝐄𝐩𝐢𝐜𝐮𝐫𝐞 𝐀𝐏𝐏，免費登記成為會員，餐飲消費𝟕𝟓折，所有時段買二送一呀🥳!!…查看更多

為避開姪女考試期，要提早慶祝父親節。在衡量過時間、地點、價錢、環境、食味等各種因素後，最終決定去Cafe East。打從查詢價錢開始，無論訂位、付訂金、確認座位、安排座位、用餐體驗，到離開餐廳，都感受到員工的禮貌、對餐廳政策的熟識程度、對顧客要求的回應，深深體會到什麼是待客之道。是W酒店須要好好學習的一課。是晚被安排坐在餐廳的半梳化座，環境空間感充足，食物枱也在不遠處，方便兩老自由出入，揀選心水食物。🍣除了一般的壽司、刺身、冷盤、天婦羅、粉麵外，時晚的食物選擇也不少：🦞白汁芝士焗開邊龍蝦，香濃的芝士配上帶膏的龍蝦，龍蝦肉彈牙，是怕吃凍龍蝦的另一好選擇。🦪蒜蓉焗蠔，蠔身用大量炒香的蒜茸覆蓋，入口頗鹹。蒜蓉粉絲蒸元貝，超大隻，連粉絲也夠軟腍入味。🦪薑蔥炒生蠔，自助餐很少吃到的菜色。🐟清蒸蒸比目魚，啖啖魚肉，火候剛好，入口香滑。🍄北姑鮑魚扣鴨掌，鮑魚有咬口，鴨掌夠腍，一碟接一碟供應，大方程度與JWCafe不相伯仲。🫕是晚燉湯是茶樹菇花膠燉雞，用料充足，入口帶點苦澀味，可能是茶樹菇的品質，可以留意一下。🍰各種甜點，是Cafe East不可錯過的，無論是打咭呃like或是獎賞味蕾均可。餐廳定時亮點：7:15pm有朱古力心太軟7:45pm班戟梳乎厘8:45pm有焗榴槤🍹除了基本的餐茶外，入座期間更可享橙汁、汽水無限量供應。🍦雪糕雪條有Haagen-dazs、Mövenpick、維記三種牌子。有全新的雲呢拿藍莓馬卡龍雪糕，入口有煙韌的餅粒，個人覺得整體偏甜。最後想講，是晚用餐後，也覺得是正確的選擇。餐廳資料：尖沙咀千禧新世界酒店1樓Cafe East。下載手機app成為嘗薈會員，自助晚餐可享買2送1或75拆優惠。自助晚餐時間：晚上6時30分至9時30分價格：星期一至四，成人每位港幣738元；小童每位港幣518元星期五至日及公眾假期，成人每位港幣788元；小童每位港幣548元（拍了片，原來不可以在這裏上傳😅，Ig見）…查看更多

自從上次食完千禧新世界酒店Café East自助午餐感覺性價比幾高之後即刻訂返個靚枱同屋企人食個晚餐先，今次又係令我好滿意嘅一個dinner。員工都係好友善。然後嘢食嘅味道吾錯。好多款嘅海鮮，凍蝦、凍蟹、刺身、凍螺、凍青口凍龍蝦同埋有燒扇貝同埋燒龍蝦。好多唔同國家嘅美食好多款燒既肉類牛、豬、三文魚、羊架，最欣賞就係燒羊架，反而屋企人就好欣賞佢個燒和牛。最重要嘅甜品，因為我真係超級無敵爆炸鍾意食甜品。甜品選擇例如即整疏乎厘、心太軟、烏龍茶奶蓋、楊枝甘露、歌劇院蛋糕都好欣賞，同埋最重要最重要最重要有Haagen-Dazs同MOVENPICK雪糕任食。今日既晚餐，屋企人都食得非常之開心。講真呢個價錢可以食到呢個質素吾錯，而家仲有優惠買二送一都唔使$600一個人，認真性價比係幾OK。…查看更多

佢係海鮮做主打佢嘅麵包蟹同長腳蟹都超級好食啲中蝦都好新鮮😍 佢而家又有白酒炒大蜆同埋法式焗田螺都好好食❤️三文魚刺身都好食佢嘅咖喱真係特別推薦見到係印度人主理真係食過最好食嘅咖喱我同朋友都一致認同咖喱係食過最好食嘅咖喱鍾意食咖喱嘅一定唔可以錯過😍佢嘅甜品都好高質仲有芒果班戟芒果瑞士卷都好推薦鍾意食甜品嘅真係唔可以錯過，因為我本人十分之喜歡食甜品🙈佢嘅焦糖布甸都好正仲要橙汁汽水任飲同埋包一杯咖啡茶 四個人以上仲有六折😍…查看更多

上網見到千禧新世界酒店Café East自助午餐有4位六折優惠即刻訂個位先，抱住膽粗粗嘅態度同朋友去試吓，估唔到又幾令我滿意，首先我覺得員工非常之友善，然後嘢食嘅味道亦吾錯亦有好多款嘅海鮮、蝦、蟹、刺身、蜆同埋一個好特別嘅葡國法式海螺味道吾錯，亦有好多唔同國家嘅美食我最欣賞就係佢嘅印度咖喱真係好好食咖喱雞配呢個印度薄餅好正，亦有好多款燒既肉類牛、豬、三文魚、羊架，最欣賞就係三文魚同埋羊架忍唔住食多兩嚿添，仲有女仔最重要嘅甜品胃，有好多唔同嘅甜品選擇例如芒果班戟、法式焦糖燉蛋、榴槤巴斯克蛋糕、木糠布甸、芒果卷蛋我都好欣賞，同埋最重要最重要最重要有Haagen-Dazs同MOVENPICK雪糕任食，即刻食多兩杯都值回票價。今日既午餐同朋友都食得好開心。已經唔知幾耐冇試過食到咁飽啦。人均$300左右，講真呢個價錢可以食到呢個質素同埋可以喺尖沙咀食到一餐自助餐。認真性價比係幾OK。…查看更多