Cafe 1950歐陸餐廳

原本想食個間店臨時休息，同事想起有一間西式餐廳未試過所以去了。基本上環境幽靜，係中午時間居然唔滿座...一坐低就送來一碗麵，這是第一次送錯。菜單一本打開就得兩面，於是三人各點了午餐，飲品自取任飲。等了一會送上雞扒麵，我們沒叫過，結果個女侍應行左去好遠，全場得兩個人。這是第二次送錯。後來我們order的終於來了，就像三碗公仔麵。我同同事叫的是韓國部隊窩麵，有生雞蛋、漢堡肉、芝士同香腸。可惜，麵少少一碗，腸是廚師牌雞肉腸，漢堡肉係老麥早餐個種，蛋白很難撈上來吃，完全沒吃飽！我們決定black list呢間店，不會再去了!!!…查看更多

這日決定來這間食Lunch，貪其坐得舒服又可以任飲我的是燒肉汁黑豚腩肉飯。$42，用料還不錯，肉質幾嫩滑。燒汁都夠味。最大賣點當然是有得任飲，如此就度過了一個攸閒的LUNCH TIME。…查看更多

又貴又唔好食。汽水完全無汽。千層麵完全係難食，只覺好腻，完全比唔上上次係尖沙咀一間cafe食既。豬手根本可以唔洗試，千萬唔好相信facebook d打手。個意粉我覺得saizeriya果個仲好食過佢😂…查看更多

午市時間途經，見環境不錯入內一試。人不多，座位闊偌，播著音樂，令人舒暢。餐廳的選擇很多元化，咖喱，喇沙，韓式，西式... 不難揀到想要的。午餐連餐飲。特別的的餐飲無限添，去飲品區自己搞掂。汽水，茶包，還有機打的咖啡，豆漿，朱古力。按下了cappucino 的按鈕，立刻打了杯冇乜泡，味道怪怪的cappucino 來。點了的喇沙豬排烏冬同樣唔掂。烏冬是超級市場10蚊四包的質素。本來最期望的喇沙湯底，跟喇沙味即食麵味精粉造出來的沒兩樣。沒椰香。最怪的是加了一隻冬菇和小許芽菜，除此其他都沒有了，沒有蝦米，沒有豆卜，碗底仲要有啲未溶嘅粉。更肯定，這根本就是即食麵湯底。…查看更多

第二次光顧這店，上次午餐，今次晚餐。我們叫了肉眼扒和德國咸豬手，有湯、麵包和餐飲。餐湯是羅宋湯，色味都略淡，不喝也罷。麵包夠熱都ok啦。肉眼扒配飯，我叫了五成熟，但來的應該有七成。不過都不會太靭，而且都仲有肉汁，份量算大件。整體都幾滿意。另外叫了德國咸豬手配薯菜，是已起骨分件的。也可選擇整隻上菜。外皮相當香脆，而且份量十足，薯條是粗薯，賣相很吸引。惟醬汁太少，若要多取要加錢.我 本身不愛酸菜，所以不知道好壞，個人認為一般。這裡點餐後，飲品任飲，有汽水、茶包、咖啡及朱古力等等。座位寬敞，閒坐或靜靜晚餐都很舒服。…查看更多

元州商場俾人嘅感覺都係冇乜好嘢食。今日係呢度發現到呢一間餐廳，大部份網上的人都認為係一間性價比幾高嘅西餐廳，所以真係試一試。呢度頭頂嘅裝修好似工廠大廈咁，用啲好舊式嘅燈泡，都係用下啲木枱啦，鐵枱等，比人的感覺都係有啲懷舊feel，地方尚算寬敞。全日供應美國頂級生蠔，但由於肚仔唔舒服，唔係太想食生冷野，所以今次都係唔試住，下次有機會要食下。呢個焗肉醬薯條賣相幾吸引，不過可惜焗完之後啲薯條有啲冧，破壞曬成個菜式。呢一個芝士咖哩炸雞飯都算係都幾有誠意架，芝士嘅份量都幾十足，不個炸雞就冧冧地炸得唔係太香。呢兩樣野買單加埋＄82，食到非常飽，都算係抵食之選，跟餐仲要汽水免費任飲。…查看更多

以前諗都冇諗過喺屋邨可以食到好西餐嘅不過時代唔同喇 屋村仔女都可以有好享受就係呢間 Cafe 1950 歐陸餐廳只要唔係搞搞震 而真係入去幫襯 飲品就可以任飲任添呢間餐廳仲有生蠔食 而且價錢都幾平 咁就叫咗半打唔同種類嘅生蠔嚟食 價錢我就唔記得咗喇溫泉蛋凱撒沙律 $56味道好清新 蔬菜又好新鮮 咬落索索聲 沙律汁甜甜酸酸 好好味 夏天食就係最正半分美式豬仔骨拼匈牙利鴨胸配薯菜 $79好長又好難記嘅名 美式豬仔骨煮得好林好入味 一咬肉條骨就離開 味道甜甜酸酸 真係幾好味。 鴨胸都煮得好林好香 薯菜都係好好味…查看更多

琴日黎左依間cafe 食個晏畫。其實就唔常來既，嚴格黎講，今次都係第一次過來食。餐牌其實都幾多野揀既，但睇來睇去都係石鍋飯最合眼緣。其實講開都幾意外，因為冇諗到會係歐陸餐廳見到啲甘韓風既食物。其實上到黎個賣相都係幾靚仔既，滿滿既熱氣蒸騰上來，比人感受到石頭鍋個種吸引力。食石頭鍋飯第一件事係做啲咩? 當然係影相啦哈哈哈，但影左半秒鐘後，就要即刻去攪勻啲配料,再睇下整唔整到飯焦。試問整唔到飯焦既石頭鍋飯，又點叫石頭鍋飯呢? 好彩依個石頭鍋都夠熱，所以都整到焦脆既飯粒，可能係炒過既原因，所以都幾乾身。泡菜都係我好鍾意食既野，雖然依個泡菜唔係正宗味道，亦都唔算好辣，但對於香港人來說，可能更合口味吧。豬頸肉倒是不錯，切得岩條紋理，本身個質地都係脆，醃得幾香口入味，整體黎講，唔錯既午餐黎!…查看更多

今次去左間半自助式的cafe，環境大而且坐得舒服餐飲可以自己出去任拎，仲要係無限添飲，而order的晚餐就有專人送上第一時間睇睇menu，種類多元化，價錢都十分經濟，難怪受到街坊歡迎 肉醬千層麵味道岩岩好，千層麵口感彈牙，面頭的芝士亦非常濃厚，充滿蕃茄既肉醬滲透到每層麵之間，酸酸甜甜中和左芝士的油膩感，不錯 德國脆皮豬手必食之選，絕對份量十足，豬手外表燒到好靚，皮脆肉滑，肉質鮮嫩juicy，食起來啖啖肉之餘又吾油膩，但個人認為咸左少少，不過配上蕃茄醬或黃芥末醬都非常惹味。旁邊既厚切薯條亦炸得出色，金黃爽脆，薯味濃郁 千島海鮮薄餅pizza好多芝士，批底香脆又唔乾，食落煙煙韌韌，配料有好多魷魚，海鮮入口爽脆，加上微酸的千島醬，令人胃口大開呢 紐西蘭西冷牛扒牛扒點左7成熟，煎得好香而且大大份，肉質嫩滑，入口軟熟有肉汁，搭埋惹味的黑椒醬汁，確實係最佳配搭 …查看更多

來到長沙灣一帶本來一嘗某家日式料理，豈料碰上該店落場，於是隨意找了一家食店坐下「醫肚」。我點了下午茶餐T6.鰻魚汁穀飼肥牛飯一客，以及1隻美國泰勒石蠔。先講肥牛飯，鰻魚汁與肥牛的配搭不錯，肥牛的用料不錯，頗能從中吃出牛的鮮味，而且才盛惠36元，算是不過不失。而石蠔則令人小有驚喜，價值19元的石蠔，雖然比較「細隻」，但是卻非常鮮甜且無腥味，值得一讚。此外，店鋪的擺設和設計非常有心思。總的來說，我對這家餐廳的評價還不錯，但是看到Openrice中對此店的評價之高，倒是讓人感覺有點驚訝。…查看更多

今日11點食了一餐午飯，但係味道不好！同朋友係長沙灣行行下，一於嚟個下午茶先！我哋叫了一個豬扒豬仔包～賣相吸引！包皮有小小脆，內面都軟熟！包內有生菜，蕃茄，腍腍的豬扒，味道唔錯！加上一杯可 refil 的齋啡，飲完仲可以添加！居然藉得一讚就係個沙律～凱薩沙律，有蕃茄麵包糠，新鮮生菜，加上沙律醬汁混合一起！唔錯！唔錯！不過服務態度麻麻！…查看更多

生日諗住黎呢到有生蠔食點知黎到7點半都未到坐底左先黎話賣晒生蠔其實野食真係好一般燒春雞入味既，不過就燒得過左火位，有d 靭薯條軟身，係d豆夠汁好食西班牙海鮮飯ok既 好多芝士，不過d飯就一舊舊咁，但都ok既白汁白酒煮青口， 咸，蒜味濃不過都食到少少白酒味最後個碟茄茸吞拿魚意粉，小學生飯盒級數，茄汁加罐頭吞拿魚撈意粉，大家都無意欲想食。另外野飲係自取既見佢有豆漿未試下囉點知係溝水溝到無味D野食好快上晒檯未食完已經凍晒係經理同侍應服務好唔會再返轉頭食小學生飯盒，同飲無味既豆漿水…查看更多

之後搬到深水埗長沙灣一帶後,身為無飯煮婦的我當然同相公周圍發掘一下周邊地方食飯, 而這間Café1950 見到佢好似幾High Class (有生蠔食喎) , 但又算合理的價錢, 就同我相公入去食下先..入到去都幾大地方, 而且裝潢都頗有特色.而另一吸引的地方, 只要你叫套餐的話, 汽水咖啡茶任飲的呢~當然先來個泰勒石蠔 (HKD19 / 隻體驗價)及太平洋石蠔 (HKD26/ 隻)蠔以這個價錢來說已經有驚喜, 新鮮之餘都有蠔鮮味, 不算太Cream, 抵食過口癮之選.美式燒豬仔肋骨(HKD148), 我就選配燒汁, 這個350oC 高溫的澳洲火山石板燒究竟燒出甚麼樣的豬仔肋骨呢~以燒豬仔肋骨來說都好似有幾多肉食, 而且見其肉的顏色都還帶有粉色狀..燒汁帶甜, 而咬咯落下肉質都出奇地鮮嫩, 不會像平時的那樣燒得乾身鞋口.炸薯條是我喜愛的粗炸薯條, 熱辣香口.三重芝士肉醬焗雞扒飯 (HKD68),芝士非常豐厚芝味, 厚到呢….而濃重的芝士味配上帶蕃茄酸味的肉醬, 可以中和了芝士的油膩感, 加上用上砵仔似的器皿焗這雞扒飯, 熱騰騰, 原汁原味~而這個溫泉蛋米蘭肉醬寬條麵 (HKD65), 賣相都頗為吸引之餘, 溫泉蛋一刺就慢慢流出蛋汁, 與肉醬拌勻, 美味可口而且早上6:30am 就開始有早餐食, 適合早起人士呢~…查看更多

以前住這裡附近的時候，元州商場還未裝修到現在的模樣，也當然還未有這家餐廳。一直以來都很少光臨連鎖式的屋邨餐廳，一來水準不佳，二來我還是比較喜歡有人情味的小店。這天跟寶寶到舊居附近逛，看到Cafe1950的環境好像蠻舒服的，還是便一試。跟寶寶各人點了一份午餐。吉列蝦茄茸意粉($50)意粉出乎意料地好，因為一般連鎖餐廳總是將意粉煮得有幾淋得幾，而這裡的反而還保留了彈性。加上蕃茄茸帶點煙霧煙燻香味，味道還挺不錯。吉列蝦炸至金黃色，稍嫌炸粉略厚，不過蝦肉很彈牙很爽脆。豬扒撈公仔麵($44)將豬扒稍為炸香過，把肉汁都保留在內，所以肉質完全不會老或韌，而且醃得很入味。豬扒煮得很好。最好的是這裡的餐飲是無限refill的，只要點一份午餐，便可以到drink bar自助取飲品。除了汽水外，居然還有nescafe以供選擇。 …查看更多

今日去深水埗搵朋友食晚飯，真係無諗過係屋村區都會有間歐陸風情嘅餐廳。環境舒服，地方闊落，仲有一個自助飲品區，有咖啡、奶茶、汽水同唔同嘅茶包，真係任君選擇 Cafe 1950提供世界各地嘅美食，所以種類有好多，有三文治、小食炸物、意粉、窩飯、扒餐同火窩等等！而最意外係，竟然仲有生蠔，有成三款比你揀 呢間餐廳真係有別於平時普通嘅Cafe同西餐廳！既然有生蠔，我同朋友就order左美國太平洋石蠔($26/pc)同美國超大珍寶蠔($39/pc)。餐廳用一塊冰水座住生蠔，以保持新鮮 太平洋石蠔 : 蠔肉肥美，海水味濃但帶鮮甜味 超大珍寶蠔 : 分量十足，有成隻手掌咁大。而海水味就比較淡，但肉質同太平洋石蠔相比更為爽彈 之後亦都叫左個黑松露卡邦尼煙肉意粉($79)，黑松露香氣撲鼻，而且份量十足！但意粉質感偏腍，令整體口感略為扣減一啲分 卡邦尼汁味道唔算太濃，但比平時嘅較為濃稠。除左Main Course之外，當然要叫啲小食喇！對於芝士愛好者黎講，我地又點會錯過芝士拉美式燒豬仔助骨($118) 豬肋骨醃得非常入味，而且肉質腍身易離骨 芝士份量真係好多好多，不過要快啲卷起佢包住豬助骨食，唔係就會好容易燶 最後，我地仲叫左德國啤酒焗雞($99)。嘩！個presentation吸睛度極高 雞雖然唔大隻，但兩個人share真係岩岩好 雞皮焗到香脆，肉質亦唔韌，肉汁仲慢慢滲出黎。但啤酒味唔夠特出，有少少失望！Cafe1950嘅野食多元化，下次黎真係要試下其他國家嘅小食。當然想平食生蠔過下口癮，呢到絕對岩哂！…查看更多