Burger's Friend Forever (希慎廣場)

营业中

休息中

【蜆肉多到嚇親 抵食學生優惠 希慎高質漢堡🍔】 之前已經好鍾意食bff 咁岩喺希慎見到佢就去試下位置就腳到爆 行街行到一半想坐下一流～主打美式漢堡同西式意粉🍔 「特濃花生醬安格斯煙肉漢堡」-安格斯牛漢堡夠厚夠份量 花生醬+煙肉嘅鹹甜配搭有創意不過花生醬唔濃味 跟餐薯條（+$20）is my fav! 粗身脆口 上菜嗰陣熱辣辣 調味好jeng🍝 「白酒蜆肉意粉」-蜆肉多到癲！目測唔到有幾多粒 我淨係知有好幾啖我都係淨係食到蜆無意粉🥹🤣 食到最尾都仲有蜆 我唔知係我手氣好 定標準份量係咁多🥰白酒汁清新但唔係掛汁type 帶點蒜辣味 開胃的-配左跟餐沙律「黑松露雞菌湯」 每啖都飲到濃郁菇茸香 ✨見到有學生優惠 出學生證免費升級套餐 都可以多杯飲品同薯條幾抵deal 現場都見到學生哥食緊$100左右有個質素唔錯嘅漢堡套餐，仲要蜆肉多到咁誇張，絕對係良心之選！建議花生醬粉絲可以主動問店員追加多醬～

小妹今晚去咗希慎廣場逛街，點知落到B2樓層原來開咗不少多元化餐廳🍴成個美食廣場咁，仲好易搵位~逛咗一個圈都係比呢間漢堡餐牌及周圍既環境，吸引住😍餐牌上有各式各樣既漢堡包選擇，部份口味更有別於普通餐廳既款式😚餐廳採用較暗沉既顏色，打造時尚型格風格🤭白酒蜆肉意粉🍝看似份量少，實際好多，每條意粉均掛滿橄欖味道，而且柔韌度剛好，每條意粉均有口感😋酒味及辣度調配得剛剛好，味道濃郁，酒味氣味撲鼻，蜆肉份量不少，食到蜆肉既鮮甜味道，帶來豐富獨特的風味，非常滋味可口🤩田園沙律🥗沙律非常新鮮，除沙律菜，更有蕃茄粒，份量正常😙套餐包可樂🥤黑松露雞菌湯🥣份量不少，一飲已經飲到非常濃郁黑松露味道，性價比高👍🏻😛候斯頓漢堡餐BBQ🍔餐廳主打全天然牛肉🐂沒有激素，望落去都覺得啖啖肉，非常Juicy 🍔 牛肉很淋，多汁兼厚身，麵包外皮好鬆軟，帶點微脆，口感豐富；內裡除咗牛肉外，更有蕃茄，洋蔥等，非常足料😃漢堡包加咗配料除豐富口感外，更令個包唔會太油膩，食落去唔會覺得膩😌跟餐薯條🍟候斯頓漢堡旁邊就擺咗香脆有皮薯條，呢款薯條想對粗身，每條都香脆可口🍟薯條皮帶點煙韌，食落好有咬口，當食到熱呼呼既薯條真係好開心😋❤️整體黎

希慎廣場底下兩層有好多美食，今次試咗BFF💫🍔侯斯頓漢堡 美國穀飼安格斯牛肉配秘製燒烤汁件車打芝士，蕃茄，煙肉，羅文菜及紫洋蔥加配薯格 （我叫咗套餐，所以有🥗田園沙律同埋汽水 ）漢堡嘅主角係美國穀飼安格斯牛肉，肉質鮮嫩多汁，配上秘製燒烤汁，味道濃郁。車打芝士融化得剛剛好，增添咗一份滑溜感。而蕃茄同煙肉嘅搭配，令整個漢堡層次更豐富，口感更佳。羅文菜同紫洋蔥帶來清新嘅口感，令味道唔會太膩。套餐中嘅田園沙律清新爽口，味道相當清淡，適合搭配重口味嘅漢堡。再加上一杯汽水，真係完美嘅搭配。🍝香蒜白酒蜆肉意粉配黑松露雜菌忌廉湯 意粉煮得剛剛好，醬汁濃郁，蜆肉可以係話大量！好滿足！黑松露嘅香氣令整道雜菌湯更加高級。

由細到大都鍾意食漢堡近年對Burger有所追求最近去咗銅鑼灣希慎呢間Burger店全部都係即叫即製足料有份量揀咗兩個套餐．好有份量✨特濃花生醬安格斯煙肉漢堡厚厚嘅漢堡勁足料安格斯牛肉汁豐富估唔到同花生醬嘅味道咁夾粗薯條即炸好香脆除咗Burger出色．意粉都有水準✨白酒蜆肉意粉熱辣辣嘅意粉．舖滿海量蜆肉加入洋蔥．菇菌．口感更豐富✨田園沙律沙律菜新鮮爽脆配上酸醋更開胃✨黑松露雞菌湯將菇菌打磨蓉滲出啖啖黑松露味道．香濃又Creamy

今日中午去咗 foodcourt 嘅 Burger's Friend Forever 食午餐，今次試咗佢哋嘅炸雞扒漢堡套餐，另加薯格同汽水，成個組合食落飽足感十足。炸雞扒外層香脆，內裡嫩滑多汁，咬落去唔會太油膩，配埋清爽嘅生菜同醬汁，味道幾平衡。漢堡包麵包鬆軟，有微微烘過嘅香氣。薯格炸得酥脆，調味適中，作為配菜非常討好。汽水就係快餐嘅標配，解膩又提神。呢間餐廳除咗漢堡，仲有提供意粉選擇。我之前試過佢哋嘅白酒蜆肉意粉，意粉掛汁力高，蜆肉鮮甜，調味偏清爽，屬於中規中矩嘅出品。整體嚟講，Burger's Friend Forever 嘅出品算穩定，選擇多樣，係 foodcourt 入面一個唔錯嘅快餐選擇，想快快食返一餐又唔失質素嘅話，可以一試。

銅鑼灣希慎廣場地庫B2  food court, 真係一個好地方. 坐得又舒服,無人趕, 最重要係有好野食.   其中有間出色嘅漢堡快餐店 「Burger's  Friend Forever」, 佢地嘅出品真係唔錯. 特濃花生醬安格斯煙肉漢堡成個漢堡賣相已經非常吸引, 鬆軟 金黃色嘅包,有微微嘅鹹味. 配上一塊厚厚嘅安格斯牛肉漢堡  , 鋪滿咗融化嘅芝士 再配埋一層香濃嘅花生醬,  一口咬落去 肉汁四溢 , 多重口感,  花生醬, 芝士, 漢堡, 新鮮嘅生菜同蕃茄,  呢款漢堡真係好有驚喜 . 白酒蜆肉意粉新鮮海量既蜆肉配埋白酒香蒜奶油醬汁，彈牙扁麵，口感一流,  加上少許辣味, 多重口感非常平衡 唔會過膩. 田園沙律新鮮的生菜和番茄, 剛好解漢堡肥膩感.  黑松露雞菌湯濃郁黑松露香氣, 菇味好重 好creamy, 絲滑嘅口感,餐前開胃 。呢一餐快餐有驚喜有質素，性價比高！Burger's Friend Forever📍銅鑼灣軒尼詩道500號希慎廣場B2樓URBANHOOD B208號舖

呢間餐廳位於希慎廣場地下樓層，呢層有好多餐廳其中一間係食漢堡包既餐廳，位置係自己揾位坐既。我地叫左一個好有特色既花生醬牛肉漢堡包，佢加入左花生醬既口感有咬口既花生粒同漢堡出奇地夾，食落好濃郁花生醬味，牛肉都好厚身juicy。配埋即炸薯條好香脆。除左漢堡呢度仲有意粉食，叫左一份白酒蜆肉意粉，蜆肉超級超級多，鐘意食蜆既朋友岩晒，加左15蚊配左個菌湯，菌味超濃同creamy,再加20蚊就有一碗沙律岩晒想食得健康d又豐富d。

朋友鍾意食burger，見到希慎B2嗰層有啲好有特色嘅漢堡包，於是就陪佢試吓。特濃花生醬安格斯煙肉漢堡好欣賞呢個特濃花生醬，食完唔會覺得溜，反而覺得佢同D肉好夾！另外個麵包都烤烘得外脆內軟，再加埋鮮生菜和番茄，口感有唔同嘅層次。薯條跟餐份薯條金黃酥脆，外脆內軟，唔使加蕃茄汁都好好味！田圍沙律沙律內的蔬菜清新爽口，搭配輕盈的油醋醬，十分解膩。黑松露雞菌湯湯品濃郁而富有層次，口感滑順，有淡淡的黑松露的香氣。卡邦尼意粉意粉柔韌而不黏，醬汁濃郁，奶香四溢，煙肉味道鹹香，放落意粉度好好味！

今日同朋友去銅鑼灣希慎行街，順便一齊食埋個Dinner～睇到B2好多餐廳，咁岩望到🍔Burger都吸引，就揀左呢間食🤗特濃花生醬安格斯煙肉漢堡 加 跟餐薯條🍟+可樂味道好有驚喜，本身朋友話想試花生醬我驚會唔夾，好彩佢夠堅持要食😂，花生醬配上安格斯漢堡既牛香肉汁原來可以咁好食🤤，勁juicy，令味道更昇華咗一個層次白酒蜆肉意粉加配 田園沙律 🥗 & 黑松露雞菌湯 蜆肉意粉啲蜆肉多到滿瀉🩷😂，幾乎啖啖都可以食到蜆肉，蜆肉鮮味十足，好好味😋，另外黑松露湯都好creamy，口感綿密勁濃郁

有時想食個快餐，又唔想坐得迫促，想坐得舒服啲、坐耐啲，聽落好似有啲矛盾。不過，希慎廣場地庫B2樓就真係有個咁嘅寶地。環境舒適、座位闊落，連洗手間都乾淨靚仔，難怪我今日又約咗同事嚟食個漢堡同意粉快餐。今次試咗佢哋新推出嘅鐵板漢堡包，漢堡放喺熱辣辣嘅鐵板上，淋滿濃郁芝士醬，香氣撲鼻，麵包吸滿芝士真係好滋味。剩低嘅芝士仲可以點薯條食，唔好浪費！加$20就多咗薯條同汽水。薯條係粗身、連皮嗰種，炸得外脆內軟，味道一流。同事點咗個白酒蜆肉意粉。意粉堆得高高，配埋深碟，份量超足，蜆肉多到數唔晒，食得非常滿足。跟餐配埋沙律和黑松露雜菌湯，香氣濃郁，成個餐升級晒。

原來而家銅鑼灣希慎的food court開了好多特色餐廳🤩🤩行咗一轉最後揀咗食「Burger‘s Friend Forever」 ，因為見到佢地的漢堡好吸引🍔！除了漢堡，佢地仲有提供意粉、全日早餐、小食、沙律等，實有款啱心水❤️❤️🍔鐵板雙重芝士漢堡 $118✨賣相吸引！漢堡放在喺鋪滿芝士醬的鐵板上面🧀，超邪惡！！漢堡採用全天然美國穀飼安格欺牛肉🐂，肉質鮮嫩juicy！加上車打芝士、蕃茄、紫洋蔥 、生菜等配料，健康又美味🤤🤤🍟香脆有皮薯條 (+$20)✨薯條偏粗身，咬落外脆內軟，薯味濃郁！份量都好多👍🏻👍🏻🥣黑松露雜菌忌廉湯 (+$15)✨忌廉湯口感creamy，啖啖黑松露香～裡面仲有唔少菇菌碎，好足料！！

創新漢堡芝味滿足鐵板漢堡以炙熱鐵板上餐，厚實既牛肉餅係熔岩般芝士瀑布承載住，肉汁與半融芝士融為一體，粗薯條蘸滿濃郁芝士醬，罪惡感爆錶。白酒蜆肉意粉海量既蜆肉加埋白酒奶油醬汁，蒜片同洋蔥加彈牙扁麵，好有口感。田園沙律橄欖油香氣加蔬菜剛好和芝士既油膩感。黑松露雞菌湯黑松露味道好濃，菇味都好重，仲要超creamy。人均都係$120左右，Fast Food黎講有驚喜有質素，高性價比！#burger #漢堡 #漢堡包 #fast food #薯條 #意粉 #foodie #foodiehk #希慎廣場 #銅鑼灣 #銅鑼灣美食

Burger's Friend Forever銅鑼灣軒尼詩道500號希慎廣場B2樓URBANHOOD B208號舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐⭐食物推介：鐵板雙重芝士漢堡 $98，香蒜白酒蜆肉意粉 $88，田園沙律 +$20，黑松露雞菌湯 +$15鐵板雙重芝士漢堡：香軟的漢堡包夾著多汁的牛肉餅，肉質鮮嫩，令人一口咬下便能感受到肉汁的滋味。雙重芝士填滿了整塊鐵板，融化的芝士在熱氣中散發出誘人的香氣，與牛肉的鮮味完美融合。配上新鮮的生菜和番茄，增添了清爽的口感，鐵板的熱度使得漢堡持續保持溫暖，讓人感受到熱騰騰的美味！😄😄😄香蒜白酒蜆肉意粉：新鮮的蜆肉數量多得驚人，與香蒜和白酒一同炒製後蜆肉的鮮甜味道充分釋放。意粉煮至恰到好處，其彈牙的口感與蜆肉的柔軟形成鮮明對比，值得一試！👍👍👍田園沙律：新鮮的生菜和番茄，淋上特製的醬汁，清爽的味道讓人感受到自然的鮮美，是一道理想的開胃菜！😍😍😍黑松露雞菌湯：味道濃郁香醇，散發著誘人的黑松露香氣，味道鮮美，帶有滑順的口感，搭配芝士漢堡及蜆肉意粉享用簡直一流！😋😋😋

朋友發掘到希慎樓下原來有漢堡食仲要唔係淨係得漢堡仲有意粉㗎而且佢仲有分店喺元朗，係西餐廳嚟㗎signature 有漢堡同埋意粉，沙律等等（只限元朗店）唔講唔知佢嘅漢堡包係用新鮮牛肉整所以絕對可以話係一個健康漢堡包而Yoho mix 嗰間係唯一一間漢堡西餐廳，除咗元朗之外，銅鑼灣同啟德都有分店🤎特濃花生醬漢堡餐其實係特濃花生醬安格斯煙肉漢堡嗰包嚟到熱辣辣，花生醬淋滿晒成個漢堡因為係用新鮮牛肉整，所以食落都好Juicy加埋花生醬個感覺好特別雖然有花生醬，但係塊煙肉都仲係脆架最開心佢係粗薯條仲叫咗個黑松露雞菌湯我想話超正，因為係超足料🤎白酒蜆肉意粉餐呢個意粉真係不得了首先佢已經好大碟，而且啲蜆肉多到食極都有欣賞佢意粉嘅軟硬度煮得啱啱好而且白酒同蜆肉味道仲好香田園沙律啲菜都好fresh

今日晏晝去銅鑼灣附近行街，咁岩去希慎廣場度行下睇下盲盒玩具，點知發現原來附左樓上有food court 咁多美食之外，原來B2果層都有好多野食。同屋企人走去食個下午茶先。我見到呢間漢堡店啲種類都好多，好吸引🤩我叫左個候斯頓漢堡包餐BBQ跟薯條同可樂🩷🩷🩷🩷🩷🩷 佢個漢堡包表面好脆內軟，而且個牛肉漢堡扒煎到岩岩好，好juicy之餘又唔會好乾，配搭BBQ醬再加埋啲脆洋蔥，生紫洋蔥，蕃茄生菜同埋車打芝士，增加豐富嘅口味，好過癮又好食🤤個套餐仲加配咗薯條炸到好夠香口乾脆，飲埋罐可樂好爽，正呀呢個搭配👍🏻另外我見到佢有意粉系列，我叫咗白酒蜆肉意粉配黑松露雞菌湯同埋田園沙律🩷🩷🩷🩷🩷個意粉一嚟到真係覺得物有所值，勁爆多蜆肉同埋食落去係彈牙，再加多少少白酒落去煮，帶出蜆肉嘅鮮味，意粉軟硬適中，外觀已經好夠吸引，仲要好有內涵。黑松露雞菌湯飲到絞碎咗嘅菌類既粒粒口感，再配埋黑松露嘅香味田園沙律沙律都好夠新鮮爽脆，配搭酸甜嘅汁好開胃。冇諗過呢度隱藏咗間高質漢堡包店👍🏻下次再食吓其他漢堡包。