Burgerman (埃華街)

营业中

休息中

顧名思義，這是一間專吃漢堡包的地方。除了牛肉外，還有很多不同的種類：雞、豬、菇類，甚至軟殼都有的，種類繁多，叫人眼花瞭亂。不過還是牛的較吸引，但是這天飛驒牛售罄，只好選普通的和牛來吃了。但既然是和牛就沒有失望了。牛肉味很香很濃，放在咀邊未放入口就已經聞到了。配上磨菇汁，牛肉的味更加濃郁，味道很配合。肉質也很軟，很易入口。絕對是和牛應有的質素及表現。包經過烘焗，外層更加上芝麻，口感脆香爽，與和牛一起吃真的非常美味。整體就是叫人喜的質感和味道。

終於輪到我帶男朋友食好野啦!!YEAH~有次男朋友話灣仔某間Burger 唔好食, 所以食次就帶左佢黎試"Burgerman"!舖頭細細, 高凳高枱好有酒吧feel~我試basic 款"招牌芝士漢堡"+大啡菇再+沙律(餐); 男朋友話要試特別野, 就係"丹麥藍芝士漢堡"芝士足, 漢堡肉厚而且多汁, 係一咬落去就爆汁個種; 大啡菇都係juice; 我就覺得"藍芝士"同漢堡真係唔多夾, 可能因為我本身唔中意食藍芝士陣味啦~不過漢堡裡面唔係好多藍芝士,陣味都可以接受到既~沙律都叫多, 醬係黃芥末醬, 唔係我中意的醬, 好彩多沙律, 逼男朋友食晒面個層我就有得食~跟餐仲有汽水~食晒都覺得未夠飽就決定叫多個炸薯格~塊塊薯格都好大塊, 食埋就終於飽啦~

呢日陪女皇大人喺大角咀呢邊做完d正經野，就係附近見到呢間食漢堡既小店~~見到個burger餐套唔貴啵，反正我地都好耐無食，一於試試呢間既質素如何先！！呢度既地方唔大，店內有十多個位置左右，幸好當時大概兩點左右，所以唔太多人，揀好就可以坐底等食~~我同女皇大人都係lunch set到揀左一款漢堡，我揀既係“招牌芝士漢堡”HKd$58配薯條可樂😍😍😍而女皇就要左雞肉個款，同樣都係HKd$58，不過佢就揀左配田園沙律~~之後仲加左HKd$58要左八隻“煙燻燒烤雞中翼”同佢share~~檯面上有齊茄汁、紙巾、膠叉同手套，方便食客自行取用 😊😊由於係即整，所以都要等大概十分鐘左右先有得食xppp女皇話個雞肉漢堡味道辣辣地都幾開胃~~而我既芝士漢堡都做得幾出色，包身烤烘得脆而不乾~牛肉漢堡厚而juice，調味剛好！！配埋半溶既芝士片、新鮮既蕃茄片同生菜，呢份滋味絕對係連鎖快餐店搵唔到架！！！另一個驚喜位係佢地既粗薯條！！每條都炸得金黃香脆，帶皮粗身既薯條外脆内粉，仲可以隨意沾上檯面上既茄汁或者千島醬添~~追加既煙燻雞翼都幾惹味，雞肉亦唔會乾爭爭，加上個燒烤醬帶酸，所以一人一口氣食晒四隻都毫無難度x

真·即叫即做 街坊價 高質漢堡店內環境唔算大 半open kitchen但冷氣及通風好夠 唔會食到熱辣辣😌唯一一樣唔好就係冇洗手間🤫快餐形式：先購票 店員會稍後送餐等候時間約10-15分鐘1. 日本飛驒牛漢堡Combo（可選配香脆有皮薯條/薯格或田園沙律，及罐裝汽水）$98+$20（Combo)2. 特級黑松露和牛漢堡$98出面一塊急凍和牛/飛驒牛漢堡扒都唔平，呢個價錢算係抵食👍🏻 漢堡包面和底都有微微烘過 鬆軟脆脆的 配黑白芝麻提升口感同香味飛驒牛好厚身 稔稔好多汁 不過芝士同牛味就唔太濃 重口味嘅人就應該覺得唔夠味喇配料有煎蛋 翡翠苗 蘑菇 日式芝麻醬店提供嘅細心服務：檯面有 膠手套 紙巾 叉 茄汁 芥末 蛋黃醬

這晚放工巧遇中學同學,碰巧大家亦没有約,不如一起吃個飯。我們特意回到中學附近,順道懷緬一下。原來幾年之間,已開了不小新餐應。大家都決定不了吃什麼,看見這家漢堡店的食物照片頗吸引的,就這家吧。餐廳不算太大,只有十多個座位,全都是高擡,感覺有點像酒吧。和牛漢堡,和牛非常juicy,一吃下去便嚐到它的油脂香味,整個口腔都充滿著肉汁。最特別之處是它裡面是芝麻醬,原來除了吃火鍋以外,和牛配芝麻醤都是很配的。漢堡還夾著翡翠豆苗,我認為整個漢堡的配搭都十分新鮮,帶點日式風味。炸魚漢堡,足足有兩大塊魚柳,炸粉薄尊一層包著嫩滑的魚柳,加上生菜,蕃茄和他他醬一起吃,十分滿足。其中一個漢堡加了$20變成套餐,配薯格/薯條/沙律跟汽水。我們選了薯條,薯條其實是帶皮的薯角,外皮香脆,內裡是粉粉的薯仔,吃過不停。我們還叫了一個炸芝士條,粉漿裏著原條芝士,十分邪惡,不過略嫌粉漿厚了一點。這刻好像回到中學時,跟老友放學後一起吹水吃飯。大家都約定要保持聯絡,定期再一起發掘好餐廳!

大角咀有好多唔同菜式美食，咁啱經過見到好吸引好想試下和牛漢堡，入到店內即order和牛漢堡，服務員同我哋講賣完和牛漢堡 ，有點失望添，唯有叫其他漢堡丹麥藍芝士漢堡漢堡好香牛味一口咬一啖肉汁流出 配合藍芝士好香濃 ，麵包烘過外脆內軟併沙律🥗可樂🥤 Perfect 漁夫之堡麵包外脆內軟，除左麵包香外，仲帶有黑白芝麻既味道，另外一個主角龍脷柳，用上日本麵包碎炸成吉烈魚柳，香脆爽滑，亦無咬落成口粉既感覺，可見炸漿薄身。另外，配合菠蘿他他醬，生菜同蕃茹，味道上可以平衡返吉烈龍脷柳既油膩味道，配合芝士融化晒落麵包上。好味加$20可以叫一個套餐，有沙律/薯格同汽水一杯，真係好低

距離上一次食已經有差不多兩年，今次落單叫左招牌芝士漢堡。招牌芝士漢堡🍔🍟🥤味道比想像中失色🙁值得一讚係即叫即做🔥蕃茄片🍅完全冇味，塊漢堡🥩味道正常，但咬落去好似散散地咁有皮薯條分量都可以接受，而且夠熱食落口幾好味👍🏻美中不足係場內支茄汁個唧咀係無蓋，長期暴露係空氣中，雖然方便用但唔係咁衛生🦟。

之前係深水埗去過burgerman, 一直念念不忘， 成日好想再食，可惜我比較少去果頭。點知大角咀既fd話我知佢果頭都有間burgerman!!!終是今日咁啱約左佢又係呢邊收工就黎左大角咀分店大角咀分店好似多野食啲 上次ssp唔為意有pasta我叫左個神戶牛漢堡超好味！ 兩間店既水準都好一致，一樣咁好味一食落去，feel到口感軟中帶點實在，有啲彈牙好正，最重要係不斷有肉汁流入口中，神戶牛肉汁鮮甜，加上入面既胡麻醬撞落芝士度，不得了啊個配合平時我唔太鐘意呢種苗，不過加佢落漢堡有啲脆卜卜既口感又幾正喎講真，用靚牛整既漢堡真係唔同啲薯格都好高質。超脆口，重薯味食唔停

大角咀burgerman平時都有食下既～ 而家天氣咁凍唔想坐係度食就外賣番屋企食一邊睇電視一邊啦🤪🤪🤪天氣凍左食量都大左😂😂😂所以想要一個勁大size既burger《至尊漢堡》$88 呢度如果想轉套餐嘅話加返$20就可以變套餐喇～今次跟餐嘅我揀咗薯格～住家揸得好香脆，就算拎到返屋企都唔會變到軟林林😬除此之外男主角想要一個《水牛城雞肉漢堡》$58本身想要個《鹿兒島豚肉漢堡》$98，但賣晒，下次有機會再試啦唯有😂另外仲要左五隻《水牛城雞翼》$38順帶一題，外賣嘅話就要比多少少錢，因為外賣盒每個收$2 😅😅😅😅😅不過，返屋企食始終都舒服啲呀嘛😊

原來奥運站行大約10 分鐘的大角咀有條美食街好多食肆的平時都唔會經過，不過我地係由太子行過去的,大約15分鐘今日收工同同事去先發現有好多野食，花多眼亂，最後選左食burger亦見到有人等外賣自助落單形式但店鋪只收cash我選左個鵝肝和牛漢堡不過就走左黑醋同蕃茄因為唔鐘意呢d, 即叫即整加20蚊可配沙律/薯條/薯格同野飲所以我都轉左餐+20蚊選左薯格同可樂鵝肝煎到脆的薯格都脆不過有少許油，但so far都唔錯

今日行經奧運站shopping，見到有一間細舖，但入面賣Burger即刻想試吓。佢個餐牌寫到必食嘅係和牛漢堡，於是我就叫咗個和牛漢堡。個fd原本想試飛驒牛漢堡同埋日本豚肉漢堡，但無哂。於是佢揀咗特級黑松露和牛漢堡。兩個漢堡味道稍有不同，一個係有黑松露醬食起嚟同和牛十分之隔夜好惹味。但係兩個漢堡都系用和牛特製，肉質柔軟而且油脂豐富，食落去淡淡油香。而且麵包鬆軟，蔬菜新鮮。特登加左個set，可揀飲品、薯格。薯格香脆、味道適中，一個字正。

去大角咀 覓食 搵到一間食西式burger🍔餐廳 burger唔識好多好特別 叫咗佢個推薦🐮和牛burger 同埋鵝肝和牛burger 兩個都加咗廿蚊要set跟薯格🍟同嘢飲🍹 和牛burger好juicy 未食已經爆汁 而且和牛好厚 一啲都唔係鞋口 不過如果🧀芝士多少少會更好 至於和鵝肝和牛burger 因朋友 走咗黑醋汁同蕃茄 所以望落去比較細但黑醋汁聲稱係話中和和牛同 鵝肝膩感 不過朋友話 鵝肝煎得好脆外脆內軟👍👍 就算走咗黑醋汁都啱啱好 另外薯格比較遜色今次炸得比較油 希望下次會乾身啲啦 另外唔想食🍔嘅朋友都可以選擇一啲意粉🍝款式都唔錯 餐廳仲有提供到會既服務 可以用黎party🎉🎉一班朋友食都冇問題

最近忙著準備聖誕禮物，周遊香港各個大小商場~~這天走到大角咀附近，逛完後找吃的。男友找來的是這間美式漢堡包店~男友點了至尊漢堡；我就點了燒大菇漢堡。另外加了水牛城雞翼5隻。大家也加了廿十元變套餐，可以選薯條/薯格/田園沙律及有一罐汽水。枱面上除了有茄汁，也有千島醬，叉子及餐紙也有提供。不過最令人意外是有膠手套，不用擔心弄髒手。至尊漢堡 - 超級厚! 一口難以駕馭! 麵包面層脆，內裏卻鬆軟。中間有兩塊頗厚的漢堡扒、煎蛋、煙肉，當然也有芝士~還有些蘑菇絲及洋葱絲!  整體非常Juicy~一邊吃，汁一邊滴~ 煙肉煎得香脆，完全是食肉獸的愛!!燒大菇漢堡 - 跟至尊漢堡完全是一個反差，因這是一個適合素食者的漢堡。以大啡菇取代了肉食，同樣配合芝士、蘑菇絲及洋葱絲，也有生菜和蕃茄。啡菇雖然沒有肉堡來得惹味，但也很多汁!  有種清新感。薯條 - 是粗薯條，應該是即叫即炸，到手時熱騰騰的，份量亦很多。沙律 - 新鮮沙律菜、青瓜和粟米配蜜糖芥末醬，沒有一絲不協調感，份量也算多。水牛城雞翼 - 甜酸辣集合一身的水牛城雞翼，醬汁夠，辣味較重，十足惹味。

係南昌站附近打算行到旺角行街沿著大角咀方向行途經呢間burger店店舖細細間，唔起眼同朋友一齊喺餐廳食晚餐點咗兩份漢堡set dinner由於食材層次較多所以必須一直要將竹纖插在漢堡包中央 去食薯條份量都幾多下大概係2包麥記薯條size丹麥藍芝士漢堡 68hkd ＋薯條20hkd＋可樂少量丹麥藍紋芝士一片香脆煙肉酸甜紅洋蔥一片厚身大漢堡少許生菜點綴燒菠蘿雞髀漢堡 68hkd ＋ 薯條20hkd＋椰子水5hkd使用新鮮菠蘿 輕輕燒一燒之後一層車打芝士加上乾身吉列燒雞髀生菜番茄等食材推介枱上有蛋黃辣醬沙律醬？加係吉野雞脾食落有新鮮感，配料有趣

超高身 至尊漢堡套餐88 hkd +20 hkd ＋5hkd高10cm 左右，加5蚊配泰國純正椰子水，飲左下火，兩片面包中間包陷好多材料包括： 蕃茄，生菜，兩片巨型漢堡 ，沙律醬，煎太陽蛋，芝士， 洋蔥絲，蘑菇絲， 煙肉，味道夾， 熱辣辣上枱， 洋蔥，蘑菇汁，好Juicy，一滴一滴喺至尊漢堡入面滴出嚟， 食之前必需要好用力，將麵包加壓，縮短一半高度去食，滋味， 一個人，食好難食得曬， 份量有點驚人， 食埋沙律已經開始爆肚皮食完個肚，非常滿足