Burgerman (埃華街)

营业中

休息中

呢間漢堡包店一直想試，最近終於試到甫踏入門口，已經感覺好有外國feel室內裝潢設計有外國style雖然舖仔細細，都有好chill嘅感覺burger有十零款口味，即叫即製，需要等一陣抗疫期間都有擺放消毒用品，而且有膠手套提供唔使洗手都可以好衛生咁食burger特級黑松露和牛漢堡 以秘製黑松露醬+120日香煎草飼和牛漢堡仲有半生熟煎蛋+日式焙燒芝麻醬+意大利provolone cheese感覺極邪惡！黑松露+和牛令人垂涎，上枱好香和牛味漢堡包表皮微微焦香，入口輕脆但包內好柔軟，麵包鬆軟，有黑白芝麻點綴漢堡包脹卜卜，入口有啖啖芝麻香和牛好軟嫩，幾厚，事前香煎過入口充滿油脂香，好多肉汁夠晒juicy，極香和牛味意大利provolone芝士味都好香黑松露醬+日式焙燒芝麻醬係點睛之筆，令和牛香味昇華仲有半生熟煎蛋+洋蔥絲+翡翠豆苗，好特別特大燒大菇漢堡 Home Office得太耐變肥咗食Burger揀一個無咁肥膩嘅香蒜燒大菇+車打芝士+秘製洋蔥絲+蘑菇絲成大舊啡菇+夾層有炒香嘅洋蔥絲+磨菇粒，睇落幾健康水牛城雞中翼 Buffalo不嬲惹味，好多水牛城汁，醬汁好有黏稠感雞翼醃得好入味，水牛城汁偏辣

小店唔大 多數吧台位 係收銀落單後 店員會送餐我地叫左特色燒大菇漢堡$58🍄🍔大菇好juicy🤩 雖然成個包都係素但一d都唔寡 好好食😋 .和牛漢堡$78🐂🥩🍔牛味雖然唔係好出 但令我驚喜既係肉質好juicy 平時食好多牛肉漢堡都比夠乾同鞋 但呢個無呢個感覺😋 佢用sprouts而唔係用生菜 好特別亦好夾 漢堡包鬆軟唔硬👍🏻 好食😋.加$20配薯格同汽水🍟🥤$20好大份 兩個人分岩岩好😋有茄汁同自製辣汁配薯格 個人至愛茄汁😋水牛城雞翼(5pcs)$38🍗辣辣地幾惹味😋唔食得辣既人食會辛苦少少🤣但加配汽水就好爽🥤.呢間小店令我好驚喜 價錢幾平又好食 有機會會再黎食😋

平時都係鍾意食牛肉漢堡多啲，今次睇menu嘅時候竟然心血來潮想食魚柳包😂🤣.呢類主打漢堡包嘅小店，即叫即製是必須的🙆🏻‍♀️魚柳包嘅魚柳唔算厚亦唔算超大塊，但都同個麵包差唔多大，所以食落都啖啖都食到魚柳。最值得一讚係炸魚柳外層炸漿唔厚。如果魚柳包嘅他他醬可以更多就更正啦，鍾意食醬嘅人絕對可以叫多醬🤣.呢到地方雖然唔大，但都有十幾個位可供堂食。有茄汁同千島醬(?)喺枱面俾你自己任落☺️另外都有紙巾同埋手套俾食客拎～

今日超餓底，所以決定去食漢堡包！但又唔想食連鎖店嘅漢堡包，唯有行遠少少去大角咀嘅Burgerman 開餐啦！🍔🍟🥤 我叫咗重量級嘅至尊漢堡(HK$88), 呢個漢堡包有成兩塊牛肉，兩塊芝士，仲有煙肉、蛋、蘑菇絲同洋蔥絲等所組成的！非常之邪惡！呢個份量的確真常之適合餓底及食肉獸嘅人！加多HK$20可以配埋薯格/薯條/沙律及汽水！份量比我想像中大，我要將漢堡包分開兩層先食到！個包皮好香脆，牛肉又唔會太乾，而個薯格亦比連鎖式快餐店好食好多！亮點係個賣相非常之吸晴！雖然係餓底，但食晒之後我飽到反晒艇呀！差啲行唔郁咁濟！哈哈！🤣😆🙈

琴日約左朋友去食burger 🍔😌⁣⁣呢間係大角嘴一間小店, 奧運站行過去都好快☺️位唔多但勝在burger款式好多🤩而且好鍾意佢地掛係牆上面嘅鐵皮畫好有特色😍⁣⁣. 和牛漢堡 . $78⁣和牛真心好juicy!!!🤤咬落去啖啖肉爆哂汁😍望返menu先知配左日式焙燒芝麻醬同加左cheese😋好少burger唔係用生菜係用sprouts, 食落出奇夾🙊個包就外脆內軟唔會淋哂正👍🏻⁣⁣. 特色燒大菇漢堡 . $58⁣個人覺得呢個同和牛漢堡都有得揮😂打完卡再食個菇仲係咁juicy鎖哂汁一d都唔乾😛加埋芝士番茄生菜感覺唔會好heavy! 而且係veggie之選🤓⁣⁣. Buffalo wings . $38/5pcs⁣我地仲叫左個小食share, 揀左水牛城雞翼😎其實我唔係好食得辣, 米線頂盡叫酸辣個種😂呢個對我黎講係有少少辣但好惹味🤤勁多汁😍⁣⁣Burger加$20可配有皮薯條/薯格/沙律及汽水, 除左薯圈, 薯格都係我飛佛🥰炸得好香好脆唔算太油, 加埋茄汁好正😭另外佢地都有自家製嘅辣汁, 都好好食, 不過我鍾意點茄汁多d😛⁣⁣小店好貼心有哂手套紙巾同酒精搓手液👍🏻⁣⁣推介: 🌟🌟🌟🌟(最高

去大角咀行街時入左呢間 @burgermanhk ，主打漢堡包，睇Menu見到勁多款式既漢堡包，連鵝肝都有😱😱 第一次食，所以選擇左最原始既招牌cheeseburger🧀🍔 本身加套餐可以有薯條同汽水，不過當日無哂薯條供應，所以另外叫左水牛城雞翼🍗 ..Cheeseburger用左自家手打牛肉同車打芝士，肉質香軟，肉味濃🥩配埋溶緊既車打芝士簡直一流🤤 要知道美味既牛肉首要條件係要肉味濃郁先正呀😆 夾埋生菜同蕃茄，簡單得泥又好juicy😋 而漢堡包既質地好脆，好好味！..水牛城雞翼，烤得唔錯，肉質軟，醬汁亦比得好充足，不過個人口味來講就唔係太惹味，鍾意惹味既建議揀其他醬會仲好食🤩 佢仲有蒜香、瑞士汁同煙燻燒烤味揀～..小店位置不大，但裝飾都好有style好型，兩邊牆身任何一個位都可以影相打卡呢📸 配上木質既枱，好有feel

上次嚟咗一次之後朋友話想試吓依間比較出名嘅漢堡專門店，今次我哋睇吓食啲咩特別嘅嘢食先，睇menu睇到好重份量😱我哋order個至尊漢堡一齊share，，另外再叫其他嘅小食.❥ ❥ ❥至尊漢堡🍔超足料至尊漢堡有兩層超厚漢堡扒🍔，煙肉🥓好香配合車打芝士🧀放至漢堡扒上即溶仲有煎蛋🍳,番茄🍅同生菜🥬約埋一齊口感豐富，牛肉唔會煎至太乾，一個漢堡滿足晒我要求炸薯條外型比較粗身，炸到啱啱好唔會太乾配合千島醬帶點微辣🍟.❥ ❥ ❥香蒜雞翼另外在叫咗個香蒜味嘅雞翼裏面微微香蒜味，即叫即煎外面微脆內裹嫩滑.❥ ❥ ❥炸番薯條🍠黃色外型纖瘦身型，即炸番薯條又香又脆香味帶出一點番薯🍠少許甜味道，配沙律醬別有一番風味✨

小肥週四在大角咀🐷😋🙇🏻‍♂️連踏左成個禮拜終於有孖Day放下啦🤤🐷適逢晏少少要搵朋友仔嘆下啡鬆下☕️🙈還掂連早餐都未食餓到響哂鼓🙉😂一於重臨Bookmark好耐既良心漢堡小店捧場醫肚先🍔呢個賣相一流大大舊既至尊漢堡🍔🥳本身漢堡有生菜、蕃茄、芝士、煎蛋🍳🤩雙層手打漢堡扒同蜜糖洋蔥做餡料😆豐富既材料令漢堡更為巨型🤩🍔以大大個漢堡一流賣相登場🍔🤩手打漢堡扒肉質夠哂滑嫩入味之餘😋脂肪比例均勻食落唔會太油膩☺️🐷另外有濃郁芝士以及新鮮生菜茄片甜香洋蔥😆以及厚厚既煎蛋做夾心😋🍳配合焗到香脆既高顏值芝麻包亦係口感十足☺️🍔而粗薯條炸得夠透啖啖薯肉亦係小肥至愛☺🍟

Woo~ 今日難得出街有嘢做，順便嚟大角咀食漢堡，上網見到唔少人推介，想嚟食好耐㗎啦！適逢lunchtime，有抵食既套餐我選擇咗A餐係經典嘅芝士牛肉漢堡，包皮鬆軟，牛肉多汁，配上芝士，絕對係無法抗拒嘅組合！朋友選擇B餐，係魚漢堡，魚柳滑嫩，一啲都唔乾！兩個餐，連一罐汽水，可以選擇薯條或者沙律，都只係$58 ！而且薯條同沙律嘅份量都好多，絕對食得飽！我見佢仲有其他小食，但真係夠飽啦，唯有下次再嚟食過！

大角嘴多美食，好多間餐廳🍴我都品嚐過，而鍾意食漢堡的就唔洗左度右度，burgerman會係首選。話明burgerman最出名緊係食漢堡🍔，我們同行二人，大家都揀左set餐，一個係丹麥🇩🇰藍芝士漢堡🍔➕煙肉，一個係和牛漢堡🍔。兩個漢堡set餐只要➕$20就可以配野飲同薯條/薯格/沙拉🥗，我們兩分都選了薯格，因為呢度的薯格特別好食😋。落完order要稍微等一陣，因為所有野食都係即叫即整，所以係特別新鮮。話咁快有得食，漢堡真的香噴噴好香，第一次是和牛漢堡，個和牛肉真係貨真價實，好有口感而且和牛肉汁超juicy, 和牛控的你千萬不要錯過。丹麥🇩🇰藍芝士漢堡今次配了煙肉都係➕$8，如果想➕更多配菜，仲有好多配料例如菠蘿，牛油果，燒大菇，鵝肝等可以附加。藍芝士漢堡也是有靚靚的安格斯牛肉配上濃厚的藍芝士，我個人很喜歡藍芝士，也有些人會覺得太濃鬱，這個在挑選時就因人而異。食完個漢堡再慢慢嘆薯格，仍然好脆好香，大家想食漢堡的記得來burgerman 。

Burgerman其實早幾年已經被評為香港最佳漢堡店之一，而我曾經亦試過位於深水埗嘅總店／分店，當時的確有非常驚艷嘅感覺。而今次亦係純粹野餐時忽發奇想，希望以外賣形式再次一試呢間享負盛名嘅漢堡店。至尊漢堡 － 配薯條顧名思義，至尊漢堡嘅份量的確夠「至尊」，足足有兩塊食落超過三兩嘅牛肉，而配料亦有芝士、蕃茄同生菜。對於食肉獸嚟講絕對係一流嘅享受。不過牛肉略嫌有點乾，同埋可能份量太大關係，醬料無相對地「加料」，令整個漢堡層次感不足。而薯條反而係比較出色嘅一環，有皮薯條香脆得嚟唔會太油膩，外賣送到後亦無變淋變軟嘅情況出現。特級黑松露和牛漢堡 － 配薯格比起至尊漢堡，特級黑松露和牛漢堡係相對「吸睛」之作！黑松露醬配合Juicy嘅和牛漢堡，無論層次感或者係味道方面都比至尊漢堡要高，而且牛味亦相對突出。薯格尚算脆口，但並未有特別出色嘅賣點。味道 ⭐️⭐️⭐️⭐️服務 （外賣，無法評價）環境 （外賣，無法評價）性價比 ⭐️⭐️⭐️

漢堡包癮起🍔但宜家又無得去個間m字快餐店食 唯有搵啲小店啦～黎到大角咀 行過見到呢間小店 勁多漢堡包款式🤤🐂和牛漢堡 ($78)除咗有塊厚厚既和牛 仲有啲炸洋蔥絲 加埋塊芝士同啲日式芝麻醬 個味好夾🤤 可能又加上本身都好鍾意日式芝麻醬 所以佢配咩都勁好味😂同埋塊和牛果然和牛 好厚好juicy💦🍔特式燒大菇漢堡 ($58)呢個特地仲+$8加塊菠蘿🍍都係勁juicy🤤除咗舊主角既大啡菇中間仲有炒香既洋蔥絲同磨菇粒😎啲漢堡仲可以加$20轉餐 包汽水同薯條/薯格/沙津我地就一份薯條🍟一份沙津🥗啦～估唔到個薯條係好好味！佢係個隻有皮薯條 我食完個包先開始食啲薯條 雖然已經凍咗啲 但完全無淋到 仲係好脆 🤤有驚喜！

午餐試食，地方不大，只有幾張高枱。因為個人係漢堡包愛好者，喜歡周圍試漢堡包，呢間Lunch Set $5x 有包、薯條同汽水都算抵食，今次叫左水牛城雞肉漢堡同招牌芝士漢堡。水牛城雞肉漢堡雞肉份量不算大，而且雞肉比較乾身，沐左水牛城醬喺雞肉面。另外招牌芝士漢堡，漢堡扒唔會乾身同有肉香，個人相對喜歡漢堡包。薯條係粗薯條，都夠脆同夠熱，薯條不錯。整份Lunch Set女仔食，份量剛好，同行男士表士未夠飽。

早就聽說過這家漢堡包店，卻一直未有機會嘗試。今日突然想起，本來打算外賣回家但見都有幾個座位，決定堂食。原來堂食有手套可供使用，夠方便！我們看至尊漢堡（$88）份量十足，決定share一個再加套餐（+$20）要了薯格及coke zero。漢堡又高又大，我們決定一人包辦上層另一人包辦下層，漢堡包有烘過，肉質juicy多汁，這個每個配料都有點，很不錯！薯格夠香脆又惹味，份量也不少，很完美！我們兩個人吃完很滿足，到附近吃完糖水剛剛好。

喺香港想食漢堡價錢一啲都唔平，一個漢堡包閑閑地都買百零蚊，過江龍名店淨係個包都已經成百蚊，價錢真係唔平㗎今日經過burgerman ，見到lunch set 非常抵食，最平五十八蚊就有，正<水牛城雞肉漢堡$58>朋友想叫健康少少，叫咗個水牛城雞肉漢堡配沙律水城城風味非常特別，有點似藍芝士的味道，幾惹味煎雞胸肉去皮健康之選，配上水牛城醬唔肥膩<招牌芝士漢堡$58>招牌芝士漢堡相對邪惡，漢堡扒鬆化有肉味，仲要配雙層即溶芝士，邪惡到呢即炸薯條熱辣辣，配埋汽水飲，真係一個邪惡又好味嘅午餐