Ben哥米線

見成日食譚仔就試吓新嘢，坐低點餐已覺得價錢好貴，$34一個米線冇包餸，但見好似都幾多人食就即管試一試。因為唔知佢嘅難度，所以就叫個酸辣蕃茄湯滑雞腐竹。 一上枱就聞到少少臭腳味，就好似黑豆豉嗰啲味 個蕃茄湯實在太令人失望，因為係一個茄膏湯，食落完全唔覺得有辣味，之後請佢加番啲辣，佢就比個辣椒油話廚房都係落呢啲至於個腐竹就肯定冇腐皮咁好食，而個雞肉除咗大嚿之外，唔覺得佢嫩滑，不過我一向食開胸肉還可接受，喜歡食滑雞就一定覺得佢蟹。舖頭入邊完全唔覺有藥膳味又唔覺得有麻辣嘅味道。$54兩餸包凍飲，除咗芫荽愛好者，應該無需要嚟試…查看更多

真實自費食評相信Ben哥既藥膳麻辣湯底係最signature，但今次反而試下其他，因為本身對藥膳有少少抗拒。今次點左中酸辣蕃茄米線加豬腸同墨魚頭估唔到好多蕃茄喺個湯底到，豬腸都好大件唔會碎濕濕，墨魚頭我覺得都係必點，因為呢到既墨魚頭大粒得黎都爽口。朋友就點左芫茜菠菜五穀米線加雞肉同蘿蔔碗米線一黎到就見到海量既綠色芫茜同菠菜喺面，芫茜又可以抗氧化，菠菜又可以防眼睛衰老，個湯底係非常清甜，朋友都大讚，而且最好既地方係可以揀五穀米線，會比較健康。 仲點左小食藤椒魚皮 $42份量一啲都唔少，最緊要係啲魚皮非常爽口，藤椒味好出。如果喺美孚新邨既食店黎講，Ben哥米線算一個唔錯既選擇，喺附近住但突然又想食米線都可以止一止癮。…查看更多

美孚唔算多餐廳，咁啱今日想食米線，諗住附近有間Ben哥，就去試試。2:30pm下午茶時間，2:25pm問舖頭可否坐低等夠鐘叫下午茶，但職員話下午茶要夠鐘先可入座…叫左碗酸辣少少辣米線，配豬軟骨+墨魚頭，下午茶可減$5加送飲品無留意原來職員落錯麻辣米線，惟有叫佢畀碗酸汁自己後加，味道變左麻酸辣又幾好味。墨魚頭好彈牙，豬軟骨亦都好冧，雖然係下午茶，但份量係無減少的。不過以下午茶，已減左$5優惠及送飲品優惠來講，$60食個下午茶米線算係比較貴。…查看更多

米線ok ,正常但個芥蘭真係搞唔掂，正常晚餐時間落去嗌外賣，諗住食啲菜咁就嗌咗個$30油菜芥蘭，圖片中我冇食過，比我想像中少都算，勁似執埋啲菜頭菜尾咁嘅款擺埋一碟，下次可以幫襯米線，但油菜就不了…查看更多

今日係美孚返工同個同事中午試吓ben哥米線叫左蘿蔔蟹柳酸辣米線魚蛋墨魚頭酸辣米線2個人加埋兩杯飲品先$111好低👍🏻麻辣帶酸好好食會推介會其他同事再嚟試吓😊…查看更多

食米線湯底當然重要個人鐘意藥膳湯，又鐘意麻辣味呢到竟然一次過可以滿足兩個願望味道不過不失麻辣難免會搶咗少少藥膳味嘅餸嘅款式尚算多叫咗小食麻辣墨魚咀夠味，爽口再叫咗碟菜份量都ok…查看更多

今日叫咗個外賣自取，返到去又少咗個餸一啲咁簡單嘅嘢都去做錯，真係冇得唔留腐皮80字食評根本冇意思，我擺明就係嚟投訴食物其實OK ，但呢間嘢只收現金，俾人感覺好庹縮…查看更多

之前都叫過一次外賣,今次堂食叫咗一碗酸辣蕃茄米線同埋藥膳麻辣湯米線。蕃茄湯味道唔錯,蕃茄味好濃郁,唔算好辣。藥膳麻辣湯米線幾好味🤭酒味同埋藥材味幾重,飲咗好多啖湯…查看更多

藥膳湯底是沒有味，仲有少少奇怪的酸味好難食。餸很少，美孚真是無野食，竟然呢間成日仲大排長龍。服務都幾好見無人，我留在店內涼一陣，她都願比我涼一陣，食物質素要提高…查看更多

店面比較細，座位未至於逼，坐落唔係特別舒服，店員服務一般，勝在米線嘅質素唔錯，水準都算穩定，今次點咗沙嗲湯米線，餸點咗炸醬同腐竹，另外點咗碟腐乳通菜食物份量好大，湯底好好味，啖啖湯咁食米線都唔會太濃，炸醬同腐竹都好夠同好食，通菜都靚，米線嚟講Ben哥係唔錯…查看更多

今日放工想轉下口味試吓其他米線舖，見到收10點咁依家9點都可以入去食30分鐘，叫左個藥膳豬骨湯底加豬軟骨豬腸豬皮，想食豬潤，但係佢話買晒，感覺個姐姐態度差差哋，好似老闆娘咁款，味道都幾好食，諗住慢慢食飲吓嘢睇吓手機，點知食咗10分鐘，可能佢哋見得兩台客，開始做清潔，又拖地又抹野，我唯有食快啲啦，但係當時都係9點15分，我見隔離嗰台都嗱嗱聲飲埋杯嘢走，黐線㗎好似趕客咁樣，明明收拾十，點9點15分就趕人走，好似阻住佢收工咁，感覺唔好呀，幾好食都冇用啦咁樣，個阿姐又凶神惡煞咁樣。…查看更多

食左好多年既米線，好多唔同湯既味可以選擇，又可以揀走左d唔鍾意食既野。個米線本身又唔會太林，軟硬程度岩岩好，d餸唔知係唔係因為就黎收舖，一份都有好多好多，一款餸都勁夠食，首選通菜同豬紅，我次次食都必點。野飲夜晚食都係送既，好抵，大杯得黎又好好飲，完全唔會因為平就是是但但整，間野好多地方都有分店，唔會唔會都係一樣咁好食呢。佢藥善湯底個味好特別好好味，有少少酒味咁真係唔係其他地方可以食同試到。最後食到好飽又開心咁走！…查看更多

今日下午在美孚做完嘢，有啲肚餓，見到Ben 哥米線，二話不說(因我都係叫Ben哥)哈＾-*，就入內搵位坐低，攞張餐單揀下吃乜先，睇落好多嘢想吃，肚量有限，就叫左碗小鍋米線加豬皮鴨血豬大腸，再加尖椒皮蛋，唔洗多講，一句好味，實返吃。…查看更多

黎BEN 哥食野，可以俾你確切感受到咩叫「人工追唔上通漲」！已經唔知第幾次加價！豬軟骨、墨魚頭同埋好幾樣野都加到變左14蚊！ 14蚊一個餸，仲要份量唔係多，合理嗎？3餸蕃茄湯下午茶，飲熱飲，貴餸只嗌一個，仲有一個係菜類，埋單已經要6字頭！我知3餸係有d 奢侈，但就算2餸都要5x ! 下午茶咋喎！每次加價，湯底加2蚊、餸又加2蚊，好食既野再彈落下一個價位。 變相同一碗野，加一次就4-8蚊！ 加價都算，若果好味都順氣d。哇，個蕃茄湯渣到，咸到傻，味精勁到一個點，未食晒已經覺得口腔好漲！ 明明以前個蕃茄湯好濃好好味，水準竟然差左咁多！坐又唔係坐得特別舒服！同樣外賣，寧願行遠少少買13么車仔麵！起碼抵食夾大件 ! 人地都會加價，同樣3餸，最多咪2蚊2蚊慢慢加上去，邊似你地咁狼死。你加一次價等於人地加幾年！我認衰，以前話過唔再幫襯。見你地水準仲keep到就忍左去。但今次真係可以完完全全割捨！呢輩子真係唔會再幫襯呢間野！…查看更多

呢間舖位未係ben哥前都係食酸辣粉，由中學食到大，中間轉左手之前叫ben 哥，試左次發覺米線同小食既味冇變就繼續食，重點係麻辣小食，啲麻辣汁真係香辣可口，我搬走之後都成日忍唔住番去食，但佢真係每次都令我失望，愈來愈退步，但有時番美孚探屋企人有心痕想食，對上一次食完已經同自己講唔會再食，點知又心痕，唔試仲好，真係後悔浪費Quota食啲咁既野小食叫左2款，麻辣金錢展係我每次都會叫，見佢新出尖椒皮蛋，就叫埋金錢展上枱都O 左咀心知不妙，麻辣汁都變埋，一試勁酸，落多左醋皮蛋個汁又係勁酸，浸係豉油醋入邊咁款，難食到我食唔落兩碗米線都係不過失豬紅唔入味微腥總結:呢次一定係最後一次，絕對唔會再食，難食到我食完餐飯嬲左自己…查看更多