Ben哥米線

一直都好想試，但係都無機會經過，但係知道佢做多一排就會結業，就點都要抽時間去試試。下午茶時段，叫咗兩餸加凍飲，51蚊，價錢合理，份量亦無減少，啱啱好，食完就會飽。第一次嚟，叫咗個藥膳麻辣米線，中辣，飲一啖湯，唔會好辣，唔會嗆喉，再試多一啖，藥膳味開始好出，濃濃嘅杞子味、藥材味，最神奇係夾埋麻辣一齊，竟然無問題，仲幾好飲，喉嚨都幾舒服，值得一試。餸方面就叫糖水蘿蔔，完全無渣，入口清甜美味，大細都啱啱好。另外仲有麻辣腩肉，份量都多，薄薄哋，易咬易食，亦都好入味。希望遲吓會同區搬新舖，咁就可以試其他湯底同餸菜，推薦嘅小店。…查看更多

ben哥就係返工度隔離，每天生意好火爆，平時無乜胃口就會去食，每次去必點酸辣米線，開胃好食！不過門口貼出通告，間店做完今個月就約滿結業啦，真係好可惜，以後又少一個食飯地方，希望快d係附近重開啦！…查看更多

之前有段時間經常去新蒲崗，基本上試哂新蒲崗所有米線店，各間米線店都有自己招牌特色。今日突然想食麻辣米線，就自然去返新蒲崗麻辣米線首選 — Ben哥米線度買外賣。麻辣湯米線 （配冬菇、肥牛、雞肉）連熱飲坊間好多麻辣湯只係普通湯底上加D辣油，變左無咩特別，只係辣。但 Ben哥米線 麻辣湯 本身係獨立一個湯底，味道似台灣麻辣火鍋D湯底咁。如果揀D吸湯配料，就真係好似一人台灣火鍋咁，同埋份量都相當足夠，米線亦有分開上。如果鍾意食麻辣湯的人，十萬個推薦黎Ben哥米線試一試。（其他湯底我都試過，最好味都係麻辣湯）另外，雖然外賣要加2蚊，但Whatsapp落單又會減返1蚊。以下係我的評分（滿分為５分）：味道：5分環境：(外賣不評)服務：(外賣不評)價錢：5分推薦程度：5分Ben哥米線 網址: https://s.openrice.com/QrbS0gza400~uKZISBA 地址: 新蒲崗大有街3號萬迪廣場地下B舖 電話: 28878848…查看更多

今早去買外賣早餐, 個外賣餐已整好, 但唔係時俾我, 而係攞埋個堂食餐比個堂食客先比我. 唔係第一次.   真係唔明白點解服務員次次都係要外賣客人等佢送埋個餐比堂食客先比外賣客???  個個姐姐都係咁.    我有時間都坐响喥食啦.  就係因為趕時間先叫外賣.  如果係洗鬼去你家店食咩.  分量又越來越小, 根本唔夠飽.  仲有, 唔係放响我企嗰張枱, 而係隔離張枱, 要我自己去攞., 明明見到我都唔放响我張枱, 要改善一吓服務先得.  服務好懶. …查看更多

係新蒲崗食早餐，周圍都好多人，行到呢間Ben 哥米線冇乜人所以就入去😅叫左個沙嗲牛米，跟餐有個腿蛋同包，好似係有其他野揀，我就揀左火腿炒蛋同凍檸茶。一見到碗野就心諗呀姐係咪比錯，咁少既🤯呢個係一擺低既賣相，我完全冇掂過架之後我諗係咪因為多湯，所以我就用餐具撩下，將佢地撈曬上泥睇下有幾多啲米粉同要係勁碎，最後我要用匙羹食😅腿蛋同凍檸茶正常，唔多講🙃🙃🙃(唔怪得冇人排隊）…查看更多

麻辣米線 食到咁上下先記得影相 湯底有特色 出面好少會有呢種味道 外賣今日等左唔算好耐，湯都夠熱 現場其實長期都幾多人 餸推薦豬潤 豬紅 腩肉 有個餐跟三個$7餸 叫貴d既餸加返差價 有杯嘢飲送…查看更多

嚟過Ben 哥好多次，有幾款特色湯底，藥膳麻辣湯底同蕃茄湯底都係我最愛。藥膳麻辣個味幾特別，唔多米線鋪有。而且可以揀全份米線，1/2米線，同1/3米線，按自己需要選擇，唔怕太大碗食唔晒會浪費食物，呢點幾值得讚。今日唔多想食肉，所以揀左酸辣番茄湯加竹笙加紫菜。酸辣番茄湯底夠濃夠開胃，比較連鎖店好好多。竹笙夠淋，而紫菜我通常會浸淋一半先，另一半有少少爽口咁食，美中不足係姐姐忘記走芫茜🥺。另一樣幾抵讚係姐姐幾有心，叫凍飲記得走飲管。…查看更多

Ben哥出左名難食，但因為無野揀所以都係叫左外賣，7點WhatsApp落單，去到7:30pm都未有，叫左金針菇娃娃菜雞肉酸辣米線，個湯底好似水溝油咁，再求其落啲酸菜就話自己係酸辣湯底😑菜都ok嘅，但雞肉明顯食到雪味，最正常估唔到係杯檸水😂😂成個米線真係食左兩啖就食唔落🙄其實之前食過一次叫做正正常常入到口，配菜份量算多，又可以自己揀啲特色湯底，但今次真係太過份啦，$55蚊不如行去隔離叫老麥，真心無下次😪…查看更多

52蚊 一個麵餐 要等足半個鐘 眼見齋照顧咗啲外賣單先真係火滾 遲過我入座都可以食先過我 真係令人不解 究竟貴餐廳點安排人手同運作 其實唔識照顧樓面堂食客 不如索性唔好入堂食客。不知所謂…查看更多

大家叫外賣真係要睇單🫠見佢晚餐$47/3個送，叫左3樣野，只有雞肉要補$3，凍飲加$2，應該$52，但收左$57，又冇俾雞肉，唔止一次漏野。餐廳可唔可以正視問題？…查看更多

見到夜晚係$47配三款$7嘅餸所以就買外賣走，咁叫咗差額嘅餸要補好正常。就叫咗一個$7一個$10一個$12，正常要補嘅金額，應該係$3同$5？！總共係8，但係張單就打呢三個餸要$17？問姐姐嗰陣淨係識答我補差額補差額，之後就好忙咁走開，冇人理嘅情況下我又拎住成手外賣，就算數走了如果大家食記得睇清楚張單有冇計多$104 一碗3餸米線$52+$17 一份烤雞翼$35又唔係外賣平台大家自己諗…查看更多

早排初次黎到ben哥 試左沙嗲湯同蕃茄酸辣湯米線 都覺得個湯底唔錯 沙嗲湯好濃今次就再叫左沙嗲湯 仲試左個麻辣藥膳湯底 面頭有啲杞子 湯到仲有啲肉碎 飲落就冇咩藥膳味 但麻辣湯咬到啲杞子有啲奇怪 所以下次應該就唔再叫啦 不過都有興趣試下其他湯 …查看更多

第一次食麻辣湯底覺得唔好食，跟住朋友同我講話要食佢個沙嗲同埋藥膳麻辣湯底，所以我決定俾多次機會佢。用WhatsApp下單可以減一蚊，佢都可以即刻拎都幾方便。我叫咗藥膳麻辣湯底小辣，花枝卷、豬紅同埋墨魚頭，三樣都好食，墨魚頭超級出色，好嫩口湯底好食，果然冇介紹錯，下次有機會試吓沙嗲湯底。發現外賣有發泡膠粒…查看更多

公司新搬黎，近近地响公司樓下食個快lunch，入到去揀咗三次枱，第一張啲烏蠅飛來飛去，第二張啲凳太矮，第三張燈光昏暗⋯算吧，反正食一陣就走，點咗個蕃茄麻辣米線，中小辣，花枝卷、魚蛋。湯底酸辣度冇問題，但米線偏硬，魚蛋無魚味，膠太重，花枝卷正正常常，墨魚膠煎封後切條。總括來說，不會有下次，反正附近食肆選擇多。…查看更多

新蒲崗Ben哥米線因為趕住返公司做嘢叫咗個外賣平日嘅12點左右，唔算多人，所以唔係好忙點知出事啦漏左一樣餸佢漏餸都唔係第一次和風麵豉湯底米線，配三個餸$54。結果漏咗個紫菜冇俾我之前叫外賣都試過漏其他餸真係好嬲囉唔係第一次和風麵豉湯少少辣幾好味嘅，配料都多，肥牛要加錢，都多同埋幾好食。唐生菜嘅份量就唔算多，淥得over左咁。紫菜本身都覺得係好食嘅，不過好可惜佢漏咗俾我。米線嘅份量都好多，好大個，韌度適中冇乜嘢唔好叫外賣，堂食就最好因為漏野唔使咁麻煩。…查看更多