Bay’s Kitchen & Bar

餐牌食物種類豐富，咩類型都有啲，作為健身友嘅我梗係要補充返足夠嘅蛋白質。叫咗個雜扒，加$40轉餐會有忌廉湯，餐包，蛋糕同埋嘢飲。湯同包就冇乜特別都係一般西餐廳質素。個雜扒嚟到賣相非常一般，份量唔算多，食落口好似冇醃過咁，冇乜味道。而家出街食個扒閒閒地都要百幾蚊，不過真心講茶餐廳嘅質素都好過呢間酒店餐廳。…查看更多

喺度預訂咗一晚房玩下，附近無咩野食，但有依間餐廳見價錢可以就試試佢啦🐷講真，一晚$3xx港紙既海景套房真係已經抵到爛，本身無expect依間酒店既餐廳會有幾好食，因為啲設施都比較舊同埋人又唔太多，但係每樣餸真係又無揸流攤hea你。叫左兩個main：咖喱豬扒飯同埋西冷牛扒（5成）。咖喱豬扒飯塊豬扒係厚切，肉質唔嚡，又冇冰鮮臭味，配搭埋佢有少少辣嘅咖喱都真係幾好食，薯仔就老左啲～塊西冷其實都做到五成，肉質都好嫩，不過好多筋仲攝埋牙罅。另外每個main +$40可以轉set：有蘑菇湯，餐茶同埋甜品。蘑菇湯都幾好飲，好滑同埋蘑菇味夠濃，蛋糕本身問左Staff話係New York cheesecake ，之後又話變咗朱古力mousse 但最後變咗士多啤梨mousse，好彩唔係啲咩戚風/海棉蛋糕就算啦😂總括而言，成個體驗都比我想像中好，價錢公道而且食物質素都唔錯👍🏼…查看更多

雖然環境唔係好豪華，但算簡約舒服，自助餐種類唔算多，但 勝在味道都幾好，仲有好多都係要另外付費既食物，但羊架出奇哋好食😋🤣5成熟羊架，肉嫩，唔酥，細細件，啱啱好👍🏻推薦…查看更多

汀蘭居已經轉左名叫華麗海灣酒店 啱啱有朋友來香港 幫佢訂咗呢間酒店 當日晚飯 唔想走黎走去 就到樓下的餐廳食飯 係半自助餐 我地點左兩個主菜 分別係炭燒羊架同埋炭燒牛肉眼扒 估唔到味道好唔錯 羊架肉嫩肉汁滿滿 燒得不會太韌 仍然保持肉質鮮嫩 肉眼扒肉質嫩滑 我哋叫咗6成熟 火候控制得好好 入口鬆軟 唔會有渣 沒有想到出品可以咁好 另外自助沙律吧甜品吧同埋有幾款熟食供應 以價錢來衡量 絕對唔錯 仲有兩款湯選擇 可以講係想食嘅都有 餐廳有幾款紅白酒提供提供 而且價錢唔貴$250就可以開一支 三個字形容平靚正 性價比高 略嫌就係位置比較唔方便 因為唔係太多公共交通工具可以到達 如果唔係朋友住喺呢度 都唔會試到一間平靚正嘅餐廳 感覺唔錯 值得一試…查看更多

食物味道不錯，環境舒適， 枱與枱之間有一定嘅距離，不會像茶餐廳或一般的西餐廳那麼櫅逼，並有美麗的海景！惠顧滿300可享有3小時免费泊車！ 服務親切，價錢性價比高，很適合幾個朋友傾計食晚飯！我個人特別喜歌這裏的. Pizza 和甜品，非常美味！食物種類齊全，還會不斷轉換食物！有 炒粉麵飯 ，仲有各類嘅肉類， 例如排骨，牛仔骨，炸雞，蒸鱼，蔬菜， pizza， 關東煮等，又有中湯和西湯 ，也有麵包沙律和甜品 ，全部都美味！下次還會再来！…查看更多

價錢合理,!禮貌服務,友善態度！環境舒適寬敞！有優美的海景！食滿300元可免費泊車！食物會不停轉換款式,能夠吃得很飽！味道也達標！餐飲無限任飲！整體滿意！會再次惠顧！…查看更多

有日見到呢間酒店有個menu竟然有一百蚊樓下嘅餐,就趁尋日得閒去試下，揀左咖喱吉烈豬扒飯同韓式烤牛肋骨飯，有驚喜喎，幾好食，咖哩夠辣好正，唯一個咖喱入面薯仔有啲硬。牛肋骨夠淋嘅，兩個餐份量都夠大，夠飽！如果以酒店用一百蚊左右嘅價錢有咁嘅質素，係幾抵食！啱晒住係附近啲住宅落黎食晏，始終呢個位要落到麗城先有野食，如果有間餐廳平平地，質素ok，可以唔使再行咁遠！仲可以對住海景，環境又靜靜地，好舒服！推介！！…查看更多

經常踩單車經過 ，睇到價錢$138自助晚餐 終於決定今晚嚟試下。 當然夜晚唔係踩單車去啦。 啲侍應提我話食滿300蚊就有三小時泊車 咁一定揸車去啦。 準時六點鐘泊好車 ，停車場超大B1， B2，B3.... 走嘅時候 唔記得拍咗去邊層， 畀啲朋友串。 講番餐廳啲嘢食 沙律算豐富 雜菜沙律 ..德國薯仔沙律 ..雜果沙律 ...蟹子蛋沙律 ..羅文菜 ..粟米 ..雞心豆 .. 車厘茄.. 紅腰豆 .仲有韓式泡菜 冷麵 ..螺肉.. 。。。熱盤款式都多 ...有日式照燒雞扒 ，芝士肉醬意大利粉 ，炸魚柳 ☆炒飯必食物 ☆平平無奇炒飯 ,竟然會咁好食 ，有中式點心 炸春卷 。住家中式靚湯 我老婆飲完之後 ，話以後唔煲湯 。嚟呢度飲 但係又真係幾好飲 。啲侍應話啲中式湯冇落味精 ，又真係原汁原味仲有女仕喜好甜品 果汁有兩款 仲有即磨咖啡 ....自助餐豐富得嚟 ，收呢個價錢 $138 仲有免費泊車 。。。。真係覺得自己好似賣緊廣告不過又真係抵食又好食…查看更多

睇到呢間酒店聖誕節宣傳單張同牆身寫晒血紅色簡體字已經知乜事。原本去到門口已經想走，但咁遠一場黎到就即管試下。入到去餐廳無人，酒店大堂會有內地旅客大大聲講野，食物賣相方面就自己可以睇。只可以講如果仲以為係以前汀蘭居既質素就真係大錯特錯。以前汀蘭居無生蠔都會有長腳蟹食，而家路線係同內地廉價三星酒店差唔多。…查看更多

$168 自助晚餐，超抵食～！朋友介紹新酒店內，有沙律吧，芝士，cold cut ，湯，熱盤，即磨咖啡任飲，兩百元樓下，這個價錢，已經可以，因酒店餐廳都係新，所以暫時不多人，海景一流，酒店亦提供免費穿梭巴士到荃灣地鐵站，就算係荃灣坐234B，到酒店門口，也非常方便。原來$168 係週未, 平時閒日自助晚餐都係138，只要飲他們兩杯即磨咖啡，就可以馬上回本，但平日自助晚餐就沒有芝士和cold cut，但有沙律吧，湯和熱盤，尚算可以～！環境清靜，適合傾偈或敘舊～！😋…查看更多

早餐基本咩都冇， 諗住快快食個早餐，炒蛋又水央央又油淋淋，烚蛋又冇，燒賣都係現成即食點心，就連普蒸個奶皇包都乾到食唔落口。餐廳職員阿姐 態度差，普通話差英文又差，酒店餐廳可以唔收$1000紙，遊客一定想碌信用咭架咩？又唔helpful，「話好多地方都唔收架啦！」有必要錦樣一句dut 埋黎咩？就算為左方便，食過兩次都，有少少谷氣，要留個comment。同以前汀蘭居時代比，即使係改做內地平團，有必要降低要求到呢個地步嗎？快餐店都不如…查看更多