BaseHall 01

呢個喺BaseHall 01 HeyBo食到嘅健康碗真係令人眼前一亮，色彩繽紛配搭令人好有食慾，牛肉片煎得啱啱好，肉質嫰滑帶微微焦香，面頭加上葵瓜子同亞麻籽，咬落去有鬆脆層次感，味道更加豐富。配菜包括醃蘿蔔、椰菜仔同豆蓉，每款都新鮮有味，配合紅蘿蔔醬同旁邊附送嘅香草醬汁，除咗提升咗味道層次，仲食得出健康同清新。唔同食材夾雜一齊，每啖都有新驚喜，豐富感十足之餘又唔會太heavy，好明顯用料新鮮同處理有心思，係一個值得推介嘅選擇。…查看更多

昆布蜆肉鮮魚茶漬飯 $108鮮魚係煎比目魚，但完成唔會油膩～碗飯配菜幾多，有菇同菜。但就甘食會冇咩味，淨飲湯會好咸，一定要2個配埋一齊食會好match好多。而飯係有啲雜糧，有啲qq嘅口感，所以都幾飽肚。不過以健康餐黎講都幾好食，想食得healthy d 又新鮮可以試下，但唔係好平～…查看更多

成日都會去港島，終於俾我發現呢度係美食天堂叫咗三間餐廳Nocino 叫咗個意粉加牛肉他他最驚喜係個牛肉真係超級10分好食，生牛肉有口感又新鮮唔會有腥味兩姊妹涼皮因為平時舖頭都會好多人排隊，見到$38有碗大涼皮，即刻買咗嚟試，涼皮好滑好好味Fete up做gym人士恩物，比想像中大份，而且每一樣餸都好好食，多豆類protein，完全唔需要落醬汁都已經好好味其實仲有好多菜式，例如台灣菜、泰菜、日式、扒類等等，有機會經過真係要試吓…查看更多

美食廣場：BaseHall 01地點：中環怡和大廈菜式：多國菜走混全場發現最平係呢間兩姊妹涼皮有限公司。招牌兩姊妹涼皮 $38招牌兩姊妹涼皮好大碗，係滑溜煙韌粉皮伴青瓜絲同芫荽，加上花生碎同炸豆蔥花，個汁好濃醋味，酸酸哋好開胃。呢個價錢有呢個份量抵，如果唔介意冇肉。我地叫左兩碗。蒜泥白肉 加$48涼皮可加錢要呢個蒜泥白肉。蒜泥白肉一客10片切得超薄，有啲仲有白色軟骨，不過冇乜豬味，面頭加上大量蒜泥、少少白芝麻粒同芫荽，墊有少少青瓜絲，味道都頗辣。呢個小食唔多抵。極品擔擔撈麵 $53極品擔擔撈麵暖暖哋上枱，個麵滑滑哋，好夠汁，味道甜甜哋。伴有一大片厚切肥腩肉，肉醬份量都唔少，加上花生碎、炸豆蔥花同芫荽，呢個主食都抵食。今日星期五我哋12點前到好易搵位，12點25分左右已經冇哂位。食客大概一點三打後走。座位舒適，環境乾淨光猛，可以約人飯聚。…查看更多

中環baseball又進駐新既餐廳，今次呢間係韓式餐廳，價錢親民，大份夾抵食！食物點評甜辣醬炸雞🍗啲炸雞好大份，即叫即炸，超級新鮮，完全唔會覺得油膩，炸粉又唔會好厚，重點係啲雞肉好嫩，下面又有好多薯條墊底，好惹味！Bibimbap - 特級牛肋條五穀飯🥩呢個係石鍋飯，雖然係用鐵鑊去裝住，但係都有石鍋嘅效果，有飯焦，而且啲牛肋條肉質好軟腍，好重牛味，再加埋唔同嘅配料，同埋佢哋自家製嘅辣醬，成個配搭好好，好有層次！牛肉紫菜飯卷🍙飯卷都好多件，飯卷餡料好豐富，牛肉份量都好多，佢哋自家製嘅醬辣辣地，有啲芝士味，好食！自家製雪糕🍨自家製嘅雪糕有啲意大利雪糕嘅感覺，味道有幾款選擇，好鍾意佢哋嘅米酒味，真係飲到淡淡嘅米酒濃香，而佢哋嘅咖啡味都係好濃好香，質感又夠滑！…查看更多

睇完黑白大廚好想食韓國嘢😆尤其係拌飯大王🤴🏻嘅石鍋拌飯🤪係中環怡和大廈Basehall foodcourt啱啱就進駐韓式餐廳-韓珍，即刻率先試吓。佢哋餐牌有唔少傳統韓式料理🇰🇷好似石鍋拌飯、豆腐海鮮湯、炸雞、飯卷等。🥩Bibimbap－特級牛肋條、五穀飯、自製醬汁 $158見到餐廳密密準備一個個鐵鍋，新鮮熱辣🔥拌飯份量十足，有牛肋肉、蘿蔔、翠玉瓜、生雞蛋等不少配料👍🏻牛肋肉厚切有咬口，食落富油脂感同肉香🤤拌飯底用上健康啲嘅五穀飯，口感軟糯。可以落自家製醬汁取代一般辣醬，醬汁酸酸咪咪，可以減低肉嘅膩感。附有湯同泡菜，泡菜幾清爽😚🍤海鮮嫩豆腐湯配飯 $88海鮮湯飯同樣份量十足，有蝦、魷魚等。豆腐好嫩滑😋湯底微辣，唔會太heavy。配菜有3款🥳🍹荔枝玫瑰冷泡茶 $38、水蜜桃冷泡茶 $38食泡菜等韓國嘢總係感覺有點重口味，飲番支好清新好香嘅冷泡茶就啱晒🥰推介指數（10分為滿分）：7.5分…查看更多

今日終於去到中環basehall，呢度好多選擇，行咗一個圈之後最終決定食呢間韓國餐，點餐個韓國姐姐超有禮貌，又好人，本身我哋想要炸雞，點知佢話全部都係炸嘅，所以夜晚好多時已經賣晒，咁唯有下次再食過啦，但係今日食咗幾樣嘢都真心覺得勁好食。第一樣就係Bibimbap，上面有幾塊超滑嘅豆腐，下面就有唔同種類嘅野菜，全部都好新鮮，亦都好香麻油味，焗飯亦都完全唔硬，配埋kimchi一齊食真係勁正！牛肋骨湯好夠味，唔使另外落鹽都已經覺得好正，口口嘅牛肋肉亦都好嫩！牛肉紫菜飯捲包得好結實，入邊有好香嘅紫蘇葉味！甜品就要咗兩個味道，一個係Espresso，另外嗰個就係Makgeolli，兩個都超好食，但我個人就覺得Makgeolli嗰個比較特別，但係其實兩隻都好濃味好creamy！飲品方面都叫咗兩款唔同嘅茶，一隻就係荔枝玫瑰，第二隻就係人參烏龍冷泡茶，想講個樽真係勁靚，仲要有埋佢哋個logo！味道都幾清新！…查看更多

豆腐野菜韓式石鍋拌飯$98人參雞湯$198水蜜桃冷泡茶$18黃金蕎麥冷泡茶$38韓式馬格利酒味手作雪糕$28韓式益力多味手作雪糕$28好味指數：😋😋😋😋抵食指數：💲💲💲💲💲環境舒適：😌😌😌😌環境衛生：🧹🧹🧹🧹🧹服務質素：💁🏼‍♀️ 💁🏼‍♀️ 💁🏼‍♀️ 💁🏼‍♀️同事月尾會去韓國🇰🇷首爾旅行。正在做資料搜集，但又遲遲未出發的她，好想吃韓國菜。所以午飯時間和她去了公司附近的food court 吃韓國菜。我們各點了一款主食、一樽茶及一個雪糕。豆腐野菜韓式石鍋拌飯好健康，有數款蔬菜，包括紅蘿蔔🥕、香菇🍄‍🟫、紫菜、翠玉瓜絲、芽菜等，另再加幾件煎香過的滑豆腐。鍋好熱，所以底部有點香脆可口的飯焦。與平時吃的石頭鍋飯不同，這餐廳不是配韓式辣豆瓣醬，而是配了自家製醬汁。醬汁味道不會太濃，不會蓋過蔬菜原有的味道。若食客嗜辣，可拌入泡菜。人參🐔雞湯用了整隻童子雞，內裡塞了糯米。另外，湯加了紅棗、雞蛋🥚絲、蔥等配料。童子雞燉得好腍。天氣開始轉涼，喝一口人參雞湯，整個人就暖起來。兩款沒有加糖的茶雪凍了，好解渴。膠樽較硬身，可保留著循環🔄再用。手作雪糕🍦口感幼滑，味道特別。尤其喜歡馬格利酒味，有微甜的香氣，酒味不會太重，又不會刺口。…查看更多

聽咗好耐E到嘅「封門柳」鐵板餐，今晚終於可以品嚐。大約8點到，原本想試一個牛、一個羊，可惜羊已沽清，服務員話星期一至四嘅呢個時候可能仲有，Friday nite 就比較多人好快已經賣晒。鐵板餐包一碗羅宋湯，一個餐包，同埋一杯佢哋好出名嘅Earl Grey 凍檸檬茶, 而喺counter度有炸起咗嘅薯條任食，不過就要self service, 另外佢個凍檸檬茶都係任飲，自己拎隻杯埋去斟就得，呢個10分欣賞，因為真係10分好飲👍🏻。封門柳每個餐有3大舊牛，第一舊少少根，第二舊冇根易啲食，第三舊好多根，根本食唔到，可惜😪。鐵板汁好味，仲有好多薯條。…查看更多

𖤐ˊ˗在怡和大廈的地庫，面積大，有許多出名的餐廳駐場，款式多元化，以暗沉色系為主，低調而奢華的裝潢風格。｡ﾟ･𖥸──────-ˋˏ 𝓜𝓮𝓷𝓾 ˎˊ-──────𖥸 ｡ﾟ･✎ ̼樂哥番茄咖哩牛脷飯＋ 伯爵薄荷凍檸檬茶 $85份量十足，厚切牛脷大塊而軟稔，帶有濃郁牛味，而咖喱則是胡椒味突出，拌飯一流，加上清新的檸檬茶，這個茶記出品一點也不隨便，性價比中上。‧̍̊˙· 𓆝.° ｡˚𓆛˚｡ °.𓆞 ·˙‧̍̊ ‧̍̊˙· 𓆝.° ｡˚𓆛˚｡ °.𓆞 ·˙‧̍̊…查看更多

每次去中環開會，就係機會俾我去食「珍姐餐廳」✌🏻近期比較鍾意去BaseHall嗰間，因為可以食到「番茄湯封門柳通心粉」🤤🤤。呢個係我嘅至愛，番薯湯底真材實料，多料湯濃👍🏻。而個「封門柳」真係冇得輸，每一啖都有豐富嘅牛肉味，好似食緊打邊爐咁，好正😍。個餐仲配有「多士」同「滑蛋」，我唔知佢點整，嗰塊多士好鬆脆，你一定忍唔住會食晒佢😋。最後，就係一杯佢哋signature嘅飲品，「伯爵薄椅檸檬茶」，茶膽做得好好，好香Earl Grey Tea味，每一杯都會加塊薄荷葉，帶出茶香，超級好飲👍🏻👍🏻…查看更多

Went here with my colleagues for lunch and decided to try JJ's Restaurant (珍姐餐廳). .I ordered Henry's Tomato Curry Ox Tongue Rice. The ox tongue was soft and tender, which complemented the savoury curry sauce subtly. The spiciness of the curry sauce was on point, and it paired well with the rice. My colleague ordered Pork Chop, Fried Eggs, Soy and Scallion Sauce Rice. The pork chop was well-seasoned and the sunny-side-up eggs were beautifully fried with a runny yolk. .The lunch set came with a glass of Earl Grey Mint Iced Tea. While the set was quite pricey,  the food tasted delicious. …查看更多

Base Hall 有分01及02, 两區不同裝修風格, 經走廊可相通, 中午嚟到兜左個圈, 間間都想試, 最後揀了以下幾款兩姊妹涼皮招牌涼皮+秋葵第一次食, 都幾清新, 一定要加少少辣撈嚟食, 因涼皮本身沒味, 涼皮滑嘟嘟, 口感ok, 簡單食材, 依個價錢就..NOCINO 選了COMBO B Main+dessert($158)Casarecce 意粉非常有咬口, 煙韌 又creamy, 每條麵都掛上濃濃芝士及蟹汁, 睇落普通, 但食到停唔到口Tiramisu好滑不太甜, 咖啡酒味輕微, 中規中矩,啱不太嗜酒嘅朋友Mashi No Mashi和牛丼睇見已忍唔住, 滑嫩和牛配蛋黃, 冇得輸,飯係珍珠米, 飯內有汁, 簡直完美, 同友人分享, 有啲唔夠喉, 下次要獨食珍姐樂哥番茄咖哩牛脷飯咖哩味有層次,好味！厚切牛脷夠稔, 大大碟,分量十足。…查看更多

本來想黎 basehall 個間韓國餐廳試素食bibimbap, 但係素食版已經無左, 行搵成個場好似都係Co Thanh 既野最啱食, 見天氣咁熱叫左個純素版越式冷麵($118), 材料有植物肉, 木耳, 花生, 青瓜, 醃蘿蔔, 香草, 我問過店員魚露係素純版, 可能Co Thanh 既米線比一般檬粉粗身掛汁容易就好入味。我仲叫左個Dark Roast Coffee Panna Cotta ($38), 意式奶凍(非純素) 好甜, 甜度等同煉奶咁甜, 但就因為面個層個Dark roast coffee 好苦, 撈埋一齊食又幾夾。本來想叫杯越南咖啡, 但佢地話無熱飲, 可惜。…查看更多

社畜小編今晚又做到披星戴月，想獎勵一下自己但又冇乜錢，就嚟咗附近被譽為最高級嘅food court——怡和大廈嘅 @basehallhk 。呢度有一間中環嘅人氣餐廳——珍姐 @bigjjseafood 。➡️餐包、羅宋湯所有嘅鐵板會先上前菜，包括左羅宋湯同餐包。牛油餐包唔算太特別，反而個羅宋湯幾令人驚艷，除咗有蕃茄蔬菜嘅甜味，同時間亦有好濃嘅牛味，相比起其他扒房感覺會更加足料。➡️招牌鑊仔封門柳鐵板餐 $248晚市佢主打係鐵板餐。佢雖然係food court，但係對於食品嘅質素控制得好好，佢係會等客人聽到部BB機響，嚟到之後先開始將舊肉放喺鐵板上面，以免客人太遲嚟到拎舊肉Overcooked左。同時間店員會將燒汁淋上，由於鐵板非常之熱，所以係一定唔會有渣渣聲，唔係food確揸流攤嘅鐵板。而鐵板亦會附上薯菜同佢哋獨家嘅珍姐燒汁。封門柳不嬲都係真姐嘅主打，喺呢度就唔係用打邊爐嘅方式呈現，而係用鐵板上。大約會有三細嚿嘅牛肉。牛肉嘅生熟到啱啱，好中間仲係紅紅地嘅顏色。封門柳雖然油脂比較少，但因為運動量唔大，所以肉質都好軟嫩，肉味香濃。味道：8/10➡️斧頭豬扒鐵板餐 $98好厚實嘅斧頭扒肉，份量好足，好厚身好大塊，切落去好軟身，有少少肥膏，好香嘅豬味，尤其骨嘅邊位。豬扒亦都係跟薯菜。呢度嘅薯條係經典嘅波浪形薯條，原本佢標配嘅薯條份量唔多，但好就好在佢可以出去任添。味道：8/10➡️ 伯爵薄荷檸檬茶呢個檸檬茶同一般港式檸檬茶唔同嘅地方係佢嘅檸檬酸味比較突出，同時間茶底唔係一般嘅紅茶，而係伯爵茶，會有少少嘅佛手柑味，茶嘅澀味亦唔會太重。整體係比較清新嘅一杯檸檬茶。總評整體來講，佢嘅鐵板餐都係非常之高質。由羅宋湯到肉同飲品，都係一絲不苟，絕對唔係一般嘅food court質素。當然佢都唔係一般food court嘅價錢，甚至比一般嘅港式扒房更加貴，但考慮到地點同質素，呢個價錢都算可接受幫襯一次嘅。服務：7.4/10抵食: 6.2/10環境：8/10BaseHall 01 (中環)中環康樂廣場1號怡和大廈LG樓LG9號舖 #hkig #hkfoodie #hkfood #hkeat #香港美食 #食評 #香港食評 #香港生活 #小紅書 #香港必食 #中環 #中環美食 #foodcourt #美食廣場#牛扒 #鋸扒 #封門柳 #斧頭扒 #鐵板 #扒房 #珍姐 #火鍋 #central #centralfood #soho #steak #tenderoin #bashall…查看更多