반찬앤쿡 Banchan and Cook (屯門市廣場1期) (已結業)

新式韓食店，環境打燈是超讚的～打卡一流！食物本身也不錯。🍝炸豬扒忌廉年糕，只略嫌年糕太軟身，沒有咬囗，豬扒有點硬，但整體味道是 ok 的，下次會試其他🍗韓式炸雞，對我來說太多汁醬！但朋友是超喜愛～雞炸得算是ok，皮脆肉嫩！我點的是有骨，慢慢嘆🍙芝士紫菜飯～芝士ok多有拉絲效果，飯就是混了韓式飯醬再卷紫菜。中意芝士，可以一試，我下次想試蛋包飯。整體來說，食物精緻，打卡吹水一流。食完返家即時開返套都敏俊C煲下❤️

韓風cafe成日都好吸引，蛋包飯同炸雞係必食之選，除咗經典食品，呢度仲有好多特色美食😍 炸芝士豬扒忌廉年糕 忌廉年糕好入味， 豬扒香脆加上芝士脆皮好美味 牛肝菌蛋包飯 🍳蛋包飯蛋蛋嘅味道濃, 牛肝菌忌廉汁又香又清新 海鮮煎蔥餅蔥餅已經好香，海鮮鮮同蔥比例好好，好有層次 玫瑰醬有骨炸雞配 初雪芝士炸雞🍗炸雞好香脆，入面有年糕同薯條，玫瑰醬汁好清香，甜甜蜜蜜好味道 韓式雜莓牛角包窩夫🍓🫐🧇多層酥皮嘅牛角包，做出來非一般嘅窩夫， 好鬆脆加上唔同嘅雜莓更加好味😋 盛夏冰爽西瓜檸檬梳打🍉炎炎嘅夏天西瓜檸檬梳打簡直透心涼 夏至士多啤梨香蕉奶昔🍓🍌香蕉配士多啤梨嘅奶昔好好味

Lunch唔知食乜好，之前經過見門面同餐牌都幾吸引都想試，今日finally 去try try！下午menu 比較平，份量都夠，不過如果以呢個食物quality我諗都係唔叫平，因為個risotto 真係唔得，汁同米分離，米比較硬身有啲未熟，但完全索唔到高湯或者佢嘅汁，米還米，汁還汁，最慘係佢原本個汁都唔夠香濃，除左有芝士碎係面令我知佢係芝士，食唔出芝士面，個汁係唔知乜味，比較淡，真係可以話係似新手睇食譜自己屋企試玩嘅菜色。至於隻蝦，味道都係普通前香過嘅味，不過好梅，冰鮮都唔一定代表咁梅，但真係梅到個頭啲肉爛左⋯⋯佢呢個價原本都唔會expect 食到出色嘅risotto ，但都希望係大眾餐廳質素，所以試過就算，都未必會有意欲試佢其他野。杯野飲都係7仔機沖個啲，比Starbucks pacific 個啲再淡啲，不過未算真係難飲，如果都係38蚊，唔會特登買🤣總結：唔難食，但唔好味，填飽肚係夠的，不過要填飽肚都仲有好多選擇！

Happy Friday 收工食韓國嘢，鍾意呢度座位舒適寬敞，單向卡位，淺啡色木係裝修，加上植物裝飾做點綴，好relax的Cafe。牛肝菌蛋包飯 $102黃色厚厚飽滿的蛋包飯，賣相超吸引。店員先用刀輕輕將蛋切開，嫩滑的雞蛋慢慢左右兩邊流開， 雞蛋下的白米飯，吸收了蛋汁，正。大大粒嘅新鮮冬菇好好味。如果牛肝菌汁再多啲就好啦😆玫瑰醬燴雞腿肉蛋包飯 $138呢款蛋包飯下面係炒飯，裏面還有大量的紅蘿蔔粒和翠玉瓜粒，口感爽脆。雞扒外皮煎到焦香有微微脆，雞腿肉好軟嫩，啖啖肉。燒醬油黑毛豬白切肉配大醬生菜 $162厚切片的黑毛豬肉，肥瘦相隔，燒到油光亮麗，大少少焦香，脆中帶軟嫩， 咬落油香四溢， 用新鮮爽甜生菜或紫蘇葉， 放上蒜蓉片和青辣椒片， 再塗上大醬汁一起吃， 口感清爽， 可解油膩感。玫瑰醬有骨炸雞 $118半份雞大約有七至八件雞肉。一來到炸到熱燙燙香噴噴，雞肉香脆軟嫩滑，充滿肉汁，但玫瑰味唔算太突出。低下的薯條仲係脆卜卜。韓式雜莓牛角包窩夫 $72雖然食到超級飽，最後都想試吓呢度新推出嘅甜品。牛角包窩夫，金黃香脆，每一口都充滿牛油香，加上酸甜的士多啤梨🍓和紅莓一齊食，味道層次提升。夏至士多啤

屯門牛喺屯門覓食☺️見到呢間好靚嘅餐廳，本身以為係Cafe!原來係韓國餐廳。由於我哋早去所以人多唔多，簡個靚位就坐低。餐廳選擇都好多。叫左杯咖啡同埋西瓜檸檬梳打。仲有薯仔前菜。叫咗個芝士豬扒年糕。鍾意食芝士嘅朋友唔好錯過，佢唔止用芝士醬，豬扒入面都係芝士。黑毛豬醬油包生菜😊哩個都好邪惡！生蒜青椒加泡菜包係生菜到。個口感岩岩好，有生蒜既辣，黑毛豬嘅香，配生菜既fresh!☺️人多真係要叫！當然唔少得佢最出名嘅蛋包飯☺️個豬好Juicy,同埋切個下好治癒☺️蛋好滑☺️玫瑰醬炸雞☺️打卡靚☺️好滿足☺️

那段期間，剛剛追完《社內相親》，對韓式炸雞的幻想及饑渴便直線上升。剛巧想到屯門市中心逛逛，見這家餐廳裝修漂亮，便給它一次機會。我們點了半份醬油蒜頭炸雞（無骨）和烤牛肉蛋包飯，飲品則加了錢，選了一杯朱古力咖啡和泡沫咖啡。醬油蒜頭炸雞：有點後悔點了無骨，鄰桌有骨的看似更有肉汁，無骨雖吃起來更方便，但是感覺只像在759買到的，那以氣炸鍋烹煮的韓式炸雞，甚至未夠它香。可是價錢卻不算相宜，份量不多。烤牛肉蛋包飯：蛋包飯端上時，侍應讓我們先拍個照，才切開蛋包，可見店舖對它的賣相很有信心！但味道實在平平，蛋包飯的靈魂應該是蛋，可是蛋香呢？倒不如在家庭式的韓國餐廳，點個特價客飯來得更爽快！至於飲品，喝咖啡膠囊可能更有味道呢！我想不會有下次了！

第一次食嘅係喺銅鑼灣嘅時候已經覺得好好食😋當知道屯門都有呢一間餐廳,即刻要試吓👅外型係米木色設計好小清新💓職員一開始仲會俾咗一個小食，係薯仔沙律🥗炸雞已經係第二次食！叫咗一個係蜜糖炸雞🍗蜜糖嘅甜度會比較偏甜，因為我自己本身都好鍾意食甜嘢所以我覺得接受到。炸雞炸到脆卜卜🤩肉質鮮嫩加埋蜜糖嘅甜味真係越食越想食🫣旁邊總會有啲粗嘅薯條，薯條炸到脆卜卜熱辣辣，就算凍咗都仲係好脆口😋仲有啲炸年糕！非常之豐富叫咗半份都係$108炸！超級抵食😆另一個係卡邦尼芝士豬扒年糕，面頭有幾塊炸芝士豬扒，外皮有啲硬有少少炸耐左，不過芝士夾豬肉係幾好食，年糕煙煙韌韌，配搭卡邦尼味道非常可口，不過食多幾啖已經開始有啲膩🫣叫咗一杯溶化朱古力飲品朱古力味道濃郁，有啲cream加朱古力碎，好好飲💝呢間餐廳價錢嚟講係性價比高👍🏻

今日和媽媽去屯門巿廣場食韓國嘢🇰🇷！我哋點了幾款韓國特色食品，分別有燒牛肉蛋包飯🌮（切開蛋奄列仍然有流心的👍🏻，牛肉有少少筋😒）、雪花芝士粉韓式炸雞🍗（炸雞炸得夠乾身，芝士粉混合了少少蜜糖，味道幾配合、👍🏻）、海鮮炒年糕（年糕份量頗多食極都食唔晒☺️）、紅豆鮮奶🧋、白桃🍑梳打等…

><韓國流行嘅玫瑰醬 其實係番茄忌廉辣醬由於呈粉色近似乾燥玫瑰才取其名玫瑰醬燴雞腿肉蛋包飯($138)店員切開蛋包 滑溜嫩蛋隨即包裹炒飯想喺屋企試下咁整燒醬油黑毛豬白切肉配大醬生菜($162)五花腩加埋青椒泡菜放喺生菜同紫蘇葉一啖擺入口 柔軟入味嘅白切肉好正玫瑰醬有骨炸雞($118/半份)炸芝士豬扒忌廉年糕($105)年糕柔軟唔係煙韌個款芝士豬扒好邪惡韓式雜莓牛角包窩夫($72)窩夫鬆化 配上雜莓解膩夏至士多啤梨香蕉奶昔($48)Smoothie 麵幾飽肚 酸酸甜甜青檸梳打($42)加咗蝶豆花 所以紫色><><><><><><><><><><><반찬앤쿡 Banchan and Cook屯門屯順街1號屯門市廣場一期2樓2253A,2253B,2255及2256A號舖

真係去開果邊如有Banchan&cook 就會想去食， 係我一間超愛嘅韓式cafe，因應季節節日而經常出新菜式，食極都唔會厭～～今次又試左新品，果然無失望清新香橙綠茶沙冰 起初望到有點衝擊，但原來橙沙冰拌入濃縮綠茶係work橙香清新又飲到茶回甘～roselatte第1次係呢度飲coffee，好出色、奶油好滑、好香玫瑰味又唔會好甜！燒醬油黑毛豬白切肉配大醬生菜每次都必點，皆因覺得佢同坊間嘅做法唔同，惹味Q彈、賣相又岩打卡！牛肝菌蛋包飯蛋包飯都係餐廳招牌，濃郁滑溜蛋好似棉被甘包裹住米飯，牛肝菌菇味突出又creamy烤雞卡邦尼年糕烤雞外皮烤到脆脆，肉質嫩滑年糕用上幼幼得特Q彈清爽番茜無骨炸雞無骨炸雞啖啖肉，將芫荽Blend 左做醬，荽味都濃烈韓式雜莓牛角包窩夫超愛佢地嘅牛角窩夫酥脆內裏有層次，加入玉桂增添香氣！

🥗慢煮雞胸沙律：$92慢煮雞胸非常淋，食落唔會痴牙。再配上沙律菜、車厘茄、西柚。非常fresh（食炸嘢熱氣野之前要食啲健康野🤣）🍝韓式卡邦尼意粉：$88意粉非常creamy 🤩非常卡邦尼！🤣超多菇同煙肉，然後食曬意粉食剩曬啲菇😅🤣。如果有埋溫泉蛋應該會更正！🍗甜辣炸雞&柑橘炸雞（各半份）點炸雞配的韓式前菜（蓮藕），超多塊。如果可以切薄片，相信會更易咬，更好味😋。香脆炸雞配上惹味可口醬料。另外亦附上兩款醬料（沙律醬？！有一款黃黃的，覺得味道有一點像吃Yoghurt的感覺？！哈哈）雖然炸雞本身已有甜辣/柑橘醬，建議先咬一口再沾這兩款沙律醬，再加上炸雞上有堅果、花生，一咬落去口感味道會更有不同層次。☕️ 聖誕包泡浴(升級套餐 +$12）這是聖誕特飲！本身被menu張相吸引，沒想到是以紙杯送來，有一點點失望😢。不過伯爵茶有驚喜，每飲一淡都有肉桂香，香味濃郁。值得一試！！！🍵 凍濟州綠茶鮮奶(升級套餐 +$12）飲品表面的綠茶粉再令綠茶牛奶更香濃！☕️凍伯爵茶鮮奶咖啡(升級套餐 +$12）香噴噴咖啡很香再配上濃濃的伯爵茶！———————————總結：餐廳四周都是芒草和乾花😍很漂亮！而且小編留意到店員

上星期去左屯市食韓國嘢，食客十枱有八枱係後生仔, 即刻覺得自己年輕左😍 當然，吸引到長長等位人龍必有原因。以植物為主的風格，周圍放滿人造花草，好似這幅楓葉牆，夠晒氣勢，打卡一流。新派韓國菜加入好多新元素，最估唔到係出現大量芫茜☘️，作為芫茜控既我表示大愛😍#清爽蕃茜無骨炸雞🐔青BB的芫茜出場，鋪在金黃炸雞上，特別搶眼。下層則是炸薯條🍟。炸雞香脆乾爽，味道調配得剛好，皮脆肉嫩，鋪上芫茜醬增加了清新感，中和了熱氣既感覺，青草香味立即令炸雞變得不再邪惡，縱然擺耐左都無變軟，夠特色又好味。#海鮮煎葱餅🌮加入葱粒就好似變左韓式蔥油餅咁，好香口，又唔會好似泡菜煎餅咁搶去海鮮既鮮味，香口惹味。#蕃茜海鮮蛋包飯🍛必食之選，脹卜卜色彩豐富既蛋包飯，內裡是茄汁炒底牛肉飯，切開時蛋汁傾瀉下來好壯觀。相當考大廚功力的菜式，加埋芫茜點綴☘️，口感更清新，很適合夏日。旁邊伴碟的海鮮也足料，開邊大蝦、青口、八爪魚🐙都好鮮彈，無論色彩同食材都好豐富。#烤雞卡邦尼年糕賣相雖然平平無奇，但味道有驚喜🤩。年糕軟糯煙韌，沾上creamy汁料，口感細滑。年糕的清加上卡邦尼醬的濃，味道配合得剛好，伴炸雞吃口感更好😋#雜莓窩夫牛角包🧇

平時好少食韓國菜，韓國咖啡店越開越多😛而且食物種類比較新穎，一於去試吓先牛肝菌蛋包飯 $102蛋包飯份量好多🤤一切開滑蛋流心，好滑好好好看看味啊如果加多啲蘑菇汁會更加好烤雞卡邦尼年糕 $92推介😛😛每條卡邦尼年糕口感煙煙韌韌，好掛汁😛卡邦尼醬汁同年糕好夾！好好味烤雞煎至香口，皮脆肉質嫩滑好食過一般韓式炒年糕啊無骨炸雞半份 $108清爽蕃茜味超正😛芫荽控必食外脆內嫩炸雞🍗配上番茜醬Perfect match!!!!!降低油膩感之餘，味道突出仲有年糕同薯條，都淋左少少芫荽蓉，好特別！海鮮煎煎餅 $89質素唔錯，薄餅唔油膩，好飽肚沾甜酸醬好味啲！韓式雜莓牛角包窩夫 $72🥐好鬆脆嘅窩夫牛角包麵團烤至脆身好香牛角包牛油味，味道甜甜地，好好味朱古力咖啡 $38咖啡加入香濃朱古力，朱古力味較濃🍫清新香橙綠茶沙冰 $48沙冰好fresh 🍃加入抹茶粉，味道清新又唔會好甜仲有一片橙可以篤下🤣

❤️‍🔥夏日炎炎我要韓風🇰🇷原來一間餐廳好味嘅話就真係會想食埋佢其他分店( ̀⌄ ́)上次喺東涌初嘗試之後原來屯門都有開分店！！咁就梗係試吓佢嘅seasonal推介先來一份韓式前菜咪睇佢紫色粉紅咁樣識落原來係沙律醬味嘅紅菜頭😚有趣佢係跟清爽蕃茜炸雞嘅前菜再嚟一份韓式豬手沙律豬手溫溫熱熱 有別於一般凍冰冰嘅沙律o(^▽^)o當我哋最鍾意嘅係靠雞卡邦尼年糕😜因為佢嘅芝士味香濃而唔油膩年糕細細粒 非常有嚼勁主菜就有牛肝菌蛋包飯店員仲會事先詢問你需唔需要切開 睇你想相機食先定自己食先🤪（＾∇＾）甜品就叫咗韓式雜莓牛角包窩夫croffle呢個配搭聽咗好多次但真係第一次食♪(´ε｀ ) 牛油香 正最後叫返杯清新香橙綠茶沙冰🍊仲有溶化朱古力🍫真係감사합니다🤤맛있어요🫣📍Banchan & Cook @banchancook 屯門屯順街1號屯門市廣場一期2樓2253A,2253B,2255,2256A號鋪#banchan&cook #芝士拉絲 #coffeetime #炸雞 #屯門美食

每次經過那cafe般的韓國料理餐廳，都不禁吸引我注目，那晚終相約閏蜜一試，放工後吃一頓豐富的晚餐份外滿足。以淺啡色為主的設計有種cafe感，加上植物的點綴增添秋天氣息，餐廳亦善用中央位置設單向卡位，坐單向座位的我倆覺得有私人度之餘，空間亦十足。切蛋儀式簡單而隆重，輕輕刀介下蛋分開呈流心餡包裹珍珠米，流心蛋沒有調味更顯鮮蛋香，加上牛油炒雜菇清新又不會喧賓奪主，不過米飯質地偏硬乾身。不是芫茜控的我都喜歡此番茜醬，更略嫌份量不足，未能沾上所有炸雞及薯條，醬汁杰身帶絲絲芫茜，淡然芫茜味帶清新感無草清味，炸物即叫即炸滾燙呈黃金色，炸雞雞肉嫩滑藏少許肉汁。賣相與比例如小食多於沙律，豬手肉嫩皮爽彈牙，醃有韓式醬油輕鹹入味，配酸汁沙律減飽溜。卡邦尼醬香濃忌廉奶香，每件年糕充滿creamy醬汁而不溜，燒雞扒皮燒至香脆有炭燒味，雞肉嫩滑，只略欠肉汁。在打包的情況下也不忘點個甜品試試，將牛角包與窩夫結合同時滿足到我倆，牛角包質地的窩夫多一份鬆化烘麵包香，配以忌廉及生果增加濕潤度與順滑口感。眼闊肚窄的我把餘下的打包回家，又食又拎，傾傾少女心事的晚上更為愉快。現在一邊吃著打包回家的美食，一邊打食評，回味味道同時