Atelier Gute by A-1 Bakery

营业中

休息中

今日食完香辣屋,0係度食0左2球雪糕,好抵食,做緊特價,16蚊有2球.我叫0左豆腐同荔枝味,個豆腐冇咩豆腐味,不過勝在雪糕夠實,荔枝味就似維他荔枝汁0既味,都ok好食~佢仲有好多味道選擇,有綠茶,菠蘿,栗子,芝麻,咖啡...都差唔多廿款

星期六去左新城市..又去買面包食,見佢D面包真係一次細過一次,而且有D仲加左價,加幾毫子事少,但係佢既SIZE仲要縮水;好似我好中意既花兒包,以前只係$3.8,而家要4蚊啦,咁都唔緊要,細個左不特止,仲要無晒果D好好味既邊邊,我見到果D staff係個鐵盤度拎出黎時特登唔起果d邊邊出黎,真係唔知點解;仲有啊..d吞拿魚包又無以前咁好味,好耐以前星期日一定去沙田飲茶,仲會黎a1買埋星期一既早餐,我次次都係要吞拿魚包架,食唔厭,而家食唔番果種味lu,果時好大個架..(反而同集團既beckenheim價錢雖然較貴,但係佢好大個架,水準亦保持得好好添)

佢好多款包都好好食, 我自己本身就比較鍾意冇餡0既包0既..推介合桃包, 芝麻卷, 芝士卷, 花兒包, 合桃方包, 杏仁蝴蝶酥另外,火腿賓士, 日式紅豆卷, 種籽肉鬆包都好食~

去親新城市都會去買佢既bread,由其佢既花兒包,真係好食啊..唔係太甜,最中意佢d邊邊,岩岩焗出黎係脆架..好正,另外個蝴蝶杏仁酥都好好味;雪糕都唔錯,抵食,最中意佢個紅茶口味.但係已經無出好耐,真係幾失望!!

美則美矣，但差不多全部試過，沒有一隻覺得特別好食囉～掛念甜品時，都可以頂癮o既～

雖然佢d包包有d貴但真係好好食~好似一個花花包$3.8 ja~chocolate cake $7等...今次俾我食到一個叫麵包布丁$10好好味,食半個已經好飽啦不過又係不夠凍...因為佢放左出o黎sell

即場有位阿姊煎腸做熱狗，新鮮熱辣，幾好味。只差個包"un" 左d。$12一隻熱狗。

上次食過佢o既蛋沙律蕃茄三文治，睇落好似好好食，但食落就好難食，d 蛋沙律好咸，咸到食唔落，蕃茄又只得兩小塊，實在失望。一直以來，我都覺得佢出d 包好正，好味，但估唔到佢d 三文治係咁，下次都唔好試